Në nisje të konferencës me gazetarët, Berisha shprehu vlerësimin e tij për artisten e ndjerë.

Ai tha se Margarita Xhepa, është një artiste e papërsëritshme që shndriti në dhjetëra dhe qindra role në skenën e teatrit dhe në film.

Pas fjalës për Margarita Xhepën, kreu i PD mbajti një minutë heshtje në nder të kujtim të artistes.

“Ndaj me këtë rast, duke ndarë dhimbjen dhe zinë me familjen Xhepa, me të gjithë miqtë dhe të afërmit e të ndjerës Margarita Xhepa, me të gjithë artdashësit që e kanë dashur, vlerësuar dhe çmuar kaq shumë, ju ftoj të mbajmë një minutë heshtje në nderim të kujtimit të saj”, tha kreu i PD-së.

Berisha: Dua të shpreh ngushëllimet e mia për të ndjera familjes Xhepa, miqve, bashkëpunëtorëve dhe të gjithë artdashësve të Shqipërisë, pasi sot u nda nga jeta artistja më përfaqësuese e skenës shqiptare në disa dekada, Margarita Xhepa.

Margarita Xhepa është një artistë e papërsëritshme që shndriti në dhjetëra dhe qindra role në skenën e teatrit dhe në film.

Me një talent të rrallë. Me një forcë interpretimi të jashtëzakonshëm. Ajo mbeti gjithnjë një nga artistet më të dashura, më të çmuara të Shqipërisë.

Ndaj me këtë rast, duke ndarë dhimbjen dhe zinë me familjen Xhepa, me të gjithë miqtë dhe të afërmit e të ndjerës Margarita Xhepa, me të gjithë artdashësit që e kanë dashur, vlerësuar dhe çmuar kaq shumë, ju ftoj të mbajmë një minutë heshtje në nderim të kujtimit të saj.

Mbretëresha e skenës shqiptare dhe ikona e kinematografisë, Margarita Xhepa u nda nga jeta në moshën 91-vjeçare.

Por kush ishte aktorja e mirënjohur shqiptare?

Një nga Zonjat e Mëdha të teatrit dhe filmit shqiptar që ka skalitur memorien e publikur shqiptare me role brilante që prej fillimit të saj, në vitet 60 dhe deri më tani.

Nga viti 1950 u aktivizua si artiste probiste në Teatrin Popullor (sot Teatri Kombëtar) dhe njëkohësisht studioi në Liceun Artistik, dega e Dramës.

Ka krijuar mbi 150 role në teatër, midis të cilëve mund të përmendim: Majlindën tek filmi “Majlinda” (Xh. Broja), Dafina tek Lumi i vdekur (dramatizim nga K. Velça i romanit me të njëjtin titull të Jakov Xoxës), Filja tek Cuca e maleve (Loni Papa), Zonja Mëmë tek Kush e solli Doruntinën (dramatizim nga Edmond Budina e Pirro Mani i romanit me të njëjtin titull të Ismail Kadaresë), Nëna tek Përballë vetes (Ruzhdi Pulaha) etj.

Ka qënë njësoj e suksesshme në rolet e dramaturgjisë botërore, si Ofelia tek Hamleti, vajza e dytë tek Mbreti Lir, dado tek Romeo e Xhulieta, Mbretëresha Margaret tek Rikardi III, të Shekspirit.

Në rolet e tjera nga dramaturgjia botërore spikasin Klea tek Dhelpra dhe rrushtë (Figereido), Lena tek Xhaxha Vanja (Çehov), Ledi Milford tek Luiza Miler (Shiler), Zonja Berling tek Vizita e inspektorit (Pristli), Zonja Lomen tek Vdekja e një komisioneri (A. Miller), Ana Andrejevna tek Revizori (Gogol), Marsela tek Qeni i kopshtarit (De Vega), Mashenka tek Mashenka (Afigenov), Shejla tek Morali i zonjës Dulska (Zapolska), apo Dado tek Elektra e Sofokliut, nën drejtimin e regjisorit grek Dhimitri Mavriqis, në Teatrin Kombëtar të Greqisë në Athinë.

Veç roleve në teatër, ka realizuar edhe 32 role në kinematografi, duke punuar me shumicën e regjisorëve shqiptarë. Me K. Dhamon xhiron Vitet e para dhe Gjurmët, me I. Muçajn e K. Mitron Dimri i fundit, Tokë e përgjakur, Një djalë edhe një vajzë dhe Apasionata, me Viktor Gjikën, Gjeneral gramafoni, me E. Musliun,Rrethi i kujtesës dhe Vitet e pritjes (E. Musliu), me Kujtim Çashkun, Dora e ngrohtë, me Dhimitër Anagnostin, Gurët e shtëpisë sime, me P. Milkanin, Pranvera s’erdhi vetëm, me S. Kumbaron, Koncert në vitin 1936, me Gj. Xhuvanian E diela e fundit dhe I dashur armik.

Në vitin 1997, interpretoi në filmin grek “Mirupafshim” (regjisor J. Koras, K. Vupuras). Filmi u laureua me Çmimin e Madh në Festivalin Ndërkombëtar të Filmit Mesdhetar në Selanik, ndërsa Margarita Xhepa, Çmimin e Nderit.

Në maj të vitit 2004, u rikthye në skenën e Teatrit Kombëtar për të shkëlqyer në dramën “Streha e të harruarve”, një tjetër sukses në karrierën e saj 50-vjeçare.

The post Berisha, ngushëllime për familjen e Margarita Xhepës: Artistja më përfaqësuese e skenës shqiptare appeared first on Albeu.com.

Që pasi u pushua nga puna në ‘97, ajo tregon se të ardhurat e familjes i fiton duke shitur banane.

E njohur nga të gjithë si nëna e Kombinatit, e moshuara është një figurë e njohur për të gjithë, për kujdesin dhe dashurinë që tregonte ndaj çdo personi që kalonte pranë tezgës së saj.

Ajo sot nuk ka një tezge të qëndrueshme ku mund të tregtojë, ndaj kërkon një vend ku të mund të vazhdojë aktivitetin e saj dhe të sigurojë jetesën për ata që ka pranë.

Kjo zonjë pavarësisht nga vitet dhe vështirësitë e shumta që ka kaluar, nuk ka hequr kurrë dorë për një jetë më të mirë

The post E moshuara Bukurie Hadroi nuk dorëzohet, siguron ushqim për familjen duke shitur banane appeared first on Albeu.com.

Në këtë periudhë festash, ajo ka ndarë me ndjekësit një kartolinë familjare, një portret i ngrohtë dhe i bukur, që tregon dashurinë dhe harmoni në jetën e saj personale.

Mesazhi që ajo ka shpërndarë ishte i thjeshtë dhe i sinqertë: “Një vit i mbare dhe i gëzuar për të gjithë ju!”.

Bashkëshorti i Ledinës është Naim Kabashi, ish-kampionin shqiptar nga Kosova të kick box-it, me të cilin tani jeton në Gjermani.

The post Këngëtarja Ledina Çelo ndan pamje me familjen e saj (FOTO) appeared first on Albeu.com.

Viktimat u gjetën nga policia brenda vilës së tyre të vogël në Paderno Dugnano, pasi u njoftuan nga vetë autori, i cili në telefonatë thoshte se kishte vrarë familjen e tij.

Paraprakisht, adoleshenti tha përpara hetuesve se ishte çuar në mes të natës, pasi kishte dëgjuar ulërimat e nënës dhe vëllai që po ekzekutoheshin nga babai, por më pas pranoi se i kishte vrarë ai të 3 anëtarët e familjes.

Momentalisht, nuk ka një motiv të qartë për këto vrasje, teksa i riu është dërguar në ambientet e paraburgimit.

Hetimet zbuluan se gjatë mbrëmjes familja kishte festuar ditëlindjen e babait 51-vjeçar, ku të ftuar ishin dhe disa të afërm.

The post Krim i rëndë në familje/ 17-vjeçari vret prindërit dhe vëllain e vogël appeared first on Albeu.com.

Policia e Durrësit, ka kërkuar ndihmën e qytetarëve për të bërë të mundur identifikimin e tij, në mënyrë që ta bashkojë me familjen.

Kush e njeh mund të njoftojë policinë ose familjen e tij.

The post Ka humbur kontaktet me familjen, Policia kërkon ndihmë për identifikimin e një personi që nuk flet appeared first on Albeu.com.

BBC ka sjellë rrëfimin e babait të cilit, i janë vrarë në një sulm në shtëpinë e tyre  në Gaza, 103 të afërm, mes të cilëve gruaja dhe tri vajzat e vogla.

Kjo ndodhi kur ai kishte mbetur i bllokuar në qytetin e pushtuar të Jerikos në Bregun Perëndimor, 80 km nga Gaza.

Ahmad punonte në një kantier ndërtimi në Tel Aviv, kur Hamasi sulmoi Izraelin më 7 tetor në pamundësi për t’u kthyer te gruaja dhe tri vajzat e tij të vogla, për shkak të luftës që pasoi dhe bllokadës ushtarake të Izraelit.

Ai fliste me to në të njëjtën orë çdo ditë, kur i lejonin lidhjet telefonike dhe ishte në telefon me gruan e tij, Shireen, pasi sulmi ndodhi mbrëmjen e 8 dhjetorit.

“Ajo e dinte se do të vdiste. Dhe kjo ishte telefonata e fundit mes nesh”, tha ai.

Një sulm i madh me bombë në shtëpinë e xhaxhait të tij atë mbrëmje vrau gruan dhe tre vajzat e tij të vogla; Tala, Lana dhe Najla, si edhe nënën e Ahmedit, katër nga vëllezërit e tij dhe familjet e tyre, si dhe dhjetëra halla, xhaxhallarë dhe kushërinj të tij.

Mbi 100 të vdekur gjithsej. Më shumë se dy muaj më vonë, disa prej trupave të tyre, janë ende të bllokuar nën rrënoja.

Javën e kaluar ai shënoi ditëlindjen e vajzës së tij më të vogël. Najla e cila do të mbushte dy vjeç. Ahmadi ende po përpiqet të kuptojë humbjen.

Në pamundësi për të mbajtur trupat e fëmijëve të tij ose për të qenë në varrimet e tyre, ai ende flet për to në kohën e tashme, me fytyrën e tij të palëvizur dhe lotët që rrjedhin.

“Vajzat e mia janë zogj të vegjël për mua. Më duket sikur jam në ëndërr. Ende nuk mund ta besoj atë që na ka ndodhur”.

Ai ka hequr fotot e vajzave nga ekrani i telefonit dhe laptopit. I thanë se një raketë kishte goditur fillimisht hyrjen e shtëpisë së familjes së tij.

“Ata dolën me shpejtësi dhe shkuan në shtëpinë e xhaxhait tim aty pranë”, tha ai. “Pesëmbëdhjetë minuta më vonë, një avion luftarak goditi atë shtëpi”.

Ndërtesa katërkatëshe ku u vra familja, qëndronte pranë Qendrës Mjekësore Sahaba në lagjen Zeitoun të qytetit të Gazës.

Tashmë është një grumbull betoni i copëtuar, rrënojat e përshkuara me pika të ndezura ngjyrash: një filxhan plastik jeshil, copa rrobash të pluhurosura.

Të mbijetuarit thonë se viktima më e madhe ishte një gjyshe 98-vjeçare; djali më i ri i lindur vetëm nëntë ditë më parë.

I mbërthyer në Jeriko me babain e tij, një tjetër punëtor ndërtimi i bllokuar në Bregun Perëndimor, Ahmedi ndonjëherë i telefonon të afërmit e tij të mbijetuar në Gaza. Por pas disa muajsh që ishte i bllokuar jashtë shtëpisë së tij të dashur dhe i dëshpëruar për t’u kthyer, ai nuk është më i sigurt nëse do të kthehet ndonjëherë.

“Ëndrra ime u shkatërrua në Gaza. Për kë të kthehem? Kush do të më thërrasë baba? Kush do të më thërrasë i dashur? Gruaja ime më thoshte se isha gjithë jetën e saj. Kush do të ma thotë këtë tani”?- tha ai.

The post Kush do të më thërrasë baba? Historia e trishtë e babait që humbi familjen dhe të afërmit, mes tyre dhe tre vajzat e vogla (FOTO) appeared first on Albeu.com.

Ish-efektivi i policisë me inicialet M.D ka vrarë gruan dhe djalin me armë zjarri dhe më pas ka qëlluar veten. Në deklaratën e Drejtorisë së Policisë, thuhet se M.D. ishte punonjës i tyre në pension, ndërsa gruaja e tij ishte edukatore, raportojnë mediat e huaja.

“Hetimet në vend janë kryer nga prokurori i shtetit në Prokurorinë e Lartë në Podgoricë me pjesëmarrjen e ekspertëve balistikë dhe oficerëve të Departamentit të Sigurisë në Podgoricë. Sipas informacioneve të disponueshme, arma e cila është përdorur si mjeti i kryerjes së kësaj vepre ka qenë në posedim privat, në vendngjarje janë gjetur edhe dy armë zjarri, për të cilat policia do të konstatojë nëse ato janë në posedim të ligjshëm”, thuhet në njoftimin e Drejtorisë së Policisë.

Ata shtojnë se sipas të dhënave që disponon aktualisht Drejtoria e Policisë, dyshohet se motivi i këtij krimi ka qenë gjendja e akumuluar e shkaktuar, pasi djali i tij ka ndërruar jetë.

The post Tragjedi në Mal të Zi! I vdiq djali, ish-efektivi nuk duron dot dhimbjen, ekzekuton të gjithë familjen dhe veten appeared first on Albeu.com.

Në çdo dhomë, ai kishte vendosur kamera dhe sa herë dilte nga shtëpia kërcënonte familjarët që askush të mos dilte jashtë, ndërsa i monitoronte nëpërmjet kamerave.

Gjithashtu, siç shihet edhe nga pamjet, shihen edhe kamerat e vendosura edhe në hyrje të banesës së 35-vjeçarit.

(35-vjeçari; Jetnor Zhaboli)

35-vjeçari ishte me profesion ekonomist, ndërsa celularëve të tyre u bllokonte valët, që të mos kishin kontakte me asnjë person jashtë banesës.

Sipas policisë, ai kishte instaluar kamera edhe në tualetin e banesës.

Sipas hetimeve, prej fillimit te marrëdhënies ka qenë xheloz dhe kontrollues, por me kalimin e kohës është bërë edhe më agresiv.

The post Mbylli prej muajsh familjen brenda në banesë, del fotoja e 35-vjeçarit appeared first on Albeu.com.

Shtetasi Riza Sallahi 66-vjeç, është vënë në pranga, pasi kishte ushtruar dhunë ndaj bashkëshortes së tij mbrëmjen e djeshme, ku e kishte mbyllur atë në banesë, së bashku me familjarët, duke i kanosur se do t’i vriste, me mjet prerës (sëpatë).

Uniformat blu, menjëherë kanë organizuar punën për parandalimin e ngjarjes së mundshme kriminale, dokumentimin e plotë ligjor të rastit dhe vënien e autorit të dyshuar përpara përgjegjësisë penale.

Njoftimi:

“Brenda 12 orëve të fundit, parandalohet një tjetër ngjarje kriminale në familje, falë ndërhyrjes në kohë dhe veprimeve profesionale të strukturave të DVP Tiranë.

Kapet dhe vihet në pranga një shtetas, pasi kishte ushtruar dhunë ndaj bashkëshortes së tij dhe mbrëmjen e djeshme, e kishte mbyllur atë në banesë, së bashku me familjarët, duke i kanosur se do t’i vriste, me mjet prerës (sëpatë).

Shërbimet e Komisariatit të Policisë Nr. 3, pas marrjes së njoftimit për një shtetas që kishte mbyllur në banesë, familjarët e tij (bashkëshorten me nipërit dhe mbesat), në rrugën “Pavarësia”, menjëherë kanë organizuar punën për parandalimin e ngjarjes së mundshme kriminale, dokumentimin e plotë ligjor të rastit dhe vënien e autorit të dyshuar përpara përgjegjësisë penale.

Si rezultat i veprimeve të shpejta, u arrestua në flagrancë shtetasi Riza Sallahi 66 vjeç, banues në Tiranë.

Shtetasi R. S., mbrëmjen e djeshme, rreth orës 21:30, në rrugën “Pavarësia”, ka ushtruar dhunë ndaj bashkëshortes, e ka mbyllur atë në banesë, së bashku me nipërit dhe mbesat, dhe i ka kanosur ata me mjet prerës sëpatë, që të mos lajmëronin Policinë.

Mjeti prerës (sëpatë) u sekuestrua në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme”, njofton policia.

The post Tjetër rast i rëndë në Tiranë, 66-vjeçari mbyll familjen në banesë dhe i kërcënonte se do t’i vriste me sëpatë appeared first on Albeu.com.

Zona është goditur nga shirat e dendur së fundmi.

“Rrufeja ra mes ujit dhe rërës në një plazh në Villa Kaisara, Praia Granci”, tha mbrojtja civile e shtetit.

“Një grua 60-vjeçare ka vdekur”, ndërsa tre anëtarë të familjes janë shtruar në spital “në gjendje të rëndë por të qëndrueshme”, tha i njëjti burim.

Katër persona të tjerë janë goditur nga rrufeja, por sipas autoriteteve gjendja e tyre është jashtë rrezikut për jetën.

The post E rëndë, rrufeja godet familjen, një i vdekur dhe tre të plagosur appeared first on Albeu.com.