Vora ka njoftuar se gjatë ditës së sotme do të udhëtojë drejt Bansko të Bullgarisë, ku do të vijojë fazën përgatitore për sezonin e ri në “Abissnet Superiore” dhe do të zhvillojë edhe disa ndeshje miqësore.

Klubi vorak ka ndjekur të njëjtën rrugë si dy skuadra të tjera të Superiores, Egnatia dhe Teuta, duke përzgjedhur pikërisht këtë destinacion për të vëzhguar më nga afër futbollistët që janë aktualisht pjesë e organikës, por edhe afrimet e bëra në këtë sesion merkatoje.

Tashmë pritet të mësohet se cilat do të jenë kundërshtaret e Vorës në këtë etapë përgatitore, si edhe mënyra se si trajneri Arjan Bellai do t’i integrojë prurjet e reja në skemën e skuadrës.

The post Vora zhvendoset në Bullgari për përgatitjet verore, në plan miqësore dhe vlerësimi i grupit para nisjes së sezonit të ri appeared first on Albeu.com.

Partizani ka startuar përgatitjet për edicionin e ri, ndërsa Florin Bratu ka hyrë menjëherë në punë sapo mori drejtimin e skuadrës dhe u prezantua si trajneri i ri i të kuqve për sezonin e ardhshëm.

Nga pamjet e publikuara, rumuni shihet teksa punon me grupin aktual të lojtarëve, të cilët kanë marrë udhëzimet e para taktike nga trajneri 46-vjeçar.

Bratu konsiderohet si një zgjedhje me potencial për pankinën dhe, nisur edhe nga deklaratat e bëra pas prezantimit te të kuqtë, la të kuptohet se Partizani do të luftojë fort për t’u shpallur kampion i Shqipërisë në sezonin 2026/27.

Klubi bëri të ditur gjithashtu edhe përbërjen e stafit teknik, i cili do të jetë në mbështetje të trajnerit për arritjen e objektivave të sezonit.

The post Bratu e nis menjëherë me intensitet te Partizani, të kuqtë hapin fazën përgatitore për sezonin e ri appeared first on Albeu.com.

Egnatia ka mbërritur në momentin për të testuar forcat në kualifikueset e Champions League, pasi ka përfunduar me bilanc pozitiv fazën përgatitore. Në katër ndeshjet miqësore të zhvilluara në Bansko të Bullgarisë, skuadra e drejtuar nga Nevil Dede arriti të regjistrojë tre fitore.

Tashmë rrogozhinasit janë përqendruar te përballja e parë zyrtare, ajo kundër FC Petrocub, ekipit që vjen nga elita e futbollit moldav.

Nëpërmjet një postimi në rrjetet sociale, kampionët e Superiores bëjnë të ditur se skuadra është gati të nisë ëndrrën evropiane, ndërsa i gjithë fokusi është vendosur te ndeshja e parë që do të luhet në Moldavi.

Në të njëjtin reagim, klubi u ka bërë apel edhe tifozëve të Egnatias që të qëndrojnë pranë ekipit dhe të mos mungojnë në këtë rrugëtim në arenën europiane.

Kujtojmë se Egnatia do të luajë fillimisht të mërkurën, më 8 korrik, në “Zimbru Stadium”, duke nisur nga ora 19:00. Më pas, më 15 korrik, do të zhvillohet sfida e kthimit në “Arena Egnatia”, ku skuadra shqiptare do të presë rivalin moldav në orën 21:00.

Postimi i klubit thekson: “Pas një periudhe intensive përgatitore, skuadra mbyll me sukses fazën e përgatitjeve, duke hedhur bazat për sfidat që e presin.

Me punë dhe perkushtim, ekipi është gati të nisë ënderren në arenën evropiane. Tashmë i gjithë fokusi është te ndeshjet e Play-Off-it të UEFA Champions League, ku na pret një tjetër provë e rëndësishme.

Ftojmë të gjithë tifozët tanë të jenë pranë skuadrës dhe të mos mungojnë në këtë rrugëtim evropian. Mbështetja juaj nga tribunat është forca jonë më e madhe dhe së bashku mund ta bëjmë çdo sfidë edhe më të veçantë.

Sytë drejt Play-Off-it të UEFA Champions League. Së bashku për ngjyrat tona.”

The post Egnatia hyn në provën e Champions League, kampionët thirrje tifozëve: Na mbështesni në këtë udhëtim evropian appeared first on Albeu.com.