Milani ka marrë një qëndrim të prerë ndaj Fikayo Tomorit, Youssouf Fofanës dhe Santiago Gimenezit, të cilët rrezikojnë të mbeten jashtë skuadrës për sezonin 2026/27 nëse nuk gjejnë një klub të ri gjatë kësaj vere.

Sipas La Gazzetta dello Sport, drejtuesit kuqezi planifikojnë ta lënë treshen jashtë ekipit për të gjithë sezonin, pasi lojtarët nuk kanë pranuar ende të largohen, edhe pse janë informuar se nuk bëjnë pjesë në planet e klubit.

Trajneri i ri, Ruben Amorim, i konsideron të tre futbollistët jashtë nevojave të skuadrës. Për këtë arsye, emrat e tyre nuk janë përfshirë në listën e Milanit për sezonin e ri.

Klubi italian synon të realizojë një transferim përfundimtar të Tomorit, i cili ndodhet në vitin e fundit të kontratës.

Për Gimenezin dhe Fofanën, Milani është i gatshëm të shqyrtojë mundësinë e huazimit, për sa kohë marrëveshjet përkatëse arrihen përpara skadimit të afatit më 1 shtator.

The post Milani lë jashtë planeve Tomorin, Fofanën dhe Gimenezin: pa largim, përjashtohen gjatë gjithë sezonit appeared first on Albeu.com.

Juventusi ende nuk e ka mbyllur fushatën e transferimeve dhe drejtuesit e klubit synojnë të realizojnë deri në tri afrime të tjera përpara përfundimit të merkatos së verës.

Skuadra e drejtuar nga Luciano Spalletti ka siguruar deri tani gjashtë lojtarë, ndërsa në ditët e fundit të afatit kalimtar duhet të zgjidhë edhe çështjen e largimeve të mundshme.

Guglielmo Vicario, John Lucumi, Zeki Celik, Jeff Ekhator, Kerim Alajbegovic dhe Randal Kolo Muani janë bërë pjesë e ekipit, ndërkohë që Douglas Luiz është rikthyer pas përfundimit të huazimit te Aston Villa.

Sipas Tuttosport, klubi torinez dhe trajneri Spalletti po shqyrtojnë mundësinë e tre përforcimeve të tjera, me Fikayo Tomorin, Franck Kessien dhe Joshua Zirkzee në krye të listës.

Interesimi për sulmuesin 25-vjeçar të Manchester United, Zirzkee, lidhet drejtpërdrejt me situatën e Jonathan David.

Gazeta italiane raporton se largimi i kanadezit nga Torino do ta shtynte Juventusin të tentonte transferimin e holandezit. Në këtë skenar, Zirkzee mund të largohet nga Old Trafford përmes një huazimi para mbylljes së merkatos.

Franck Kessie mbetet objektivi kryesor për repartin e mesfushës. Futbollisti nga Bregu i Fildishtë është aktualisht i lirë, pasi aventura e tij në futbollin e Arabisë Saudite ka përfunduar, dhe po pret të shohë lëvizjet e Juventusit përpara se të vendosë klubin e ardhshëm.

Për Kessien ka interes edhe nga Al-Ittihad, ndërsa Juventusi e konsideron Youssouf Fofanan, mesfushorin e Milanit, si alternativë. Megjithatë, përpara se të shtojë një tjetër lojtar në atë repart, drejtuesit duhet të krijojnë hapësirë në skuadër.

Në mbrojtje, Fikayo Tomori është rikthyer në listën e mundësive të Juventusit. Qendërmbrojtësi anglez i Milanit kishte qenë më herët në vëmendjen e klubit dhe situata e tij po analizohet sërish në këto ditë të fundit të afatit kalimtar.

Për krahun e majtë po ndiqet gjithashtu David Raum. Mbrojtësi gjerman është pjesë e RB Leipzig dhe shihet si një tjetër alternativë për forcimin e repartit defensiv, i cili këtë verë është përforcuar me Lucumin dhe Celikun.

Vështirësia për të finalizuar afrimet e reja lidhet me nevojën për të sistemuar largimet. Pas Dusan Vlahovic, Lois Openda, Vasilije Adzic, Filip Kostic, Emil Holm dhe Joao Mario, disa futbollistë të tjerë vazhdojnë të jenë pranë largimit nga klubi.

Juan Cabal, Federico Gatti, Daniele Rugani, Arthur Melo, Nico Gonzalez dhe Jonathan David janë ndër emrat, e ardhmja e të cilëve mbetet e paqartë. Pas ardhjes së Vicarios, lëvizje të mundshme janë raportuar edhe rreth Michele Di Gregorio dhe Mattia Perin.

The post Juventusi synon edhe tri përforcime për të hyrë në garën për Scudetto appeared first on Albeu.com.

Gianluca Di Marzio bën të ditur se Juventusi po e mban nën vëzhgim të vazhdueshëm Fikayo Tomorin, ndërsa vlerëson mundësinë për ta afruar mbrojtësin e Milanit përpara se të përfundojë afati kalimtar.

Bardhezinjtë po i kushtojnë vëmendje listës së futbollistëve që Milani ka nxjerrë në shitje dhe, në rast se arrijnë të lirojnë hapësirë në qendër të mbrojtjes, mund të provojnë një goditje për Tomorin.

Sipas raportimeve, Tomori e ka humbur besimin te Milani pas transferimit të Mario Gilas, ndërsa mbrojtësi 28-vjeçar tashmë shihet si i tepërt për ekipin dhe është përfshirë në listën e largimeve.

Drejtori sportiv i Juventusit, Ricky Massara, e njeh shumë mirë anglezin, sepse kishte një rol të rëndësishëm në transferimin e tij te Milani. Ai vazhdon ta vlerësojë lart Tomorin dhe nuk përjashton mundësinë që ta ribashkojë me të në Torino.

Megjithatë, para se të paraqesë një ofertë serioze për Tomorin, Juventusi duhet fillimisht të heqë qafe disa nga mbrojtësit e vet.

Milani po bëhet gjithnjë e më i hapur ndaj një shitjeje të Tomorit, pasi anglezi ka hyrë në vitin e fundit të kontratës së tij, e cila përfundon në vitin 2027.

Rossonerët, sipas informacioneve, janë të gatshëm të pranojnë 15 deri në 20 milionë euro për mbrojtësin, në mënyrë që të mos rrezikojnë ta humbin atë pa kompensim verën e ardhshme.

Milani do të parapëlqente ta shiste Tomorin jashtë Italisë, por Juventusi nuk është i vetmi klub nga Serie A që po e ndjek situatën e lojtarit.

The post Fikayo Tomori në radarët e Juventusit për afatin kalimtar appeared first on Albeu.com.

Ruben Amorim u ka komunikuar tre futbollistëve të Milanit se mund të largohen gjatë kësaj vere, ndërsa për shërbimet e tyre interesohen disa klube angleze.

Tekniku portugez mori drejtimin e “Rossonerëve” vetëm pesë muaj pasi u shkarkua në janar nga Manchester United, ku kaloi një periudhë zhgënjyese prej 14 muajsh.

Amorim zëvendësoi Massimiliano Allegrin në stolin e Milanit dhe firmosi një marrëveshje trevjeçare me klubin.

Deri në këtë fazë të merkatos verore, Milani ka realizuar tre përforcime. Lëvizja më e rëndësishme ishte afrimi i Goncalo Ramos nga Paris Saint-Germain për një shumë prej rreth 69 milionë eurosh.

Për të krijuar mundësi për investime të tjera në skuadër, Amorim duket se duhet të reduktojë grupin aktual duke larguar disa lojtarë.

Fabrizio Romano raporton se Fikayo Tomori, Youssouf Fofana dhe Christopher Nkunku janë përfshirë në listën e futbollistëve të nxjerrë në shitje.

Në humbjen 3-0 që Milani pësoi kundër Chelseat më 8 gusht, Tomori dhe Fofana nuk u aktivizuan. Mungesa e tyre mund të shërbejë si tregues për rolin që do të kenë në planet e Amorimit.

Në të njëjtën ndeshje, Nkunku hyri në fushë gjatë pjesës së dytë përballë ish-klubit të tij, duke zënë vendin e Rafael Leaos. Për transferimin e francezit, Milani raportohet se kërkon rreth 39 milionë euro.

The post Amorim nis revolucionin te Milani, tre futbollistë dalin në merkato appeared first on Albeu.com.

Fikayo Tomori është rikthyer në listën e dëshirave të Juventusit, rreth 18 muaj pasi përpjekja e parë për ta afruar nuk u realizua, sepse vetë futbollisti nuk pranoi të transferohej në Torino.

Sipas Gazzetta dello Sport, drejtuesit bardhezi po e shqyrtojnë sërish me serioz emrin e mbrojtësit të Milanit, duke vlerësuar eksperiencën e tij dhe faktin se ai e njeh mirë futbollin italian, një profil që i përshtatet asaj që kërkon trajneri Luciano Spalletti.

Megjithatë, çdo hap i Juventusit në këtë drejtim lidhet me lëvizjet në dalje gjatë verës. Prioriteti i klubit është që fillimisht të ulë numrin e lojtarëve në organikë, përpara se të bëjë afrime të reja.

Në mesin e emrave që mund të largohen është Federico Gatti, i cili ka humbur statusin e titullarit për shkak të konkurrencës me Bremer dhe po kërkon më shumë hapësira në fushë. Situata e tij po ndiqet nga Napoli dhe disa skuadra turke.

Në rast se Gatti largohet, Juventusi pritet të shtyjë më fort përpara bisedimet për Tomorin.

Mbrojtësi anglez është i lidhur me Milanin me kontratë deri në verën e vitit 2027, por afrimi i mbrojtësit Mario Gila mund t’ia ngushtojë vendin në formacionin bazë, gjë që mund ta bëjë këtë herë më të prirur për një kalim në Torino.

Për Milanin, një shitje e Tomorit do të sillte të ardhura të konsiderueshme, ndërsa Juventusi e sheh atë si një mundësi të favorshme në merkato, sapo të krijojë hapësirën e domosdoshme në skuadër.

Që prej transferimit te Milani në vitin 2021, Tomori ka regjistruar 214 paraqitje, ka realizuar shtatë gola dhe ka qenë një nga pikat kryesore të mbrojtjes kuqezi, duke ndihmuar në fitimin e Scudettos në vitin 2022 dhe të Superkupës së Italisë.//

The post Juventusi e rikthen në radar Tomorin, por transferimi kushtëzohet nga një largim appeared first on Albeu.com.

Qendërmbrojtësi anglez ka shkëlqyer në vitet e fundit te Milani, megjithatë klubi italian nuk e përjashton shitjen e tij gjatë afatit kalimtar veror.

Ka qenë mediumi italian Calciomercat që ka raportuar se Rossonerët janë duke menduar shitjen e yllit anglez nëse vije oferta e duhur dhe ata tanimë i kanë caktuar çmimin e largimit.

Gjithnjë sipas mediumit italian, Milani po kërkon 47 milionë euro për ta lejuar largimin e qendërmbrojtësit anglez.

26-vjeçari është i hapur për një aventurë të re, derisa ai ndodhet në listën e gjigantit gjerman Bayern Munich.

Megjithatë interesim për Tomorin ka shprehur edhe Newcastle United, West Ham United dhe Evertoni.

Tomori ka tre vite e gjysmë që është pjesë e Milanit, derisa sezonin e fundit ai ka zhvilluar 35 ndeshje ku ka shënuar edhe katër gola. /Telegrafi/

The post Tomori nuk është më i paprekshëm te Milani, Rossonerët i caktojnë çmimin e largimit appeared first on Albeu.com.

Mbrojtësi u tërhoq duke shtrënguar pjesën e pasme të kofshës gjatë barazimit 2-2 me Salernitana të premten në mbrëmje.

Menjëherë u bë e qartë se ky ishte një lëndim serioz dhe ai u largua nga ndeshja në stadiumin Stadio Arechi.

Tani testet mjekësore kanë konfirmuar një lezion miotendinoz në bicepin e djathtë të femurit.

Ky lloj dëmtimi tenton të kërkojë të paktën dy muaj jashtë veprimit, megjithëse për momentin nuk duket se do të kërkojë ndërhyrje kirurgjikale.

Është një goditje shkatërruese për një nga lojtarët e vetëm të mbetur në skuadër që kishte arritur të shmangte një dëmtim deri më tani këtë sezon.

Tomori i bashkohet Tommaso Pobega, Pierre Kalulu, Malick Thiaw, Marco Pellegrino, Yunus Musah dhe Noah Okafor në listën e lëndimeve.

Kjo e lë mbrojtësin danez Simon Kjaer si qendërmbrojtësin e vetëm në dispozicion të trajnerit Stefano Pioli. /Telegrafi/

The post Goditje e rëndë për Milanin, Tomori mbetet dy muaj jashtë fushave appeared first on Albeu.com.

Fikayo Tomori i cili shënoi golin e parë për kuqezinjtë, u detyrua të linte fushën e loëjs në minutën e 65’ të sfidës për shkak dëmtimi. Teksa pas analizave të bëra së fundmi, anglezi do të jetë jashtë fushave për 4 javë.

Tomori vuan nga një problem në bicepsin e këmbës së djathtë dhe ky lloji dëmtimi kërkon kohë tu rikuperuar. Me këtë dëmtimin, Pioli bëhet më “dhimbje koke” duke patur parasysh që të dëmtuar janë edhe dy qendërmbrojtësit e tjerë, Kalulu dhe Thiaw. /Newsport.al/

The post U dëmtua në ndeshjen ndaj Salernitanas, ja sa do të mungojë Fikayo Tomori appeared first on Albeu.com.

Në një intervistë të zhvilluar ditën e sotme, mbrojtësi i Milanit, Fikayo Tomori ka folur për rolin e Zlatan Ibrahimovic në skuadër.

“Ka djem me super përvojë si Zlatan. Unë e di se çfarë po mendoni dhe po, ai është saktësisht i njëjtë në jetën reale.

Më kujtohet kur erdha për herë të parë në Milano, ai më pyeti se ku po qëndroja. Pastaj më tha që jemi fqinjë. Ai tha: “Po, unë jetoj në pallatin ngjitur me ju. Apartamenti im është në majë … në mënyrë që Zoti të ruajë qytetin e tij.

Por ai është gjithashtu djali më i fortë, më i shtyrë dhe më fleksibël në ekip – edhe në moshën 41-vjeçare. Ai është thjesht një makinë. Nuk ka fjalë tjetër për ta përshkruar atë. Dhe ai gjithmonë flet me zërin e lartë të Zlatanit, duke mbajtur fjalime dhe duke dhënë këshilla. Ju shikoni video të çuditshme në rrjetet sociale. E shohim me sytë tanë, çdo ditë.

Në ndeshjet e fundit të sezonit të kaluar, ai na ndihmoi të ruajmë gjakftohtësinë tonë. Më kujtohet se si në ndeshjen finale shkuam në një pushim duke çuar në Sassuolo 3-0. Nuk mendoj se kam qenë ndonjëherë kaq i lumtur në jetën time. I shikova shokët e mi të skuadrës, duke buzëqeshur sikur ne tani.

Por unë mendoj se Zlatan vuri re se disa prej nesh u tërbuan pak në atë moment dhe tha: “Askush nuk duhet të buzëqeshë akoma!!! Kanë mbetur edhe 45 minuta!!!” Ne pushuam së buzëqeshuri. Dyzet e pesë minuta më vonë ishim kampionë”,- është shprehur Tomori. /albeu.com

The post Fikayo Tomori: Ibrahimovic është djali më i fortë, më i vendosur dhe fleksibël në Milano appeared first on Albeu.com.