Sulmuesi turk, i cili pak ditë më parë, i shënoi Kosovës, në finalen e “Play Off”-it të Botërorit, rrëmbeu sërish skenën kësaj here me fanellën e Fenerbahçes, duke i rrëmbyer fitoren dy shqiptarëve, Kristjan Asllanit dhe Milot Rashicës.

Mesfushori i Kombëtares shqiptare, e nisi ndeshjen si titullar, teksa në minutën e 67-të, u zëvendësua nga Rashica.

Falë këtij triumfi Fenerbahçe u ngjit në kuotën e 63 pikëve, po aq sa Trabzonspor i vendit të tretë dhe 1 më pak se kryesuesit e Gallatarasarait.

The post VIDEO/ Derbi i zjarrtë i Stambollit vendoset nga një penallti në minutën e 101 appeared first on Albeu.com.

Falë golave të shënuar në këtë pjesë të parë të sezonit në La Liga, sulmuesi dardan është futur në listën e dëshirave të Fenerbahçe-s.

Klubi turk e ka të pamundur që të mbajë deri në fund të sezonit sulmuesin e saj, Youssef En-Nesyri. Afrikani ka hyrë në radarët e klubeve të Premier League si Nottingham Forest dhe Everton.

Muriqi, i cili ka luajtur me klubin turk në sezonin 2019-2020, është kontaktuar nga menaxheri i tij Mirsad Türkcan dhe është vënë në dijeni të interesit të Fenerbahçes.

31-vjeçari ka pranuar që të rikthehet në Turqi ndërsa trajneri i Fenerbarhçes i ka hapur rrugën këtij transferimi. Tedesco e shikon me prioritet këtë pistë ndërsa nga finalizimi mungon vetëm takimi mes klubeve, të cilët do të bisedojnë për të caktuar çmimin për kartonin e lojtarit.

The post Fenerbahçe përgatitet për të humbur En-Nesyri, Muriqi shumë pranë rikthimit në Turqi appeared first on Albeu.com.

Sipas mediumit Fanatik, Fenerbahce ka shprehur interes për të nënshkruar me sulmuesin e krahut të majtë të Santosit, Neymar.

Klubi turk thuhet se i ka ofruar 33-vjeçarit brazilian një kontratë të strukturuar si një vit me opsion për një vit tjetër shtesë.

Marrëveshja aktuale e Neymar me Santos skadon në fund të vitit 2025, por përfshin një klauzolë që i lejon atij të bashkohet me një klub evropian falas këtë verë.

Pasi u largua nga Al-Hilal, Neymar u rikthye te Santos si lojtar i lirë në janar 2025, duke shënuar 3 gola dhe duke dhënë 3 asistime në 12 ndeshje këtë sezon.

Kjo nuk është hera e parë që ylli brazilian po lidhet me një rikthim në Evropë, pasi Neymar ka oferta edhe nga klubet e top pesë ligave.

🚨 José Mourinho's Fenerbahçe are willing to offer Neymar a one-year contract.

(Source: Fanatik) pic.twitter.com/SM6OnZAMKg

— Transfer News Live (@DeadlineDayLive) June 13, 2025

The post Gjiganti turk synon transferimin e Neymarit appeared first on Albeu.com.

Turqit fituan 2-0 kohën e rregullt në transfertë përballë Rangers dhe më pas u eliminuan me penallti, por pas ndeshjes trajneri portugez iu rikthye sërish vendimeve të arbitrimit, duke kujtuar finalen e Europa League të luajtur në Budapest (2023), që Roma e tij humbi pas penalltive:

“Nuk mund të them se çfarë po kaloj sepse nuk dua të ndëshkohem nga UEFA. Shpresoj që ajo që na ndodhi në Evropë këtë vit të mos jetë rezultat i finales së luajtur në Budapest….

Shpresoj të jenë gjëra të zakonshme, që të mos kenë lidhje me këtë. Ndeshja kundër United, penalltitë, këto që ndodhën sot.

Arbitri i VAR-it është një nga më të mirët në botë dhe nuk pa tre penallti. Shpresoj që të jetë vetëm fat i keq”, ka thënë mes të tjerash portugezi.

The post Fenerbahçe eliminohet nga Europa, Mourinho shpërthen kundër UEFA-s dhe arbitrave appeared first on Albeu.com.

Duke folur në një konferencë për shtyp në prag të ndeshjes, José Mourinho theksoi: “Jemi në disavantazh, humbëm ndeshjen tonë të parë. Por nuk dua të mendoj për ndonjë gjë që mund të dëmtojë besimin tonë. Kemi ende 90 minuta për të përfunduar. Në 18 ndeshjet e fundit skuadra jonë ka arritur rezultate të mira. Skuadra që luajti kundër Rangers javën e kaluar nuk jemi ne”.

“Ne mendojmë vetëm për këtë ndeshje”, garantoi Mou. “Kam luajtur 200 ndeshje në Evropë, por nuk mbaj mend të kem humbur me dy gola në shtëpi. Nuk e di se si do të shkojë ndeshja e dytë, por nëse bëjmë punën tonë nesër, do të kemi një shans për të kaluar. Ne luajtëm një lojë shumë të dobët në Stamboll, por ata nuk janë një ekip që është aq i ndryshëm nga ne. Nëse bëjmë të njëjtat gabime, ne meritojmë të eliminohemi”.

Duke hyrë më në detaje për emocionet dhe parashikimet rreth ndeshjes së kthimit: “Rengers do të na presin, duke kërkuar gabimin tonë për të bërë një kundërsulm, ne nuk duhet të gabojmë ndaj një ekipi të tillë. Rezultati i ndeshjes së parë nuk më ushqen ndjenjën e hakmarrjes. Mendoj se jemi më mirë. Tani mendoj vetëm për Rangers, kemi ende një shans”.

The post Fenerbahçe, Mourinho replikon: Jemi më të mirë se Rangers appeared first on Albeu.com.

Skenën pas ndeshjes e mori sërish Zhose Murinjo, trajneri që njihet për reagimet e tij epike në situata të veçante.

Një prej gazetarëve turk në konferencë për shtyp, po pyeste Murinjon. Pyetja e tij zgjati shumë dhe trajneri portugez tregoi përgjumje para kamerave.

“Koka ime nuk mund ta përballojë këtë. Jam i lodhur. Pas 90 minutave nuk mund të dëgjoj gjithë këtë. Jam shumë i lodhur”, u shpreh Murinjo.

Më pas tha duke komentuar rezultatin: “Mund të qeshni, por për mua rezultati 1-3 është i mirë, mund të pësonim më tepër si luajtëm, çdo gjë shkoi keq”.

Momenti me Murinjon: (VIDEO)

The post VIDEO/ Murinjo nuk ndryshon kurrë, e “zë gjumi” në konferencë për shtyp appeared first on Albeu.com.

“Pas ndeshjes shkova në dhomën e arbitrit dhe e përgëzova Vincic. Më pas iu drejtova gjyqtarit të katërt dhe i thashë ‘Nëse do të kishit arbitruar, kjo ndeshje do të ishte një fatkeqësi’.

Fjalët e José Mourinho-s pas derbit të zjarrtë kundër Galatasarit që përfundoi 0-0 nuk u pëlqyen aspak nga drejtuesit e klubit verdhekuq, të cilët pak kohë më pas lëshuan një deklaratë të ashpër zyrtare për të kundërshtuar deklaratat e trajnerit portugez, i cili u akuzua për racizëm.

“Që nga fillimi i detyrave të tij menaxheriale në Turqi, trajneri i Fenerbahçes, Jose Mourinho ka bërë vazhdimisht deklarata nënçmuese për popullin turk. Sot, fjalimi i tij është përshkallëzuar në një retorikë çnjerëzore”

“Në këtë mënyrë ne deklarojmë zyrtarisht synimin tonë për të filluar procedimin penal në lidhje me deklaratat raciste të bëra nga Jose Mourinho dhe, në përputhje me rrethanat, ne do të paraqesim ankesa zyrtare në UEFA dhe FIFA. Për më tepër, ne do të vëzhgojmë me zell qëndrimin e miratuar nga Fenerbahçe, një institucion që pretendon se mbështet “vlerat morale shembullore”, në përgjigje të sjelljes së dënueshme të shfaqur nga menaxheri i saj”.

Përgjigja e Fenerbahçes nuk vonoi. Klubi lëshoi ​​një deklaratë në mbrojtje të Mourinho dhe në të cilën akuzoi Galatasaray se kishte shfrytëzuar fjalët e portugezit: “Një deklaratë e lëshuar nga Jose Mourinho pas ndeshjes u hoq plotësisht nga konteksti dhe u bë një përpjekje për ta shtrembëruar qëllimisht”.

“Siç mund ta shohë dhe kuptojë çdo person i arsyeshëm, këto deklarata të përdorura nga Jose Mourinho për të përshkruar reagimin e tepërt të stafit të ekipit kundërshtar ndaj vendimeve të arbitrit gjatë ndeshjes, nuk mund të lidhen në asnjë mënyrë me racizëm”.

The post Galatasaray sulmon Mourinhon: Çnjerëzor, e denoncojmë për racizëm appeared first on Albeu.com.

Gazetari Ozgur Sancar, korrespondent turk për AS, shkruan:

“E ardhmja e Mou te Fenerbahce mund të vendoset kundër Athletic: me ekipin prapa në ligë dhe tashmë jashtë Kupës së Turqisë, pa u kualifikuar në raundin evropian të Ligës së 16-të, më pas drejtuesit mund të reflektojë për trajnerin portugez”.

Në kampionat, Fenerbahçe ka arritur 10 fitore, 2 barazime dhe 2 humbje, por Galatasaray nuk ka humbur asnjëherë dhe me 12 suksese dhe dy barazime kryeson SuperLiga turke me 6 pikë më shumë se rivalët.

The post Mourinho rrezikon shkarkimin, sfida në Europa League vendimtare për portugezin appeared first on Albeu.com.

Janë të shumta skuadrat europiane që kërkojnë shërbimet e 22-vjeçarit shqiptar, mes tyre edhe emra të njohur të kontinentit si Milan apo Napoli.

Por në orët e fundit, në mediat turke është publikuar lajmi se Fenerbahce kërkon që të përforcojë sulmin dhe një nga emrat që pëlqehet nga trajneri Mourinho është ai i Armando Brojës.

Kartoni i sulmuesit vlerësohet rreth 22 milion euro dhe drejtuesit e klubit nga Stambolli kanë nisur bisedimet me drejtuesit e Chelsea për të transferuar në kampionatin turk talentin shqiptar.

The post Mourinho kërkon Brojën te Fenerbahçe appeared first on Albeu.com.

Pakkush mund ta merrte me mend se Ismail Kartal në stolin e Fenerbahçes do të pasohej nga një ekspert kaq i madh si Jose Mourinho. Megjithatë, turqit kishin një plan, zhvilluan një takim fillimisht me portugezin dhe në fund e shpërblyen me një kontratë shumë të madhe e cila ishte vendimtare në fund.

“Kam ardhur të punoj për futbollin turk, për Superligën turke, por në thelb vij për Fenerbahcen. Trajneri zakonisht bëhet i dashur pas fitoreve dhe në këtë rast ndjej se jam i dashur edhe para tyre. Ju premtoj, nga tani unë i përkas familjes suaj dhe kjo fanellë është lëkura ime e re”, kishte deklaruar Mourinho në prezantim.

Mediat turke zbuluan se paga për të dhe stafin e tij profesional do të jetë 12 milionë euro në vit. Prej tyre 10 milionë euro shkojnë për Mourinhon dhe dy të tjerat për anëtarët e stafit të tij stërvitor.

Presidenti i klubit, Ali Koç, ka treguar se edhe klube të tjera kanë zhvilluar takime me Mourinhon, por se Fenerbahçe ka qenë i pari.

“Me Mourinhon u takuan edhe klube të tjera përveç nesh, e kontaktoi edhe Besiktas. Por ne u takuam para tyre dhe bëmë një ofertë shumë më të përshtatshme dhe ai pranoi. Ai ishte i impresionuar nga qëllimet tona”.

“I kemi dhënë skuadrës së tij 12 milionë euro në vit, dhe ai nënshkroi për dy vite. Tani do të ketë mundësi të sjellë përforcime gjatë verës”, deklaroi Koc.

Ndryshe, është një pagë më e lartë se ajo që kishte në Romë, që ishte klubi i fundit në karrierën e tij, ndërsa është më e ulët se rekordi që kishte në Manchester United, rreth 15 milionë euro. /Telegrafi/

The post Si arriti gjiganti turk ta bindë Jose Mourinhon: Zbulohen detajet financiare, ai fiton më shumë para se në Romë appeared first on Albeu.com.