Kur filloi t’i hidhte mishit kripë sipas mënyrës së tij, atëherë u bë i njohur gjerësisht dhe tashmë është një nga figurat më piktoreske ndërkombëtare. Komentet kundër tij japin e marrin, si për pjatat shumë të shtrenjta në dyqanet e tij, ashtu edhe për faktin që kërcen si “majdanoz” në çdo rast në çdo event.

Reagime ka shkaktuar tashmë postimi i ri i shefit turk në Instagram, sipas të cilit një grup klientësh në restorantin e tij në Dubai kanë paguar një faturë prej 108 mijë eurosh. Nusreti donte me postimin e tij të tregonte se sa… shet, duke shkruar “paratë shkojnë e vijnë”, por rezultoi ti kthehet negativisht.

Kritikët thonë se fatura e gjatë është një fyerje për turqit punëtorë që luftojnë për të përballuar inflacionin në rritje dhe një normë papunësie prej 10%. Ndërkohë, të ftuarit e paparalajmëruar që vizituan Nusr-Et Steakhouse Dubai në Four Seasons Resort të shtunën, festuan me karpacio viçi, patate të skuqura, sallatë, bakllava dhe fruta, ndër të tjera.

View this post on Instagram

A post shared by Nusr_et#Saltbae (@nusr_et)

Ata shijuan gjithashtu mish luksoz të veshur me ar, duke përfshirë një fileto mignon (270 dollarë) dhe tre biftekë (1,390 dollarë).

Ata i shoqëruan vaktet e tyre me katër martini (130 dollarë), dy shishe Chateau Petrus 2009 (53,900 dollarë), një shishe Petrus 2011 (17,700 dollarë) dhe pesë gota dyshe konjaku ekskluziv Louis XIII (7,500 dollarë).

View this post on Instagram

A post shared by Nusr_et#Saltbae (@nusr_et)

Ata dhanë 24,500 dollarë shtesë në bakshish.

Mburrja e hapur e Salt Bae nuk u pëlqeu shumë komentuesve të indinjuar në Instagram. “Ky është një rast i njerëzve që kanë më shumë para sesa arsye të shëndoshë,” tha një person.

Gazeta turke Yeniçağ e akuzoi Salt Bae se ka treguar për pasurinë e tij ndërsa “qytetarët luftojnë për të përballuar jetesën me një pagë minimale prej 3 cent”.

Salt Bae ka themeluar një zinxhir prej më shumë se 20 restorantesh, duke përfshirë një në Manhattan që është mbyllur që atëherë. Shefi i njohur i kuzhinës ka shkaktuar reagime edhe në të kaluarën, pasi “ngarkon” në rrjetet sociale foto ekstravagante nga restorantet e tij

The post Nusreti donte të krenohej me një faturë prej gati 110,000 euro , por ndezi zemërim në rrjetet sociale appeared first on Albeu.com.

Shumë njerëz nuk zgjedhin të ngarkojnë foto të darkës së tyre në mediat sociale. Megjithatë, një zonjë nga Kina, tani e tutje, do të mendojë dy herë për ta bërë atë përsëri pas një incidenti fatkeq.

Gruaja në fjalë, me mbiemrin Wang, shijoi një vakt në një restorant në Kunming të Kinës jugperëndimore. Më pas ajo vendosi të përdorte aplikacionin kinez WeChat për t’u treguar miqve dhe ndjekësve të saj se çfarë hante. Megjithatë, ajo kurrë nuk e kuptoi se çfarë tjetër dukej në foton e saj.

Kur erdhi koha për të paguar, kamerieri i dha asaj një faturë astronomike me vlerë 430,000 juanë (rreth 50,000 euro). Si është e mundur kjo? Epo, fotografia që ajo ngarkoi përfshinte kodin QR të tryezës së saj, të cilin ajo dhe shoqja e saj e kishin përdorur për të porositur vaktin e tyre.

Dhe kur njerëzit e tjerë kanë qasje në kodin QR të tryezës suaj, ata mund të shtojnë ushqime në porosinë tuaj.

Edhe pse fotografia u shpërnda vetëm me disa prej kontakteve të saj të përzgjedhur, disa njerëz dinak menduan se do të ishte qesharake të shtonin sasi masive ushqimore në llogarinë e saj.

Sipas The South China Morning Post, përdoruesit e djallëzuar të mediave sociale shtuan 2580 porosi kallamar, 1850 porosi supë rosë dhe 9990 racione pastë karkalecash.

Edhe pse gruaja e kuptoi shpejt gabimin e saj dhe e fshiu postimin në internet, restoranti ndryshoi sistemin e porositjes në mënyrë që një gabim i tillë të mos përsëritej.

The post Fotoja i kushton rëndë, kinezja paguan 50 mijë euro për një faturë restoranti appeared first on Albeu.com.

Rama ka publikuar një faturë energjie ku është harxhuar 800 kwh dhe çmimi që paguan një qytetarë për këtë sasi energji është 9220 lekë të rinj.

“Ja një faturë reale, konkrete, aritmetikisht e pakontestueshme, që tregon se sa kushtojnë 800këh dhe se sa reale, konkrete, aritmetikisht e vajtueshme është kriza e thellë logjike e ulëritësve profesionistë, në politikë e në media���”, shkruan Rama në Twitter.

Ja një faturë reale, konkrete, aritmetikisht e pakontestueshme, që tregon se sa kushtojnë 800kwh dhe se sa reale, konkrete, aritmetikisht e vajtueshme është kriza e thellë logjike e ulëritësve profesionistë, në politikë e në media? pic.twitter.com/mtovwiu5ug

— Edi Rama (@ediramaal) September 8, 2022

Ndërkohë që deputetja e PD, Grida Duma, më herët reagoi duke theksuar se qytetarët shqiptarë do të paguajnë shumë më tepër nga sa pretendon qeveria, pasi sipas saj për 800 kwh shqiptarët paguajnë 7600 lekë të rinj.

I gjithë debati mes mazhorancës dhe opozitës pas vendosjes së fashës së çmimit, zhvillohet se sa para më shumë do të paguajnë qytetarët shqiptarë, nëse do të harxhojnë të njëjtën sasi energji që kanë harxhuar me të njëjtën periudhë të një viti më parë, duke patur parasysh se kemi përpara stinën  e dimrit.

The post Rama i përgjigjet opozitës: Ja një faturë reale që tregon sesa kushtojnë 800 kwh energji elektrike appeared first on Albeu.com.

1. Mbrojini këmbët dhe kokën

Vishni çorape të trasha dhe vendosni kapelë.

2. Shmangni veshjet sintetike

Ato do ju djersitin dhe do e keni ftohtë sapo të dilni jashtë.

3. Konsumoni produkte kalorike

Proteinat dhe produktet që përmbajnë niseshte e ndihmojnë trupin të prodhojë ngrohtësi.

4. Preferoni pijet e nxehta

Çaj, kafe, supë apo çokollatë, kënaqeni veten dhe qëndroni ngrohtë.

5. Natën, shishja me ujë është mikesha më e mirë

Uji i ngrohtë do ju ngrohë dhe do ju mundësoje një gjumë të mirë.

6. Përfitoni nga dielli

Kur bën kohe e mire dhe kur dielli ndriçon, përfitoni për të hapur grilat dhe perdet.

7. Mbrojini dritaret

Kur koha është e keqe mirë është të vendosni një palë perde të trasha.

8. Mbyllini dyert

Kjo do ju ruajë një ambient të ngrohtë.

9. Tapeti është jeta

Vendosni copa të përshtatshme tapeti që këmbët tuaja të jenë sa më të ngrohta.

Përveç të tjerat tapeti ngroh edhe gjithë ambientin.

The post Zgjidhjet alternative: Si të ngroheni pa harxhuar energji! appeared first on Albeu.com.

Në përpjekje për të ulur kostot e energjisë elektrike, me siguri keni menduar të zëvendësoni llambat me më të lira dhe të kufizoni përdorimin e disa pajisjeve shtëpiake. Megjithatë, ka disa pajisje që djegin mjaftueshëm energji, por një prej tyre rëndon më së shumti faturën në fundin e muajit.

Furra

Furra është një pajisje shtëpiake që e përdorni pothuajse çdo ditë. Ose për të gatuar, ose për të ngrohur ushqimin nëse nuk keni mikrovalë. Kjo është një pajisje elektrike që djeg mjaftueshëm energji elektrike.

Një furrë mesatare 2700W djeg rreth 0,45 euro në orë, por kjo mund të jetë më lartë ose me e ulët në varësi të modelit të saj. /albeu.com

The post Nuk është lavatriçja apo frigoriferi, pajisja shtëpiake që konsumon më së shumti energji elektrike appeared first on Albeu.com.