Gjatë 24 orëve të fundit janë raportuar dy vdekje si dhe 175 raste pozitive me koronavirus.

Siç njofton ministria, 105 persona janë shëruar. Aktualisht janë 2 mijë e 184 raste aktive, ndërsa mbi 1 milion e 831 mijë qytetarë janë vaksinuar./albeu.com

The post Rikthehen vdekjet nga COVID-19, dy humbje jete gjatë 24 orëve në Kosovë appeared first on Albeu.com.

Instituti i Statistikave në publikimin e shifrave të marsit vlerëson se në muajin e tretë të vitit numërohen 101 aksidente rrugore nga 119 aksidente të ndodhura në muajin Mars 2021, duke u ulur me 15,1%, krahasuar me të njëjtën periudhë të një viti më parë.

“Në tremujorin e parë të vitit 2022 numërohen 285 aksidente rrugore nga 323 aksidente, të ndodhura në të njëjtën periudhë të një viti më parë, duke u ulur me 11,8%. Në muajin Mars 2022, numri i të aksidentuarve (të vrarë dhe të plagosur) është 145 persona nga 150 që ishte në të njëjtën muaj të një viti më parë. Në tremujorin e parë të vitit 2022, numri i të aksidentuarve është 392 persona nga 418 persona të aksidentuar në të njëjtën periudhë të një viti më parë.

Në muajin Mars 2022, numri i të vdekurve nga aksidentet rrugore është 14 persona, nga 18 persona të vdekur në Mars 2021. Në tremujorin e parë të vitit 2022, numri i të vdekurve nga aksidentet rrugore është 46 persona nga 58 persona të vdekur në tremujorin e parë të vitit 2021” thuhet në publikimin e INSTAT.

Shkak kryesor për aksidentet në shumicën e rasteve mbetet sjellja e drejtuesve të mjeteve ndërkohë që sipas INSTAT vihet re një ulje e numrit të aksidenteve që kanë si shkak sjelljen e këmbësorëve.

“Në muajin Mars 2022, aksidentet rrugore, në 93,1% të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve në këtë periudhë është kryer nga grup-mosha 25 – 34 vjeç, duke zënë 29,7% të numrit të aksidenteve gjithsej. Aksidentet në këtë grup-moshë janë ulur me 3,2%, krahasuar me të njëjtën periudhë të një viti më parë.

Në tremujorin e parë të vitit 2022, aksidentet rrugore, në 12,6% të rasteve, kanë ndodhur si pasojë e sjelljes së këmbësorit. Gjatë kësaj periudhe, numri i aksidenteve sipas sjelljes së këmbësorit është ulur me 43,8%, krahasuar me të njëjtën periudhë të një viti më parë”, vlerëson INSTAT./Monitor

The post Bien aksidentet, më pak fatalitete në rrugë, problem sjellja e drejtuesve appeared first on Albeu.com.

Sipas të dhënave të Eurostat, që i raporton edhe të dhënat për Shqipërinë në bazë javore, fatalitetet për 37 javët e vitit 2021 (deri në muajin shtator) u rritën gjithsej me 33.4% në krahasim me të njëjtën periudhë të vitit 2019, kur vendi ishte në një periudhë normale, duke arritur në 21.1 mijë jetë të humbura në total.

Por, ndryshe nga viti 2020, kur vdekshmëria shtesë ishte shumë më e lartë te meshkujt në raport me femrat, në vitin e dytë të pandemisë, Covid-19 nuk ka kursyer as femrat.

Sipas të dhënave të INSTAT, të përpunuara nga “Monitor”, për 9-mujorin 2021, fatalitetet e femrave u rritën me rreth 28%, duke arritur në gati 9,400.

Megjithatë, meshkujt vazhdojnë të jenë më të goditur nga pandemia. Për të njëjtën periudhë, fatalitetet e kësaj gjinie u rritën me 38.5%, duke arritur në rreth 11.7 mijë humbje jete.

Për 9-mujorin 2021, vdekjet e meshkujve zinin 55.5% të totalit, nga 53.5% që ishte kjo peshë në të njëjtën periudhë të vitit normal 2019.

Në vitin 2020, në kulmin e pandemisë, vdekjet e meshkujve arritën deri në 60% të totalit.

Në të gjithë botën, pandemia ka rezultuar më vdekshmëri më të lartë te meshkujt. Studimet shkencore kanë treguar se të dy faktorët biologjikë (përgjigjet më të forta imune) dhe faktorët e rrezikut të sjelljes (p.sh. pirja e duhanit dhe zakone të tjera të jetesës) i vënë burrat në një risk më të madh për komplikime shëndetësore dhe vdekje, si pasojë e COVID-19. Burrat e kanë dy herë më të lartë rrezikun e vdekjes nga COVID-19, duke u ndikuar nga sërë hipotezash, nga stilet e jetesës dhe faktit që gratë zakonisht kanë sistem më të fortë imunitar, falë hormoneve femërore, si dhe strukturës së kromozomeve.

Të dhënat sipas javëve tregojnë se periudha më e vështirë e vitit 2021 ishte muaji shkurt. Në javën e tretë të shkurtit 2021, fatalitetet tek meshkujt u rritën me 162% dhe në dy javët në vijim sërish ishin dyfish më të larta sesa periudhat përkatëse të 2019-s. (Shiko grafikun: Vdekjet e meshkujve, sipas javëve deri në shtator, 2019 dhe 2021)

Po në javën e tretë të shkurtit, edhe fatalitetet tek femrat u rritën me 117%. (shiko grafikun)

Pandemia erdhi duke u qetësuar gradualisht dhe nga periudha e verës vdekjet u normalizuan duke qenë pothuajse në nivelet e para pandemisë. Por nga fundi i gushti dhe shtatori, virusi e nxori sërish kokën. Në javën e 37 të vitit, fatalitetet u dyfishuan te meshkujt dhe u rritën me 865 te femrat, në raport me të njëjtën periudhë të 2019-s.

Të dhënat krahasuese të Eurostat dhe statistikave kombëtare rajonale tregojnë se Shqipëria është nga vendet që ka shënuar humbje më të mëdha të jetëve të njerëzve nga pandemia, që nisi në mars 2020. Shqipëria, së bashku me dy vendet e tjera të rajonit, Kosovën dhe Maqedoninë e Veriut janë tre shtetet që kanë shënuar rritjen më të lartë të vdekshmërisë shtesë që nga marsi i vitit 2020, kur pandemia “pushtoi” gradualisht Europën deri në shtator 2021.

Të dhënat e tjera kombëtare të INSTAT bëjnë të ditur se në vend. që nga prilli 2020, kur vala e pandemisë filloi të jepte pasojat e para në Shqipëri deri në fund të shtatorit 2021, në vend janë shënuar rreth 11 mijë vdekje shtesë në krahasim me mesataren e periudhave përkatëse 2016-2019.

The post Covid në vitin 2021 nuk kurseu as femrat, rritje 28% e fataliteteve për 9-mujorin, e meshkujve 38.5% appeared first on Albeu.com.

Sipas të dhënave zyrtare të përpunuara nga Zëri i Amerikës, u rregjistruan në total 3914 të infektuar, me një rritje prej vetëm 1.4 përqind krahasuar me javën pararendëse. Mesatarja ditore ishte prej 559 raste.

Nga ana tjetër testimet mbeten në kuota të ulta, për një total prej 21656 tamponësh, ose 3.1 përqind më pak. Ajo që bie në sy është fakti se për të 6-ën javë radhazi, pozitiviteti (raporti mes rasteve të reja dhe testimeve) ka ardhur duke u rritur dhe mesatarja e javës së fundit është në kuotën e 18 përqindëshit, ose 0.8 pikë përqindje me shumë se java pararendëse. Pozitiviteti është treguesi i transmetueshmërisë së virusit në komunitet.

Po ashtu në rritje progresive, që prej 5 javësh, janë dhe rastet aktive të cilat të hënën ishin në nivelin e 8433 të prekurve. Më shumë se gjysma e tyre (4449 raste aktive) janë rregjistruar në qarkun e Tiranës, ndërsa në të gjitha qarqet e tjera janë poshtë kuotës së 1 mijë rasteve.

Për të dytën javë radhazi, numrii i viktimave erdhi duke u ulur. Në total gjatë javës së fundit u rregjistruan 31 vdekje, 4 më pak se një javë më parë. E hëna ishte dita me nivelin më të lartë. Ministria e Shëndetësisë njoftoi për 7 humbje jete: tre qytetarë nga Tirana të moshave 53-79 vjeç, një qytetar nga Kruja 61 vjeç, një qytetare nga Saranda 70 vjeçe, një qytetare nga Fieri 71 vjeçe, dhe një qytetar nga Durrësi 74 vjeç.

Por situata në spitale, ndonëse vihet re një tendencë në rritje, ka qenë pak a shumë e njejtë. Sipas të dhënave të ministrisë, deri të hënën pasdite ishin të shtruar 172 pacientë. Në rritje të fortë, janë rastet e rënda, që përfundojnë në terapi intensive, që janë thuajse dyfishuar. Të hënën u njoftua për 29 pacientë në situatë kritike, nga 15 që ishin një javë më parë.

Ndërsa nuk ka shenja të një përmirësimi të gjendjes së pandemisë, ritmet e vaksinimit ranë sërish në gjysmën e parë të nëntorit. Të dhënat zyrtare të përpunuara nga Zëri i Amerikës, dëshmojnë se kanë marrë dozat e para ose të dyta mbi 62 mijë persona, ose një mesatare ditore prej 4439 dozash. Kjo shifër është 18.4 përqind më e ulët se ajo e muajit tetor, gjatë të cilët ritmet e vaksinimit ranë me 40 përqind. Pak më shumë se 1 milion e 47 mijë persona, ose 46.7 përqind e popullatës mbi 16 vjeç, kanë marrë të paktën një dozë. Prej tyre, mbi 924 mijë qytetarë, ose 41.2 përqind e popullatës 16+, i kanë marrë të dyja dozat. Ndërsa mbi 28 mijë persona kanë marrë dhe dozën e tretë përforcuese, e cila ka nisur të zbatohet që prej fillimit të nëntorit./VOA

The post Rastet e reja me Covid-19 rriten lehtë në Shqipëri, më pak viktima në javën e fundit appeared first on Albeu.com.