fantazmë Archives - Albeu.com

BIRN: Fati i miliona eurove në inceneratorin “fantazmë” të Tiranës mbetet mister

V K — Sat, 14 Dec 2024 09:00:09 +0000

Kompania koncesionare Integrated Energy BV SPV, e cila është aktualisht nën administrim shtetëror, ka dështuar të depozitojë në Qendrën Kombëtare të Biznesit pasqyrat financiare të vitit 2023, ndërsa nga 10 dhjetori ka një administrator të ri.

Çdo kompani në Shqipëri, publike apo private, është e detyruar që brenda 31 korrikut të depozitojë në Qendrën Kombëtare të Biznesit pasqyrat financiare të vitit paraardhës.

Në rast se nuk e bën, QKB zakonisht refuzon shërbimet për veprime të tjera në regjistër si dhe vendos një gjobë në masën 70 mijë lekë të rinj.

Kjo nuk është ajo që ka ndodhur me atë që është me gjasë sipërmarrja më shqetësuese në vend, kompania Integrated Energy BV SPV, e cila zbaton koncesionin e të ashtuquajturit incinerator të Tiranës, një kompani me të ardhura të sigurta në nivelin e dhjetëramilionë eurove, të cilat paguhen si tarifa të detyrueshme nga bizneset si dhe nga tatimpaguesit, fati i të cilave sot për sot është mister.

Kompania nuk ka depozituar pasqyrat financiare sipas ligjit brenda datës 31 korrik, ndërsa praktika e zakonshme e Qendrës Kombëtare të Biznesit për të refuzuar shërbimet deri në plotësimin e këtij detyrimi ligjor duket se nuk është zbatuar kësaj here pasi në 11 nëntor dhe 10 dhjetor, në regjistër janë depozituar dhe regjistruar dy urdhra, të cilat, fillimisht emëruan një bashkëadministrator me të drejta të plota dhe pastaj hoqën njërin nga administratorët dhe emëruan përfundimisht administrator të vetëm Indrit Karaj.

Kompania Integrated Energy B.V SPV u themelua në vitin 2017 me qëllim që të zbatonte një kontratë koncesionare. Kapitali i saj themeltar ishte 100 mijë lekë. Kompania filloi menjëherë të arkëtojë miliona nga taksapaguesit si dhe nga një skemë e derdhjes me detyrim të dherave të ndërtimit kundrejt tarifave të majme, duke realizuar të ardhura të përgjithshme në nivelin e 10.6 miliardë lekëve për periudhën 2017-2022.

Shumë prej këtyre parave kanë ikur në drejtim të paditur ndërsa një hetim i Strukturës së Posaçme Kundër Korrupsionit dhe Krimit të Organizuar, SPAK, solli vendosjen e kompanisë nën sekuestro preventive në gusht 2023. Niveli më i lartë i të ardhurave u realizua në vitin 2022 me 2.7 miliardë lekë.

Që nga koha e vendosjes në sekuestro e deri më sot, pagesat e buxhetit të shtetit kanë vijuar dhe pagesat e kompanive private gjithashtu, por se ku kanë vajtur këto para nuk dihet për shkak se bilanci nuk është depozituar në QKB sipas detyrimit ligjor.

Situata me projektin tjetër nën sekuestro, incineratorin e Fierit, është edhe më e panjohur për shkak se kompania nuk ka depozituar as bilancet e viteve 2020, 2021 e 2022./Oranews

The post BIRN: Fati i miliona eurove në inceneratorin “fantazmë” të Tiranës mbetet mister appeared first on Albeu.com.

Krishtilindje në kohë lufte, Betlehemi i ngjan një qyteti fantazmë

V K — Mon, 25 Dec 2023 07:36:35 +0000

Ditën e djeshme,vendlindja biblike e Jezusit, normalisht një vend i gjallë, i ngjante një qyteti fantazmë, pasi festimet e Krishtlindjeve në Betlehem u anuluan, për shkak të luftës Izrael-Hamas.

Mungonin dritat festive dhe pema e Krishtlindjes, që normalisht zbukurojnë Sheshin Manger, si dhe turmat e turistëve të huaj dhe grupet e të rinjve që mblidhen çdo vit në qytetin e Bregut Perëndimor për të shënuar festën.

Dhjetëra forca palestineze të sigurisë patrullonin sheshin bosh, raporton AP.

Anulimi i festimeve të Krishtlindjeve është një goditje e rëndë për ekonominë e qytetit.

Turizmi mbështetet në rreth 70 për qind të të ardhurave të Betlehemit, pothuajse të gjitha gjatë sezonit të Krishtlindjeve.

Shumë linja ajrore të mëdha kanë anuluar fluturimet për në Izrael, sepse pak të huaj po e vizitojnë.

Zyrtarët lokalë thonë se mbi 70 hotele në Betlehem janë detyruar të mbyllen, duke lënë mijëra njerëz të papunë.

Mbi 20 mijë palestinezë janë vrarë dhe më shumë se 50 mijë janë plagosur gjatë ofensivës ajrore dhe tokësore të Izraelit kundër militantëve të Hamasit në Gaza, sipas zyrtarëve shëndetësorë atje, ndërsa rreth 85 për qind e 2.3 milionë banorëve të territorit janë zhvendosur.

Lufta u shkaktua nga sulmi vdekjeprurës i Hamasit më 7 tetor në jug të Izraelit, në të cilin militantët vranë rreth 1200 njerëz, shumica prej tyre civilë dhe morën më shumë se 240 pengje.

Luftimet kanë ndikuar në jetën, në të gjithë Bregun Perëndimor. Që nga 7 tetori, qasja në Betlehem dhe në qytete të tjera palestineze në territorin e pushtuar nga Izraeli, ka qenë e vështirë, me radhë të gjata shoferësh që presin të kalojnë pikat e kontrollit ushtarak.

Kufizimet kanë penguar gjithashtu, dhjetëra mijëra palestinezë që të dalin nga territori për të punuar në Izrael.

The post Krishtilindje në kohë lufte, Betlehemi i ngjan një qyteti fantazmë appeared first on Albeu.com.

“Po më përndjek …”, gruaja që u martua me një fantazëm punëson një ekzorcist ta ndajë nga burri

Tau Lanti — Fri, 29 Sep 2023 16:38:38 +0000

Pak kohë më parë, një britanike bëri bujë në media pasi deklaroi se po martohej me një fantazëm.

Këngëtarja dhe tekstshkruesja Brocarde tha se kishte rënë në dashuri me Edwardo-n, fantazma e një ushtari të periudhës Viktoriane. Megjithatë pas akuzave të ndërsjellta për tradhti, ajo deklaroi divorcin në fillim të vitit 2021.

E për kë kryer ndarjen, ajo mori një ekzorcist.

Por ajo tashmë pretendon se Edwardo po e përndjek, dhe nuk është aspak e lumtur.

“Po ecja në brigjet e lumit Seine duke ndjekur hijen e Kullës Eifel, duke u krehur nën ombrellën time ndërsa pikat e shiut derdheshin prej saj, dhe më pas ajo më goditi, duke shkëlqyer në një pellg, reflektimi i një francezi.

E anova ombrellën time mbrapa, por askush nuk ishte përreth, pashë prapa drejt pellgut që njeriu ishte i pastër si oqeani”, ka thënë ajo për gazetat britanike.

Që atëherë, ajo thotë se Edwardo ka vazhduar ta ngacmojë nën maskën e të qenit shpirtra të ndryshëm.

Ajo shtoi: “Pas përballjes franceze, Edwardo m’u rishfaq përsëri”.

“Fillova me kujdes të dal në takime me njerëz të gjallë”.

“U ktheva në shtëpi nga një takim me një tufë lulesh dhe Edwardo mendoi se do të ishte argëtuese të hiqja kokat nga të gjithë trëndafilat dhe të shpërndaja petalet në shtratin tim. Ai madje është mësuar të luajë Careless Ëhisper në saksofon, dua të them, të paktën mendoj se është ai, tingulli jehon në distancë ndonjëherë kur unë jam duke bërë banjë nën dritën e qirinjve”, shtoi ajo.

“Ai po bëhet vërtet xheloz për faktin që unë dua të takohem me një burrë modern”.

The post “Po më përndjek …”, gruaja që u martua me një fantazëm punëson një ekzorcist ta ndajë nga burri appeared first on Albeu.com.

U martua me një fantazmë, gruaja kërkon ekzorcizëm: Po ma bën jetën ferr

K Agaj — Mon, 10 Apr 2023 19:01:52 +0000

Një grua që u martua me një fantazmë vitin e kaluar kërkoi këshilla martese nga një psikik dhe tani po mendon një ekzorcizëm sepse burri i saj fantazmë po ia bën jetën ferr.
Brocarde, e cila u martua me burrin e saj fantazmë Eduardo në Halloween 2022, thotë se dëshiron të largohet përfundimisht nga ky ferr.

Këngëtarja vëren se ajo u martua me njeriun fantazmë vetëm pesë muaj pasi e takoi – por tani ai po e ndjek kudo. 38-vjeçarja pretendon se nuk dëshiron më të martohet me burrin e saj shpirtëror dhe pretendon se ai është fantazma e një ushtari viktorian – por ai nuk është i gatshëm ta lërë të shkojë.

View this post on Instagram

A post shared by Brocarde (@brocarde)

Ajo pretendon se po mendon të përdorë një ekzorcist për ta hequr qafe përgjithmonë.

“Kam arritur kufirin tim. Nuk dua ta pranoj humbjen, por ndihem sikur të jesh e martuar me një fantazmë nuk funksionon”, tha ajo. /albeu.com

The post U martua me një fantazmë, gruaja kërkon ekzorcizëm: Po ma bën jetën ferr appeared first on Albeu.com.

SHBA krijon drone “fantazmë” posaçërisht për Ukrainën

A M — Thu, 21 Apr 2022 18:06:30 +0000

Forcat Ajrore të SHBA-së, kanë krijuar sistemin e ri të droneve “Phoenix Ghost” për të përmbushur nevojat e Ukrainës, sipas një zëdhënësi të Pentagonit.

Paketa e re e ndihmës amerikane për Ukrainën përfshin më shumë se 121 sisteme “Phoenix Ghost”, tha Pentagoni.

“Kjo u zhvillua me shpejtësi nga Forcat Ajrore në përputhje të posaçme me kërkesat e Ukrainës”, tha sekretari i shtypit o Pentagonit, John Kirby.

“Ai ka aftësi të ngjashme me serinë Switchblade të sistemeve pa pilot, aftësi të ngjashme po jo të njëjta” tha Kirby.

Por Kirby nuk tha se cilat janë ndryshimet në aftësi midis sistemeve Switchblade dhe Phoenix Ghost.

Ai shtoi se sistemi i ri do të kërkojë “trajnim minimal nga forcat ukrainase” dhe tha se Departamenti i Mbrojtjes i SHBA po “punon” me këto kërkesa të ushtrisë./albeu.com

The post SHBA krijon drone “fantazmë” posaçërisht për Ukrainën appeared first on Albeu.com.

Ndeshja “fantazmë” e Salernitanës mund të jetë e fundit e udhëtimit të mahnitshëm deri në Serie A

admin — Sat, 25 Dec 2021 07:34:56 +0000

Të martën në stadiumin “Dacia Arena” ishin të paktën 16 tifozë të Salernitanas. Nuk bëhet fjalë për angazhim të vogël, ishte udhëtim vajtje-ardhje prej 1.600 kilometrash për të mbështetur një ekip që qëndron në fund të renditjes.

Grupi i tifozëve shkoi në Udine, duke e ditur se nuk do të kishte një ekip për ta mbështetur. Salernitana ishte ndaluar të udhëtonte pasi dy lojtarë rezultuan pozitivë me COVID, së bashku me një anëtar të stafit. Vendimi u mor nga autoriteti lokal shëndetësor në Salerno, jo nga Federata Italiane e Futbollit, që do të thotë se ndeshja e tyre në Udine, në veri-lindje të Italisë, nuk u anulua zyrtarisht.

Ishte kjo një përsëritje e ndeshjeve të pazhvilluara, mes Juventusit dhe Napolit tetorin e vitit të kaluar, dhe Lazios dhe Torinos në mars të këtij viti.

Skuadra vendase u shfaq, paraqiti një formacion dhe madje e postoi atë në rrjetet sociale. Pastaj lojtarët prisnin. 45 minuta pasi ishte planifikuar të fillonte ndeshja, gjyqtari Giacomo Campione i fryu tre herë bilbilit për të mbyllur shakanë. Të gjithë po bënin atë që duhej, duke ndjekur rregullat siç ishin shkruar, por këto skena provokuan një ndjenjë të hidhur. Ndeshjet Juventus – Napoli dhe Lazio – Torino u luajtën përfundimisht në datat e mëvonshme, por vetëm pas proceseve të gjata të apelimit dhe argumenteve se pse disa ekipe ishin detyruar t’i vazhdonin garat me skuadrat e shkatërruara nga virusi, ndërsa të tjerat morën një afat.

Departamenti i drejtësisë i Lega Serie A deri më tani ka refuzuar të marrë një vendim nëse kjo ndeshje duhet të jepet si një fitore e dytë për Udinesen apo të riplanifikohet për një datë të mëvonshme. Nuk ka kuptim për ta bërë këtë derisa përgjegjësit ta dinë nëse Salernitana do të luajë ndonjë ndeshje tjetër në Serie A.

Klubi ka afat deri më 31 dhjetor për të gjetur një pronar të ri ose do të përjashtohet nga liga. Promovimi i skuadrës në Serie A këtë edicion krijoi konflikt interesi, pasi Salernitana është në bashkëpronësi të Claudio Lotitos, pronar i Lazios. Kjo është një rrëmujë prej 10 vjetësh. Lotito e ringjalli Salernitanan së bashku me një biznesmen tjetër, Marco Mezzaroman, pasi klubi falimentoi në vitin 2011 dhe mbikëqyri ngritjen nga Serie D, me Lazion që shpesh i dërgonte lojtarë të rinj në huazim për të fituar përvojë. Rregullat e Federatës Italiane të Futbollit në atë kohë i ndalonin individët të zotëronin më shumë se një klub brenda divizioneve profesionale – nga Lega Pro e lart. Por, kur Salernitana u promovua në atë nivel në vitin 2012, Lotitos iu bë një përjashtim.

Përplasjet e mundshme me Lazion në Kupën e Italisë u shmangën duke besuar në probabilitetin që të dyja nuk do të shkonin në finale. Edhe vetë presidenti i federatës, Gabriele Gravina, ka pranuar se “të gjithë e dinin se çfarë do të ndodhte”, kur Salernitana më në fund do të kalonte në Serinë A. Nuk mund të kishte më anashkalim të rregullave për të lejuar një person të zotërojë dy skuadra në të njëjtin divizion. Lotito u lejua të dorëzonte klubin me kusht që ai të shitej deri në fund të dhjetorit. Pyetja se si u lejuan gjërat të shkonin deri këtu, mbetet shqetësuese. Rregullat që atëherë janë ndryshuar për të parandaluar përsëritjen. Në rastin e Salernitanas, Gravina ka qenë i qartë se nuk mund të ketë zgjatje të mëtejshme. Nëse nuk gjendet blerës, skuadra do të përjashtohet nga Seria A.

Ai mbeti optimist këtë javë, duke thënë se “vë bast se një blerës do të gjendet në 10 ditët e ardhshme” dhe duke e deklaruar si të paimagjinueshme që askush nuk do të ishte i gatshëm të investonte në një “klub të shëndoshë”.

Ata tifozë që udhëtuan në “Dacia Arena” të martën mbrëma do të donin t’u besonin fjalëve të Gravinas. Ata shpalosën një pankartë me një lutje, “Free Salernitana”.

Pjesa tjetër e ligës mund vetëm të shikojë dhe të presë. Do të kishte një ndikim negativ për të gjithë nëse Salernitana do të përjashtohej, me rezultatet e deritanishme që do të fshihen, ndonëse ndikimi në renditje do të ishte modest.

Klubi ka luftuar shumë pas rikthimit në kategorinë e parë pas 23 vjetësh larg, duke mbledhur tetë pikë nga 19 ndeshje, pavarësisht transferimit të Franck Riberyt në shtator. Është një situatë që të gjithë do të preferonin ta shmangnin. Ka mjaft ankth edhe për rastet me COVID te Salernitana dhe implikimet e mundshme të variantit Omicron. Deri këtë javë shpresa në Itali kishte qenë se një shkallë e lartë vaksinimi mund ta mbante ligën të funksiononte pa probleme.

“La Repubblica” raportoi në tetor se 98 për qind e lojtarëve të Serie A kishin marrë nga dy vaksina – përqindja më e madhe në pesë ligat më të mira të Evropës. Deri të martën, vetëm 19 lojtarë kishin rezultuar pozitivë gjatë gjithë sezonit. Gjysma e skuadrave nuk kishin përjetuar një rast të vetëm. Por rritja e numrit të infeksioneve në të gjithë vendin po ngjallte shqetësim edhe përpara se Salernitana të urdhërohej të qëndronte në shtëpi. Në fillim të këtij muaji, qeveria shtrëngoi kufizimet për tifozët që ndiqnin ndeshjet, duke u kërkuar atyre që t’i plotësonin kriteret e “Super Green Pass”, duke marrë dy doza ose të ishin të rikuperuar nga COVID-i në gjashtë muajt e mëparshëm. Masa të mëtejshme të qeverisë mund të përfshihen, megjithëse Seria A është në pushim deri më 6 janar. Pjesëmarrja në ndeshjet e Serie A është kufizuar në 75 për qind të kapacitetit të stadiumit që nga tetori, nga 50 për qind në fillim të fushatës. Në praktikë shumë klube nuk po i arrijnë këta kufij me praninë e tifozëve.

Këto shqetësime nuk i errësuan plotësisht ndeshjet e fundit të Serie A të vitit 2021. Interi konfirmoi një vit të shkëlqyer duke mundur Torinon, 1:0. Me këtë fitore, Interi veçse e konfirmoi titullin e “kampionit të dimrit”.

“Tani u përshtatet të gjithëve të thonë se Interi është një ekip i fortë, por kjo nuk ishte ajo që njerëzit thoshin në verë”, ka pranuar trajneri i Interit, Simone Inzaghi.

Ai e ka çuar skuadrën në lartësi të reja qëkur pasoi Antonio Conten. Madje, gjeti mënyra për t’i riintegruar dhe për të përfituar sa më shumë nga lojtarët që kishin rënë në formë, si Alexis Sanchez dhe Arturo Vidal.

The post Ndeshja “fantazmë” e Salernitanës mund të jetë e fundit e udhëtimit të mahnitshëm deri në Serie A appeared first on Albeu.com.