fatin Archives - Albeu.com

Rekursi për dënimin me një vit burg, Gjykata e Lartë vendos sot fatin e Ervin Salianjit

V K — Tue, 11 Mar 2025 08:17:54 +0000

Gjykata e Lartë, do të marrë sot vendimin për ish-deputetin demokrat Ervin Salianji, i cili kundërshtoi vendimin e datës 18 dhjetor 2019 të Gjykatës Penale që vendosi për ish-deputetin 1 vit burg.

Seanca do të nisë në orën 10:00 dhe vendimi për demokratin do të merret në dhomë këshillimi.

Kujtojmë që më datë 15 tetor 2024, Gjykata e Lartë, refuzoi një kërkesë të ish-deputetit demokrat Ervin Salianji, për pezullimin e dënimit me 1 vit burg nga Apeli.

Më 26 shtator, Gjykata e Apelit, vendosi lënien në fuqi të dënimit me 1 vit burg për veprën penale të kallëzimit të rremë për Salianjin, ndërsa ky i fundit e quajti procesin të montuar dhe e cilësoi veten si të dënuar politik.

The post Rekursi për dënimin me një vit burg, Gjykata e Lartë vendos sot fatin e Ervin Salianjit appeared first on Albeu.com.

Apeli i GJKKO-së vendos sot për “fatin” e Erion Veliajt, shqyrtohen edhe kërkesat e 4 biznesmenëve

V K — Tue, 11 Mar 2025 07:17:32 +0000

Ditën e sotme, në Apelin e Gjykatës së Posaçme, do të mbahet sot seanca e ankimimit të kryetarit të Bashkisë së Tiranës, Erion Veliaj, për masën e sigurisë “Arrest me burg”, dhënë nga GJKKO dhe gjyqtari Erjon Bani.

Veliaj kërkon me çdo kusht zbutjen e masës së sigurisë, pasi sipas tij, nuk ekziston asnjë kriter për një masë të tillë.

Sipas kryebashkiakut, nuk ka shanse që ai të prishë provat, të intimidojë dëshmitarët apo të largohet jashtë vendit, pasi ka dhënë prova që është larguar jashtë vendit dhe është rikthyer pavarësisht faktit që ishte nën hetim.

Ndërkohë prokurorët e çështjes, Ols Dado dhe Altin Dumani, këmbëngulin në masën e sigurisë sepse në postin e kryetarit të bashkisë sipas tyre, Veliaj ka mundësi të prishë provat.

Kujtojmë se kryebashkiaku Veliaj, akuzohet për veprat penale “Korrupsion” dhe “Pastrim parash”, të kryer në bashkëpunim me bashkëshorten e tij Ajola Xoxa.

Seanca e nesërme do të drejtohet nga gjyqtari Engert Pëllumbi, pasi gjyqtarja Ilirjana Olldashi ,nuk do të jetë e pranishme për shkak të problemeve shëndetësore.

Në seancën e sotme pritet të shqyrtohet edhe ankimimi për masën e sigurisë i 4 nga 6 biznesmenëve të lidhur me këtë çështje, Meriman Palushi, Shkëlqim Fusha, Gentian Sula dhe Elman Abdule.

Biznesmenët Sokol Kryeziu dhe Fatmir Bektashi, nuk kanë ankimuar masën e sigurisë “Detyrim paraqitje” të vendosur nga GJKKO.

The post Apeli i GJKKO-së vendos sot për “fatin” e Erion Veliajt, shqyrtohen edhe kërkesat e 4 biznesmenëve appeared first on Albeu.com.

Humbën jetën nga shpërthimi teksa po punonin, në Stan Karbunarë janë hapur dyert e mortit për babë e bir

D Marku — Sat, 02 Mar 2024 11:38:52 +0000

Në Stan Karbunarë të Lushnjës janë hapur dyert e mortit për Roland dhe Lidio Hoxhën, babë e bir që humbën jetën tragjikisht dje teksa punonin në ndërtimin e një kapanoni.

Fshatin e ka pllakosur zija, ndërsa fqinjët rrëfejnë mes lotësh se ishin punëtorë dhe familje e shkëlqyer.

Roland Hoxha dhe i biri, Lidio ishin duke punuar në vinç ku me ndihmën e tij ngrinin 2 bombola oksigjeni me të cilat po kryenin saldime në pjesën e tarracës. Dyshohet se gjatë punës një bombol u shkëput nga vinçi dhe u përplas në tokë duke shkaktuar një shpërthim që shkatërroi gjithçka dhe mori jetën e të dyve.

Nga fuqia shpërthyese u shkëputën telat e tensionit të lartë 110 kv që kalonin sipër magazinës që po ndërtohej nga deputeti i Partisë Socialiste prej 2 mandatesh në Lushnje Bujar Çela, i cili mbeti i plagosur së bashku me gjashtë persona të tjerë të cilët kanë qenë duke punuar në magazinën e tij. Të dëmtuarit u transportuan në spital për ndihmë mjekësore, ndërsa për manovratorin e vinçit Roland Hoxha i cili ndërroi jetë në vendngjarjen dhe të birin Lidio, i cili ndërroi jetë 2 orë më vonë, mjekët nuk mundën të bëjnë gjë, pasi dëmtimet ishin të konsiderueshme. Për ta ishte dita e parë e punës ne këtë kantier qe rezultoi dhe e fundit.

Krahas deputetit Çela dhe 41-vjecari Sokol Lumi në Lushnjë janë të lënduarit Sajmir Korreshi, Ilia Sota, Lunedi Golemi, Eriget Gorovelli dhe Ervis Sharka.

The post Humbën jetën nga shpërthimi teksa po punonin, në Stan Karbunarë janë hapur dyert e mortit për babë e bir appeared first on Albeu.com.

Çfarë do të thonë tre dysha në vitin 2022, si do të ndikojë në fatin tuaj

admin — Fri, 10 Dec 2021 22:22:18 +0000

Cila është simbolika e vitit 2022 në numerologji dhe çfarë do të na sjellë?

Numri 2 do të thotë dualitet, ekuilibër dhe përshtatshmëri, besim, bashkëpunim dhe diplomaci. Numri 2 gjithashtu përfaqëson dashurinë, familjen dhe partneritetin, çiftin.

Në këtë rast, ne kemi tre dysha (222) dhe kjo ka më shumë kuptime – një mesazh shprese, se mund të ngriheni mbi çdo situatë dhe vështirësi. Nënkupton një ekuilibër të zgjedhjeve të jetës, angazhimit, kompromisit dhe besimit.

Është një mesazh që ju duhet të punoni më shumë për dashurinë tuaj ndaj të tjerëve, për t’iu përkushtuar me gjithë zemër dhe me gjithë qenien tuaj.

Kur shihni numrin 0, do të thotë pikën zero, ku fillon gjithçka dhe ku mbaron gjithçka.

Zero ka fuqinë për të përforcuar energjitë, duke e bërë çdo numër më të fuqishëm dhe më me ndikim.

Numri 2022 ju inkurajon të zbuloni se çfarë është e rëndësishme në jetën tuaj dhe t’i përkushtoheni plotësisht. Edhe pse fokusi është në një qëllim të qartë dhe realizimin e tij, sigurohuni që të gjitha aspektet e jetës suaj të jenë harmonike dhe të balancuara.

Shmangni mendimet negative dhe pesimizmin sepse në këtë mënyrë nuk do të arrini atje ku dëshironi, përkundrazi.

Numri 2022 thotë se duhet të jeni të kujdesshëm për ndjenjat tuaja të brendshme dhe të besoni se do t’ju çojë në vendimin e duhur në kohën e duhur. Për të arritur rezultatet e dëshiruara në të gjitha nivelet, do t’ju duhet përkushtim dhe durim dhe kohë që nuk do ta humbisni në gjëra të panevojshme – ndaj shmangni çdo gjë që ju heq energjinë, përfshirë njerëzit bosh.

Në vend të historive boshe, përkushtojuni komunikimit me të mençurit dhe njerëzit me përvojë, nga të cilët mund të mësoni shumë.

Kuptimi sekret i vitit 2022 është suksesi. Me fjalë të tjera, kur e shihni këtë numër, është një shenjë se jeni në rrugën e duhur. Nëse vazhdoni të jeni ambicioz, të përkushtuar për të mirën tuaj dhe të punoni si më parë, ëndrrat tuaja kanë një shans të madh për t’u realizuar.

Bota nuk funksionon rastësisht, ndaj duhet të besoni gjithmonë në atë që po bëni, të dëgjoni intuitën tuaj dhe të mbani gjithmonë parasysh se gjithçka mund të ndryshojë për mirë. /Telegrafi/

The post Çfarë do të thonë tre dysha në vitin 2022, si do të ndikojë në fatin tuaj appeared first on Albeu.com.