Mes lotësh Fajtoni tha se kishte ngrenë dhe pirë në familjen e Merushes, ndërsa mbanin një lidhje të fshehtë së bashku. Ai tregoi mes të tjerash se arsyet ekonomike e kishin shtyrë që të kthehej në banesë pranë prindërve të tij.

Pjesë nga intervista:

Më tregoi se nuk e dua burrin. Më tha; “Nuk shkoj mirë”.

A të ka treguar ndonjëherë se është dhunuar nga Andueli?

Jo se ka dhunuar.

Si reagoi Anueli kur e mori vesh?

Erdhi te shtëpia. Ai ka ngrenë dhe ka pirë me mua. Kemi dalë për kafe.

Si i mbanit këto miqësi?

Unë te shtëpia e Merushes shkoja shpesh herë. U bëra si i shtëpisë. Krijuam një lidhje me vëllezërit e saj, ishim si shokë. Krijuam shoqëri me ata. Flisja me Merushen njëkohësisht.

E keni dhunuar Anuelin?

Jo se kam dhunuar. As unë as vëllai i Merushës. Ai njëherë më takoi mua në zonën e Roskovecit. Më tha; mos shko më te shtëpia e Merushes se do iki në Greqi unë. Merushja e ka denoncuar në polici Anuelin. Më tha; po zihemi. Pastaj më mori në telefon vëllai i saj dhe më tha; eja shkojmë marrim pak Merushen.

Motra e Merushes deklaroi shumë gjëra për të. Pse kjo largësi e Merushes me familjen e vetë?

Po nuk vinte. Ishim në Fier me qira. Ata nuk donin që të shkoja unë në shtëpinë e tyre. Unë kam ngrenë dhe kam pirë në shtëpinë e saj. Ata i thonin që ai është akoma i martuar, si e pranon ti një burrë të martuar. Ata se dinin se si i kishim gjërat ne. As ish-gruan time nuk e kanë trajtuar. As kontakte të mira me të nuk kisha, ziheshim. Nuk na hahej muhabeti. Kishim debate. E kam qëlluar.

A kishin nje arsye të fortë pse s’donin që të jetonte me Merushen?

Ata nuk e donin, s’e dëgjonin njerëzit. Thoshin që ka 3 fëmijë, do marrin pasurinë tonë. Ajo thoshte; Nuk ke punë me fëmijët, se ata do i rrisë familja ime, ne do shohim punën tonë. Babai ishte autoritar, ai vendoste dhe për motrat dhe bënte fjalë. E dhunonte nënën time, që të vegjël dhe tani. E ka rrahur dhe tani.

Pse u kthyet aty?

Kohët e fundit shkova në Vlorë, punova 7 muaj. Ajo punoi 13 ditë në një furrë buke, por e la punën se u sëmur me COVID. Nuk shkoi më në punë. Ikja që në 5 të mëngjesit dhe deri në 16:00. I thashë ‘rri në shtëpi’.

Çfarë të tha babai kur shkuat në shtëpi?

I thash që s’ja dalë dot, do kthehem. ai më tha; ajo nuk punon. “Kush tha që nuk punon?” i thash. ‘Ok’, më tha. Dy ditët e para u soll mirë. Jetonim 10 metra larg nga njëri-tjetri. pas nja 2 ditësh, e pa që ajo po bënte punë i thoshte; ‘mos rri te soba. I kam bërë unë shtëpitë’./Balkanweb

The post Fatjon Hoxha: Burri i Merushes më tha të mos i shkoja më në shtëpi asaj pasi ai do të ikte në Greqi appeared first on Albeu.com.

Fqinjët tregojnë se ajo qëndronte  e mbyllur nga frika dhe dilte nga banesa vetëm kur vinte i shoqi, Fatjoni. Edhe mesditën e së martës ajo ishte në dhomën e gjumit kur i vjehrri Xhevahiri hapi me dhunë derën dhe e vrau në korridorin e shtëpisë.

Megjithëse kanë kaluar disa ditë nga krimi që tronditi Roskovecin ku vjehrri vrau nusen e më pas veten, gjurmët e kësaj ngjarje të rëndë janë ende të dukshme në fshatin Suk, ku jeton familja e Merushes.  Në kushte të vështira ekonomike, në banesën që ndodhet pas krahëve të mi jetojnë 3 fëmijët e saj të cilët janë pa nënë dhe me një baba që akoma i mohon. Për ta kujdeset vetëm gjyshi i cili punon në bujqësi.

Sadushi, babai i Merushes, mban të hapura dyert e shtëpisë për të pritur ngushëllime për të bijën që ndërroi jetë nga dora e të vjehrrit, i cili e masakroi me thikë pasi nuk e pranonte si nusen e djalit. Në dorë gjatë gjithë ditës mban pasaportën e saj, dhe fotografia është i vetmi ngushëllim.

“Vajzën nuk ma vrau Xhevahiri, por Fatjoni. La gruan e parë për vajzën time. Më tha e dua. i thashë nëse nuk shkoni mirë ma sill vajzën në shtëpi. Ma çoi vajzën në atë shtëpi për të ma vrarë. Fëmijët e Merushes i kam mbaj unë dhe do ti mbaj unë. Djali i vogël ka lindur tek unë”, tha Sadush Hazizi, babai i viktimës.

Motivet e këtij refuzimi të nuses nga autori i vrasjes Xhevahiri, nuk i di as Qerimja e vjehrra e cila ishte e para që konstatoi krimin e rëndë.

“Nuk e donte ai këtu. E gjeti vetëm dhe e vrau. Kur nuk ishte burri ne flisnim me njëra tjetrën. Kur ishte ai mua nuk më lejonte ti flisja”, tha  vjehrra e viktimës, Qerime Hoxha.

Në shtëpinë ku ndodhi krimi i përgjakshëm ka rënë heshtja. Gjurmët e gjakut ishin larë dhe familja Hoxha vijonte punët e bujqësisë. Por kujtimet dhe pikëpyetjet e këtij krimi të rëndë, do të mbesin akoma për një kohë të gjatë./tch

The post Krimi në Roskovec, flet babai i Merushes, tregon porosinë që i la Fatjonit kur i mori vajzën në shtëpi appeared first on Albeu.com.

Varrimet janë bërë të ndara, dhe djali ka zgjedhur babanë. Abc mëson se ai ka qenë në ceremoninë mortore të babait dhe jo në atë të Merushes, ndonëse 61 vjeçari nuk e pranonte lidhjen e tij me Merushen.

Xhevairi, është shoqëruar nga një numër i vogël personash për në banesën e fundit, ndërsa janë vërejtur forca të shumta policie në zonë për të shmangur ndonjë hakmarrje të mundshme nga familjarët e viktimës.

Pak familjare e të afërm në heshtje e kanë përcjellë për në varrezat e fshatit 61-vjeçarin.

Familjarët e Merushes kanë hapur sot dyert e mortit dhe që në orët e para të mëngjesit e kanë përcjellë në banesën e fundit Merushen e cila u vra mizorisht nga vjehrri. E reja, nënë e 3 fëmijëve nga martesa e parë do të prehet në varrezat pranë familjes së saj.

Kujtojmë se Fatjon Hoxha, djali i Xhevahirit, ka qenë i martuar me parë dhe ka 1 fëmijë 9 vjeç me gruan e parë. Ndarja nga gruaja e parë dhe bashkëjetesa me Merushen ishte e papranueshme nga babai i djalit Xhevahiri. 61 vjeçari nuk e pranoi kurrë bashkëjetesën e të birit, Fatjonit me Merushem.

Prej tre vjetësh ata kishin debate të vazhdueshme deri sa dje 61 vjeçari e masakroi me thikë 30 vjeçaren në tualetin e banesën e tyre në fshatin Vidhisht të Roskovecit. Pasi kreu krimin u vetëvar në këtë pemë që ndodhet në pjesën e pasme të shtëpisë.

Duke mos përballuar dot sherret Fatjoni me Merushen për dy vjet jetuan me qira në Fier. Por disa javë më parë u kthyen në fshat. Mes tyre dhe Xhevairit kishte nisur një tjetër konflikt ai për pronësinë e shtëpinë. Këtë e pohon dhe bashkëshortja e autorit të krimit, e cila po pastron gjurmët e gjakut.

Të afërm dhe fqinjë të familjes Hoxha thanë se e nuk e kishin marrë seriozisht Xhevairin kur ju thoshte se nëse nusja kthehej në fshat do ta vriste. Para se të njiheshin Merushja dhe Fatjoni kanë qenë të martuar. 30 vjeçarja nga martesa e parë ka tre fëmijë që I po I rrit ish burri. Ndërsa Fatjoni një fëmijë kujdestarinë e të cilit e ka marrë ish bashkëshortja.

The post Varrimet të ndara, djali zgjedh babanë, nuk shkon në funeralin e nuses appeared first on Albeu.com.