Pushtimi rus i Ukrainës ka bërë që mijëra fëmijë ukrainas të humbasin prindërit në luftë. Sipas të dhënave të organizatës “SOS-Kinderdorf” më shumë se 13.000 fëmijë ukrainas po rriten pa kujdesin prindëror. Organizata kërkoi para Konferencës për Rindërtimin e Ukrainës që zhvillohet në Berlin (11-12.06.) një reformë të zgjeruar të sistemit të përkujdesit për fëmijët si edhe mbrojtjen e posaçme të tyre.

Kurse organizata “terres des hommes” kërkoi para Konferencës për Rindërtimin e Ukrainës në Berlin një mbështetje më të madhe financiare për organizatat që kujdesen për fëmijët në Ukrainë. Konferenca duhet të kujdeset që fëmijët dhe adoloshentët e traumatizuar të marrin ndihmë psiko-sociale, tha koordindatori për Europën, Thomas Berthold për Shërbimin Evangjelist, epd. Aktualisht ofertat janë të pamjaftueshme, theksoi Berthold.Në të ardhmen do të rritet ndjeshëm numri i fëmijëve në nevojë

Arsyet për humbjen e prindërve janë të ndryshme. Drejtuesi i organizatës “SOS Kinderdorf” për fëmijët në Ukrainë, Serhii Lukashov u shpreh, se “një pjesë e prindërve kanë rënë në luftë, të tjerë janë të burgosur. Pas dy vitesh luftë gjithnjë e më shumë familje rrezikojnë të shkatërrohen nën barrën e luftës”. Sipas të dhënave të kësaj organizate, në të ardhmen “shumë, shumë më tepër” fëmijë ukrainas do të kenë nevojë për alternativa të kujdesit, jashtë familjes, citon agjencia e lajmeve, kna.

Në Ukrainë është një praktikë e zakonshme, që fëmijët të strehohen në jetimore të mëdha anonime. Aty ata rriten në kushte “shumë të këqija”. Organizata “SOS Kindërdorf” kërkon që kujdesi për fëmijët t’u përshtatet standardeve europiane, ku si kriter të shërbejnë të drejtat e fëmijëve.

Që para luftës në Ukrainë, rreth 100.000 fëmijë ukrainas rriteshin në jetimore, 1,3% e popullsisë. Më shumë se 90% e këtyre fëmijëve nuk janë jetimë, sipas Lukashov, por janë sjellë aty për shkak të varfërisë dhe nevojës emergjente ekonomike. “Kjo duhet të ndryshojë. Në vend që të dërgohen fëmijët në jetimore, duhet që të mbështeten familjet.” “SOS Kinderdorf” ka ngritur në disa rajone në Ukrainë qendra kujdesi për fëmijët./DW

The post Tragjedia e heshtur/ Prindërit humbën jetën në luftën kundër Rusisë, kush kujdeset për fëmijët ukrainas? appeared first on Albeu.com.

Në Instagram, ajo shkruan se këto pamje duhet t’i shohë e gjithë bota dhe se ukrainasit, një vend paqësor, tani janë të detyruar t’i marrin fëmijët çdo ditë në bodrume për shkak të sulmit të Putin.

Ajo thekson se Ukraina nuk do të dorëzohet dhe se lufta që ata po bëjnë është luftë për paqen në çdo vend të botës.

“Kështu duket Ukraina për momentin. Kjo është një video për ta parë bota, ne jemi në luftë. Për shkak të sulmit të Putinit, ukrainasit duhet t’i marrin fëmijët e tyre në bodrume çdo natë dhe të luftojnë armikun nën muret e shtëpive të tyre. Ukraina është një vend paqësor. Ne jemi kundër luftës dhe nuk kemi sulmuar të parët. Por ne nuk do të dorëzohemi. E gjithë bota, shikoni: ne po luftojmë për paqen edhe në vendet tuaja”, shkruan ajo./albeu.com/

The post Gra me fëmijë në bodrume, bashkëshortja e Zelenskyt publikon pamjet: Ta shohë e gjithë bota! (VIDEO) appeared first on Albeu.com.

Shumë prej tyre kanë zgjedhur të largohen nga vendi për t’i shpëtuar luftës. Ndërsa një pjesë e ukrainasve kanë zgjedhur mos ta braktisin vendin e tyre, por të qëndrojnë dhe sigurojnë veten dhe fëmijët në bunkerë nëntokësore.

Shumë banorë e kanë kaluar natën në bunkerë për t’iu shpëtuar sulmeve të trupave ruse. Sigurisht që ukrainasit kanë vendosur të sigurojnë jetën e fëmijëve të vegjël, atyre që janë e ardhmja e Ukrainës.

Në fotot e mëposhtme mund të shihni se si ata kanë vendosur në bunkerë nëntokësore fëmijë të vegjël, të cilët janë rreshtuar njëri pas tjetrit dhe qëndrojnë të strukur.

Fëmijët shihen teksa zbresin në radhë në bunker, për t’iu shpëtuar bombardimeve dhe në sytë e tyre shihet shumë qartë frika.

The post Trishtuese! Fëmijët ukrainës fshihet në tunele për t’u shpërtuar bombardimeve (FOTO LAJM) appeared first on Albeu.com.