Portugezi do të sigurohet që të gjithë shokët e tij të skuadrës të bëjnë përpjekjet e tyre më të mira pasi klubi synon të fitojë titullin e parë të ligës që nga viti 2013.

Sipas The Sun, një burim nga Manchester United tha: “Lojtarët dhe stafi stërvitor tani besojnë se kanë skuadrën më të mirë në ligë dhe mund të fitojnë Premier Ligën këtë sezon.

“Ronaldo gjithashtu ka folur me Bruno Fernandes dhe i ka thënë që t’u tregojë lojtarëve të tjerë se ata duhet ta fitojnë titullin këtë vit.

“Ata duhet të punojnë shumë dhe të fillojnë të besojnë në veten e tyre. Lojtarët nuk kanë ndalur së foluri për Ronaldon që kur ai nënshkroi dhe ata mezi presin të stërviten dhe të luajnë përkrah tij”, thuhet nga burimi i afërt i klubit.

Me Ronaldon në krye dhe me fanellën e tij me numrin shtatë, pritjet në Old Trafford janë shumë të larta.

Ai, së bashku me nënshkrimet e mëdha verore Jadon Sancho dhe Raphael Varane, kanë siguruar që menaxheri Ole Gunnar Solskjaer të ketë një shans të shkëlqyer për të fituar trofeun e tij të parë për klubin.

Aktualisht, ish-lojtari i Real Madridit po i nënshtrohet një karantine pesë-ditore pasi u kthye nga detyra ndërkombëtare me Portgualinë.

Ai mori një karton të verdhë pasi zhveshi fanellën e tij duke e festuar golin fitues të Kombëtares së tij, e cila çoi në suspendim për një ndeshje që do të thotë se ai mund të lirohet herët nga skuadra e tij kombëtare.

Pasi të ketë mbaruar periudha e tij e izolimit, ai mund të bëjë debutimin e tij kundër Newcastle United para turmës së shikuesve të shtunën më 11 shtator.

Fernandes iu bashkua Unitedit vitin e kaluar dhe ka kontratë deri në vitin 2024-25, por United thuhet se duan t’i ofrojnë rinovim me pagë të dyfishuar.

Ndërsa, kontrata e Pogbas skadon pas 18 muajve dhe nëse refuzon të nënshkruajë rinovimin, atëherë klubi anglez do ta shesë në verë.

Pogba kërkon 500 mijë euro në vijë për të qëndruar në Manchester dhe sipas The Sun, portugezi do rinovojë kontratën vetëm nëse francezi mbetet në skuadër.

Lidhja mes Fernandes dhe Pogbas është bërë mjaftë e mirë, me fituesin e Kupës së Botës që ka shënuar pesë gola dhe dhuruar shtatë asistime këtë edicion.

Kurse, Fernandes ka realizuar 24 gola dhe dhuruar 14 asistime këtë edicion, por United është 11 pikë prapa Cityt në Premierligë këtë edicion edhe pse kanë një ndeshje më pak të zhvilluar./