Një mbështetje e madhe i siguroi asaj fitoren përballë dy finalistëve të tjerë që ishin mjaft të preferuar, koreografit Ilir Shaqiri dhe aktorit Elvis Pupa.

Ndaj sot Mimoza ka shkruar fjalë zemre për të gjithë njerëzit që e përkrahën atë që në ditën e parë të pjesëmarrjes së saj në “Ferma Vip 3”, duke shprehur mirënjohje për çdo vlerësim që mori e i mundësoi asaj fitoren.

“Jam ende e emocionuar dhe sinqerisht nuk e kam marrë ende veten plotësisht nga izolimi dhe nga të gjitha emocionet e forta që kam përjetuar. Megjithatë, gjëja e parë që desha të bëj ishte t’ju shpreh mirënjohjen time më të thellë. Ju më keni kuptuar, më keni mbështetur në momentet më të bukura dhe më sfiduese, më keni dhënë forcë kur kisha nevojë dhe keni besuar tek unë deri në fund. Për këtë do t’ju jem mirënjohëse gjithë jetën.

Kjo fitore nuk është vetëm e imja, por e të gjithëve ju që më qëndruat pranë, që më votuat, më inkurajuat dhe nuk reshtët së më mbështeturi. Falë jush, ky rrugëtim mori kuptim dhe u shndërrua në një përvojë që do ta mbaj gjithmonë në zemër” shkruan Mimoza.

Nën shoqërinë e fermerëve të tjerë dhe njerëzve të saj të zemrës, Mimoza është parë duke shijuar fitoren me një festë në një nga clubet në kryeqytet. Të pranishme mësohet se kanë qenë dhe vajzat e saj Luka dhe Eir, me të cilat fituesja e “Ferma Vip 3” ka shijuar mbrëmjen.

Reagimi i plotë i Mimoza Ahmetit

Pas një rrugëtimi të paharrueshëm prej 80 ditësh në Ferma VIP, i cili përfundoi mbrëmë me fitore, ndjej nevojën t’ju falënderoj nga zemra secilin prej jush për mbështetjen, dashurinë dhe besimin që më keni dhënë gjatë gjithë kësaj aventure.

Jam ende e emocionuar dhe sinqerisht nuk e kam marrë ende veten plotësisht nga izolimi dhe nga të gjitha emocionet e forta që kam përjetuar. Megjithatë, gjëja e parë që desha të bëj ishte t’ju shpreh mirënjohjen time më të thellë. Ju më keni kuptuar, më keni mbështetur në momentet më të bukura dhe më sfiduese, më keni dhënë forcë kur kisha nevojë dhe keni besuar tek unë deri në fund. Për këtë do t’ju jem mirënjohëse gjithë jetën.

Kjo fitore nuk është vetëm e imja, por e të gjithëve ju që më qëndruat pranë, që më votuat, më inkurajuat dhe nuk reshtët së më mbështeturi. Falë jush, ky rrugëtim mori kuptim dhe u shndërrua në një përvojë që do ta mbaj gjithmonë në zemër.

Një falënderim të veçantë dua t’ia kushtoj stafit të Ferma VIP për përkushtimin, profesionalizmin dhe kujdesin e treguar ndaj nesh që nga dita e parë. Gjatë gjithë qëndrimit tonë, ata u kujdesën që të mos na mungonte asgjë dhe bënë maksimumin që kjo eksperiencë të ishte sa më e mirë për secilin prej nesh. Mirënjohje për punën e palodhur dhe përkushtimin që shpesh nuk shihet nga publiku, por që ka një vlerë të jashtëzakonshme.

Faleminderit nga zemra familjes sime, miqve të mi, të gjithë mbështetësve dhe çdo personi që ishte pjesë e këtij rrugëtimi. Dashuria që kam marrë nga ju është dhurata më e madhe që mund të merrja.

Ju dua dhe ju jam pafundësisht mirënjohëse

The post Fituesja e “Ferma Vip 3” dhe e zemrave të mijëra njerëzve, Mimoza Ahmeti mirënjohëse për mbështetjen, poetja shijon fitoren krah të bijave appeared first on Albeu.com.

Në podin final, Moza ishte bashkë me Ilirin, ku me shumicë votash ajo ka marrë çmimin e madh prej 129 mijë euro.

“Falenderoj produksionin, por pa publikun nuk do isha këtu. Nga ana tjetër, bashkëjetova për disa muaj dhe pa raportet e gjithësecilëve nuk do kisha bërë ato zbulime që bëra”, shprehet Moza.

Në vend të tretë u rendit Visi, në vend të katërt Soni dhe në vend të pestë Bujaka.

The post Mimoza Ahmeti shpallet fituese e “Ferma Vip 3” appeared first on Albeu.com.

Ajo ishte në një televotim me Romirin, ku publiku vendosi që poetja të shkojë drejt natës së madhe të 15 qershorit, e të vazhdojë garën për çmimin e madh.

“Faleminderit shumë publiku. Tani fillon ferma”, tha Moza mes emocionesh.

Mbrëmjen e sitme do të zgjidhet edhe finalisti i dytë, i cili sipas moderatores do të jetë shumë i veçantë. Po ashtu, përballja në një sfidë do të ketë edhe një eliminim mbrëmjen e sotme.

The post Moza, finalistja e parë e Ferma Vip 3 appeared first on Albeu.com.

Për të matur pulsin e audiencës dhe për të parë se si janë pozicionuar banorët pas ngjarjeve më të fundit, ne krijuam një sondazh në rrjetet sociale, ku ndjekësit u pyetën drejtpërdrejt se cili është banori më pak i pëlqyer i këtij edicioni.

Rezultatet e këtij sondazhi kanë nxjerrë në pah disa të dhëna mjaft interesante. Në listën e banorëve më të pëlqyer dhe më të mbështetur nga audienca, kryeson emri i Mimoza Ahmetit, e ndjekur nga Bujaka dhe Elvis Pupa, të cilët duket se kanë fituar simpatinë e gjerë me origjinalitetin e tyre.

Megjithatë, surpriza e vërtetë vjen në fundin e listës. Ndryshe nga çfarë pritej gjerësisht pas zhurmës së madhe mediatike, banorët më pak të pëlqyer nga ndjekësit kanë rezultuar Ilir Shaqiri dhe Sara Karaj.

Kjo dyshe mban vendin e parë për mungesën e mbështetjes në këtë votim online. Ajo që ka ngjallur më shumë habi është pozicionimi i Fabjola Elezajt.

Edhe pse u bë kryefjala e rrjetit për shkak të ofendimit të paprecedentë ndaj moderatores Arbana Osmani dhe penalizimit nga produksioni, ajo renditet pas Ilirit dhe Sarës.

Fakti që Ola nuk rezulton si banorja më e papëlqyer në mënyrë absolute, tregon se publiku ka rezerva më të forta për lojën dhe karakteret e banorëve të tjerë në garë.

The post Ja kush është banori më pak i pëlqyer në Ferma VIP 3, ‘çuditërisht’ nuk është Ola appeared first on Albeu.com.

Artistja ka folur hapur për marrëdhënien me vajzën e saj, Anna, si dhe për raportin që vazhdon të ketë me ish-bashkëshortin, balerinin dhe aktorin italian Mirko.

Soni theksoi se, edhe pse rrugët e tyre si çift janë ndarë, ata kanë zgjedhur të ruajnë një marrëdhënie të shëndetshme dhe të respektueshme, duke vendosur në plan të parë mirëqenien e vajzës së tyre.

Një nga detajet që tërhoqi më shumë vëmendjen gjatë kësaj bisede ishte fakti se Soni dhe ish-partneri i saj jetojnë ende në të njëjtën shtëpi në Itali.

Ajo sqaroi se vila ku ata qëndrojnë është shumë e madhe, gjë që u mundëson të kenë hapësirat e tyre personale, edhe pse ndodhen nën të njëjtën çati.

Kjo zgjedhje, sipas këngëtares, vjen si një mënyrë për të ruajtur stabilitetin dhe qetësinë emocionale të vajzës së tyre, duke shmangur ndryshime të mëdha në jetën e saj të përditshme.

Deklarata e saj nuk kaloi pa reagime, pasi modelja Fabjola u shfaq e habitur nga kjo situatë e pazakontë, duke e cilësuar si diçka jo të zakonshme për shumicën e njerëzve.

The post Habit Soni Malaj: Jetoj ende me ish-bashkëshortin në të njëjtën shtëpi appeared first on Albeu.com.

Shkak për këtë valë teorish, është bërë mungesa totale e aktivitetit të tij në rrjetet sociale.

Përvec atij reagimi të shkurtër dhe të menjëhershëm që dha në ambientet e jashtme ku sapo la fermën, janë bërë tashmë thuajse 24 orë që nuk ka asnjë shenjë publike nga ish-konkurrenti.

Kjo heshtje absolute është një lëvizje mjaft e pazakontë, duke marrë parasysh se banorët që lënë formatet e izolimit zakonisht rikthehen menjëherë në kontakt virtual me ndjekësit dhe mbështetësit e tyre.

Kjo “zhdukje” ka ngritur pikëpyetje të mëdha tek fansat, të cilët po dyshojnë se ai mund të jetë ende i izoluar në ndonjë ambient tjetër, në pritje të një rikthimi të mundshëm.

Tashmë sytë e të gjithëve janë përqendruar te prime-i i radhës, ku mbetet për t’u parë nëse e gjithë kjo situatë është thjesht një shkëputje e Akilit për qetësi personale, apo nëse produksioni ka rezervuar një surprizë të madhe që fshihet pas këtij largimi kaq të dyshimtë.

The post Rrjeti po zien/ Akili nuk është larguar “ende” nga Ferma VIP 3? Çfarë po fsheh produksioni appeared first on Albeu.com.

E pyetur nga moderatorja Arbana Osmani mbi përplasjet e para, Blerina i cilësoi ato si të panevojshme dhe të nxitura nga dëshira për vëmendje.

Situata u tensionua edhe më shumë kur ajo përmendi drejtpërdrejt Akilin, duke e akuzuar se kërkon të dalë në pah përmes sjelljeve negative. Nga ana tjetër, Akili reagoi duke mohuar çdo qëllim për protagonizëm dhe duke theksuar se gjithçka ka qenë spontane.

Debati degradoi në tone personale, ku të dy shkëmbyen akuza për “nivelin”, duke e bërë atmosferën në studio edhe më të nxehtë. Moderatorja u përpoq të ndërhynte për të qetësuar situatën, duke kujtuar se gara sapo ka nisur dhe rruga është ende e gjatë.

Pjesë nga dialogu:

Arbana: Si kanë qenë këto përplasjet e para?

Blerina: Përplasje të lindura për asgjë, nga protagonizmi i atyre që janë të etur për vëmendje.

Arbana: Kush është i etur për vëmendje?

Blerina: Akili kërkon të dalë në pah me anë të gjërave negative. Ne jemi të gjithë njerëz shumë të dalë në ekran, që kemi shumë gjëra për të humbur jashtë. Ne po transmetojmë art dhe pozitivitet; një njeri që do ta thyejë këtë më duket shumë banal.

Akili: Unë kam bërë pyetje, kam luajtur, kam qeshur; ajo nuk ndodhi as për hatrin tim. As nuk e kisha në qëllimet e mia. Rastisi që ndërhyra diku ku nuk kishte pse të ndërhyhej.

Blerina: Nuk jemi në të njëjtin nivel, zemër, nuk kemi të njëjtin brumë.

Akili: Mos na trego nivelin, zemra ime. Kujt i tregon nivelin? Kush je ti? Kur u bëre ti të tregosh nivelin?

Blerina: Mënyra e komunikimit ndaj një vajze është një ulje.

Arbana: Cila është zanafilla?

Blerina: Unë nuk e njihja.

Arbana: Fol për nivelin, fillo, po dëgjoj nivelin.

Blerina: Nuk e kam njohur kurrë përpara, kemi dy nivele të ndryshme.

Akili: Ti nuk je mirë, çfarë niveli ke ti?

The post “Kur u bëre ti të tregosh nivelin?” Përplasje e ashpër në Ferma VIP 3, Blerina “shpërthen” ndaj Akilit appeared first on Albeu.com.

Mimoza ndodhej në ambientet e fermës tek dhoma e Agait, por Arbana e ftoi që të shkonte në një ambient tjetër ku e priste një sfidë.

Në atë ambient ndodheshin tre kuti të mbuluara, brenda 3 kutive ndodheshin kafshë, Mimoza duhet të zgjidhte një kafshë që duhet t’a shoqëronte përgjatë gjithë rrugëtimit të saj në fermë.

Shkrimtarja zgjodhi për ta shoqëruar në këtë rrugëtim një lepur. Mimoza njihet për batuat e saj dhe këtë herë nuk e la mangut.

Kur Arbana po i kërkonte të hapte kutitë Moza u shpreh:”Unë mendova se kishte ndonjë burrë këtu”.

Numri i fermerëve po shtohet dhe surprizat gjithashtu.

The post “Unë mendova se këtu kishte burra’’, çfarë do ta shoqërojë Mimoza Ahmetin në Fermë appeared first on Albeu.com.

Nën moderimin e Arbana Osmanit dhe në regji të Eduart Grishajt, duket se çdo gjë është përgatitur në detaje.

Po ashtu ky edicion vjen edhe me një treshe opinionistësh të njohur për publikun shqiptar si Einxhel Shkira, Ermal Mamaqi dhe Armina Mevlani.

Organizatorët kanë bërë publike se fituesi do të marrë një çmim të majmë prej 200.000 eurosh. Një shifër dyfish më e lartë sesa ajo që fitojnë banorët e “Big Brother VIP 5”, e cila është 100 mijë euro.

The post Nis “Ferma VIP 3”, fituesi do të marrë çmimin e majmë appeared first on Albeu.com.

Lista është e gjatë dhe përfshin artistë, aktorë, influencues dhe figura të njohura të ekranit, disa i njohim mirë.

Mes emrave që u përmendën janë këngëtaret Jonida Maliqi dhe Soni Malaj, aktori dhe humoristi Elvis Pupa, si edhe poetja dhe shkrimtarja Mimoza Ahmeti.

Lista vazhdon me emra nga fusha të ndryshme të showbiz-it, aktrimi apo rrjetet sociale si Sara Karaj, Romir Zalla, Vanesa Sono, Adi Pula dhe DJ Rafaela DJ.

Po ashtu, pjesë e kastit mund të jenë edhe Blerina Bajko, Gona Sina, Gresa Sekiraqa, Beni Vacaj, Malbora Gurra, Kuba, si dhe Fabiola Elezaj, Xhesi Loci, Akil Vardi dhe Indri Shiroka.

Ndërkohë, këtë sezon vëmendja nuk është vetëm te konkurrentët. Në karriget e opinionistëve do të ulen Einxhel Shkira, Armina Mevlani dhe Ermal Mamaqi.

Sezoni i ri shënon gjithashtu rikthimin në ekran të moderatores Arbana Osmani, e cila do të drejtojë programin.

Ky rikthim është veçanërisht interesant, pasi është hera e parë që ajo shfaqet në një logo tjetër televizive pas shumë vitesh në Top Channel dhe në një format që konkurron drejtpërdrejt me “Big Brother VIP Albania“, të cilin e ka moderuar për disa edicione./botasot

The post Zbulohet lista e plotë e konkurrentëve të “Ferma VIP 3” appeared first on Albeu.com.