Sipas “AS”, pas rikthimit të Jose Mourinhos, madrilenët po bëhen gati për një rindërtim të thellë të ekipit, ku parashikohen disa lëvizje të rëndësishme për të përforcuar mesfushën dhe reparte të tjera të rëndësishme. Në këtë kuadër, Valverde nuk shihet si pjesë e futbollistëve që mund të largohen, pasi drejtuesit e konsiderojnë ende një figurë të rëndësishme për projektin afatgjatë.

Megjithatë, edicioni i kaluar u pa si një prapakthim për 27-vjeçarin. Pas largimit të Xabi Alonsos, ai ishte mes emrave që morën kritika, sidomos për pakënaqësinë e shfaqur kur luante në krahun e djathtë të mbrojtjes, një situatë që solli edhe reagime jo të mira nga një pjesë e tifozëve në “Santiago Bernabeu”.

Gjatë sezonit pati edhe një përplasje me Aurelien Tchouamenin, një incident që, sipas raportimeve, bëri që Valverde të përfundonte në spital, edhe pse në klub kjo çështje konsiderohet tashmë e mbyllur.

Pavarësisht problemeve, ai e mbylli sezonin me mbi 4,000 minuta në fushë, ndërsa regjistroi nëntë gola dhe 13 asistime. Gjithsesi, brenda klubit mbetet mendimi se ndikimi i tij nuk ishte i vazhdueshëm në ndeshje, veçanërisht në ato momente kur Real Madridi e humbiste kontrollin në repartin e mesfushës.

Tani, sezoni 2026/27 konsiderohet si një mundësi shumë e rëndësishme që uruguaiani të rikthehet në formën e tij më të mirë, të rikonfirmohet si një nga liderët e skuadrës dhe të fitojë plotësisht besimin si të tifozëve, ashtu edhe të klubit.

Në mesfushë pritet të ketë edhe më shumë rivalitet, pasi ardhja e Bernardo Silvas synon të sjellë më shumë kreativitet dhe kontroll në lojë. Ndërkohë, raportohet se Mourinho kërkon edhe afrimin e Mateus Fernandes nga West Ham, një lojtar me karakteristika të afërta me ato të Valverdes, veçanërisht në tranzicion.

Pavarësisht kësaj konkurrence në rritje, qëndrimi i drejtuesve të Real Madridit është i prerë: Federico Valverde mbetet pjesë qendrore e planeve të klubit dhe besohet se ai do të reagojë pozitivisht ndaj sfidës së re.

The post Real Madridi e mban Valverden në planet kryesore për të ardhmen appeared first on Albeu.com.

Real Madridi fitoi me rezultat të thellë 5-0 në udhëtim te Kairat Almaty në ndeshjen e vlefshme për xhiron e dytë në fazën e ligës në Ligën e Kampionëve.

Megjithatë, nuk ishte vetëm het-triku i Kylian Mbappes, ai i cili tërhoqi vëmendjen te klubi madrilen.

Fokusi ishte edhe te lënia në bankë dhe mos inkuadrimi për asnjë minutë në këtë ndeshje i kapitenit Valverde.

❗️Last night, Fede Valverde was seen warming up with his hands behind his back and in a calm manner. This comes after he said on Monday that: "I was not born to play as a right-back".

— @marca pic.twitter.com/aEmEbYe7TQ

— Madrid Universal (@MadridUniversal) October 1, 2025

Deri te ky vendim i Alonsos erdhi, pasi mesfushori deklaroi para ndeshjes kundër Almaty se “ai nuk ka lindur për të luajtur në pozicionin e mbrojtësit të djathtë” , në një kohë kur ekipi është pa Dani Carvajal dhe Trent Alexander-Arnold në pozicionin e mbrojtësit të djathtë.

Mesazhi i tij ishte befasues, i fuqishëm dhe i drejtpërdrejtë, megjithëse ai gjithashtu bëri të ditur se është gjithmonë i gatshëm të ndihmojë ekipin në çfarëdo që ata kanë nevojë.

Megjithatë, ajo që u pa në stadiumin e klubit nga Kazakistani ka krijuar tension të papritur me një futbollist që gjithmonë është sjellë si një ushtar që ndjek urdhrat pa devijuar asnjë grimcë nga misioni i tij.

Asgjë nuk u raportua në televizion, përveç një videoje nga Ivan Martin i mediumit OK Diario që ka qarkulluar në mediat sociale, por lëvizjet e uruguaianit nëpër stadium i habitën të gjithë të pranishmit.

Hay que empezar a abrir el melón de Valverde eh, esto es vergonzoso. pic.twitter.com/IIigBK0lZY

— (fan) Cᴀꜱᴛɪʟʟᴏ (@Castillo__Rm) October 1, 2025

Numri 8 ishte zëvendësues dhe në një moment kur Alonso i kishte ngritur disa lojtarë për t’u ngrohur në pjesën e dytë, ai kishte vendosur “duart në bel” dhe nuk i bëhej aspak vonë.

Raporti i tensionuar në dukje mes Alonsos dhe Valverdes ka shqetësuar tifozët e klubit mbretëror, të cilët shpresojnë që një gjë e tillë të përfundoj sa më shpejt dhe palët të arrijnë një pajtim mes vete. /Telegrafi/

The post Alonso nuk i jep asnjë minutë lojë, Valverde ngrohet me ‘duar në bel” appeared first on Albeu.com.

Mesfushori francez Aurelien Tchouameni ka shënuar golin e vetëm për t’i dhënë tre pikët kryeqytetasve që vazhdojnë dominimin në elitën e futbollit spanjoll La Liga.

Megjithatë një përplasje mes dy lojtarëve të Realit është bërë virale në rrjetet sociale, pasi ajo ndodhi në fushë.

Ishte fillimi i ndeshjes dhe Brahim Diaz e humbi një top në sulm, por nuk bëri përpjekje që ta rifitojë atë dhe Mallorca u nis në një kundërsulm të rrezikshëm.

Federico Valverde vrapoi shumë dhe në fund largoi rrezikun duke dërguar topin në këndore, por ai u acarua me bashkëlojtarin e tij Brahim Diaz.

Mesfushori uruguaian është kapur nga kameraat duke i bërtitur Diazit dhe madje nuk i kurseu as ofendimet. “Preke topin, preke topin bir i k***”, i tha Valverde mesfushorit maroken.

Gjithsesi këto zënka janë normale në një ndeshje futbolli ku nuk mungojnë as tensionet, pasi Brahim dhe Valverde janë miq shumë të ngushtë. /Telegrafi/

🚨 Momen ketika Fede Valverde harus "menyapu" kesalahan Brahim Díaz dan mengomel setelahnya di pertandingan Mallorca tadi malam. pic.twitter.com/IAQpOVBPzy

— Seputar Real Madrid (@SeputarMadrid) April 14, 2024

The post Përplasje mes dy futbollistëve në fushë te Real Madridi, Valverde ofendon rëndë Brahim Diazin appeared first on Albeu.com.

Në atë vit ai shënoi 8 gola dhe u dallua në paraqitjen e tij të shkëlqyer. Kjo e ndihmoi atë që personi përgjegjës për rekrutimin e talentit të Peaarol, Nestor Gonçalves, e rekomandoi atë për U-15 në Uruguaj. Ai duhej të fitonte besimin e trajnerit të tij, Alejandro Garay. E ka thirrur dhe që atëherë nuk ka pushuar së thirruri.

Atje ai filloi karrierën e tij të shkëlqyer dhe filloi të krijonte kërcimin e tij të madh drejt Evropës.

Në vitin 2013 ai fitoi titullin e tij të parë, në moshën 15-vjeçare, pasi fitoi kampionatin Uruguaian U-15 me Pearol. Më pas me ekipin U-16 fitoi Turneun Clausura 2014. Në finale kundër Riverit, fitues i turneut Apertura, futbollisti Federico Valverde ndihmoi skuadrën të fitonte të dyja ndeshjet. Kështu ai u kurorëzua kampion i turneut të Uruguait.

Fama e tij shpejt filloi të përhapet përtej kontinentit amerikan dhe arriti në Evropë. Në vitin 2015 disa nga klubet kryesore në Evropë u interesuan për të. Kështu, në janar të vitit 2015 ai udhëtoi për në Londër, i ftuar për të vizituar ambientet e Arsenalit dhe aty qëndroi për të ushtruar për ekipin e parë londinez.

Në U-17 të Amerikës së Jugut në Paraguaj atë vit, 2015, Arsenali ofroi 3.4 milionë euro për shenjën e tyre. Përballë ofertës së Arsenalit, klubi i tij u përpoq ta mbante atë duke treguar interes që ai të stërvitej me ekipin e tyre të parë. Makineria e klubeve të mëdha për të marrë mesfushorin ishte tashmë në lëvizje. Klube të tjera si Chelsea dhe Barcelona kishin marrë raportet e mira për lojtarin që u kishin transmetuar skautët e klubeve të tyre të pranishëm në atë turne dhe kishin hedhur në tryezë oferta marramendëse.

Në një përpjekje të dëshpëruar për ta mbajtur atë, në prill ai u ftua më në fund të stërvitej me skuadrën e parë të Penarol për herë të parë.

Pavarësisht përpjekjeve të klubit uruguaian, kishte një klub që tashmë kishte synime më serioze dhe të avancuara se të tjerët. Më 4 prill u mësua se klubi i Real Madrid kishte ofruar pesë milionë euro për Valverde, raporton albeu.com.

Real Madridi, në një lëvizje mjeshtërore, kaloi përpara klubeve të tjera të interesuara. I njohur në fillimet e tij me pseudonimin “Litlle Bird” (zogu i vogël), lojtari zbarkoi më 12 maj 2015 në Madrid, për t’iu nënshtruar një ekzaminimi mjekësor me klubin e bardhë. Hapi tjetër ishte nënshkrimi i një kontrate të re profesionale me Peaarol që do t’i lejonte Peaarol të fitonte të ardhura dhe të rregullonte transferimin e tij në Madrid. Më 23 maj 2015 u konfirmua paramarrëveshja me Real Madridin për dosjen e lojtarit, i cili qëndroi në Peaarol deri në moshën 18-vjeçare sipas rregullores së FIFA-s për transferimet ndërfederata.

Disa nga trajnerët e tij të parë e vlerësuan atë: “Ai është një lojtar teknik, me një vizion unik të lojës . Me topin në këmbë ai ndonjëherë e tepron sepse i pëlqen dhe kjo e bën atë të bëjë gabime. Me mua ai luante ne pozicione të ndryshme sepse e rrotullonte gjatë lojës topin. Ai mund të shpetojë një loje. Eshtë një nga tipiket që duan në Europë. Fizikisht është i bollshëm”.

Po, ata e kanë kuptuar mirë . Ky është Fede Valverde (Montevideo, Uruguay, 1998), një lojtar kyç në skemën e Ancelottit dhe që shquhet për shkathtësinë e tij, rrugën e tij, aftësinë e tij për të mbuluar hapësirat në fushë. Përktheu G.D. marrë nga Marca. /albeu.com/

The post Në moshën 10-vjeçare synonte të bëhej idhull në vendin e tij dhe tani mahnit botën: kush është ai? appeared first on Albeu.com.

“Jam pak nervoz por gjithashtu i emocionuar edhe shumë kreanar që do të mund të luaj ndeshjen e nesërme.

Në të gjithë jemi të përgatitur por dhe të motivuar për të fituar nesër, do të jetë një ndeshje shumë e vështirë , jo vetëm për ne sigurisht.
Shpresoj të bëjmë një lojë të bukur dhe të arrijmë fitoren në fund.”

Këto kanë qënë fjalët e urugajanit 23-vjeçar në një intervistë për “Real Madrid TV”./albeu.com

The post Valverde: Jemi të motivuar për të mposhtur Barcelonën appeared first on Albeu.com.