Familjarë, të afërm dhe kolegë i kanë dhënë lamtumirën e fundit mes lotëve dhe dhembjes për fundin e papritur të kolegut dhe mikut të tyre.

Nënkomisar Pjeçi, baba i dy fëmijëve, i dha fund jetës së tij pas urdhrit të lirimit, ndërsa ishte në gjendje të rënduar që nga vera e vitit të kaluar, kur gjykata e Durrësit e dënoi me 40 orë punë në komunitet, pasi i pezulloi dënimin me 3 muaj burg për plagosje të lehtë.

I njëjti dënim u dha dhe për fqinjin e tij Kujtim Huqi, me të cilin u përfshi në një sherr fizik me grushte e shqelma, më 25 qershor 2022 në zonën e plazhit, pas një konflikti çasti për bllokimin e rrugës nga një parkim i gabuar i automjetit.

Hetimet për zbardhjen e plotë të ngjarjes brenda komisariatit të policisë së Durrësit, po kryhen nga Prokuroria.

The post Mes lotëve dhe dhimbjes, familjarë e kolegë i japin lamtumirën e fundit nënkomisarit Arben Pjeçi appeared first on Albeu.com.

Për të paktën 15 ditë, oficerët e terrenit mbanin në vëzhgim vilën e Belegut në rrugën “Tre Vëllezërit Kondi” dhe lëvizjet e të afërmve të tij.

Në një tjetër dokument, autorizohen oficerët e Policisë Gjyqësore të përgjojnë edhe bisedat telefonike të bashkëshortes së Eduartit.

“Nga tërësia e provave rezulton e domosdoshme qe te pergjohen te gjitha permbajtjet e bisedave hyrese dhe dalese te numrave telefonik celular të mësipërm. Nga bisedat hyrëse e dalëse të zhvilluara në këto numra telefoni mund të identifikohet jo vetëm vendndodhja e pengut por dhe autorët e mundshëm të kësaj vepre penale”.

Në atë kohë, ka reaguar ashpër edhe i ndjeri Dritan Prifti. Ai akuzoi rëndë policinë se po i shmangej të vërtetës dhe veprimeve hetimore që të çonin tek zbardhja e ngjarjes.

“Policia, edhe sot, familjes së tij i thotë na thoni ku ka shkuar Belegu. Policia dhe prokuroria nuk e ka marrë në asnjë rast seriozisht denoncimin tim publik se zoti Bejlegu është zhdukur nga të tjerë dhe jo vetë. Më vjen shumë keq që drejtësia nuk ka vepruar”.

“Shumë shpejt u kalua në kundërsulm duke thënë që u vet zhduk se ka problem, kishte në fakt problem ishte arrestuar, besoj që ishte lojë e polcisë për mos krijuar imazh të keq të vetja e për ti thënë popullit mirë bëri që iku se kriminel, etj etj, e njëjta histori që përsëritet”, u shpreh gazetari, Ferdinand Dervishi.

“U përdorën mjete dhe metoda shumë teknike hetimi, operative dhe gjurmuese që ishte me miratim të gjykatës për të shmangur këtë pistë, si të thuash edhe për të vënë para përgjegjësisë vetë policinë për ti thënë që nuk është zhdukje qëllimshme, atëherë hajde të vijojmë me verisonet e tjera, mbaj mend që edhe kjo pistë na mori shumë kohë por u arrit që u rrëzua si pistë”, u shpreh ish prokurori i dosjes “Belegu”, Eugen Beci./tch

The post Zbulohet dosja! Si u përgjuan familjarët e Belegut pas zhdukjes appeared first on Albeu.com.

Ata thanë se ditën e premte, katër ditë para vrasjes autori Arsen Muskurti ka shkuar brenda agjencisë të udhëtimit dhe ka kërcënuar me armë të cilën e kishte me leje kunatën Nora Muskurti.

Pasi ka dal nga ambientet e biznesit, çifti i bashkëshorteve janë paraqitur në polici dhe kanë kallëzuar kërcënimin e marrë prej 38-vjeçarit. Familjarët e viktimave pohuan se paraqitën si prova kamerat e biznesit ku është filmuar e gjithë skena e kërcënimit.

Po ashtu familjarët shprehen se pavarësisht kallëzimit, policia nuk reagoi për të arrestuar Arsen Muskurtin, i cili pasditen e së martës kreu vrasjen e dyfishtë.

The post Vrasja e çiftit në Tiranë e paralajmëruar: Arseni 4 ditë para i shkoi në agjenci duke i kërcënuar, policia nuk reagoi appeared first on Albeu.com.

Burimet policore kanë bërë me dije se autori quhet Ervis Hoxha nga Berati dhe vuan nga probleme mendore, shkruan Top Channel.

Autori ka mbajtur me dhunë për orë të tëra dy gratë. Në zonë shkuan forca të shumta policie si dhe skuadra e specializuar e policisë helene, Ekam.

Autori është arrstuar dhe është dërguar në drejtorinë e policisë së Atikës. /albeu.com

The post E rëndë në Athinë, shqiptari merr peng familjarët appeared first on Albeu.com.

Edhe pse lindi në Angli, Armando thuajse çdo vit ka ardhur në fshatin e babait në Kamicë duke takuar kushërinjtë e bashkëfshatarët. Festim Broja dhe Sokol Broja janë dy kushërinj të tij dhe një bashkëfshatar Idriz Kurtulaj që tregojnë marrëdhëniet e mira me familjen e Armandos, heroi që i dha Shqipërisë fitoren me Hungarinë dhe se si për arsye ekonomike emigruan prej mëse 20 vitesh.

Festim Broja disa herë ka shkuar në Angli duke u takuar me Armando dhe familjen e tij ndërsa kanë ndarë shumë momente sëbashku duke ruajtur afrimitetin mes kushërinjsh.
Festimi thotë se prej 10 vitesh talenti i kombëtares shqiptare stërvitet intesivisht me sportin e futbollit dhe rrëfen se si nëna e tij Blerina ka sakrifikuar duke shoqëruar kudo në stërvitje e ndeshje djalin e saj Armandon.

Golin e shënuar ndaj Hungarisë dhe fitoren që Broja i dha kombëtares kuqezi e përjetuan me një emocion të madh.

Ahmet Musiqaj, nip në fshatin e Kamicës tregon një fakt interesant se si babai i Armandos, Xhevahir Broja ka investuar para për të rikonstruktuar varrezat e gjithë fshatit Kamicë.

Në fshatin Kamicë nga ku rrjedh sulmuesi kuqezi Broja krenaria për suksesin e Armandos është e pafundme.

Armando Broja nuk ka nevojë për ftesë që të rikthehet në fshatin e tij në Kamicë ashtu siç ka bërë gjithmonë në fëmijëri dhe gjatë adoleshencës. Të gjithë në fshat janë të sigurtë se nuk do ta harrojë fshatin e familjes së tij.

I gjithë fshati Kamicë por edhe Malësia e Madhe do të jenë tifozë të përjetshëm të Armando Brojës kudo që të jetë ai ndërsa i urojnë sa më shumë suksese në karrierën e tij që sapo ka nisur në nivelet e larta të futbollit. Për malësorët Broja do jetë gjithmonë një hero!/Star Plus tv/

The post Malësori Broja: Ky është fshati i “heroit” të Kombëtares, flasin të afërmit e tij (FOTO &VIDEO) appeared first on Albeu.com.

Personat që hyjnë në Shqipëri duhet të paraqesin pasaportën e vaksinimit, një test negative të bërë  në 72 orët e fundit, osë një provë që kanë kaluar Covid-I në 67 muajt e fundit.

Gjithashtu në njoftimin e TIA bëhet e ditur se në aeroport nuk do të lejohen  më familjarë për shoqërimin e familjarëve të tyre, por vetëm pasagjerët.

Njoftimi i plotë :

Në vëmendje të pasagjerëve që fluturojnë drejt Aeroportit Ndërkombëtar të Tiranës

Duke filluar nga data 6 Shtator, qytetarët të cilët hyjnë në Republikën e Shqipërisë duhet të plotësojnë një nga këto tre kushte:

1. Të kenë pasaportën e vaksinimit, ku nga data e vaksinimit të plotë të kenë të paktën dy javë.
2. Të kenë testin PCR negativ brenda 72 orëve ose testin e shpejtë të antigenit brenda 48 orëve.
3. Të kenë provë të kalimit të infeksionit Sars-Cov2, të vlefshme deri në 6 muaj pas shërimit.

Këto rregulla janë të vlefshme edhe për ata qytetarë të cilët kalojnë tranzit në Shqipëri.

Fëmijët deri në 6 vjeç nuk i nënshtrohen këtyre rregullave.

Qytetarët shqiptarë rezidentë në Shqipëri, të cilët kthehen dhe nuk kanë një nga dokumentat e sipërcituara, duhet të vetëizolohen për 10 ditë dhe të informojnë autoritetin shëndetësor për të kryer një test në fund të periudhës së izolimit.

Në ndërtesen e aeroportit do të lejohen të hyjnë vetëm pasagjerët që udhëtojnë, duke shmangur shoqërimin nga familjarë të tyre. Këta pasagjerë duhet të zbatojnë me rigorozitet mbajtjen e maskës, ashtu siç është rekomanduar në protokollin e masave te sigurise së shëndetit.

Faleminderit per bashkepunimin,

Tirana International Airport

The post KUSHTET/ Jo më familjarë për pritje e përcjellje, në aeroportin e Rinasit vetëm pasagjerët appeared first on Albeu.com.

Ashtu sikundër është raportuar edhe më herët, familja Haliti, nëna, djali dhe nusja ishin helmuar nga konsumimi i kërpudhave, duke i marrë atyre jetën.

Sipas familjarëve, nënë, bir e nuse kishin shkuar në pyll dhe kishin mbledhur kërpudha, të cilët i kishin konsumuar atë ditë.

Pasi kanë shfaqur shenja helmimi, kanë shkuar në qendrën Shëndetësore të Manzës ku kanë marrë serum dhe më pas janë përcjellë për në banesë.

 Por në shtëpi, duket se gjendja e tyre është përkeqësuar më shumë deri sa ka shkuar ambulanca nga Tirana i ka transportuar për në spital. Vëllai i viktimës, tha se i kishin dërguar një foto ku i kishin treguar se ishin në pyll dhe po mblidhnin kërpudha.

“Vëllai me çoi këtë foto dhe më tha që po kalojmë mirë, kemi mbledhur kërpudha ne pyll. Djali ka ardhur pasi mësoi se familjaret u shtruan në spital.

Në polici djali tha se vëllai, nëna dhe kunata kanë konsumuar kërpudhat e mbledhura në pyllin e Lalzit. Djali do tërheqë trupat nga morgu i Tiranës, për t’i çuar në Gjilan ku do bëhet varrimi i tyre”, tha familjari.

Ndërkohë policia ka proceduar dy mjekët e spitalit.

The post “Kemi mbledhur kërpudha në pyll”, del fotoja pak para fundit tragjik të tre familjarëve nga Kosova (FOTO LAJM) appeared first on Albeu.com.