Në prani të zyrtarëve të FFK-së dhe të Bankës Raiffeisen, Agim Ademi, president i FFK-së dhe Anita Kovacic, drejtoreshë ekzekutive e Bankës Raiffeisen në Kosovë, kanë vendosur nënshkrimin e tyre në marrëveshjen e sponsorizimit për Ligën e Parë, e cila nga stinori pranveror do të emërtohet Raiffeisen Liga e Parë.

Të dyja palët pas nënshkrimit të marrëveshjes theksuan rëndësinë e këtij bashkëpunimi për përparimin e futbollit kosovar, por edhe promovimin e bankës përmes futbollit.

Presidenti i FFK-së theksoi se për institucionin që ai drejton është kënaqësi rikthimi i një partneri serioz si Banka Raiffeisen, që edhe më parë e ka mbështetur futbollin.

“Është kënaqësi për ne që Banka Raiffeisen rikthehet në familjen e madhe të futbollit, ku për shumë vite ka dhënë kontribut të çmuar dhe atë në një periudhë të vështirë, kur ende nuk ishim pjesë e dy familjeve të mëdha të futbollit, UEFA e FIFA. Ky partneritet pa dyshim është një kapitull i ri për futbollin kosovar, ku bashkë me partnerët tanë, jemi të përkushtuar që të shkruajmë histori të suksesshme dhe frymëzuese. Përmes këtij bashkëpunimi, mundësojmë një ambient më të mirë për talentet e reja, një mundësi më të mirë për klubet e Ligës së Parë dhe i japim shtysë rritjes së mëtutjeshme të futbollit në vend. Besoj se partneriteti ynë do të jetë afatgjatë dhe nga ai do të përfitojnë të gjitha palët e përfshira”, tha Ademi.

Në anën tjetër, edhe Anita Kovacic, drejtoreshë ekzekutive e Bankës Raiffeisen në Kosovë, shprehu gëzimin për këtë partneritet:

“Futbolli zë një vend të posaçëm në zemrat e njerëzve në Kosovë, andaj jemi të kënaqur të kontribuojmë në zhvillimin e tij. Partneriteti i vazhdueshëm me Federatën e Futbollit të Kosovës pasqyron përkushtimin e bankës për të fuqizuar këtë sport dhe sportistët e talentuar të cilët janë frymëzim për të gjithë ne”, tha Kovacic.

Ky partneritet shënon një angazhim të fortë të FFK-së dhe Raiffeisen Bank për të promovuar futbollin dhe zhvillimin e tij, por njëherësh paraqet edhe vizionin e përbashkët për një të ardhme më të mirë sportive në Kosovë si dhe për të nxitur pasionin tek të rinjtë për futbollin.

The post Liga e Parë me sponsor të ri, FFK dhe Banka Raiffeisen nënshkruajnë marrëveshjen e partneritetit appeared first on Albeu.com.

Mbrojtësi i krahut të djathtë ka rinovuar kontratën me gjilanasit edhe për dy vite të tjera, shkruan Gazeta Express.

Marrëveshja u zyrtarizua sonte nga klubi i Dritës.

33-vjeçari është pjesë e “Intelektualëve” nga vera e vitit 2022. Ai vlerësohet si një prej futbollistëve kryesorë të tyre.

Njoftimi i plotë nga klubi i Dritës (pa ndërhyrje):

“Besnik Krasniqi eshte lojtari yne edhe per dy vite

Kemi knaqësin te ju njoftojmë që kemi arritur marrëveshje për zgjatjen e marrëveshjes edhe për dy vite të njërit prej lojtarëve më të rëndësishëm të ekipit.

Fjala është për Besnik Krasniqin i cili u prezantua nga drejtori sportiv z. Valon Zymberi i cili e cilësoi si njërin prej liderëve të ekipit. Ai do te vazhdojë të jetë pjesë e jona edhe për dy vitet e ardhshme.

Urime BES”. /Gazeta Express/

The post Besnik Krasniqi vazhdon kontratën me Dritën appeared first on Albeu.com.

Klubi gjilanas ka njoftuar këtë të hënë për huazimin e tij nga kampionët e Maqedonisë së Veriut, Struga, shkruan Gazeta Express.

25-vjeçari do të jetë pjesë e “Skifterave” deri në fund të sezonit.

Sulmuesi me prejardhje boshnjake, por që ka nënshtetësi gjermane, ka ndërtuar karrierë te disa klube evropiane.

Jarovic e nisi te grupmoshat e Unterrathit, për të vazhduar pastaj edhe tek të rinjtë e Dusseldorfit dhe Domzales, për t’u aktivizuar edhe si profesionist te kjo e fundit.

Ai pastaj vazhdoi karrierën te klubet si NK Dob, Spartak Trnava, SonderjyskE, Zlate Moravce, SKF Sered, NK Radomlje, Petrolul, Sloboda Tuzla e Minaur.

Njoftimi i plotë nga SC Gjilani:

“Sport Club Gjilani dhe FC Struga janë dakorduar për huazimin e futbollistit Senad Jarovic.

Sulmuesi 25 vjeçar do të qëndrojë në skuadër deri në fund të edicionit 23/24 si futbollist i huazuar nga kampionët e Maqedonisë së Veriut.

Jarovic më parë ishte pjesë e shumë klubeve në Evropë, derisa te ‘kuqebardhët’ vjen si vlerë e shtuar për repartin sulmues.

Të gjithë në SC Gjilani i urojnë mirëseardhje Jarovic dhe i dëshirojnë sukses në objektivat që klubi ka vënë para”. /Gazeta Express/

The post Gjilani përforcohet me transferimin e Senad Jarovic appeared first on Albeu.com.