Lenjani është prezantuar të mërkurën te Schaffhauseni nga Admir Mehmedi, i cili është drejtor sportiv i këtij ekipi.

34-vjeçari te Schaffhauseni është transferuar si lojtar i lirë dhe ka firmosur kontratë deri në fund të këtij edicioni, ndërsa në gjashtë muajt e fundit ishte pa klub, pasi i skadoi kontrata me Umraniyesporin.

Schaffhauseni është klubi i pestë për Lenjanin në Zvicër, pasi që më herët ka luajtur për Winterthurin, Grasshopperin, St Gallenin e Sionin.

Ai karrierë ka bërë edhe në Francë, ku ishte pjesë e Nantesit dhe Rennesit, ndërsa ka edhe 44 paraqitje dhe katër gola të shënuar me Shqipërinë.

Lenjani do ta bartë fanellën me numrin 33 të Schaffhauseni, ekip që zë vendin e fundit në Challenge League. /Telegrafi/

The post Ermir Lenjani nënshkruan me Schaffhausenin appeared first on Albeu.com.

Pas një aventure super të suksesshme te klubi më i madh zviceran Grasshopper FC, Shqiprim Berisha tani ka një tjetër detyrë të vështirë para vetës, që ta rikthejë në binar skuadrën e Schaffhausen.

Berisha është emëruar zyrtarisht si drejtor ekzekutiv i Schaffhausen, derisa ish-sulmuesi i famshëm Admir Mehmedi ka marrë rolin e drejtorit sportiv të klubit.

“FC Schaffhausen është një klub tradicional”, thotë i lumtur Jimmy Berisha në konferencën për shtyp.

“Ka një infrastrukturë të madhe dhe një departament të vogël me shumë potencial. Synimi prioritar dhe urgjent, si dhe baza për hapat e mëtejshëm, është përmirësimi i situatës sportive”, tha Berisha. /Telegrafi/

The post Dy shqiptarë marrin frenat e klubit zviceran: Shqiprim Berisha drejtor ekzekutiv ndërsa Admir Mehmedi si drejtor sportiv appeared first on Albeu.com.