Festivalin e Këngës Archives - Albeu.com

Alis me “Nan” triumfon në Festivalin e Këngës, artisti shkodran do të përfaqësojë Shqipërinë në Eurovision (VIDEO)

V K — Sun, 21 Dec 2025 07:00:45 +0000

Këngëtari shkodran Alis, ka rrëmbyer çmimin e parë të Festivalit të 64 të Këngës në RTSH më këngën “Nân”, duke fituar si zemrat e publikut, ashtu edhe vlerësimin maksimal të jurisë.

Ky sukses i siguron artistit të drejtën për të përfaqësuar Shqipërinë në Eurovision 2026, që do të zhvillohet në Vjenë, Austri.

Performanca e Alis u veçua për potencën vokale të jashtëzakonshme, interpretimin unik dhe një mesazh universal për dashurinë, duke e bërë këngën “Nân” të prekë publikun në mënyrë të veçantë.

Emocioni dhe energjia që Alis transmetoi në skenë krijuan një moment të paharrueshëm të natës finale, i shoqëruar me ovacione dhe duartrokitje të gjata.

Alis grumbulloi 152 pikë nga kombinimi i votave të publikut dhe pikëve të jurisë.

Në vendin e dytë u rendit Inis Neziri me 102 pikë, ndërsa Sheila u pozicionua në vendin e tretë me 93 pikë.

The post Alis me “Nan” triumfon në Festivalin e Këngës, artisti shkodran do të përfaqësojë Shqipërinë në Eurovision (VIDEO) appeared first on Albeu.com.

Këngëtarja nga Tirana fiton Festivalin e Këngës në RTK me këngën “Rreze zjarr” (VIDEO)

V K — Sun, 09 Nov 2025 12:35:10 +0000

Këngëtarja nga Tirana, Arsi Bako, u shpall fituese e çmimit kryesor “Diamanti Blu” në edicionin e tretë të Festivalit të Këngës në RTK, me këngën “Rreze zjarr”, një krijim me frymë rock që u vlerësua nga juria me pesë anëtarë.

“Nuk e kam pritur, ishte emocion i papërshkrueshëm”, tha Bako pas triumfit, duke përshkruar këngën si motivuese dhe të përshtatshme “për çdo gjendje emocionale”.

Çmimin e dytë e mori Florent Abrashi me këngën “Unë dhe ti”, ndërsa në vend të tretë u rendit Arjeta Palushaj me “Andrra”.

Ministri në detyrë i Kulturës, Hajrulla Çeku, ndau çmimin kryesor, duke e cilësuar festivalin “një kontribut të rëndësishëm për trashëgiminë muzikore kosovare”.

Drejtori i festivalit, Rilind Gërvalla, njoftoi se edicioni i ardhshëm do të mbahet pa subvencion nga Ministria e Kulturës, dhe RTK do ta financojë vetë aktivitetin, duke e bashkuar me rikthimin e “Akordeve të Kosovës”. Ai shtoi se RTK po lobon për pjesëmarrjen e Kosovës në Eurovision.

Festivali, i mbështetur sivjet me 200 mijë euro, u zhvillua për tre net në “Sallën e djegur” të Pallatit të Rinisë dhe Sporteve, me pjesëmarrjen e artistëve të njohur si Gjon’s Tears, Elvana Gjata dhe Tuna.

The post Këngëtarja nga Tirana fiton Festivalin e Këngës në RTK me këngën “Rreze zjarr” (VIDEO) appeared first on Albeu.com.

Publikohet lista: Artistët që do të marrin pjesë në Festivalin e Këngës

A M — Wed, 10 Nov 2021 11:42:37 +0000

Është publikuar lista e këngëtarëve pjesëmarrës në edicionit e 60-të të Festivalit të Këngës. Ronela Hajati, Evi Reçi, Saimir Çili Kastro Zizo dhe Alban Ramosaj janë në mesin e 20 të përzgjedhurve që do të garojnë për të shkuar në Eurovision, i cili do të mbahet vitin që vjen në Torino të Italisë.

Ramosaj, pasi u shpall fitues i edicionit të fundit të Këngës Magjike pati shprehur dëshirën për të konkurruar dhe për në festivalin evropian. Këtë vit, ishte Anxhela Peristeri e cila na përfaqësoi në Eurovision ku arriti të renditej në vendin e 21-të.

LISTA E PLOTË

Alban Ramosaj

Denis Skura

Evi Reçi

Gjergj Kaçinari

Janex (Xhejn Kumrija)

Kastro Zizo

Kelly

Mirud

Rezarta Smaja

Ronela Hajati

Saimir Çili

Stefi dhe Endri Prifti

Shega

Urban Band

Eldis Arrnejti

Ester Zahiri

Kejsi Rrustja

Olimpia Smajlaj

Viola Xhemali

Xhuljana Pjetra

The post Publikohet lista: Artistët që do të marrin pjesë në Festivalin e Këngës appeared first on Albeu.com.