Ceremonia u zhvillua në ambientet e Universitetit Western Balkans në prani të përfaqësuesve akademikë dhe diplomatikë. Ndër të ftuarit e nderit ishin Ambasadori i Shqipërisë në Japoni, Sh.T. Z. Ermal Muça, Ambasadorja e Japonisë në Shqipëri, Sh.T. Znj. Kikuko Kato, rektorë të disa universiteteve, si dhe përfaqësues të botës akademike.

Në fjalën e hapjes Dr. Ornela Çuçi, Këshilltare për Marrëdhëniet me Jashtë pranë Universitetit Western Balkans, theksoi rëndësinë e këtij momenti jo vetëm për institucionin, por edhe për rolin që ai luan si një urë bashkëpunimi ndërkombëtar dhe promovues i vlerave universale.

Ndërkohë, Rektori i WBU, Prof. Dr. Ferdinand Gjana vlerësoi kontributin e veçantë të z. Sasakawa, duke theksuar përkushtimin e tij mbi katër dekada në luftën kundër lebrës dhe diskriminimit ndaj personave të prekur, si dhe angazhimin e tij të vazhdueshëm për fuqizimin e personave me aftësi të kufizuara në të gjitha fushat e jetës.

Ambasadori Sh.T. Z. Ermal Muça ofroi një perspektivë diplomatike mbi marrëdhëniet ndërmjet Shqipërisë dhe Japonisë, duke theksuar se personalitete si z. Sasakawa janë urë lidhëse mes kulturave dhe model frymëzimi për bashkëpunim ndërkombëtar në shërbim të njerëzimit.

Ndërsa Ambasadorja japoneze, znj. Kikuko Kato, vlerësoi mikpritjen shqiptare dhe theksoi rëndësinë që Japonia i kushton figurave që mishërojnë idealin njerëzor. Ajo e konsideroi këtë titullin e dedikuar për Kryetarin e Fondacionit Nippon, si një akt që shkon përtej vlerësimit akademik dhe përfaqëson denjësisht rolin e z. Sasakawa në ndikimin global.

Në përmbyllje, z. Yohei Sasakawa mbajti një fjalim emocional dhe frymëzues, ku ndau rrugëtimin e tij jetësor, nga një fëmijëri e shënuar nga humbja dhe vështirësitë e pasluftës, drejt një jete të përkushtuar ndaj kauzave humanitare dhe mbrojtjes së dinjitetit njerëzor. Ai shprehu mirënjohjen për këtë nderim të veçantë dhe përcolli mesazhe të forta për të rinjtë mbi rolin e empatisë, qëllimit dhe veprimit në ndërtimin e një bote më të drejtë.

Yohei Sasakawa, lindur në Tokio në vitin 1939, pas dy dekadave në sipërmarrje, i kushtoi jetën humanizmit. Ai ka bashkëpunuar ngushtë me Organizatën Botërore të Shëndetësisë, qeveri dhe organizata ndërkombëtare për eliminimin e lebrës dhe për mbrojtjen e të drejtave të njerëzve të prekur prej saj. Një ndër arritjet më të rëndësishme ishte rezoluta e OKB-së e vitit 2008, e miratuar njëzëri, që dënon diskriminimin ndaj personave të prekur nga lepra dhe familjarëve të tyre, një moment historik në mbrojtje të dinjitetit njerëzor.

The post Universiteti Western Balkans nderon z. Yohei Sasakawa, Kryetarin e Fondacionit Nippon, me “Doctor Honoris Causa” appeared first on Albeu.com.

Të ftuar në këtë event ishin përfaqësues të lartë të institucioneve shtetërore, të bizneseve, akademikë dhe profesionistë të fushave të ndryshme.

Kryetarja e Kuvendit të Shqipërisë, Znj. Lindita Nikolla i dorëzoi çmimin Presidentit të WBU Prof. Dr. Ferdinand Gjana, i cili në fjalën e tij përshëndetëse theksoi se Universiteti Western Balkans po sjell përvojën më të mirë perëndimore në Shqipëri për të siguruar një arsim cilësor në vend dhe për pregatitjen e të rinjve për tregun global të punës.

Ky event ka si qëllim nderimin dhe vlerësimin e sipërmarrjeve për standardin, cilësinë pa kompromis, besueshmërinë dhe përgjegjshmërinë që ata kanë në treg.

The post Universiteti Western Balkans vlerësohet me “Çmimin e Ekselencës” nga Dhoma e Tregtisë dhe Industrisë appeared first on Albeu.com.

Studiuesi i Marrëdhënieve Ndërkombëtare, Ferdinand Gjana, ka komentuar vendimin e fundit të SHBA-ve për të ndaluar importin e energjisë ruse, ku përfshihet gazi dhe nafta.

Gjana tha se ky vendim ishte i domosdoshëm, pasi kjo ëhstë një mënyrë për të luftuar ekonomikisht Rusinë, por që do t6ë ketë pasoja negative në të gjithë botën.

“Unë mendoj se ky vendim ishte i detyruar, do të ketë dhe shumë hapa të tjerë, do të ketë pasoja ku të gjithë do të ndikohemi. Vejndimi i fundit do të pasohet dhe nga shtete të tjera, do të agravojë situatën në aspektin ekonomik, atë ushtarak dhe global’, u shpreh eksperti i marrëdhënieve ndërkombëtare.

Gjana tha gjithashtu se lufta që po përballemi është shumë më e komplikuar se pandemia e koronavirusit me të cilën po jetojmë prej dy vitesh.

‘Në ditë e para të pandemisë shumë njerëz, shumë prej nesh mendonte se ajo do mbaronte pas dy ditësh pas dy javësh pas dy muajsh, por sot po bëjmë dy vjet nga fillimi pandemisë. Kjo luftë është shumë më serioze dhe shumë më e komplikuar se pandemia”, tha Gjana.

The post Vendimi i SHBA për energjinë ruse, Gjana: I domosdoshëm, por do të agravojë situatën ekonomike në botë appeared first on Albeu.com.

Por, sipas tij, “nga ana tjetër, rezultati nuk ishte sipas pritshmërisë”.

“Ishte një proces shumë pozitiv, por jo i mjaftueshëm. Kishte një konsensus që Berlini ta udhëhiqte këtë proces, por ndodhi ndryshimi i presidencës, e mori Franca, dhe kjo solli stepje të Gjermanisë në kuadër të procesit të Berlinit dhe politikave të tjera. Më pas, Brexit-i frenoi më tej proceset që po zhvilloheshin lidhur me rajonin tonë”, shpjegoi Gjana.

The post Procesi i Berlinit, Gjana: Nuk solli rezultatin e pritur appeared first on Albeu.com.

“Në botë 2/3 e vendeve jetojnë në sisteme diktatoriale apo autoritare. Pas viteve ’90 me rënien e komunizmit, demokracia u përvetësua nga vende të ndryshme në mbarë botën. Por sidomos pas vitit 2001 me aktet terroriste dhe rritjen e pasigurisë, autoritarizmi filloi të fitojë hapësirë dalëngadalë.

Dy arsyet sipas ekspertëve përse pëlqehet është; njëra dimensioni i sigurisë, tjetra arsye biologjike. Siguria ka të bëjë me atë që në momentin që në një vend rritet problematika e sigurisë, ekonomike apo sociale, njerëzit afrohen me shumë me figura autoritare për të qenë më të sigurt.

Këtë e shikojmë edhe në vende të konsoliduara. Rasti biologjik është shumë interesat, pasi sipas hulumtimeve, kemi që 1/3 e shoqërisë preferon biologjikisht figurat autoritare, kjo e bën të brishtë ekuilibrin mes lirive dhe autoritarizmit” tha ai.

Gjana theksoi se njeriu pa shpresë nuk ka asnjë kuptim të jetojnë. “Pa shpresë nuk do të kishte njerëzim. Njeriu pa shpresë nuk ka asnjë kuptim të jetojnë. Shpresa është një forcë e fortë emocionale, shpirtërore, e cila e shtyn njeriun drejt ditëve më të bukura dhe nëse nuk i arrin, ndenja e shpresës i jep një përjetësi, ndjesi të ëmbël, pozitive” tha ai. Abcnews.al

The post Ferdinand Gjana në “Refleksione”: 2/3 e botës në diktaturë, dy arsyet pse pëlqehet autoritarizmi (VIDEO) appeared first on Albeu.com.