Një nga emrat më të përfolur është Justin Bieber, i cili rikthehet në skenë pas gati tre vitesh mungesë. Pas problemeve shëndetësore që e detyruan të tërhiqej nga muzika, ky rikthim shënon një kapitull të ri në karrierën e tij, i shoqëruar me projekte të reja dhe një perspektivë të ndryshme artistike.

Nga ana tjetër, Karol G shënon një moment historik, duke u bërë gruaja e parë latine që kryeson Coachella-n. Ky sukses jo vetëm që thekson ndikimin e saj global, por gjithashtu përfaqëson një hap të rëndësishëm për diversitetin dhe përfshirjen në industrinë muzikore.

Ndërkohë, Sabrina Carpenter shfaqet në një fazë të rëndësishme të zhvillimit artistik. Performancat e saj live kanë qenë vendimtare në rritjen e popullaritetit dhe e kanë kthyer atë në një nga emrat më premtues në skenën ndërkombëtare, veçanërisht pas paraqitjeve të suksesshme në festivale të mëdha.

Në tërësi, Coachella 2026 është më shumë se një festival muzikor, është një skenë ku ndërthuren rikthime të mëdha, arritje historike dhe ngritja e artistëve të rinj, duke reflektuar ndryshimet dhe zhvillimet më të fundit në industrinë globale të muzikës.

The post Coachella 2026: Kush do të performojë këtë vit? appeared first on Albeu.com.

Për mbi dy orë e gjysmë, publiku u argëtua me një spektakël të kuruar në detaje, ku muzika, performanca dhe skenografia u bashkuan në një mbrëmje të veçantë.

Nata e parë u moderua nga Arilena Ara dhe Salsano Rrapi, ndërsa në skenë u ngjitën 14 këngëtarët e parë me këngë që varionin nga baladat emocionale deri te ato ritmike.

Spektakli u karakterizua nga eleganca, kostumografia dhe mizanskenat e menduara në çdo detaj.

Performancat u vlerësuan nga juria e Fest 64, e përbërë nga Bleona Qereti, Ramë Lahaj, Olen Çezari, Belinda Budini, Valentin Veizi, Anila Basha dhe Zef Çoba.
Fituesi do të përcaktohet nga një kombinim i votave të jurisë dhe publikut në raport 50 për qind me 50 për qind.

Fest 64 do të zhvillohet përgjatë katër netëve, në përfundim të të cilave do të përzgjidhet këngëtari që do ta përfaqësojë Shqipërinë në Eurovision 2026.

The post Mbyllet nata e parë – spektakël dhe emocione të forta në Fest 64 appeared first on Albeu.com.

Stafi organizator ka zbuluar tashmë disa detaje nga edicioni i këtij viti, duke konfirmuar edhe një të ftuar special.

Është bërë e ditur se në skenën e Festivalit të Këngës do të ngjitet Tommy Cash, përfaqësuesi i Estonisë në edicionin e sivjetmë të Eurovisionit.
Krijuesi i hitit “Espresso Macchiato” do të performojë në natën finale të festivalit, ku pritet të sjellë një spektakël të veçantë.

Tommy Cash ka qenë një nga sensacionet e këtij edicioni të Eurovisionit, me këngën e tij që u kthye në hit ndërkombëtar.

“Tashmë është zyrtare. Tommy Cash është i ftuari special në natën finale të Fest 64 në RTSH në 20 Dhjetor 2025. Këngëtari i hitit ‘Espresso Macchiato’ pritet të ndezë skenën mbrëmjene finales së Festivalit të Këngës”, ka shkruar stafi i FiK.

The post Krijuesi i hitit “Espresso Macchiato”, Tommy Cash do të performojë në Festivalin e Këngës në RTSH appeared first on Albeu.com.

Festivali i 64-të i Këngës në RTSH do të zhvillohet më 17, 18, 19 dhe 20 dhjetor, duke rikthyer emocionet e traditës më të madhe muzikore shqiptare në Pallatin e Kongreseve.

Gjatë katër netëve të spektaklit, publiku do të përjetojë një atmosferë të jashtëzakonshme, ku këngët më të mira, artistët e rinj dhe magjia e muzikës shqiptare do të ndërthuren në një skenë të paharrueshme.

Edicioni i këtij viti premton performanca të veçanta, surpriza artistike dhe një përvojë që bashkon traditën me risitë, duke ndezur edhe një herë skenën e Pallatit të Kongreseve me energji dhe emocion.

Festivali i Këngës, një traditë që prej dekadash i ka dhuruar Shqipërisë këngë të paharrueshme dhe momente të mëdha, rikthehet edhe këtë vit me art, pasion dhe shpirt festiv.

The post Fest ’64 publikon datat e katër netëve magjike në dhjetor, që pritet të ndezin atmosferën me emocione nëpërmjet tingujve të muzikës appeared first on Albeu.com.

Pas kësaj deklarate, organizatorët kanë bërë të ditur përmes një njoftimi zyrtar se performanca e planifikuar e G Banit për mbrëmjen e nesërme është anuluar. Ata e konsideruan gjuhën e përdorur nga artisti si “të papranueshme, fyese dhe pa etikë”, duke theksuar se nuk ka vend për qëndrime të tilla në një ngjarje që synon bashkimin dhe respektin mes shqiptarëve kudo që ndodhen.

Në reagimin e tyre, organizatorët nënvizuan se “Muaji i Mërgatës” është një festë që promovon vlerat e respektit, dashurisë për kulturën dhe përfshirjes, dhe çdo akt që bie ndesh me këto parime nuk tolerohet.

Vetë G Bani ka reaguar pas anulimit të koncertit duke sqaruar se komentet e tij ishin të drejtuara vetëm ndaj ndjekësve që e kishin ofenduar personalisht, dhe jo ndaj qytetarëve të Kosovës në tërësi. Megjithatë, për organizatorët e festivalit, kjo deklaratë nuk mjaftoi për të zbutur situatën.

The post G Bani përjashtohet nga festivali në Drenas pas deklaratës së tij në TikTok appeared first on Albeu.com.

Një dokumentar për Hassounin me titull “Put Your Soul on Your Hand and Walk”, me regji nga iranianja Sepideh Farsi, do të shfaqet sot në festivalin e filmit të lartpërmendur. Ajo quhet edhe Fatma Hassouna.
“Më 16 prill, në agim në Gaza, fotoreporterja 25-vjeçare Fatma Hassouna dhe 10 anëtarë të familjes së saj u vranë nga një raketë që goditi shtëpinë e tyre. Ajo shkroi: ‘Vdekja kaloi përmes meje. Një plumb harkëtari më shpoi dhe u bëra një engjëll në sytë e një qyteti të madh, një qyteti më të madh se ëndrrat e mia, më të madh se ky qytet. U bëra një poete e shenjtë në sytë e një pylli që po shndërrohet në shkretëtirë’”, deklaroi ajo, ndër të tjera.

Ajo deklaroi gjithashtu se një ditë para vdekjes së saj zbuloi se filmi në të cilin shfaqet ishte përzgjedhur për Festivalin e Filmit në Kanë dhe se ajo duhej të ishte atje me ta.

“Arti zgjat. Është një provë e fuqishme e jetës dhe ëndrrave tona dhe ne si publik jemi dëshmitarë të tij. Le të kontribuojë Festivali i Filmit në Kanë, ku çdo gjë mund të ndodhë, në këtë drejtim”, tha ajo, dhe publiku e shpërbleu me duartrokitje të zjarrta.

Festivali i Filmit në Kanë zgjat deri më 24 maj. Ky është edicioni i 78-të i tij dhe në pjesën e konkursit të programit ka 19 filma.

The post Fjaimi prekës i presidentes së jurisë së festivalit të Kanës bëri xhiron e botës: Ajo i bëri homazh gruas palestineze të vrarë appeared first on Albeu.com.

“Zjerm” do të përfaqësojë Shqipërinë në Eurovizion 2025, që do të mbahet në 13-17 maj 2025 në Bazel të Zvicrës.

Vokalistët e grupit “Shkodra Elektronike” kanë rrëfyer emocionet e pjesëmarrjes në eventin të madh muzikor, si dhe fillesat e grupit që rrëmbeu çmimin e parë.

Ndërkohë kryeministri Rama, që në nisje të podcast-it ka rrëfyer se nuk e ka ndjekur festivalin, një “traditë” që prej tij vijon prej vitesh.

Ai nuk ka renditur arsyet pas një vendimi të tillë, por me sa duket ka rezerva për eventin.

“Ende nuk e kam dëgjuar plotësisht këngën dhe prej shumë e shumë kohësh nuk e kam ndjekur Festivalin. Mos më pyesni pse, qysh, tek sepse është ndoshta bisedë e gjatë. E di që nuk kam dhe nuk pretendoj të kem të drejtë, por ja kështu është nuk e kam ndjekur. Për hir të vërtetës kur nuk e ndoqa edhe këtë herë, nuk besoj se kam për ta ndjekur ndonjëherë.
Por kurrë mos thuaj kurrë, por nuk jemi këtu për mua dhe nuk ka pikë rëndësie se çfarë mendoj unë, apo çfarë them unë për Festivalin, rëndësi ka ccfarë thoni ju për jetën dhe krijimitarinë tuaj, sepse ju jeni fituesit.
Përpara ka pasur raste kur fituesi apo fituesja kanë qenë kontroversë, ose kanë krijuar kundërshti në mjedisin publik, por këtë herë ka një konsenus që fituesit janë fituesit”, tha ai, ndërsa edhe grupi ka pranuar që as ata nuk e ndiqnin festivalin.

The post Kryeministri Rama “rrëfehet” në “Flasim”: Festivalin e Këngës në RTSH nuk e ndjek prej vitesh! Arsyeja pas vendimit… appeared first on Albeu.com.

Ndërkohë, ai ka falënderuar Top Channel-in për mundësitë që u ka dhënë artistëve përmes festivaleve si “Top Fest”. Gjithashtu, Stresi i ka dedikuar fjalë mirënjohjeje Ardit Gjebreas për vlerësimin dhe mbështetjen që u ka dhënë artistëve në “Kënga Magjike”.
“Festivali RTSH??? Dallaverxhi deri në rrënjë janë… ju betohem sepse e di komplet çfarë luhet aty… faleminderit @topchannelalbania që falë tyre dikur na mundësuan nëpër festivalet Top Fest e shumë të tjera të afirmoheshim si artistë. Faleminderit Ardit Gjebrea për Kënga Magjike që na vlerësuat me çmime dhe na dhatë mundësinë atëherë. Sa për festivalin RTSH jeni i M i madh…”

The post Festivali në RTSH, Stresi: Dallaverxhi deri në rrënjë, e di çfarë luhet aty appeared first on Albeu.com.

Pas këtij vendimit artisti ka reaguar i indinjuar dhe i revoltuar në rrjetet sociale përmes një videoje ku ka përcjellë një mesazh të fortë dhe i ka dhënë një shuplakë jurisë së Festivalit të Këngës.

“Miq përshëndetje,

Në pamundësi për t’ju kthyer të gjithëve përgjigje, sepse është mungesa e kohës që nuk mjafton, po e bëj këtë video.

Mbrëmë, siç e patë, kënga ime ‘Ka momente’, një nga këngët më të pëlqyera, një nga këngët më profesionale, një nga 5 këngët, për mua, më të realizuara të këtij evenimenti, u ndalua padrejtësisht nga juria e këtij festivali.

Kjo juri për mua është juria më e dobët dhe më joprofesionale që kam parë deri më sot sepse të mos futësh këngën ‘Ka momente’ në finale është injorim i ekzistencës si juri, injorim i intelektit dhe i diplomave tuaja miq dhe mikesha të nderuara të jurisë së festivalit.

Ato diploma që keni marrë, unë jua marr dhe jua gris dhe jua hedh atje te vrima e bardhë. Edhe unë diplomën e kam njësoj si ju, por nuk keni të krahasuar ju me mua sepse ju me ose pa dashje, por unë e quaj me dhe e mbroj këtë që po them, keni zbuar të gjithë profesionistët, këngëtarët profesionistë, të marrin pjesë në festival. Ju jeni arsyeja, me vendimet tuaja, që profesionistët e kanë braktisur këtë festival dhe me të drejtë.

Jam shumë i sigurt që Vaçe Zela, Avni Mula, Gaço Çako, Tonin Tërshana e shumë e shumë të tjerë që po na shohin nga lart janë duke qeshur dhe duke lotuar tani. Pse? Sepse ju jeni zhgënjimi më i madh i festivalit, i asaj pasurie që ata lart na e kanë lënë. Nejse, ju heq kryq.

Dua të falënderoj përzemërsisht publikun që mbështeti këngën ‘Ka momente’ që në fillim të konkurrimit të saj dhe sidomos falënderoj me shpirt orkestrën e madhe të RTSH-së, atë orkestër që ka punuar me orë të tëra punë dhe lodhje për realizimin e këtij festivali. Jeni gjëja më e bukur dhe me vlerë, jeni gjëja më e pacenueshme e këtij festivali. Faleminderit që ekzistoni. I love you”, shprehet këngëtari.

The post VIDEO/ “Jua gris diplomat” – Devis Xherahu, “shpërthen” ndaj jurisë së Festivalit të 63 të Këngës: Jeni zhgënjimi më i madh appeared first on Albeu.com.

Me poezinë “Mall” të ikonës së letërsisë shqiptare, Ismail Kadaresë, u bë hapja e Natës së Nostalgjisë në Festivalin e Këngës, duke emocionuar publikun. Aktori Viktor Zhusti e interpretoi atë me një ndjenjë të thellë, duke i dhënë jetë vargjeve të poetit, ndërsa notat e pianos të këngëtarit Redon Makashi shtuan magjinë e momentit. Ky interpretim riktheu nostalgjinë e një prej vepra më emblematike të letërsisë shqipe.

Në Fest 63, aktori i njohur I teatrit dhe kinemasë, Viktor Zhusti, ka treguar një episod se si arriti t’i shpëtojë ‘çarkut’ të Festivalit të 11, i cili hapi dhe siparin e një serie ndëshkimesh politike nga regjimi komunist ndaj artistëve në skenë dhe në teatër.

“Kam prezantuar Festivalin e 57-të të Këngës, i cili ishte plot atmosferë. Në vitin 1971 kam prezantuar edhe Festivalin e 10. Ishte një eksperiencë shumë e mirë. Doja të prezantoja edhe Festivalin e 11-së. Për pak i shpëtova ‘çarkut’. Kisha sugjerim nga pedagogu im Mihallaq Luarasi për Fest 10, por për Fest 11 më tha jo sepse kërkohej një prezantues më modern. Pas atij festivali pati ditë të errëta për artin”, tregoi Zhusti në skenën e Fest 63.

Kjo natë nuk është vetëm një koncert, por një udhëtim nëpër kujtime dhe histori. Do të nderohen poetët dhe tekstshkruesit që krijuan këngët që i kënduan “shpirtit shqiptar” për dekada të tëra: Jorgo Papingji, Agim Doci, Ismail Kadare, dhe shumë të tjerë, poezive të të cilëve u dha jetë përmes muzikës.

Do të rikthehen në skenë dhe aktorët që do i japin zë poezisë së kthyer në këngë si Luiza Xhuvani, Viktor Zhusti, Alfred Trebicka dhe Elia Zaharia, për të na kujtuar se muzika është një poezi e pashuar.

Një tjetër moment emocionues do të jetë rikthimi i Naim Krasniqit në Festivalin e Këngës pas shumë vitesh, ndërsa së bashku me publikun do të këndohen edhe këngët e Parashqevi Simakut, zëri i së cilës do të ringjallet përsëri për publikun, duke na bërë të ndiejmë çdo notë të saj me të njëjtën pasion dhe dashuri.

Nata e Nostalgjisë është një udhëtim në kohë, një mundësi për të shijuar pasurinë e trashëgimisë sonë kulturore. Këtë mbrëmje vota e jurisë do të përcaktojë edhe 15 finalistët, të cilët do të performojnë në natën e finale të Fest 63. Kryetarja e jurisë është artistja e njohur Zana Çela dhe trupën e jurisë e plotësojnë: Alma Bektashi, Ylljet Aliçka, Merita Rexha Tërshana, Florent Boshnjaku, Jonida Maliqi dhe Ramona Tulluman.

The post “Mall” e Ismail Kadaresë hap Natën Nostalgjike, një udhëtim magjik në historinë e Festivalit të Këngës appeared first on Albeu.com.