Fermeret që kultivojnë kastraveca, domate dhe perime të tjera në sera thanë se po falimentojnë pasi pikat e grumbullimit dhe tregtarët fiktojnë çmimet ndërsa shteti nuk ushtron kontrolle. Sipas tyre, tregtarët dhe grumbulluesit I marrin produketet e tyre me çmime të ulta dhe pa faturë tatimore.  Atha thanë njëzëri se po shkojnë në faliment, ndaj i bëjnë thirrje Ministrisë së Bujqëisë të luajë rolin e rregullatorit në treg.  Fermerët e Dimalit, Beratit, Lushnjes e Fierit janë prodhuesit më të medhenj të perimeve në sera në shkallë vendi. Ata thanë se nëse nuk merren masa protesta do të përshkallëzohet në Tiranë, para Kryeministrisë.

The post Fermerët në protestë, bllokojnë rrugën Berat-Lushnje, derdhin domatet e kastravecët në rrugë: Stop abuzimit me çmimet! appeared first on Albeu.com.

gjithashtu, Meta u shpreh se Shqipëria, prodhon sot më pak qumësht se çdo vend tjetër në Europë.

Sipas tij, zbrazja e vendit është e lidhur në veçanti me falimentimin e qëllimtë të Bujqësisë dhe të Blegtorisë.

Postimi:

“Kënaqësi të takoja Edi Pinon në fermën e tij në Shtyllë të Vithkuqit dhe të bisedoja me të mbi shqetësimet që ai dhe blegtorët e tjerë anembanë vendit kanë në këto kohë dramatike për blegtorinë.

Ky sektor jetik për ekonominë e vendit po shkon drejt greminës për shkak se subvencioni për çdo koke lope është 80 euro, gati 5 herë më pak se në Serbi, ndërkohë që 65% e fermave të lopëve te ne që zotërojnë me pak se 10 krerë, përjashtohen nga subvencioni, me një prag diskriminues dhe antikushtetues.

Është kjo arsyeja pse qumështi nga Serbia ka përmbytur tregun shqiptar, sepse numri i krerëve tek ne brenda një pesëvjeçari thuajse është përgjysmuar dhe vazhdon uljen e pandalshme.

Shqipëria, prodhon sot më pak qumësht se çdo vend tjetër në Europë.

Vetëm 41 litra qumësht nga bagëtitë për banorë, ndërkohë që në Europë kjo sasi shkon deri në 1900 litra qumësht për banorë.

Zbrazja e vendit është e lidhur në veçanti me falimentimin e qëllimtë të Bujqësisë dhe të Blegtorisë.

Shqipëria, një fuqi eksportuese është 1 nga 5 prioritetet kryesore të Partisë së Lirisë.

Ne do të rritim me pesëfish financimin për Bujqësinë dhe Blegtorinë.

Do ta ulim TVSH për prodhimet bujqësore dhe blegtorale në 5 përqind ose katër herë më pak se sot.

Partia e Lirisë do t’i dhurojë 10 MIJË EURO fond çdo familje fermere që hap një biznes bujqësor familjar dhe do ta përjashtojë për pesë vite nga taksat dhe tatimet.

Partia e Lirisë do ta kthejë Shqipërinë në fuqi eksportuese”, shkruan Meta.

The post Serbia përmbyt tregun shqiptar me bulmet, Meta takim me fermerë në Korçë: Bujqësia një nga 5 prioritetet appeared first on Albeu.com.

Përballë kësaj situate fermerët kanë kundërshtuar fuqishëm dhe politikat e pikave të grumbullimit të cilat sipas tyre po e vendosin çmimin sipas dëshirës teksa apelojnë njëzëri për të gjitha institucionet përgjegjëse që tu vijnë në ndihmë në këtë situatë të vështirë që po i çon drejt falimentimit.

Ndërkohë tregtari Olsi Hamataj ka pohuar se ditët e fundit ka ndodhur kjo situatë për shkak të mbiprodhimit edhe në vendet fqinje të cilat për të eliminuar prodhimin shqiptar kanë hedhin zërat që luleshtrydhet vendase janë me pesticide.

Teksa kanë bllokuar rrugën dhe kanë hedhur poshtë produktet e tyre fermerët kanë kërkuar që Ministria e Bujqësisë të ngrejë një komision për të verifikuar pesticidet që shiten në treg dhe nëse nuk plotësojnë kriteret të asgjësohen.

The post Fier, fermerët në protestë, kundërshtojnë çmimin e ulët të luleshtrydhes appeared first on Albeu.com.

Sot janë mbledhur ministrat e Bujqësisë të 27 vendeve të Bashkimit Europian për diskutime dhe zgjidhjen e kërkesave të fermerëve. Rreth 300 traktorë janë rreshtuar në qendër të qytetit dhe Rue de la Loi është bllokuar.

Nën tingujt e muzikës dhe parullave, fermerët ngritën barrikada të bëra me pleh organik dhe goma. Policia tentoi të bllokonte kalimin e protestuesve me të paktën tre topa uji, por ata thyen kangjellat dhe iu afruan ndërtesës ku do të mblidhen ministrat e Bujqësisë.

https://www.youtube.com/watch?v=X2smQVVmw1U

Nuk kanë kaluar as një muaj pas mobilizimit “historik” bujqësor në kryeqytetin belg më 1 shkurt, kur më shumë se 1300 traktorë mbushën rrugën dhe sot fermerët janë duke shprehur tensionin e tyre për shkak të shpërfilljes së kërkesve prej kaq kohësh.

Federata e Fermerëve të Rinj në një deklaratë për shtyp, shprehu keqardhjen që “asnjë përgjigje strukturore e mbështetur nga federata nuk u vendos në axhendën e Këshillit të Bujqësisë të kësaj të hëne”.

“Europa duhet të mbrojë më mirë bujqësinë e saj, veçanërisht në kontekstin e marrëveshjeve të tregtisë së lirë. Europa duhet të ketë gjithashtu mjetet për të përmbushur ambiciet e saj duke i siguruar Politikës së Përbashkët Bujqësore (CAP) një buxhet të mjaftueshëm për t’i lejuar fermerët të fitojnë të ardhura për përpjekjet e shumta që bëjnë për të mbrojtur mjedisin” shton federata.

The post VIDEO/ Traktorët bllokojnë Brukselin, situata bën bashkë 27 ministrat e Bujqësisë të vendeve të BE- së appeared first on Albeu.com.

Policia e Gjirokastrës sqaron se policia greke ka njoftuar për bllokimin e rrugës për shkak të protestës që po zhvillojnë fermerët në vendin fqinj.

Njoftimi:

Policia Kufitare greke njofton se deri në 22:00 rruga nacionale Kallpaq-Janinë do jetë e bllokuar për shkak të protestës që po zhvillojnë fermerët. Lejohet qarkullimi vetëm për mjetet e vogla. Ndërsa mjetet e tonazhit të rëndë (kamionë dhe autobuzë), nuk do lejohen të qarkullojnë në këtë hark kohor.

The post Protesta e fermerëve grekë, bllokohet rruga nacionale Kallpaq-Janinë appeared first on Albeu.com.

Sipas ANWB, trafiku në autostradën A2 është ndërprerë në drejtim të Mastrihtit drejt Lièges.

#BREAKING Dutch farmers block the border between the Netherlands and Belgium in both directions of traffic on the highway in Maastricht. pic.twitter.com/w0ETgcP6PT

— The National Independent (@NationalIndNews) February 5, 2024

Mediat holandeze transmetojnë pamjet e dhjetëra traktorëve që bllokojnë pikën kufitare.

Të premten, fermerët holandezë dhe belgë bllokuan pikat kufitare në anën perëndimore të kufirit, më afër Antwerpen.

Javët e fundit, fermerët në vende të ndryshme evropiane kanë protestuar për çmimet e ulëta për prodhimet e tyre, kostot në rritje, importet e lira dhe kufizimet e vendosura nga BE për të luftuar ndryshimet klimatike./albeu.com

The post Vazhdojnë protestat në Evropë, fermerët bllokojnë kufirin holandez-belg (VIDEO) appeared first on Albeu.com.

Demonstratat vijnë pas javësh protestash në vendet e BE-së kundër rregulloreve dhe importeve më të lira.

https://www.youtube.com/watch?v=ez4DHT1Xc2c&t=1s

Fermerët nga Belgjika, Italia dhe Spanja dolën në Place du Luksemburg për të protestuar për gjendjen e tyre ekonomike, të cilën ata thonë se po përkeqësohet nga rregullat gjithnjë e më të rrepta të gjelbërta të nxjerra nga Brukseli.

Ata donin të shprehnin zemërimin e tyre duke bllokuar rrugët dhe duke djegur goma, duke krijuar një atmosferë mbytëse. Sheshi ishte mbuluar nga retë e tymit të zi. Fermerët rrëzuan një nga pesë statujat atje, atë të industrialistit britanik të shekullit të 1-të, John Cockerill.

Zjarret dhe telat me gjemba

Në vendngjarje dëgjohen zhurmat e shpërthimeve dhe borive të traktorit.

Policia ka krijuar një pengesë me tela me gjemba përpara Parlamentit Evropian për të bllokuar hyrjen nga të dyja anët.

Në vendngjarje kanë rënë disa zjarre, ndërsa policia ka tentuar t’i shuajë.

Më parë këtë javë, BE njoftoi disa masa të përkohshme në një përpjekje për të lehtësuar tensionet.

Mirëpo, siç u dëshmua nga mobilizimet, ata nuk mundën t’i thyenin fermerët.

Presidentja e Parlamentit Europian, Roberta Metsola u ka dërguar një mesazh fermerëve.

“Ne ju shohim, ju dëgjojmë. Nëse dëshironi që zëri juaj të dëgjohet, bëjeni atë në qershor, kur të votoni në zgjedhjet e Parlamentit Evropian”.

Sipas politikanes, protestat tregojnë se “duhet të dëgjojmë më shumë” shtresa të caktuara të shoqërisë përpara zgjedhjeve.

The post VIDEO/ Zjarr, vezë dhe përplasje mes fermerëve, rrethohet Parlamenti Evropian appeared first on Albeu.com.

“Ajo që u tha sonte nuk e qetëson zemërimin, duhet bërë më shumë ”, tha Arnaud Rousseau për kanalin televiziv francez TF1.

“Kemi vendosur të vazhdojmë mobilizimin”, shtoi ai.

Më herët, qeveria franceze braktisi planin e saj për të hequr subvencionet shtetërore për karburantin bujqësor pasi fermerët rrethuan Parisin dhe kërcënuan të hynin në kryeqytet me traktorët e tyre.

Megjithatë, Ruso tha se premtimet e bëra nga kryeministri Gabriel Attal ” nuk përmbushën të gjitha pritshmëritë tona “, megjithëse në disa fusha, si në çështjen e karburantit “ato janë në drejtimin e duhur”.

Vazhdimi i mobilizimeve ishte “një vendim i vështirë por i domosdoshëm”, përfundoi ai./albeu.com

The post Fermerët francezë refuzojnë paketën e qeverisë dhe përshkallëzojnë mobilizimet appeared first on Albeu.com.

Kryeministri francez Gabriel Attal insistonte sot se greva e fermerëve “është një thirrje zgjimi” për bujqësinë franceze për të cilën shtoi do ta vendosë “para çdo gjëje”, teksa komentonte mbi pakënaqësinë e fermerëve grevistë, gjatë një vizite në një fermë në Haute-Garonne në jugperëndim të vendit.

Ndërkohë protesta e fermerëve vijonte të zgjerohej sot teksa fermerët me traktorë erdhën nga disa autostrada për të bllokuar  hyrjen në ‘bypass-in’ e Le Mans në veriperëndim të Francë.

Dje qindra traktorë kanë hyrë brenda qyteteve të Rennes e Nantes në perëndim të vendit, duke u rënë borive e duke shfaqur pankarta anti-qeveritare e imitime gijotine.

“Nuk durojmë më pasi nuk fitojmë dot jetesën me punën tonë, nëse njerëzit duan ushqim cilësor ata nuk duhet të blejnë prodhimet e huaja”, tha protestuesja Nathalie Posseme, duke iu referuar politikave të zëvendësimit të ushqimit vendas me importe.

Qindra fermerë kishin bllokuar gjithashtu autostradën M35 pranë Strasbourg në lindje të vendit ashtu si dhe autostradën A1 pranë Lille, në kufirin me Belgjikën.

The post Kryeministri francez thotë se qeveria “do të vendosë bujqësinë mbi çdo gjë” appeared first on Albeu.com.

Rama tha se qeveria shqiptare ka rritur fondet për bujqësinë dhe se sot fshati në Shqipëri është një realitet tjetër, ndryshe nga gjysmë të vërtetat apo gënjeshtrat që dalin në ekrane televizionesh.

“Më vjen shumë mirë që jemi në Korçë se e kam përmendur shpesh shembullin e Korçës, ku janë të dyja anët e medaljes. Njëra anë e medaljes ajo e atyre që dalin në rrugë për të hedhur mollët është bërë publike përmes pasqyrave të deformuara të televizorëve që gjysmë të vërtetat që janë dhe gënjeshtrat më të mëdha i kanë bërë ushqimin e përditshëm të popullit tonë. Sepse e vërteta e plotë është tjetër. Ata fermerë që hedhin mollët nuk janë aktorë, janë njerëz realë, janë fermerë që përpiqen por që dështojnë, por kjo është njëra pjesë e të vërtetës. Pjesa tjetër janë shumë herë më tepër sesa ata që prodhojnë, grumbullojnë dhe eksportojnë mollën përveçse e shesin dhe tregun e brendshëm. Pasqyrimi i vëtëm gjysmë të vërtetës prodhon një gënjeshtër të madhe ku sipas tyre Shqipëria është e braktisur. Kjo është gënjeshtër e madhe sepse bujqësia sot është si asnjë vit e asnjë ditë më parë se deri më sot, por patjetër në raport me aty ku duam të arrijmë jemi ende në hapat e parë pas një ringritjeje”, tha Rama.

Ndërkohë kryeministri theksoi se falë mbështetjes së qeverisë shqiptare sot inflacioni në vend është më i ulët se në vendet e rajonit.

Ai tha se qeveria është zotuar për mos rritjen e çmimit të energjisë elektrike, dhe kjo vihet re në fatura, ku 20% e pagujnë qytetarët dh 80% shteti.

“Këtu kamë disa fakte, aktualisht bujqësia shqiptare është ajo që ka pasur nivelin më të qëndrueshëm në vendet e rajonit, dhe nivelin më të lartë të sektorit. Duke qenë se jemi të përfshirë në Ballkanin e Hapur edhe për të ndihmuar fermerët dhe blegtorët me tregje shumë të aksesueshme, nëse Shqipëria ka patur 1.5% rritje, Maqedonia ka pasur vetëm plus 01%. Sipas BB-së, flas për raportin e shtatorit e cila ka bërë një analizë të efekteve të krizës, Shqipëria ka nivelin e inflacionin e produkteve ushqimore më të ulëta se të gjithë vendet e rajonit. Rritja e çmimit të produkteve ushqimore në Shqipëri është thuajse sa gjysma e rritjes në të gjitha vendete tjera të rajonit. Këto janë fakte dhe jo opinione. Fakte që lidhen me fuqizimin e sektorit dhe politikën e qeverisë shqiptare për të mos ngarkuar konsumatorin familjar me barrën e re të çmimit të energjisë, për ta mbajtur çmimin e energjisë aty ku ishte, duke financuar nga buxheti pjesën tjetër,. Në faturën e energjisë që ju vjen juve në shtëpi familjet paguajnë vetëm 20% të çmimit, 80% i paguan buxheti i shtetit, kjo ka bërë që inflacioni të mbahet më në kontroll se sa në vendet e tjera. Është e rëndësishme të ndaj me ju që Bujqësia këtë vit është mbështetur me fondin të lartë të mbështetur ndonjëherë, është 50% më shumë se fondi i miratuar në fillim të vitit, për të mos i lënë fermerët vetëm”, tha Rama.

Po ashtu kryemisnitri shtoi se Shqipëria po punon dyfishin e tokës bujqësore edhe pse ka ende copa djerr, për të cilat ai shtoi se qeveria po punon për të vendosur një super taks.

The post “Super taks për ata që lënë tokën djerr”, Rama nga Korça: Fshati nuk është ai që del në ekran, po punohet dyfish tokë bujqësore appeared first on Albeu.com.