fatos hoxha Archives - Albeu.com

Tensione në Bulqizë, sherr mes mbështetësve të dy kandidatëve për kryetar dege në PD, shqyhet dera (VIDEO)

E B — Tue, 26 Apr 2022 10:44:39 +0000

Votimi i për kryetarin e degës së PD-së në Bulqizë është shoqëruar me tensione. Mbështetësit e dy kandidatëve të Rithemelimit, Shaqir Manjani dhe Fatos Hoxha janë përplasur më njëri tjetrin brenda ambienteve të Pallatit të Kulturës, ku po zhvillohet votimi.

Nga pamjet që shihni është shkulur dhe një derë nga vendi, ndërsa dyshohet se sherri ka nisur për radhën.

Kujtojmë se zgjedhja e kryetarit të degës së PD-së në Bulqizë ishte planifikuar të mbahej të dielën, por u anulua për shkak se u shtuan 500 anëtarë në listë, nga 1700 që ishin./albeu.com

The post Tensione në Bulqizë, sherr mes mbështetësve të dy kandidatëve për kryetar dege në PD, shqyhet dera (VIDEO) appeared first on Albeu.com.

Përplasje për listat e votuesve, shtyhen zgjedhjet për kryetarin e degës së PD në Bulqizë (FOTO LAJM)

admin — Sun, 24 Apr 2022 09:09:35 +0000

Teksa ditën e sotme mbahen zgjedhjet në disa degë të Partisë Demokratike në Shqipëri, në Bulqizë, situata duket e tensionuar.

Përplasjet për listat e votuesve kanë shtyrë zgjedhjet për kryetarin e kësaj dege.

Shkak është bërë ankimi i dy kandidatëve Defrim Fiku dhe Fatos Hoxha për fryrje të listave me anëtarët e rinj të shtuar nga grupi i Rithemelimit.

Fillimisht u raportua se në listën e votuesve kanë qenë 1700 anëtarë, ndërsa së fundmi listës i janë shtuar edhe emra të rinj të anëtarësuar nga grupi i Rithemelimit duke e çuar listën në 2200 emra.

Kryetari i Komisionit Shkëlqim Tançi pretendon se në listën e ardhur nga Tirana ka emra të cilët janë pjesë e administratës Socialiste të Bashkisë Bulqizë.

Zgjedhja e kryetarëve të rinj është nismë e grupit të Rithemelimit që drejtohet nga ish-kryeministri Sali Berisha dhe që është kundërshtuar nga grupi tjetër që mbështet Enkelejd Alibeajn.

The post Përplasje për listat e votuesve, shtyhen zgjedhjet për kryetarin e degës së PD në Bulqizë (FOTO LAJM) appeared first on Albeu.com.

Ky person po kërkohet nga Policia, ka rreth 30 urdhërarreste të lëshuara

E B — Mon, 10 Jan 2022 17:16:00 +0000

Referuar disa rasteve të vjedhjeve të raportuara në polici, Drejtoria Rajonale e Policisë së Prishtinës, kanë ndërmarrë të gjitha masat policore në drejtim të hetimit, identifikimit, marrjes e përpunimit të informacioneve të rëndësishme që lidhen me rastet.

Veprimet e lartcekura policore kanë rezultuar me identifikimin e të dyshuarit

“Fatos Hoxha, 33 vjeç, mashkull, shtetas i Republikës së Kosovës, për të cilin përveç rasteve që po hetohen nga ana e policisë, janë aktive rreth 30 urdhërarreste të lëshuara nga organet kompetente”, njofton policia.

Personi i dyshuar aktualisht ndodhet në arrati dhe është shpallë në kërkim nga ana e policisë.

“Andaj inkurajojmë të gjithë ata që kanë informacione lidhur me vendndodhjen e të dyshuarit, apo çfarë do lloj informacioni tjetër që do t’i kontribuonte arrestimit të tij, t’ ia kalojnë ato policisë përmes linjës 192, apo në çfarëdo forme tjetër”, thuhet në apelin e policisë./express

The post Ky person po kërkohet nga Policia, ka rreth 30 urdhërarreste të lëshuara appeared first on Albeu.com.