Fernando Morientes ka reaguar ashpër ndaj Real Madridit për mënyrën se si klubi ka trajtuar interesimin për Rodrin, mesfushorin e Manchester Cityt që tashmë ndodhet pranë një transferimi te rivali i përbetuar, Barcelona.

Rodri, fitues i Kupës së Botës me Spanjën, është një nga objektivat kryesorë të klubit katalunas. Sipas raportimeve të fundit, Barcelona po i afrohet gjithnjë e më shumë marrëveshjes për sigurimin e shërbimeve të tij.

Mundësia që mesfushori spanjoll të përfundojë në Barcelonë ka shkaktuar pakënaqësi në Madrid. Morientes, ish-lojtar i Real Madridit, e ka shprehur këtë qëndrim duke kritikuar hapur klubin.

“Është një shaka. Ata na marrin për budallenj. Është e qartë se Real Madridi nuk e donte Rodrin. Real Madridi nuk fle në gjumë në situata të tilla. Mund të flesh kur bëhet fjalë për një mbrojtës të djathtë 14-vjeçar, por jo për një lojtar të këtij lloji”, deklaroi Morientes.

Ish-sulmuesi e cilësoi të pajustifikueshme përpjekjen e klubit madrilen për ta paraqitur vendimin e Rodrit si një zgjedhje tërësisht personale të lojtarit për t’iu bashkuar Barcelonës.

“Real Madridi nuk i ka bërë të gjitha përpjekjet e nevojshme. Tani ia kalojnë përgjegjësinë Rodrit, duke thënë se ai donte të nënshkruante për Barçën për shkak të stilit të lojës. Kjo është një shaka me shije të keqe për ata prej nesh që e njohin futbollin”, shtoi ai.

Morientes solli në vëmendje edhe disa prej transferimeve më të bujshme të Real Madridit. Sipas tij, sa herë që klubi ka qenë realisht i vendosur për të marrë një futbollist të nivelit botëror, ka arritur ta mbyllë me sukses operacionin.

“Kur Real Madridi ka shkuar pas një transferimi të këtij lloji, ia ka dalë ta realizojë: Figo, Zidane, Owen, Ronaldo… Askush të mos vijë të më thotë tani se Rodri donte të luante diku tjetër”, përfundoi Morientes.

Fjalët e tij vijnë ndërsa Barcelona po bën hapa përpara në përpjekjen për të transferuar Rodrin, duke e shndërruar betejën për yllin spanjoll në një tjetër përballje të rëndësishme mes dy klubeve më të mëdha të futbollit spanjoll.

The post Po përpiqen të na bëjnë budallenj”, Morientes kritikon Real Madridin për çështjen Rodri appeared first on Albeu.com.

Fernando Morientes ka shprehur dëshirën që Liverpooli të tentojë një goditje të madhe në merkato për Lamine Yamal, duke e parë talentin e Barcelonës si zëvendësues të Mohamed Salah. Sidoqoftë, ish-sulmuesi pranon se një operacion i tillë është ekonomikisht i paarritshëm.

Ish-lojtari i Real Madridit dhe Liverpoolit beson se klubi anglez do të përfitonte duke afruar Yamal, ndërsa njëkohësisht do t’i bënte edhe një shërbim “Los Blancos”, pasi Barcelona do të humbiste një prej rivalëve të saj më të rëndësishëm.

“Do të më pëlqente shumë nëse Liverpooli do të kërkonte Lamine Yamal nga Barcelona për të zëvendësuar Mohamed Salah! Një spanjoll te Liverpool, për t’i dhënë atij niveli”, u shpreh fillimisht Morientes për Reviant.

“Do të ishte mirë që Real Madridi të mos e shihte atë te Barça, kështu që është më mirë ta shihnim të luante për Liverpoolin”, përfundoi ish-ylli spanjoll.

Yamal, që këtë javë mbushi 19 vjeç, numëron 49 gola në 151 ndeshje me Barcelonën. Sipas Transfermarkt, vlera e tij arrin në 200 milionë euro, shifër që e vendos në krye të listës botërore së bashku me Erling Haaland.

Ndërkohë, objektivi më realist i Liverpoolit është anësori i PSG-së, Bradley Barcola. Raportohet se bisedimet në këtë drejtim po përparojnë, teksa klubi kërkon të përforcojë repartin ofensiv pas largimit të Salahut.

The post Morientes dëshiron që Liverpooli ta marrë Yamalin nga Barcelona appeared first on Albeu.com.