Presidenti ukrainas do të udhëtojë për në Kapitol, ku do të zhvillojë takime me lidershipin e Kongresit dhe krerët e Komiteteve të Sigurisë Kombëtare nga partitë Demokratike dhe Republikane, raporton Punchbowl News duke cituar burime të mirëinformuara.

Gjatë udhëtimit, që do të ishte vizita e parë e jashtë Ukrainës për Zelensky-n që kur Rusia pushtoi Ukrainën më 24 shkurt, presidenti ukrainas pritet të flasë në një sesion të përbashkët të Kongresit.

Më herët të martën, kryetarja e Dhomës së Përfaqësuesve të SHBA-së, Nancy Pelosi tha se do të ketë një seancë të Kongresit të mërkurën mbrëma, e cila do të ketë “një fokus shumë të veçantë te demokracia”.

Vërejtjet e Pelosit, të cilat erdhën në një letër, nuk e laboruan se për çfarë do të bëhej seanca. Zyra e saj nuk iu përgjigj menjëherë një kërkese për koment mbi vizitën e raportuar nga Zelensky

The post E papritur, Zelensky do të dalë jashtë Ukrainës për herë të parë që nga fillimi i luftës appeared first on Albeu.com.

Lufta ka vrarë mijëra njerëz, ka zhvendosur miliona të tjerë. Perëndimi ka vendosur sanksione të rënda financiare kundër Rusisë, të cilat Putin thotë se janë një arsye për të ndërtuar lidhje më të forta tregtare me fuqi të tjera si Kina, India dhe Irani.

Pavel Zarubin, korrespondenti i televizionit shtetëror Rossiya 1 në Kremlin, tha se Putin do të vizitojë Taxhikistanin dhe Turkmenistanin dhe më pas do të takohet me presidentin indonezian Joko Widodo për bisedime në Moskë.

Në Dushanbe, Putin do të takohet me presidentin e Taxhikistanit, Imomali Rakhmon, një aleat i ngushtë rus dhe sundimtari më jetëgjatë i një shteti ish-sovjetik. Në Ashgabat, ai do të marrë pjesë në një samit të vendeve të Kaspikut, duke përfshirë liderët e Azerbajxhanit, Kazakistanit, Iranit dhe Turkmenistanit.

Udhëtimi i fundit i Putinit jashtë Rusisë ishte një vizitë në Pekin në fillim të shkurtit, ku ai dhe presidenti kinez Xi Jinping nënshkruan një traktat miqësie “pa kufij” disa orë përpara se të dy të merrnin pjesë në ceremoninë e hapjes së Lojërave Olimpike Dimërore.

The post Për herë të parë nga fillimi i luftës, Putin mund të dalë nga Rusia appeared first on Albeu.com.