Me një foto bashkë me bashkëshorten e tij, Berisha shkruan: “ Le t’i lutemi Zotit të madh që çdo sakrificë dhe lutje tonë dhe të mbarë shqiptarve t’a pranojë dhe të na shpërblejë  në mirësi.”

Mesazhi i plotë i Berishës:

Gëzuar Kurban Bajramin.

Miq, sot besimtarëve musliman ju urojmë nga zemra, Gezuar  Kurban Bajramin. Sëbashku le t’i lutemi Zotit të madh që çdo sakrificë dhe lutje tonë dhe të mbarë shqiptarve t’a pranojë dhe të na shpërblejë  në mirësi, gëzime, shëndet dhe sukses, për ne, familjet tona dhe mbarë kombin shqiptar. Gëzuar! Sb /albeu.com

The post Sali Berisha uron Kurban Bajramin: Le t’i lutemi Zotit të madh që çdo sakrificë dhe lutje tonë dhe të mbarë shqiptarve t’a pranojë appeared first on Albeu.com.

Si në çdo vit, në vendin tonë namazi është falur në të gjithë sheshet kryesore të qyteteve, por edhe në xhamija.

Festën e ka uruar edhe kryeministri Edi Rama, me pamje nga xhamia më e re e inauguruar, ajo e Elbasanit.

“GËZUAR KURBAN BAJRAMIN??

me faljen e besimtarëve për herë të parë në Xhaminë e re të Ballies në Elbasan?,”  shkruan Rama.

Besimtarët myslimanë pas faljes së namazit, shpërndarjnë te njërezit në nevojë një pjesë të mishit që është bërë kurban, gjithashtu bëjnë takime me familjarët, njerëzit e afërt, apo edhe komshinjtë. /albeu.com

The post Sot Kurban Bajrami, Rama uron të gjithë besimtarët myslimanë appeared first on Albeu.com.

Mijëra qytetarë ashtu si çdo vit kanë falur namazin e Barjamit mëngjesin e kësaj të shtune  në Sheshin Skëndërbej, në sheshet kryesoret të qyteteve në të gjithë Shqipërisë si edhe në Xhami.

Në këtë festë të sakrificës, besimtarët i luten Zotit për më shumë paqe, bekim dhe harmoni, ndërkohë që pas kryerjes së riteve të faljes Kurban Bajrami festa vijon më pas në çdo familje me drekën e madhe të Bajramit.

Simbolika e kësaj feste është bërja e një kurbani në shenjë falënderimi ndaj Zotit dhe shpërndarja e mishit të kurbanit të kryer për njerëzit dhe familjet në nevojë. /albeu.com

The post Kurban Bajrami, mijëra besimtarë falin namazin në Sheshin “Skëndërbej” appeared first on Albeu.com.

Festa e Kurban Bajramit, është festa ku të gjithë myslimanët mundohen të bëjnë kurban një kafshë e cila lejohet nga feja dhe mishin e ndajnë të njërezit në nevojë.

Mesazhi i plotë:

Ju dëshiroj paqe, begati e mirësi në familjet tuaja!

Gëzuar Kurban Bajramin të gjithë Shqiptarëve!

Bismilahi-Rrahamini-Rrahim

Me emër të Zotit Mëshiruesit-Mëshirëbërës.

Falënderimet i takojnë Allahut, Krijuesit të botëve.

Paqja dhe bekimi i Zotit qofshin mbi Muhamedin (a.s.)

Të dashur qytetarë, nesër, në Shqipëri dhe mbarë botën, është festa e Kurban Bajramit.

Zoti i gjithësisë në suren Kevther në Kuran thotë:

“Ne vërtet të dhamë ty shumë të mira. Andaj ti falu dhe ther kurban për hir të Zotit tënd!”

Ndërsa në një tjetër sure (En’nam) na kujton:

“Thuaj: namazi im, kurbani im, jeta ime dhe vdekja ime janë thjeshtë për Allahun, Zotin e botëve!”

Të dashur qytetarë, Kurban Bajrami është një festë e rëndësishme në fenë islame.

Në këtë ditë ne përkujtojmë sakrificën e Ibrahimit (a.s), durimin e pa shembullt të Ismailit (a.s.), atë kohë vetëm një fëmijë, dhe dhembshurinë e nënës së tij heroike, Haxhires.

Kurbani na dëshmon se sakrifica, durimi dhe dhembshuria njerëzore, janë punët më të pëlqyeshme te Zoti.

Kush ka mundësi le të presë Kurban vetëm për Hir të Zotit, e kush nuk ka inshAllah i mundësohet sa më shpejt.

Silluni mire me njëri-tjetrin. Shtrini dorën e vëllazërmit ndërmjet jush. Duajeni njëri-tjetrin për hir të Zotit. Jini mbështetje për të varfërit.

Bëhuni inkurajues për të sëmurët, dhe rrezatoni shpresë e gëzim te fëmijët.

“As gjaku e as mishi i kurbaneve tuaja nuk arrin tek Allahu, por tek Ai arrin devotshmëria juaj”, thotë Zoti.

Ky Bajram na jep mesazhin që për të arritur pëlqimin dhe kënaqësinë e Zotit, është i nevojshëm sinqeriteti dhe devotshmëria.

E lusim Zotin të na i pranojë kurbanet, adhurimin dhe lutjet tona!

E lusim Zotin për paqe e prosperitet në vendin tonë dhe mbarë njerëzimin!

Ju dëshiroj paqe, begati e mirësi në familjet tuaja!

Gëzuar Kurban Bajramin!

Bujar Spahiu

Kryetar i Komunitetit Mysliman të Shqipërisë /albeu.com

The post Nesër Kurban Bajrami, kreu i KMSH uron besimtarët myslimanë: Paqe, begati e mirësi në familjet tuaja (VIDEO) appeared first on Albeu.com.