Ata janë larguar nga një restorant në Maltë pa paguar faturën.

Media italiane shkruan: “Duket tashmë si normë.  Klientët hanë vaktin e tyre në restorant, pastaj ikin pa paguar faturën. Pas sikletit në Shqipëri, ku ishte kryeministrja Meloni ajo që pagoi faturën nga xhepi, këtë herë grupi i italianëve nuk pagoi në Maltë. Ngjarja ndodhi në Msida më 25 gusht. Por këtë herë “dinakët” nuk ia kanë dalë dot.”

Arratisja

Me justifikimin e pirjes së një cigareje, grupi i të rinjve u ngrit nga tavolina në «Pasta & Co» dhe u largua.

Ata u arratisën ndërsa fatura prej 100 eurosh mbeti e pa paguar.

Një nga pronarët, një italian, njohu theksin sicilian të klientëve, ndaj kontaktoi gazetat lokale për të gjetur fajtorët. Dhe lëvizja u shpërblye.

Babai i njeh

Babai i njërit prej të rinjve, që u larguan nga restoranti, njohu të birin nga gazetat, pavarësisht se fytyra e tyre ishte e mbuluar.

“Ai më telefonoi duke më kërkuar të dhënat e mia për të paguar shumën e duhur”, thotë pronari i restorantit për Corriere.

Më tha se djali i tij u pendua menjëherë, po qante me të madhe. I thashë se e vlerësoja shumë gjestin e tij, se ishte njeri i ndershëm dhe baba shembullor, por nuk kishte nevojë të shlyente një faturë 100 euro.

Por ai vazhdoi të insistonte, ndaj i propozova t’ia dhuroja shumën Arkës, një organizatë në ishullin Gozo që kujdeset për personat me aftësi të kufizuara. Ideja ime i bëri shumë përshtypje dhe në fund më telefonoi duke më njoftuar se kishte dhuruar 250 euro.

Ne u kthyem më pas në polici dhe e tërhoqëm ankesën, përfundon pronari i lokalit./Albeu.com/

The post Pas sikletit në Shqipëri, italianët ikin pa paguar në Maltë, babai njeh të birin nga gazetat dhe shlyen borxhin appeared first on Albeu.com.

Një çift u largua pa paguar faturën e tyre nga një restorant peshku.

“Nuk e di se çfarë edukimi keni marrë nga prindërit tuaj dhe më vjen shumë keq për ta, por nëse nuk doni që këto imazhe të cilësisë së lartë t’i dërgojmë në Polici dhe t’iu denoncojmë, ju lutem ejani dhe paguani faturën tuaj.”

Ky është mesazhi i postuar në rrjetet sociale nga pronarët e restorantit “Sensei Sushi” në Avezzano, duke bashkangjitur padyshim fotot e çiftit që u larguan pa paguar dhe faturën e tyre.

“Ato 89 euro që duhet të paguanin nuk do ta ndryshojnë situatën tonë, por për të respektuar të gjithë njerëzit që vijnë këtu dhe paguajnë rregullisht, dhe të gjithë ata që punojnë me ndershmëri, njerëz me familje, njerëz që rrinë e shkarkojnë mallra në  mes të temperaturave të larta, etj” vazhdon mesazhi i pronarëve.

Kujtojmë se para disa ditësh, disa turistë italianë në vendin tonë u larguan pa paguar faturën në një restorant në Berat. Video u bë publike nga pronarët e restorantit dhe shumë shpejt u bë vitale. Për incidentin u vu në dijeni edhe kryeministrja italiane, Giorgia Meloni e cila pagoi faturën e tyre./Albeu.com/

The post Jo vetëm në Shqipëri! Çifit Italian ikën pa paguar në Avezzano, pronarët i publikojnë fotot appeared first on Albeu.com.