Duke marrë shkas nga eventi dhe prania e shumë vizitorëve, policia ka hartuar një plan masash, ndërsa njofton se disa rrugë do të bllokohen.

PLANI I POLICISË
Policia ka publikuar planin e masave lidhur me Festën e Birrës që organizohet çdo vit nga datat 14 deri në 18 gusht në qytetin e Korçës. Bëhet e ditur se nga shërbimet e Sektorit të Policisë Rrugore do të merren masa për bllokimin e qarkullimit të automjeteve nga “City Center” deri te rreth-rrotullimi në afërsi të terminalit, nga ora 18:30 deri në orën 01:00. Orientimi i lëvizjes së automjeteve për në vendet e përcaktuara për parkim nga Bashkia Korçë, kryesisht përreth terminalit të autobusëve, do të bëhet në bashkëpunim me autoritetet bashkiake.

Gjithashtu, do të kryhet menaxhimi i trafikut gjatë lëvizjes së mjeteve dhe këmbësorëve, në rrugët “Midhi Kostani”, “Kiço Greço”, “Marigo Pozio”, në pikat e hyrjes në terminalin e autobusëve dhe në zonat e tjera përreth ku zhvillohen aktivitetet. Në të gjithë qytetin, në vendet që do të zhvillohet festa ku pritet të ketë grumbullim dhe qarkullim më të madh të njerëzve, në bulevardet kryesore dhe në akset rrugore që lidhin Korçën me rrethet e tjera, do të ketë prezencë të shtuar të shërbimeve të Policisë së Rendit, Policisë Kriminale, Policisë Rrugore, grupeve të FNSH-së dhe Forcës Speciale “Shqiponja”, të cilët do të mbikëqyrin ruajtjen e rendit, do të ndërhyjnë për zgjidhjen e problematikave dhe do të parandalojnë krijimin e situatave të ndryshme, të cilat mund të cenojnë sigurinë publike.

NJOFTIMI ZYRTAR NGA POLICIA

Më datë 14.08.2024 deri më datë 18.08.2024, në qytetin e Korçës, në ambientet e brendshme të terminalit të autobusëve, në lagjen nr. 17, nga ora 20:00 deri në orën 01:00, do të zhvillohet eventi “Festa e Birrës”.

Drejtoria Vendore e Policisë Korçë dhe strukturat në vartësi të saj kanë marrë një sërë masash për garantimin të rendit dhe qetësisë publike, si dhe për zhvillimin dhe manifestimin sa më të qetë dhe festiv të këtij aktiviteti. Këto masa konsistojnë në përforcimin e parametrave të sigurisë rrugore, disiplinimin e lëvizjes, menaxhimin e trafikut, parandalimin e aksidenteve rrugore, parandalimin e krimeve kundër personit, pronës, krimeve financiare, në fushën e narkotikëve, si dhe mbajtjen në kontroll të personave me precedentë kriminal. Gjithashtu, në kuadër të këtij aktiviteti do të kryen patrullime dhe kontrolle të përbashkëta me Policinë Bashkiake.

Nga shërbimet e Sektorit të Policisë Rrugore do të merren masa për bllokimin e qarkullimit të automjeteve nga “City Center” deri tek rrethrrotullimi në afërsi të terminalit, nga ora 18:30 deri në orën 01:00.

Orientimi i lëvizjes së automjeteve për në vendet e përcaktuara për parkim nga bashkia Korçë, kryesisht përreth terminalit të autobusëve, do të bëhet në bashkëpunim me autoritetet bashkiake.

Gjithashtu, do të kryhet menaxhimi i trafikut gjatë lëvizjes së mjeteve dhe këmbësorëve, në rrugët: “Midhi Kostani”, “Kiço Greço”, “Marigo Pozio”, në pikat e hyrjes në terminalin e autobusëve dhe në zonat e tjera përreth ku zhvillohen aktivitetet.

Në të gjithë qytetin, në vendet që do të zhvillohet festa ku pritet të ketë grumbullim dhe qarkullim më të madh të njerëzve, në bulevardet kryesore dhe në akset rrugore që lidhin Korçën me rrethet e tjera, do të ketë prezencë të shtuar të shërbimeve të policisë së Rendit, Policisë Kriminale, Policisë Rrugore, grupeve të FNSH-së dhe Forcës Speciale “Shqiponja”, të cilët do të mbikëqyrin ruajtjen e rendit, do të ndërhyjnë për zgjidhjen e problematikave dhe do të parandalojnë krijimin e situatave të ndryshme, të cilat mund të cenojnë sigurinë publike.

☑Policia Rrugore apelon të gjithë drejtuesit e automjeteve të respektojnë rregullat e qarkullimit rrugor, të mos përdorin pije alkoolike gjatë drejtimit të mjetit, të vendosin rripin e sigurimit/kaskën mbrojtëse, të mos përdorin celularin, me qëllim shmangien e ngjarjeve të mundshme rrugore, si dhe të zgjedhin përdorimin e shërbimeve të transportit publik për lëvizjet e tyre.

Shërbimet e Rendit do të kujdesen gjithashtu për të mbajtur kontakt të vazhdueshëm me drejtuesit e objekteve me rëndësi të veçantë si nënstacionet elektrike dhe Ujësjellësin, për të forcuar masat e ruajtjes së tyre.

Të gjithë qytetarët të cilët do të ndeshen me problematika apo shqetësime të ndryshme të telefonojnë në numrin pa pagesë 112. Policia e Shtetit iu siguron reagim të shpejtë dhe të paanshëm.

The post Nis sot Festa e Birrës në Korçë/ Surpriza për 5 ditë me radhë, ja rrugët që do të bllokohen appeared first on Albeu.com.

Gjatë kohës që këngërtari serb ishte në podium, u hodh gaz lotsjellës nga disa persona që tentuan ta prishnin koncertin.

Sot ata persona ndodhen në qelitë e burgut dhe dhe mes tyre është edhe personi në foton e mëposhtme Josif Gorrea.

Në rrjetet sociale po qarkullon një thirrje për lirimin e personave që hodhën gaz lotsjellës, pasi sipas postimeve në rrjet, qëllimi i tyre ishte thjesht dhe vetëm patriotik.

Postimi i plotë:

I lus miq e dashamirë në përkrahjen e lirimit të menjëhershëm të Josif Gorrea që mbahet në Polici për rastin e ga*zit lot*ësjellës në Korçë.

Lus t’ë gjithë miq e dashamirë ta shikojme t’i ndihmojmë si me gjo*bë dhe me avokat.

Ai e kreu punën. Mos t’a lajmë në baltë.

#UneJamJosifGorrea

Shpërndarje/albeu.com

The post Prishi koncertin e Bregoviç, kërkohet ndihmë për ta liruar nga qelia (FOTO LAJM) appeared first on Albeu.com.

Koncerti i tij u mbajt mbrëmjen e djeshme në “Festën e Birrës” në Korçë, ku u shënua dhe një incident. Një person hodhi gaz lotsjellës, dhe më pas u ndalua nga policia.

Në reagimin e tij, Rama shkruan se, askush nuk e dha asnjë provë të vetme për ta justifikuar histerinë mesjetare, fashiste e të turpshme kundër një këngëtari, duke e cilësuar si një nga muzikantët më të jashtëzakonshëm në Ballkan.

Postimi i plotë i Ramës:

Një gazetare e mirënjohur shqiptare e Kosovës, e cila respektohet ndërkombëtarisht dhe kontribuon për tribuna prestigjoze të shtypit botëror, e tha shumë troç se Goran Bregoviçi nuk ka asnjë lidhje, me asnjë prej të zezave që iu faturuan nga zjarrnxitës mendjefikur, sa në Prishtinë dhe sa në Tiranë.

Por muzikanti i famshëm nga Sarajeva, me baba kroat, nënë serbe dhe grua muslimane boshnjake, u kthye në një “kriminel serb” që duhej djegur në zjarret e gushtit shqiptar, pavarësisht se as serb nuk është përveç të tjerash. Paçka se Bregoviçi nuk ka thënë asgjë kundër shqiptarëve, nuk i ka kënduar asfare masakrave të regjimit të Millosheviçit dhe nuk ka qenë gjëkundi mbështetës i atij regjimi as me fjalë as me vepra, e vërteta as që kishte rëndësi. Rëndësi kishte zjarri i politikës qorre, e cila krijon armiq, ushqehet armiqësisht dhe jeton për armiqësinë – thënë aq bukur nga një prej zjarrnxitësve mendjefikur, “Më pëlqen ta dëgjoj Bregoviçin, po nuk shoh dot me sy Edi Ramën!”.

Askush, hiç askund, nuk e dha asnjë provë të vetme për ta justifikuar histerinë mesjetare që shpërtheu kundër një muzikanti nga më të jashtëzakonshmit e Ballkanit. Ishte një histeri fashiste, e turpshme per qytetarinë europiane të shqiptarëve, për historinë dhe për traditën tonë po ashtu, e cila fatkeqësisht nuk dallonte aspak nga histeritë linçuese të grupeve fashiste kudo në botë.

Ku ndryshojnë për shembull ata që në Serbi i hakërrehen me fjalorin më të ndyrë Dua Lipës në rrjetet e saj sociale, vetëm pse ajo është një shqiptare krenare e Kosovës, e cila del mbështjellë me të dy flamujt e shteteve tona, me ata që iu hakërryen me shqipen më të ulët në rrjetet tona sociale Goran Bregoviçit, duke e trajtuar si një kriminel lufte e duke i mveshur faje që ai nuk i ka bërë vetëm se ai këndon serbisht?

Ndryshojnë vetëm në faktin se të parët shajnë e mallkojnë serbisht, ndërsa të dytët sharjet e mallkimet i lëshojnë në shqip. Të dyja palët i përkasin besnikërisht kategorisë së ulët njerëzore të urrejtësve të verbër, te cilës kjo botë i ka parë vetëm sherrin, kudo e kurdo që ajo ka arritur të imponojë mbi shoqërinë verbërinë e vet./albeu.com

The post Incidenti në koncertin e këngëtarit serb, reagon Rama: Histeri fashiste, Bregoviç është muzikant i mrekullueshëm appeared first on Albeu.com.

“Jam i lumtur që jam këtu. Shpresoj që do e pëlqejnë koncertin sot. Është verë dhe duhet të bëjmë qejf. Do të jetë një zbavitje për ne, por edhe për ju. Kemi dy vite që nuk dalim. Do të jetë një çmenduri dhe nëse nuk çmendeni nuk jeni normal”, u shpreh Bregoviç para se të ngjitej në skenë./albeu.com

The post Bregoviç: Do e djegim vendin sonte, kush nuk çmendet është i çmendur! Tym gjithandej (VIDEO) appeared first on Albeu.com.

Lajmin e bëri të ditur vetë Bashkia e Korçës në “Facebook”, ku shkruan se Bregoviç ka zgjedhur pikërisht këngën e kënduar ne gjuhën shqipe, kompozuar prej tij “Kosovska” apo “Kosovarja”, për të çelur koncertin në qytetin juglindor.

E në kohën e një debate të gjerë që u zhvillua anëembanë trojeve shqiptare për mospjesmarren apo pjesmarrjen e tij në concert, Bregoviç mesa duket ka vendosur të zbusë gjakrat duke e hapur me këngë shqiptare.

Ajo është një këngë e vjetër tradicionale që bën fjalë për krahinën e Kosovës. Këtë këngë ai e ka krijuar dhe interpretuar në vitet 80 me grupin e tij “Bjelo dugme”.

Pjesë teksti i këngës.

“Rroke mandolinën

Bjeri bjeri bjeri çiftelisë

Të gjithë do t’këndojmë

kënga le t’jehojë

Kënga le t’jehojë –

Çdo gjë mund të jetë Roken-roll.

The post Bregoviç do të këndojë shqip! Kush është kënga me të cilën do hapë fëstën (FOTO LAJM) appeared first on Albeu.com.

Festa pritet të fillojë nga çasti në çast. Pak nga pak po mbushet terminali i autobusave ku është vendosur edhe një prej skenave të Festës.

Në orën 20:00 në skenën e terminalit ngjiten këngëtari grek Lefteris Pantazis si dhe ata shqiptarë Devis Xherahu e Vikena Kamenica që do të ‘djegin’ atmosferën.

Qytetarët duken të entuziazmuar dhe mezi presin startin e festës.

Korçarë dhe turistë janë bashkuar tashmë për të kaluar 5 ditë festive në qytetin juglindor dhe për të shijuar mbrëmjet e bukura nën shijen e birrës dhe tingujt e muzikës./albeu.com/

The post Korça thuajse është gati për festë, kush janë këngëtarët që çelin festivalin appeared first on Albeu.com.

Në datat 18 deri në 22 gusht, në këtë organizim kaq festiv, do të marrin pjesë grupe dhe këngëtarë që do të performojnë “live” në të dy skenat të cilat presin si çdo vit vizitorë jo vetëm shqiptar, por edhe nga vende të ndryshme të botës, është shfaqur interes i madh nga qytetarë brenda dhe jashtë vendit.

Këngëtarë të tjerë të njohur të cilët do të performojnë në natën e parë të festës janë edhe Vikena Kamenica, Devis Xherahu si dhe Alt’n Beats & Banda. Ky do jetë koncerti i parë që do të zhvillohet në Terminalin e ri të qytetit Jug-Lindor.

Festa në Korçë do të zgjasë 5 ditë e 5 netë, ku qytetarët do të kenë mundësi të argëtohen mjaftueshëm./albeu.com/

The post Nuk është shqiptar, ky është këngëtari që do të hapë festën e birrës në Korçë appeared first on Albeu.com.

Për të garantuar sigurinë e qytetarëve pjesëmarrës, policia ka marrë një sërë masash në drejtim të sigurimit të rendit dhe qetësisë publike, për zhvillimin dhe manifestimin sa më normal të këtij aktiviteti.

Nga shërbimet e Sektorit të Policisë Rrugore, në bashkëpunim me Komisariatin e Policisë Korçë dhe Policinë Bashkiake, do të merren masa për bllokimin e lëvizjes së automjeteve në të dy akset rrugore përkatësisht tek rrethrrotullimi përballë “Pazarit të Vjetër”; të dy akset rrugore pranë pallatit “City Center” drejt kryqëzimit të Maliqit dhe rrugës përballë “Ish-NPV”.

Bllokimi i akseve rrugore do të fillojë që prej orës 16:30 deri në orën 00:30, të çdo dite të organizimit të Festës së Birrës, nga kryqëzimi i fshatit Çiflig deri tek kryqëzimi i Agjensisë Shtetërore të Kadastrës (ASHK) Korçë; nga stadiumi “Skënderbeu” deri tek ASHK Korçë dhe nga kryqëzimi i ASHK Korçë, deri tek rrethrrotullimi i Voskopojës.

Qarkullimi i automjeteve brenda qytetit, do të kryhet përgjatë bulevardit “Gjergj Kastrioti” dhe rrugës “Fan Noli”, ndërsa dalja nga qyteti do të bëhet nga stadiumi “Skënderbeu”, tek Drejtoria Rajonale e Shërbimeve të Transportit Rrugor (DRSHTRR) Korçë, në drejtim të Tiranës.

Orientimi i lëvizjes së automjeteve drejt vendeve të përcaktuara për parkim nga Bashkia Korçë, do të bëhet në bashkëpunim me autoritetet bashkiake në zonën përreth stadiumit, nga DRSHTRR Korçë në drejtim të fshatit Dishnicë dhe nga kryqëzimi i Ersekës në drejtim të fshatit Dvoran.

Në të gjithë qytetin, në vendet që do të zhvillohet festa ku pritet të ketë grumbullim dhe qarkullim më të madh të njerëzve, në bulevardet kryesore dhe akset rrugore që lidhin Korçën me rrethet e tjera, do të ketë prezencë të shtuar të shërbimeve të Policisë së Rendit, Policisë

Kriminale, Policisë Rrugore, grupeve të FNSH-së, Forcave Speciale “Shqiponjat”, të cilët do të mbikqyrin ruajtjen e rendit, do të ndërhyjnë në zgjidhjen e problemeve dhe do të parandalojnë krijimin e situatave të ndryshme, të cilat mund të cënojnë sigurinë publike.

Policia Rrugore apelon të gjithë drejtuesit e automjeteve që​ të shmangin lëvizjet e shtuara me mjet përgjatë këtyre ditëve, të respektojnë rregullat e qarkullimit rrugor duke kufizuar përdorimin e pijeve alkoolike, të vendosin rripin e sigurimit dhe kaskën mbrojtëse, të mos përdorin celularin gjatë drejtimit të mjetit, me qëllim shmangien e ngjarjeve të mundshme rrugore./albeu.com

The post Festa e Birrës në Korçë, këto janë akset ku do të bllokohet lëvizja e mjeteve appeared first on Albeu.com.

Gjithashtu nuk ka munguar edhe një reagim në lidhje me fushatën për bojkotimin e festës për shkak të pranisë së këngëtarit serb, Goran Bregoviç.

Bashkia shkruan se, Korça dhe korçarët nuk i kanë harruar vuajtjet, por thjesht po refuzojnë me dinjitet e mençuri të bien në grackën e instrumentalizimit politik

Postimi në Facebook

KORÇA që këndon DUA MË SHUMË SHQIPËRINË

Po afrohen ditët e Festës së Birrës në Korçë, ditët e gjallërisë, gëzimit dhe rekordit të vizitorëve që zgjedhin të shijojnë magjinë e Korçës dhe festën.

Ka 15 vite që Festa e Birrës tejmbush hotelet, baret, restorantet, rrugicat e bulevardet e Korçës duke u bërë promotori i një filozofie të tërë zhvillimi për turizmin dhe ekonominë lokale që nisi nga Korça e u hap me shpejtësi në gjithë Shqipërinë.

Njerëzit në këtë festë i bën bashkë muzika, dëshira për ta festuar e gëzuar jetën dhe magjia e Korçë që bën krenare vendasit e mahnit vizitorët nga brenda e jashtë Shqiperisë.

Korça i ka të gjitha!

Sharmin e një qyteti europian, kulturën dhe mikpritjen e shkëlqyer të banorëve të saj, historinë, artin, muzikën, kulinarinë, ajrin e freskët edhe në verën përvëluese.

Ka edhe Festën e Birrës dhe shumë festa të tjera që bëjnë bashkë mijëra korçarë e vizitorë për t’iu gëzuar jetës, harmonisë dhe mrekullisë që Korça fal.

Korçarët me të drejtë janë krenarë e të vetëdijshëm për atë që Korça i ka dhënë e vazhdon t’i japë Shqipërisë.

Që nga fjalët e himnit te flamurit, mësonjëtoren e parë të shkronjave shqipe, Bandën Vatra, Korin Lira, filantropët, patriotët dhe intelektualët e shquar që edhe në mërgim punuan deri sa mbyllën sytë për Korçën dhe Shqipërinë.

Korça e shkëlqimit të Rilindjes Kombëtare, Korça e trimërisë së luftës për atdhe, Korça e mikpritjes bujare e të pakursyer të vëllezërve shqiptarë të Kosovës gjatë luftës, Korça që ka kryekëngë “Dua më shumë Shqipërinë”, Korça me banorë nga minoritete, etni kulturore e fe të ndryshme, në harmoni perfekte me njëra-tjetrën, ka qënë e vazhdon të jetë drita e patriotizmit, kulturës, tolerances dhe modelit të shkëlqyer të një lokaliteti të civilizuar me vlera të rralla që bëjnë krenar çdo korçar e shqiptar.

Përpjekjet e ditëve të fundit për të dëmtuar imazhin e Korçës dhe korçarëve janë thjesht pjesë e një skenari që nxit përçarje e konflikt, për të trazuar ujërat e për të nxehur gjakrat me të pabëra e të pathëna.

Korçarët nuk janë të pandjeshëm ndaj dhimbjes e vuajtjeve të mëdha të njerëzve të gjakut e kombit të tyre! Përkundrazi!

Korça dhe korçarët thjesht po refuzojnë me dinjitet e mençuri të bien në grackën e instrumentalizimit politik të një feste ku në vite kanë kënduar këngëtarë nga Shqipëria, Kosova, Maqedonia, Greqia, Hollanda, Suedia, Anglia, Italia, Franca, SHBA dhe tani po vjen të këndojë edhe një këngëtar serbo-kroat i lindur në Bosnjë.

E ka mirëpritur çdo cep i botës muzikantin ballkanas që kë kapërcyer prej vitesh kufijtë e Ballkanit, e ka mirëpritur edhe Tirana në 2006.

Të pandjeshem janë ata që hedhin gurin e ndasive dhe fshehin dorën që prek koren e plagëve të vëllezërve shqiptarë të Kosovës duke shpifur, trilluar e manipuluar e deri duke vënë në gojën e drejtuesve të bashkisë fjalë të pathëna për t’i fryrë zjarrit të ndezur po prej tyre dhe për të fyer sakrificat e shqiptarëve për liri.

Por ata harrojnë se Korça dhe korçarët kanë qënë e do të jenë gjithmonë ne anën e dritës!

Le të festojmë së bashku me kulturë e qytetari!

Le t’i kendojmë dashurisë, atdheut, harmonisë dhe vlerave njerëzore.

Kështu e DUAM MË SHUMË SHQIPËRINË!/albeu.com

The post Bashkia Korçë për fushatën kundër Bregoviç: S’i kemi harruar vuajtjet e kombit, por thjesht refuzojmë të biem në grackën e instrumentalizimit politik appeared first on Albeu.com.

Në një deklaratë për media, sipas PD-së së Korçës, festa e birrës gjithmonë ka bashkuar njerëz, ndërsa tani po i ndan. Ndërkohë a kërkuar shkarkimin e funksionarëve dhe që institucioni i Bashkisë së Korçës të distancohet.

DEKLARATA NGA PD E KORÇËS

Deklarata dhe reagime ka pasur prej disa ditësh sa i përket organizimit të Festës së Birrës në qytetin e Korçës, shqetësimeve të artistëve dhe qytetarëve të shumtë i janë bashkuar edhe familjarët e viktimave të genocidit serb. Festa e birrës e cila tradicionalisht bashkonte qytetarët ka vite që është kthyer në ndarëse dhe përçarëse. Ky organizim nga Bashkia Korçë u bënë vite me rradhë që me zhvendosjet, klientelizmin dhe paratë publike shpërblehen bizneset e lidhura me Peleshin dhe miqtë e tij.

Ky organizim publik që nga organizatohet me paratë e taksave të qytetarëve të Korçës, shfrytëzohet nga Peleshi për përfitime direkte. Çmenduria shkon deri aty sa për të kaluar në ambjente publike duhet të paguash 10 mijë lek. Për të vazhduar deri në fund skandalin N/kryetarja e Peleshit ka deklaruar per mediat se shqiptaret nuk janë trima, ata janë trima vetëm në FB, e vazhdon perçmimin ndaj shqiptarëve Benila Terova.

Abuzimi, përçmimi dhe tallja me cinizëm ndaj vlerave të shqiptarëve është tejkalim i çdo kufiri. PD dega Korçë kërkon shkarkimin e menjëhershëm të funksionarëve servilë dhe distancimin e institucionit të bashkisë Korçë nga këto deklarata të turpshme. Deklarata të tilla nuk përfaqësojnë vlerat e qytetarëve korçarë dhe vendit tonë. Ne distancohemi dhe përbuzim çdo nënçmim për qytetarët./albeu.com

The post Bregoviç në “Festën e Birrës”, PD e Korçës: Organizimi dikur i bashkonte njerëzit, tashmë po i ndan appeared first on Albeu.com.