Sulmuesi anglez Mason Greenwood është transferuar zyrtarisht te Fenerbahçe nga Olympique de Marseille, njoftoi klubi turk.

Gjiganti i Stambollit bëri me dije se ka arritur një marrëveshje si me ekipin francez, ashtu edhe me lojtarin, i cili ka firmosur një kontratë katërvjeçare.

Bazuar në komunikimin e Fenerbahçes, shuma totale e transferimit arrin në 39 milionë euro, e cila do t’i paguhet Marseille-it në tri këste të barabarta gjatë tri viteve.

Po ashtu, skuadra turke do të përballojë edhe tarifën e kontributit të solidaritetit, në përputhje me rregullat e FIFA-s.

Në një deklaratë, Fenerbahçe e mirëpriti Greenwood në familjen e saj dhe i dëshiroi shumë suksese, trofe dhe kampionate me fanellën e klubit.

24-vjeçari mbërrin në Stamboll si një prej afrimeve më të bujshme të merkatos verore, ndërsa Fenerbahçe shpreson që ai të shndërrohet në një nga udhëheqësit e skuadrës në sezonet e ardhshme.

The post Zyrtare: Fenerbahçe blen Mason Greenwood, një shifër marramendëse për futbollin turk appeared first on Albeu.com.

Vedat Muriqi ka shënuar progres të konsiderueshëm gjatë fazës së rikuperimit dhe shumë shpejt pritet të kthehet në fushë me fanellën e Fenerbahçes.

Raportimet e beIN Sports bëjnë të ditur se rehabilitimi i sulmuesit kosovar po zhvillohet sipas parashikimeve, ndërsa ai tashmë mund të përfshihet në ndeshjen e parë të ekipit turk gjatë fazës përgatitore.

Në këtë rikthim, sulmuesi me përvojë parashikohet të aktivizohet për rreth 15-20 minuta, në mënyrë që të rifitojë hap pas hapi ritmin e garës dhe gjendjen e tij më të mirë fizike pas lëndimit.

Teksa Fenerbahçe vijon përgatitjet për edicionin e ri, kthimi i Muriqit konsiderohet një zhvillim i rëndësishëm si për trajnerin, ashtu edhe për tifozët verdheblu, për shkak të peshës që ai ka në repartin e sulmit.

Takimi i ardhshëm i Fenerbahçes në kampin parasezonal do të jetë ndaj ekipit polak Pogon Szczecin më 11 korrik, sfidë në të cilën pritet edhe rikthimi gradual në lojë i Vedat Muriqit.

The post Fenerbahçe merr lajm pozitiv, Vedat Muriqi afër kthimit në fushë pas rehabilitimit appeared first on Albeu.com.

Mason Greenwood po afrohet me fundin e aventurës së tij te Olympique Marseille, ndërsa mundësia e një kalimi surprizë në elitën e futbollit turk po merr gjithnjë më shumë formë.

Sulmuesi anglez, i transferuar te Marseille në vitin 2024, ndodhet aktualisht në qendër të negociatave të forta që mund ta dërgojnë te Fenerbahce.

Burime të ndryshme raportojnë se klubi turk është shumë afër finalizimit të një marrëveshjeje të rëndësishme për Greenwoodin, me diskutimet me klubin francez që kanë bërë përparim të dukshëm.

Bisedimet mes palëve kanë vazhduar larg vëmendjes publike që prej mbylljes së sezonit 2025/26, periudhë në të cilën nisën të intensifikoheshin zërat për të ardhmen e futbollistit anglez.

Ndonëse Atletico Madrid tentoi ta bindte ish-lojtarin e Manchester United me një projekt sportiv ambicioz, ishte oferta ekonomike dukshëm më e leverdishme e Fenerbahces ajo që bëri diferencën.

Greenwood pritet të firmosë një kontratë katërvjeçare me skuadrën nga Stambolli, ku do të përfitojë 10 milionë euro neto në sezon.

Në momentin kur ai u largua nga Manchester United për t’iu bashkuar Marseilles në verën e vitit 2024, marrëveshja përfshinte edhe një klauzolë që i siguron klubit anglez një përqindje nga çdo shitje e ardhshme e lojtarit.

Pikërisht për këtë aspekt, Fenerbahce ndoqi një qasje të ndryshme në negociata, ndryshe nga Atlético Madridi, i cili kishte zhvilluar kontakte vetëm me Marseillen.

Klubi turk vendosi të negociojë veçmas si me Marseillen, ashtu edhe me Manchester Unitedin, me synimin për të sqaruar detyrimet financiare që i takojnë secilës palë në këtë transferim.

Pas një sezoni të shkëlqyer 2025/26 me Marseillen, ku realizoi 26 gola dhe dha 11 asistime në 45 ndeshje në të gjitha garat, Greenwood është shndërruar në një nga emrat më të kërkuar të merkatos.

The post Fenerbahce pranë goditjes së madhe në Turqi, Mason Greenwood drejt ekipit ku aktivizohet Vedat Muriqi appeared first on Albeu.com.

Në orët e fundit të afatit kalimtar, e ardhmja e Mason Greenwood ka marrë një drejtim krejt të papritur.

Edhe pse sulmuesi anglez i Marseille dukej shumë pranë transferimit te Roma, tani ai ndodhet vetëm një hap larg kalimit te Fenerbahçe.

Kur gjithçka linte të kuptohej se Greenwood do ta vijonte karrierën në Serie A, klubi turk ndërhyri me forcë në negociata dhe arriti të përmbysë rrjedhën e situatës.

Tashmë mes palëve është arritur marrëveshja dhe mbetet vetëm firma që do ta bëjë zyrtare një prej lëvizjeve më surprizuese të kësaj merkatoje.

Fenerbahçe ka siguruar një goditje të rëndësishme në treg, duke arritur të marrë shërbimet e Mason Greenwood.

Prej kohësh, skuadra turke ishte në kërkim të një sulmuesi të një profili të lartë, i aftë të sillte më shumë cilësi dhe rrezik në fazën ofensive.

Greenwood është konsideruar si futbollisti i duhur për të rritur nivelin e sulmit dhe për t’u kthyer në një nga figurat kryesore të ekipit në sezonin e ardhshëm.

Kjo lëvizje është edhe më e papritur për shkak se Roma dukej se kishte epërsi në bisedime.

Klubi italian kishte ecur ndjeshëm përpara në negociata dhe çdo sinjal tregonte se Greenwood do të përfundonte në Serie A.

Megjithatë, Fenerbahçe lëvizi me shpejtësi, vendosi në tavolinë një ofertë bindëse dhe arriti ta ndryshojë fatin e operacionit në momentet vendimtare.

Për vetë lojtarin, ky kalim përbën një mundësi të rëndësishme për të rigjetur vazhdimësinë dhe për t’u rikthyer sërish në rolin e protagonistit.

Në Turqi, anglezi do të gjejë një projekt ambicioz, një klub me synime të mëdha dhe një tifozëri që kërkon rezultate të menjëhershme.

Fakti që ai mund të aktivizohet në disa role të repartit ofensiv, si në krahë ashtu edhe në qendër, e kishte bërë atë një objektiv shumë të preferuar për skuadrën italiane.

Rasti i Greenwood është një tjetër provë se në futboll asgjë nuk mund të quhet e sigurt deri në çastin e firmës.

Një marrëveshje që dukej pothuajse e mbyllur mund të marrë kthesë brenda pak orësh, nëse një klub tjetër hyn me një ofertë më të fortë.

Pikërisht kjo ka ndodhur me Fenerbahçen, që përfitoi nga momenti dhe doli përpara Romës në garën për sulmuesin.

Nga ana tjetër, Marseille tashmë e sheh largimin e Greenwood si një proces shumë të avancuar. Në rast se firma vendoset, klubi francez do të kryejë një shitje të rëndësishme në kuadër të planifikimit të afatit kalimtar të verës.

Transferimi i Mason Greenwood te Fenerbahçe pritet të jetë një nga goditjet më të mëdha të kësaj vere.

Anglezi mbetet një lojtar me talent të jashtëzakonshëm, me aftësinë për të bërë diferencën dhe për të vendosur ndeshje përmes individualitetit të tij.

Fenerbahçe siguron kështu një futbollist me emër, cilësi dhe potencial për të ndryshuar ekuilibrat në garat vendase, si edhe për të rritur ambiciet e saj në Evropë.

Tani gjithçka është gati për finalizimin: Greenwood ishte shumë pranë Romës, por të gjitha shenjat tregojnë se destinacioni i tij i ardhshëm do të jetë Fenerbahçe.

Një kthesë e madhe e këtij afati kalimtar, që e ktheu një transferim të zakonshëm në një nga surprizat më të mëdha të verës.

The post Fenerbahçe i merr në çastet e fundit Mason Greenwood, Roma humbet sulmuesin anglez appeared first on Albeu.com.

Një klub ka bërë publik transferimin e një futbollisti të Manchester Cityt, megjithëse palët ende nuk kanë finalizuar akordin për shumën e kartonit.

Vera ka nisur me shumë lëvizje për “Qytetarët”, si në hyrje ashtu edhe në dalje, teksa Enzo Maresca përballet me detyrën e vështirë për të vazhduar trashëgiminë e dekadës së artë të Pep Guardiolës në “Etihad Stadium”.

Manchester City pritet të mbetet aktiv gjatë gjithë afatit kalimtar, si në merkato hyrëse ashtu edhe në atë dalëse, ndërsa klubi tashmë është ndarë me dy figura legjendare.

Më herët gjatë këtij viti, Bernardo Silva dhe John Stones bënë të ditur largimet e tyre prekëse, përpara se të largoheshin si lojtarë të lirë më 30 qershor.

Nga ana tjetër, pranë largimit është edhe Nathan Ake.

Mbrojtësi holandez, i cili ka qenë pjesë e përfaqësueses së Holandës në Botëror, e nisi vetëm gjashtë herë si titullar në Ligën Premier sezonin e kaluar, pasi humbi vendin në formacion nën urdhrat e Guardiolës.

Prej kohësh, 31-vjeçari përmendet si një emër që mund të largohet dhe, duke pasur kontratë deri në qershor 2027, kjo verë konsiderohej si koha më e përshtatshme që Manchester City të siguronte përfitim financiar pas gjashtë vitesh shërbimi.

Prej një kohe të gjatë, Fenerbahce është parë si kandidati kryesor për të marrë shërbimet e mbrojtësit holandez dhe madje ka njoftuar edhe afrimin e tij.

Sidoqoftë, në një zhvillim të pazakontë, sipas BBC Radio Manchester dhe Mark Crossley, ky njoftim ka ardhur përpara se marrëveshja të përmbyllej zyrtarisht.

Aktualisht, të dy klubet vazhdojnë bisedimet për transferimin, i cili pritet të kapë vlerën rreth 8.2 milionë, me mundësi që të shkojë deri në 9.8 milionë, bazuar në diskutimet e deritanishme.

The post Fenerbahce e shpall afrimin e yllit të Man Cityt, ndonëse marrëveshja mes klubeve nuk është mbyllur ende appeared first on Albeu.com.

Matteo Guendouzi ka shfaqur optimizëm të madh për Vedat Muriqin, duke vlerësuar se sulmuesi kosovar mund të ketë një edicion shumë të suksesshëm me Fenerbahcen.

Gjatë një konference për shtyp, mesfushori i Fenerbahces, ish-lojtar i Lazios, foli me tone shumë pozitive për bashkëlojtarin e tij, duke nënvizuar cilësitë dhe karakterin që e bëjnë Muriqin një futbollist me mendësi fituese.

“Më pëlqejnë lojtarët me mentalitet fituesi si Vedat Muriqi. Besoj se ai do të shënojë më shumë se 20 gola. Ai e bëri këtë në Spanjë”, u shpreh Guendouzi.

Këto komente vijnë në një periudhë kur pritjet ndaj Muriqit janë të larta, pas rikthimit të tij te skuadra verdhekaltër.

Sulmuesi 32-vjeçar zgjodhi të kthehet te klubi turk pas eksperiencës me Mallorcan, ku, ndonëse pati paraqitje të mira në aspektin personal, nuk ia doli ta ndihmonte ekipin të siguronte qëndrimin në La Liga.

Në nisje të fazës përgatitore për sezonin e ri, Muriqi po përballet gjithashtu me një shqetësim fizik.

Të hënën, Fenerbahce bëri të ditur se reprezentuesi i Kosovës ka pësuar një çarje të pjesshme në pjesën e poshtme të kyçit të këmbës së djathtë gjatë një seance stërvitore.

Edhe pse i dëmtuar, klima e besimit te klubi mbetet e fortë. Fjalët e Guendouzit pasqyrojnë qartë bindjen e bashkëlojtarëve te aftësitë e “Piratit”, i cili pritet të jetë një nga armët kryesore të Fenerbahçes në sezonin 2026/27.

The post Guendouzi beson te Muriqi: Me Fenerbahcen do t’i kalojë 20 golat appeared first on Albeu.com.

Një tjetër lajm i pafavorshëm ka ardhur për Fenerbahcen, që po vijon fazën përgatitore për sezonin e ri në kampin stërvitor në Topuk Yaylasi, pasi klubi ka zyrtarizuar dëmtimin e përforcimit të ri në sulm, Vedat Muriqi.

Gjatë një seance stërvitore, sulmuesi kosovar ndjeu shqetësime muskulore dhe u largua nga fusha me barelë, çka shkaktoi menjëherë alarm në kampin e skuadrës turke.

Pas kontrolleve mjekësore dhe ekzaminimit me rezonancë magnetike, Fenerbahce njoftoi se Muriqi ka pësuar një çarje të pjesshme në muskulin e pjesës së poshtme të këmbës së djathtë.

“Vedat Muriqi iu nënshtrua një rezonance magnetike. Pas vlerësimit nga ekipi ynë mjekësor, u konstatua një çarje e pjesshme në muskulin e pjesës së poshtme të këmbës së djathtë dhe ka nisur procesi i trajtimit dhe rehabilitimit të lojtarit”, thuhej në njoftimin e klubit.

Sipas raportimeve “Fanatik”, 32-vjeçari pritet të mbetet jashtë fushave për të paktën katër javë.

Si pasojë, Muriqi me shumë gjasa nuk do të jetë i gatshëm për të dyja sfidat e Fenerbahces ndaj Gornik Zabrzes në raundin e dytë kualifikues të Ligës së Kampionëve, një mungesë e ndjeshme për planet e klubit para nisjes së sezonit të ri./

The post Fenerbahce konfirmon dëmtimin e Vedat Muriqit, sulmuesi i Kosovës pritet të mungojë kundër Gornik Zabrzes appeared first on Albeu.com.

Vedat Muriqi, afrimi më i fundit i Fenerbahces, ka pësuar një lëndim në stërvitje që në pamje të parë duket serioz.

Mediat në Turqi raportojnë se sulmuesi u nxor nga fusha me barelë pas një shqetësimi fizik të pësuar gjatë seancës stërvitore, duke shtuar menjëherë shqetësimin te stafi teknik i klubit verdheblu.

Më shumë qartësi për gjendjen e tij pritet të ketë pas kontrolleve të hollësishme mjekësore, ndërsa niveli i dëmtimit do të përcaktohet pasi ai t’i nënshtrohet rezonancës magnetike.

Më pas, ekipi mjekësor i Fenerbahces do të vendosë për trajtimin që do të ndjekë lojtari dhe për kohën e nevojshme deri në rikthimin e tij në fushë.

Muriqi nuk është i vetmi futbollist i skuadrës turke që është dëmtuar. Gjatë stërvitjes së së dielës lëndim pësoi edhe Anderson Talisca, i cili aktualisht po trajtohet nga stafi mjekësor.

Kjo valë dëmtimesh në prag të sezonit të ri shihet si një zhvillim që mund të ndikojë ndjeshëm në planet dhe programin përgatitor të stafit teknik të Fenerbahces./

The post Vedat Muriqi dëmtohet në stërvitje te Fenerbahce appeared first on Albeu.com.

Pas eksperiencës në Spanjë me Mallorcan, ku kaloi një periudhë të rëndësishme në La Liga, sulmuesi kosovar është rikthyer në Stamboll. Pasi Mallorca nuk arriti të sigurojë mbijetesën, ai zgjodhi të kthehej te klubi turk, fanellën e të cilit e kishte veshur edhe gjatë sezonit 2019/2020.

Në një prononcim për televizionin e Fenerbahçes, Muriqi foli për ndjenjat e tij dhe falënderimin ndaj klubit për besimin e dhënë edhe një herë.

“Është burim krenarie të jem këtu. E dija që më ka munguar ky vend prej momentit kur erdha në klub, por tani e kuptoj se sa shumë më ka munguar. Më kanë dhënë një mundësi tjetër në këtë klub të madh”.

Ai theksoi gjithashtu peshën që ka Fenerbahçe për të, duke e veçuar atë nga çdo përvojë tjetër që ka pasur më parë.

“Ky klub i madh është si asnjë tjetër. Kam pasur mundësi dhe kam fituar përvojë në Evropë, por madhështia e Fenerbahces është vërtetë diçka tjetër”, ka thënë fillimisht Muriqi.

Duke u ndalur te rrugëtimi i tij si futbollist, përfaqësuesi i Kosovës tha se tashmë rikthehet në Turqi si një lojtar më i formuar dhe më i fortë.

“Po kthehem tjetër lojtar. Kam fituar përvojë. Kam parë shumë gjëra të ndryshme. Vedati 25-vjeçar ka shkuar, tani është një Vedat me më shumë përvojë. Por është një Vedat shumë më i uritur se kur ishte 25-vjeçar”, u shpreh ai.

Muriqi foli edhe për objektivat e tij, duke theksuar se dëshiron të japë maksimumin në çdo formë të mundshme për ekipin.

“Qëllimi im është të shënoj sa më shumë gola të jetë e mundur. Asnjëherë nuk i vë synim vetes në fillim të edicionit. Qëllimi është të kontribuoj plotësisht për klubin në një mënyrë. Me gola, asistime, me shpirt luftarak, duke qenë mentor jashtë fushe”.

Në fund, ai e bëri të qartë se synimi kryesor mbetet fitimi i titullit dhe se është i gatshëm të bëjë gjithçka për Fenerbahçen.

“Dua të kontribuoj sa më shumë të jetë e mundur. Synimi kryesor është titulli i kampionit dhe mendoj se do ta fitojmë titullin me kontributin e të gjithëve. Jam i gatshëm të bëj çdo gjë që kërkohet për Fenerbahcen”, përfundoi Muriqi.

The post Vedat Muriqi flet me ndjenja të forta pas kthimit te Fenerbahçe: Për mua është më shumë se një klub appeared first on Albeu.com.

Në njoftimin e publikuar, Fenerbahce bëri të ditur se është arritur marrëveshja si me Vedat Muriqin, ashtu edhe me klubin e tij, Mallorca, për kalimin e tij.

Klubi theksoi gjithashtu se Muriqi, sulmues i lindur në vitin 1994, ka vendosur firmën mbi një kontratë trevjeçare me Fenerbahcen.

Sipas komunikatës së klubit, në ceremoninë e nënshkrimit të zhvilluar në stadiumin Chobani, në Kompleksin Sportiv Fenerbahce Sukru Saracoglu, morën pjesë presidenti Aziz Yildirim, anëtarë të bordit dhe drejtori i futbollit, Oguz Çetin.

Menjëherë pas zyrtarizimit si lojtar i Fenerbahces, Muriqi shprehu mirënjohjen për besimin e marrë dhe u zotua para tifozëve se do të japë maksimumin.

“Falënderoj sinqerisht presidentin tonë, z. Oguz, trajnerin tonë të dashur Ismail Kartal dhe të gjithë tifozët e vyer të Fenerbahces që më konsideruan të denjë për këtë fanellë përsëri”.

“Mund të jeni të sigurt se nuk do të hezitoj kurrë të luftoj për këtë emblemë. Mund të them që tani e tutje se do të jem i denjë për këtë fanellë përsëri, si gjithmonë”.

“Shpresojmë që fundi i rrugës të jetë një kampionat”, ka deklaruar Muriqi pas zyrtarizimit.

The post Vedat Muriqi flet për herë të parë pas rikthimit te Fenerbahce appeared first on Albeu.com.