Krishtlindjet e vitit 2022 do të jenë të “fikura”. Këtë pralajmëron Daily Mail teksa shkruan se mes krizës e masave për kursimin e energjisë elektrike, do të ketë më pak shkëlqim këtë dhjetor. Shfaqjet e dritave festive në rrugë e shtëpi janë një traditë gjatë muajve të dimrit, por që këto muaj nuk do të gjejnë vend. Tani qytetet dhe fshatrat e njohur për shfaqjet e tyre verbuese po vendosin të mos ndezin dritat këtë vit dhe po anulojnë çdo festim.

Këshilli në qytetin piktoresk të Devonshire të Budleigh Salterton tha se “nuk mund të merrte përsipër koston e dritave në klimën ekonomike”, raportoi The Star.

Ely në Camridgeshire hoqi ekspozimin e saj muaj më parë pasi tha se fatura prej 9,000 £, e cila ka të ngjarë të jetë rritur deri tani, nuk do të ishte një mënyrë e mençur për të shpenzuar paratë e taksapaguesve.

Këshilli i Guildford po i anulon gjithashtu dhe tha muajin e kaluar se po “përballet me sfida të rëndësishme financiare”.

“Ne nuk mund të përballojmë ose justifikojmë vlerën për paranë për një kosto kaq të rëndësishme shtesë,” tha udhëheqësi i Këshillit, Joss Bigmore.

Bizneset, të cilat nuk kanë kufij të çmimeve të faturave të energjisë, janë gjithashtu të vendosur të heqin dorë nga dekorimet dhe madje po fikin tashmë ndriçimin e tyre të rregullt.

Një pronar lokali i tha MailOnline se kishte shpenzuar 50 £ në orë për të mbajtur ndezur ndriçimin e festave.

Ndërkohë, familjet e shqetësuara tashmë po planifikojnë të lënë dritat e tyre të Krishtlindjeve në kuti.

“Të mos shqetësohem për një pemë të Krishtlindjes, nuk mund të përballoj të ndez dritat. Ditë të errëta,”- tha një person.

“Të gjithë ata që çmenden për dritat e Krishtlindjeve do të kenë një dimër të shtrenjtë”, paralajmëroi një tjetër burrë në rrjetet sociale.

Një tjetër tha: ‘Pyes veten se sa familje nuk do të mund të ndezin dritat e Krishtlindjeve jashtë këtë vit për shkak të çmimeve të energjisë? Të vjen keq për fëmijët’.

Por një fanatik i Krishtlindjeve refuzoi që shpirti i tyre festiv të dobësohej nga kriza e çmimit të energjisë, duke postuar në Twitter: “Ne kemi LED kudo, kurrë nuk do t’i sakrifikoj Krishtlindjet edhe nëse janë vetëm një javë me drita”.

The post Krishtlindje “të fikura” mes krizës energjitike, Britania e Madhe nuk do të ndezë dritat festive appeared first on Albeu.com.

Por si lindi kjo ëmbëlsirë?
Panetone lindi në Milano dhe origjina e saj daton nga shekulli i XIV. Panetone tradicionale e Milanos është ajo e gjata, por ekziston edhe varianti i shkurtër dhe i gjerë, i cili është përhapur më së shumti në Piemonte. Panetone tipike e traditës milaneze, e cila konsiston në gatimin e saj me dorë, është një produkt furre, me përbërës natyralë për ardhjen e brumit dhe ka një formë tipike cilindrike të marrë nga “letra e furrës”, e cila ngjitet derisa produkti të përfundojë. Ëmbëlsira përfaqëson një strukturë të butë dhe një aromë tipike të fermentuesve si soda e bukës. Panetone tipike e traditës artizanale milaneze gatuhet me ujë, miell, gjalpë, vezë (ose vetëm të verdhat e vezëve), por mund të shtohen edhe copa të prera të frutave të freskëta, lëkurë portokalli ose qitroje.

Ja si të përgatisni panetone vetë në shtëpi:
Përbërësit:
1 kg fruta të thata të përziera si rrush, qershi, portokall, kumbull, kajsi, mollë etj.
1 gotë lëng portokalli
1 gotë lëng limoni
150 ml konjak ose rum
250 gr gjalp i shkrirë
200 gr sheqer ngjyrë kafe (ose të bardhë)
175 gr miell
100 gr bajame të prera në feta të holla
½ lugë pluhur pjekje
1 lugë kanellë
1 majë luge karafil pluhur
4 vezë të mëdha
1 lugë ekstrakt vanilje

Në një tigan me zjarr të ngadaltë hidhni konjakun ose rumin, gjalpin, frutat e thata dhe sheqerin, lërini të ziejnë për 5 minuta. Më pas hidheni masën e krijuar në një tas të madh dhe lëreni të ftohet në temperaturën e ambientit për 30 minuta. Pasi masa të jetë ftohur hidhni me ngadalë miellin, pluhurin e pjekjes, lëngun e limonit, lëngun e portokallit, kanellën, karafinin, vaniljen dhe vezët, të gjithë përbërësit përziejni sëbashku derisa të formohet një miell i butë dhe elastik. Merrni një enë të rrumbullakët në formën e kekut dhe lyejeni me gjalp dhe hidheni brumin. Sipër brumit shtoni bajamet e prera në feta të holla. Futeni panetonen të piqet për 25 minuta në temperaturën 180 gradë.
Ju bëftë mirë dhe Gëzuar Krishtlindjet!

The post Ëmbëlsira e Krishtlindjeve, origjina e panetones dhe receta si ta gatuani në shtëpi appeared first on Albeu.com.

Gjithsesi Mbretëresha Elizabeth do të vazhdojë të vizitohet nga anëtarët e familjes mbretërore gjatë gjithë kohëzgjatjes së sezonit të festave.

Kjo do të shënojë Krishtlindjen e parë të Madhërisë së Saj Mbretërore pa bashkëshortin e saj të ndjerë, Princin Philip, i cili vdiq në prill të këtij viti në moshën 99 vjeçare.

The post Mbretëresha Elizabeth ndryshon sërish planet e Krishtlindjeve appeared first on Albeu.com.

Një burim për BBC tha se mendohej se ngjarja vjetore mund të vinte në rrezik planet e shumë njerëzve për Krishtlindje.

Ai ndjek këshillën e shefit të mjekësisë në Angli, Prof Chris Whitty për t’i dhënë përparësi ngjarjeve “që kanë vërtet rëndësi” për të shmangur rrezikun e infeksionit.

Ngjarja do të zhvillohej në fillim të javës së ardhshme në Kështjellën Windsor.

Kujtojmë se, kryeministri Boris Johnson u bëri thirrje njerëzve që të kenë kujdes në kontaktet e tyre sociale, por nuk kërkoi anulim të festimeve./albeu.com

The post Mbretëresha anulon drekën familjare para Krishtlindjeve për shkak të Omicron appeared first on Albeu.com.