“Deklaratat e pabaza të Federatës së Futbollit të Serbisë, që synuan ta paraqesin pjesëmarrjen tonë si diçka jashtë interesit të futbollit, nuk kanë asnjë bazë dhe vetëm sa dëshmojnë tendencën e vazhdueshme të përzierjes së politikës në sport nga ana e Serbisë. FFK-ja gjithmonë ka përfaqësuar interesat e futbollit të Kosovës dhe do të vazhdojë të punojë për zhvillimin dhe avancimin e lojës së futbollit, duke mbajtur marrëdhënie të shkëlqyera me institucionet ndërkombëtare”, thuhet fillimisht në deklaratën për shtyp të institucionit më të lartë të topkëmbës kosovare.

“E kuptojmë se prania e delegacionit të Kosovës në kryeqytetin serb, si dhe fakti që flamuri i shtetit tonë valëviti përkrah atyre të shteteve të tjera, vazhdon të jetë i papranueshëm për politikën dhe një pjesë të opinionit në Serbi. Megjithatë shteti i Kosovës është një realitet i pakthyeshëm dhe sa më shpejt që ta pranojnë këtë, aq më shpejt do të kontribuojnë në normalizimin e marrëdhënieve sportive dhe shtetërore.

Sa i përket pretendimeve për largimin e flamurit shtetëror të Kosovës gjatë punimeve të Kongresit, theksojmë se Kosova ishte e përfaqësuar zyrtarisht me simbolet e saj shtetërore, njësoj si çdo anëtare tjetër e UEFA-s. Çdo veprim i mundshëm në përfundim të mbledhjes, kur presidenti i FFK-së nuk ishte më në sallë, nuk e ndryshon faktin se Kosova ishte dhe mbetet pjesë e barabartë e këtij organizimi, ashtu siç është në familjen e futbollit evropian dhe botëror”, ka përfunduar deklarata e Federatës së Futbollit të Kosovës, që u prezantua e barabartë në shfaqen e simboleve ashtu si të gjitha shtetet e këtij kontinenti në UEFA.

The post FFK-ja reagon për heqjen e flamurit në Beograd appeared first on Albeu.com.

FFK ka njoftuar se komisioni i Shkallës së Parë për Licencimin e klubeve për garat e UEFA-s, ka marrë vendimet në lidhje me procesin licencues për edicionin 2024/25 të garave të UEFA-s.

Për licencim për garat e UEFA-s kanë aplikuar 7 klube nga Superliga e meshkujve dhe 1 klub nga Superliga e femrave.

Nga 8 klube, sa e kanë nisur procesin e licencimit, 7 prej tyre janë licencuar, kurse një nuk është licencuar.

Klubet e licencurara janë: FC Ballkani, FC Drita, FC Llapi, FC Malisheva, FC Prishtina dhe SC Gjilani nga futbolli i meshkujve, ndërsa KFF Mitrovica nga futbolli i femrave.

FFK ka njoftuar gjithashtu se klubi i vetëm që nuk ka marrë licencën për garat e UEFA-s për edicionin 2024/25 është: KF Dukagjini nga Klina.

Ndryshe, Kosova i dërgon katër ekipe në garat ndërkombëtare nga futbolli i meshkujve, ku Ballkani, Drita dhe Llapi e kanë siguruar, ndërsa vendi i fundit synohet nga Malisheva dhe Prishtina. /Telegrafi/

The post Federata e Futbollit e Kosovës licencon shtatë klube për garat evropiane appeared first on Albeu.com.

Kjo ndeshje do të regjistrohet si e luajtur, por pikët dhe golat nuk do të numërohen.

Vllaznia e Pozharanit kishte fituar me rikthim në rezultat nga 2-1 në 3-4 përballjen ndaj Ulpianës.

“Komiteti Ekzekutiv sqaron opinionin se komisionet dhe organet përkatëse do të vendosin konform fakteve dhe rregulloreve të FFK-së dhe ligjit të aplikueshëm. KE siguron të gjithë se FFK-ja është e përkushtuar që ta mbrojë integritetin e garave dhe rregullsinë e tyre në të gjitha nivelet garuese”.

“Prandaj, duke pasur parasysh edhe ndeshjet e xhiros së fundit dhe inicimet nga Komisioni i Garave, KE i FFK-së i jep mbështetje të plotë komisioneve të veta, atij të Garave dhe atij Disiplinor, si dhe institucioneve ligjzbatuese që t’i analizojnë në detaje çdo fakt dhe pretendim dhe të marrin vendime të drejta konform rregulloreve dhe ligjit të aplikueshëm”, thuhet në njoftimin e FFK-së.

Komiteti Ekzekutiv, sipas njoftimit, do të mbrojë edhe klubet, por vetëm kur janë në rregull.

“KE i FFK-së zotohet se do të jetë gjithmonë në mbrojtje të interesit të futbollit, për çka edhe është i thirrur. Kur themi interesin e futbollit, gjithsesi edhe interesin e klubeve, por vetëm atëherë kur gjithçka shkon në rregull e konform rregullave të lojës, në të kundërt do të ketë zero tolerancë ndaj çdo veprimi apo dukurie negative”, përfundon komunikata e FFK-së.

Të dy klubet e apostrofuara janë në procedurë disipinore dhe pritet të dënohen për kurdisjen e ndeshjes. /Telegrafi/

The post Krerët e FFK-së premtojnë zero tolerancë ndaj kurdisjeve të ndeshjeve appeared first on Albeu.com.

Federata e Futbollit e Kosovës, ka publikuar pamje të renovimit të Stadiumit Olimpik “Adem Jashari” në Mitrovicë.

“Punët në këtë stadium janë duke u zhvilluar me intensitet të lartë.

Investitor i punëve në këtë stadium është MKRS”, thuhet në njoftimin e FFK-së.

Sipas FFK-së, ky stadium pas rinovimit do të jetë i kategorisë së katërt të UEFA-s.

The post FFK: Punimet në stadiumin ‘Adem Jashari’ po zhvillohen me ritëm të lartë appeared first on Albeu.com.

Një urim të veçantë ia ka kushtuar Federata e Futbollit të Kosovës me anë të një postimi në rrjetin social “Facebook”.

“Urime ditëlindja e 3️⃣0️⃣ kapiten! ??? Shpresojmë që ky vit të sjellë suksese të mëdha për ju dhe për Kombëtaren e Kosovës ⚽️??. Suksese dhe lumturi në rrugëtimin tuaj”, thuhet në urimin e FFK-së.

Ndryshe, Rrahmani këtë sezon ka zhvilluar gjithsej 19 paraqitje në Serie A duke shënuar një gol, dhe aktualisht skuadra e tij ndodhet në pozitën e nëntë në renditjen tabelare, me 36 pikë të mbledhura pas 24 xhirosh në Kampionat.

The post Amir Rrahmani feston ditëlindjen, FFK me urim të veçantë për kapitenin appeared first on Albeu.com.

Ndeshja që ishte e vlefshme për kualifikimet e Kampionatit Evropian ishte fituar nga Kosova 1-0, ndërsa fishkëllima kishte para ndeshjes dhe kur u intonua himni i Izraelit.

Vendimin për ta gjobitur FFK-në e mori Komisioni i UEFA-s për kontroll, etikë dhe disiplinë, më 12 dhjetor të vitit të kaluar dhe për këtë gjë FFK-ja nuk bëri asgjë publike.

Nuk është dënimi i vetëm ndaj Federatës së Futbollit të Kosovës që nuk është bërë publik nga kjo organizatë.

FFK-ja ishte gjobitur me 10 mijë euro nga Komisioni i Kontrollit, Etikës dhe Disiplinës i UEFA-s edhe për futjen në fushë të shikuesve të Kosovës në ndeshjen ndaj Zvicrës në Bazel, më 18 nëntor, por që pas ankesës ky dënim u largua për tu zëvendësuar me vërejtje, shkruan Koha.

Po ashtu dënim është marr edhe për ndeshjen Kosovë – Bjellorusi, e zhvilluar më 21 nëntor në Prishtinë. 7 mijë euro FFK mori dënim për sjellje të pahijshme të ekipit, kurse 10 mijë euro për futje të shikuesve në fushë.

Për fyerje ndaj zyrtarit të ndeshjes, Sahit Salihu është suspenduar me dy ndeshje, ndërsa për sjellje josportive, Bajram Shala është suspenduar me një ndeshje nga Komisioni për Kontroll, Etikë dhe Disiplinë të UEFA-s në muajin dhjetor.

FFK-ja po ashtu ishte dënuar me 7.500 euro për sjellje të pahijshme të lojtarëve dhe zyrtarëve në ndeshjen që Kosova U21 e zhvilloi ndaj Izraelit U21. /Telegrafi/

The post FFK ka marr dënime me mijëra euro nga UEFA për ndeshjet me Izraelin, Bjellorusinë dhe Zvicrën appeared first on Albeu.com.

Përmes një postimi në rrjete sociale, Ujkani njoftoi vendimin që kishte marrë, e po ashtu shprehu emocionet dhe përjetimet e tij gjatë gjithë karrierës, duke falënderuar klubet në të cilat ka luajtur dhe të gjithë bashkëpunëtorët e tij.

Por në fund të letrës përshëndetëse ai shkroi: “çdo fund, sjellë një fillim të ri dhe fillimi im i ri, po nis tani”.

Dhe Samir Ujkani nuk kishte pse të pres gjatë për “fillimin e ri”. Pas karrierës së suksesshme në skuadra të ndryshme në Evropë e po ashtu eksperiencës dhe suksesit në Kombëtaren e Kosovës, Ujkani është ftuar t’i bashkohet Kombëtares, por me përgjegjësi të reja.

Presidenti i FFK-së Ademi priti në zyrën e tij Ujkanin dhe e falënderoi për kontributin e tij të jashtëzakonshëm në fanellën dardane dhe njëkohësisht për ta mirëpritur në postin e ri si zëvendësdrejtor i Kombëtares së Kosovës.

I pari i FFK-së i uroi shumë suksese në detyrën e re dhe shprehu mirënjohjen e tij për kontributin e tij.

Tutje, presidenti Ademi kërkoi nga ish-portieri i Kosovës angazhim dhe përkushtim maksimal edhe në postin e ri.

Nga ana tjetër, Ujkani u shpreh i lumtur për detyrën e re që presidenti Ademi dhe FFK i besuan në Kombëtaren e Kosovës.

Ai falënderoi presidentin dhe pohoi se do ta jap maksimumin në këtë pozitë dhe se do të punojë me shumë dashuri e përkushtim për kombëtaren, ashtu siç kishte bërë deri dje në fushën e gjelbër./albeu.com

The post “Çdo fund sjell një fillim të ri dhe fillimi im i ri, po nis tani”, Ujkani merr postin e rëndësishëm në përfaqësuesja e Kosovës appeared first on Albeu.com.

Në Bukuresht, ndeshja midis Kombëtares së Rumanisë dhe asaj të Kosovës u ndërpre për 50 minuta, pasi më 12 shtator tifozët shpalosën një baner ku shkruhej “Kosova është Serbi”, shkruan REL.

“Tifozët e kombëtares së futbollit të Rumanisë, përmes gjuhës së urrejtjes e dëmtimit të imazhit të vetë kombëtares përmes shprehjeve të tilla dhe sjelljeve jo sportive kanë denigruar ndeshjen e mbrëmshme të futbollit”, tha FFK-ja.

Federata shpjegoi se pas thirrjeve nacionalistëve të tifozëve ka reaguar menjëherë “duke kërkuar suspendim të lojës deri në tërheqjen e pankartave dhe slloganeve të urrejtjes gjatë ndeshjes. Kjo kërkesë e FFK-së është miratuar nga delegati i ndeshjes dhe derisa janë tërhequr të gjitha pankartat dhe janë ndalur të gjitha thirrjet urrejtëse kundër Kosovës nuk ka rifilluar ndeshja”.

The post “Kosova është Serbi”, FFK do të dorëzojë padi në UEFA pas incidenteve në Bukuresht appeared first on Albeu.com.

Flamuri i Serbisë i vendosur në zhveshtore përfshinte hartën e Kosovës me sloganin “Nuk ka dorëzim”.

Në fotografitë e publikuara nga zhveshtorja shihej se flamuri ishte vendosur mbi dollapët e lojtarëve, Milos Veljkoviç dhe Andrija Zivkoviç, përpara humbjes 2 me 0 të përfaqësueses së Serbisë ndaj Brazilit.

Federata e Futbollit të Kosovës u ankua zyrtarisht në FIFA dhe ministri i kulturës, rinisë dhe sportit, Hajrulla Çeku, e përshkroi imazhin si veprim i përfaqësueses së Serbisë për të përdorur Kupën e Botës për të promovuar “mesazhe urrejtjeje, ksenofobie dhe gjenocidale”.

Disgraceful images from #Serbia locker room, displaying hateful, xenophobic and genocidal messages towards #Kosova, while exploiting #FIFAWorldCup platform.

We expect concrete actions from @FIFAcom considering that the @FFK_KS ?? is a full FIFA and UEFA member. pic.twitter.com/xwu6i0j7dG

— Hajrulla Çeku (@HCeku) November 25, 2022

FIFA citoi një pjesë të kodit të saj disiplinor që mbulon sjelljen e pahijshme, duke përfshirë “gjestet, shenjat ose gjuhën fyese” dhe “përdorimin e një ngjarjeje sportive për demonstrime të një natyre josportive”.

FIFA nuk dha një afat kohor se kur do të merret vendimi, megjithëse Serbia do të luajë të hënën, më 28 nëntor kundër Kamerunit.

Që kur Kosova u anëtarësua në FIFA dhe UEFA në vitin 2016, trupa evropiane e futbollit është siguruar për arsye sigurie që kombëtarja e Kosovës të mos bie në të njëjtin grup me Serbinë apo Bosnje e Hercegovinën në grupet kualifikuese për Kupën e Botës dhe Kampionatin Evropian.

Më 25 nënëtor, Federata e Futbollit e Kosovës njoftoi se ka paraqitur ankesë në FIFA për veprimin e ekipit kombëtar të Serbisë.

FFK e quajti këtë veprim si akt shovinist.

“Akte të tilla shoviniste nuk kanë vend në një ngjarje sportive, e aq më pak brenda objekteve ku zhvillohet ngjarja më e madhe e futbollit botëror, prandaj FFK si anëtare e barabartë me të gjithë anëtarët e tjerë të FIFA-s, kërkon nga ky institucion që të ndërmarrë masa sanksionuese ndaj veprimeve që nxisin urrejtje mes popujve dhe janë kundër vlerave njerëzore”, u tha në njoftimin e FFK-së.

Federata e Futbollit e Kosovës kërkoi nga FIFA që veprimi i ekipit serb në Katar të mos kalohet pa masha ndëshkimore, pasi siç u tha, kampionati botëror i futbollit “duhet të jetë vend i mbizotërimit të thirrjeve për paqe, e jo të përdoret për të nxitur urrejte mes popujve./REL

The post Pas ankesës së FFK-së, FIFA nis masa disiplinore ndaj përfaqësueses së Serbisë appeared first on Albeu.com.

Gjatë këtij sulmi, Ademi mori disa lëndime në trup, por në një komunikatë zyrtare ai konfirmoi se tani është mirë me shëndet.

Ndër të tjera ai tha se personat që e sulmuan atë ishin të maskuar.

Deklarata e plotë e presidentit Ademi:

“Duke pasur parasysh interesimin e madh të dashamirëve dhe të opinionit publik pas raportimit për sulm fizik ndaj meje, fillimisht dua të ju informoj se jam mirë me shëndet dhe nuk bëhet fjalë për ndonjë lëndim siç është raportuar.

Është e vërtetë që sot rreth orës 8:00 jam sulmuar fizikisht nga persona të maskuar në parkun e Gërmisë, aty ku çdo ditë e praktikoj ecjen dhe vrapimin në natyrë.

Personat në fjalë më sulmuan në mënyrë tinzare, por që fatmirësisht kalova pa lëndime serioze.

Lidhur me këtë rast është informuar edhe Policia e Kosovës, e cila tashmë është duke i kryer hetimet. Shpresoj dhe besoj se shumë shpejt personat e tillë do të dalin para organeve të drejtësisë dhe do të marrin dënimin e merituar.

Përkundër sfidave në punë, por edhe pengesave të këtij lloji, do të vazhdoj me tërë energjinë time t’i shërbej futbollit dhe ngritjes së mëtejme të FFK-së.

Vazhdojmë me krenari e përgjegjësi!

Me respekt,

Agim Ademi, president”, shkroi ai./albeu.com

The post U sulmua fizikisht, Ademi: Ishin persona të maskuar appeared first on Albeu.com.