Qëndrimi i Federico Chiesas te Liverpooli është vënë gjithnjë e më shumë në pikëpyetje, ndërsa mundësia që italiani të transferohet në La Liga gjatë afatit kalimtar të janarit po bëhet reale.

Calciomercato.com raporton se Atletico Madridi dhe Valencia janë dy klubet që kanë shprehur interesim për Chiesan.

Valencia ndodhet aktualisht në vendin e fundit të La Ligës, me vetëm një pikë të grumbulluar pas katër ndeshjeve. Një kalim te klubi spanjoll do t’i jepte Chiesas mundësinë të bashkohej sërish me Harvey Elliott, i cili luan atje në formë huazimi.

Edhe Atletico Madridi po e ndjek nga afër situatën e italianit. Klubi madrilen e ka kthyer vëmendjen nga Chiesa pasi nuk arriti ta sillte përsëri Nico Gonzalezin nga Juventusi, pas huazimit të tij të suksesshëm.

Chiesa u transferua nga Juventusi te Liverpooli në vitin 2024, por nuk ka mundur të sigurojë hapësira të mjaftueshme në formacion që prej mbërritjes së tij.

Gjatë sezonit të parë në Ligën Premier, ai regjistroi vetëm 104 minuta aktivizim, kurse sezonin e kaluar e nisi si titullar vetëm një takim.

Pozita e tij në skuadër është rënduar edhe më shumë këtë sezon, pasi ende nuk është paraqitur në asnjë ndeshje zyrtare.

Për më tepër, Chiesa nuk është përfshirë në listën e Liverpoolit për Ligën e Kampionëve.

Në këto rrethana, largimi i tij në janar konsiderohet tashmë një skenar i mundshëm, ndërsa Atletico Madridi dhe Valencia vazhdojnë ta monitorojnë nga afër situatën.

The post Chiesa drejt largimit nga Liverpooli, dy klube të La Ligës interesohen për italianin appeared first on Albeu.com.

Federico Chiesa dhe Harvey Elliott përbënin dy mungesat kryesore në grupin e Liverpoolit për ndeshjen e parë të Ligës Premier ndaj Newcastle United.

Andoni Iraola, trajneri i ri i Liverpoolit, ndryshoi katër lojtarë nga formacioni që kishte përfunduar sezonin e kaluar. Në këtë takim, Jeremy Jacquet regjistroi edhe debutimin zyrtar me fanellën e “Reds”.

Një problem fizik e pengoi Chiesan të ishte pjesë e skuadrës. Sipas raportimeve, sulmuesi italian kishte shfaqur shqetësime gjatë javës dhe nuk ishte stërvitur në seancat e fundit përpara duelit me Newcastle.

Si pasojë, italiani nuk ishte i gatshëm për Iraolan në përballjen e zhvilluar në “St James’ Park”, raportoi Tribuna.

Në rastin e Harvey Elliottit, përjashtimi nga skuadra erdhi për arsye teknike dhe ishte zgjedhje e trajnerit të ri. Ky vendim u mor në një periudhë kur qëndrimi i mëtejshëm i mesfushorit anglez te Liverpooli mbetet ende i paqartë.

Në listën e ndeshjes u rikthye Lewis Koumas, i cili e ndoqi takimin nga stoli. Kjo ishte hera e parë që prej marsit të vitit 2024 që ai përfshihej në një skuadër ndeshjeje të Liverpoolit. Futbollisti 20-vjeçar konsiderohet një mundësi tjetër për repartin ofensiv të Iraolas gjatë sfidave.

Edhe pse për shkaqe të ndryshme, mungesat e Chiesas dhe Elliottit morën vëmendje në nisjen e kapitullit të ri të Liverpoolit, teksa Iraola ka filluar të marrë vendimet e para lidhur me përbërjen e skuadrës.

The post Arsyet e mungesave të Chiesas dhe Elliottit kundër Newcastle appeared first on Albeu.com.

Gjigantët e Ligës Premier, Liverpooli janë ndër klubet e interesuara për yllin e Juventusit, Chiesa për sezonin 2024-2025 dhe momenti i duhur për një lëvizje ka të ngjarë të vijë në verë.

Siç shpjegohet nga eksperti i transferimeve të Football Italia, Matteo Moretto, Juventusi nuk ka filluar ende bisedimet me sulmuesin e tyre për një kontratë të përmirësuar në “Allianz Stadium” dhe marrëveshja aktuale e Chiesas skadon në 2025.

Nuk është e garantuar që Chiesa do t’ia kushtojë të ardhmen bardhezinjve, kështu që nëse ai nuk arrin të vendosë një kontratë të re në muajt e ardhshëm, Juventusi do të dëgjojë ofertat për të për të shmangur rrezikun e humbjes së tij si transferim i lirë në fund të sezonit.

Tuttosport ka shpjeguar se si Chiesa do të hezitojë të pranojë një ofertë që nuk përfshin një rritje page pasi agjentët e tyre mendojnë se italiani duhet të jetë ndër lojtarët më të paguar në Torino.

Në këtë fazë, Juventus duket se nuk është në gjendje të përballojë një pagë më të lartë se 5 milionë euro aktuale në sezon, kështu që nëse ata as nuk përpiqen të dërgojnë një ofertë të përmirësuar, Chiesa do të mbetet me vetëm një vit të mbetur në kontratën e tij në fund të vitit.

Kjo do t’i ofronte Liverpoolit një shans të madh për të bërë një lëvizje për sulmuesin italian, duke qenë se Juve do të ishte i gatshëm të dëgjonte ofertat për yllin e tyre.

Mbetet për t’u parë nëse Liverpooli do të bëjë një ofertë të pranueshme për Juventusin, por situata aktuale e transferimit të Chiesa sugjeron se vera e ardhshme do të jetë momenti më i mirë për të trokitur në dyert e Allianz Stadium. /Telegrafi/

The post Tani ose kurrë: Liverpooli ka një mundësi unike për të nënshkruar me yllin e Juventusit appeared first on Albeu.com.

Liverpool po ndjek nga afër zhvillimet e fundit që kanë të bëjnë me 26-vjeçarin dhe po planifikojnë të transferojnë italianin në “Anfield”. Bisedimet ende mes palëve nuk kanë nisur dhe drejtuesit e “The Reds” po bëjnë bëjnë gati planin e propozimit.

E ardhmja e Chiesa-s te Juventusi nuk është e sigurtë, pasi lojtari dëshiron të provojë një aventurë të re në një tjetër kampionat dhe Liverpool mund të jetë destinacioni i tij i radhës. Mbetet të shihet se çfarë do të ndodhë në merkaton e verës. /newsport.al/

The post Nuk ka rinovuar ende, gjigantët e Premier League i “qepen” pas Federico Chiesa-s appeared first on Albeu.com.

Chiesa u fut nga banka rezervë në 25 minutat e fundit në ndeshjen ndaj Interit në “San Siro” dhe në shtatë ndeshjet e fundit ai u paraqit në vetëm tri ndeshje dhe atë si zëvendësues.

Pikëpyetje janë ngritur mbi atë nëse reprezentuesi italian i cili tashmë është 26-vjeçar do të arrijë të rikuperohet plotësisht nga lëndimi i rëndë që pësoi në gju në janar të vitit 2022.

Përkundër faktit se ai ka luajtur vetëm 1,185 minuta në Serie A në 18 paraqitje këtë sezon, Chiesa megjithatë ka kontribuar me gjashtë gola dhe dy asistime.

Këto shifra janë përmirësuar në krahasim me sezonin 2022/2023, kur atëherë shënoi katër gola në 33 ndeshje zyrtare.

Kontrata e tij skadon në qershor të vitit 2025, por në rast se nuk tregon shenja përmirësimi fizikisht, e ardhmja e tij do të jetë larg Juventusit, sidomos duke marrë parasysh faktin që tashmë më shumë hapësirë po i ipet talentit Kenan Yildiz.

Chiesa është një ndër lojtarët me vlerën më të madhe në treg tek Juventusi andaj shitja e tij gjatë verës duket një opsion real duke marrë parasysh rrethanat.

Duke e marrë pastaj në konsideratë edhe faktin që Juventusi po kërkon transferimin e sulmuesit Felipe Anderson, kjo e bën edhe më të qartë dhe më të besueshëm largimin e tij./Telegrafi/

The post Federico Chiesa drejt largimit nga Juventusi në fund të sezonit appeared first on Albeu.com.

Një problem i madh për Allegrin, pasi është Federico Chiesa i dëmtuari. Sulmuesi italian pësoi një ndrydhje në gju. Ish-lojtari i Fiorentina nuk do të udhëtojë me ekipin për ndeshjen në transfertë ndaj Salernitana.

Megjithatë, testet e para instrumentale përjashtuan një dëmtim të rëndë./h.ll/abcnews.al

The post Lajm i keq për Allegri, dëmtohet Chiesa appeared first on Albeu.com.

Këtë lajm e ka bërë të ditur Juventus me një njoftim.

“Federico Chiesa ka nisur sot një rikthim të pjesshëm dhe gradual në grup.”

Ky padyshim që është një lajm shumë i rëndësishëm për Juventus, ku Allegri do të ketë në dispozicion shumë shpejtë një armë plus në repartin e sulmit./h.ll/albeu.com

What a beautiful sight:

Federico Chiesa has started to partially and gradually train with the rest of his teammates for the first time since tearing his ACL 271 days ago

Things you absolutely love to see ?
? @juventusfcen pic.twitter.com/ZO9SC7a82e

— Italian Football TV (@IFTVofficial) October 3, 2022

The post Vjen lajmi i shumëpritur te Juventus, rikthehet ylli ekipit appeared first on Albeu.com.

Kanë kaluar saktësisht 9 muj që nga operacioni dhe Federico Chiesa nuk është ende gati.

Rikuperimi i talentit vazhdon, por rikthimi i mundshëm i tij në fushë duket ende shumë larg.

Max Allegri ka qenë gjithmonë shumë i matur, jo vetë që e ka bërë të qartë se pret një që sulmuesi të kthehet vetëm pas janarit, por la të kuptohet që ai mund të jetë në fushë në ndeshjen e dytë përballë PSG-së./albeu.com

The post Chiesa po rikuperohet, data e mundshme e rikthimit në fushë appeared first on Albeu.com.