Bylisi ka bërë të ditur afrimin e Fidan Sherifit, një futbollist i ri me profil defensiv, i cili vjen nga futbolli i Maqedonisë së Veriut.

Mbrojtësi 18-vjeçar luan në qendër të repartit defensiv dhe është pjesë e kombëtares U21 të Maqedonisë së Veriut. Ai ka krijuar përvojë me moshat në këtë vend, ndërsa tashmë do të vijojë karrierën te skuadra ballshiote.

Bylis militon në Kategorinë e Parë dhe objektivi i klubit është ngjitja në Superiore. Sipas njoftimit të bërë publik, Sherifi pritet të sjellë më shumë cilësi dhe forcë në mbrojtjen e ekipit.

Klubi i Bylisit i ka uruar mirëseardhjen talentit shqiptar në familjen kuqe e bardhë.

The post Bylis përforcon mbrojtjen me një talent shqiptar nga Maqedonia e Veriut appeared first on Albeu.com.