Një aktakuzë për krime lufte ndaj civilëve është ngritur nga Prokuroria Speciale e Kosovës lidhur me sulmin në lagjen Jashari në Prekaz, i zhvilluar më 5, 6 dhe 7 mars 1998.

Sipas prokurorit të çështjes, Valdet Gashit, në procedurën penale janë përfshirë 35 persona. Hetimet i konsiderojnë ata ish-zyrtarë me funksione të larta komanduese në strukturat e njësive speciale të Policisë Serbe.

Personi që qëndron në qendër të akuzave për sulmin e drejtpërdrejtë ndaj familjes Jashari është Milorad Ulemek, i njohur si “Legija”. Prokuroria Speciale pretendon se në atë periudhë ai drejtonte Njësinë për Operacione Speciale të Serbisë.

Valdet Gashi deklaroi se Ulemek kishte marrë përsipër drejtimin e operacionit kundër shtëpisë së familjes së Shaban Jasharit, pas një kërkese të bërë prej tij.

“Legija” e ka udhëhequr Njësinë për Operacione Speciale dhe, me kërkesën e tij të veçantë, kishte obligim e detyrë që ta sulmonte drejtpërdrejt shtëpinë e familjes së Shaban Jasharit. Kjo, sipas Gashit, është realizuar edhe në terren.

Prokuroria bën të ditur se gjatë këtij sulmi u vranë 26 civilë, mes tyre fëmijë, gra dhe të moshuar. Po ashtu, banorët e lagjes Jashari dyshohet se u mbajtën peng dhe iu nënshtruan keqtrajtimeve.

Procedura është zhvilluar në mungesë, pasi autoritetet e Kosovës nuk kanë mundur t’i sigurojnë të akuzuarit për t’u paraqitur në proces. Sipas informatave të disponueshme për Prokurorinë, të 35 të akuzuarit janë ende gjallë.

The post Milorad Ulemek “Legija”, i akuzuari kryesor për sulmin ndaj familjes Jashari appeared first on Albeu.com.

Më 26 gusht 1998, si pasojë e sulmeve të artilerisë serbe në fshatin Rancë të Shtimes, u vranë 11 pjesëtarë të familjes Asllani. Mes viktimave ishin tetë fëmijë të moshave të ndryshme dhe tri gra.

Në këtë ngjarje të rëndë humbën jetën Jalldyze Asllani (1934), Halide Asllani (1963), Ajshe Asllani (1971), Burim Asllani (1985), Lumnije Asllani (1986), Ejup Asllani (1988), Luljeta Asllani (1991), Shpend Asllani (1993), Xhafer Asllani (1995), Antigona Asllani (1997) dhe Albiona Asllani (1998).

Po atë ditë tragjike, forcat serbe ekzekutuan në këtë fshat edhe Zeqir Asllanin, i cili ishte 96 vjeç.

The post 28-vjetori i vrasjes së 11 pjesëtarëve të familjes Asllani appeared first on Albeu.com.

I ftuar në emisionin “Pushime On Top”, ai iu përgjigj pyetjes për raportet familjare pas Big Brother.

“Me thënë të drejtën, nuk është e njëjta situatë. Jo se kishim një marrëdhënie tjetër dhe tani kemi një tjetër, por kjo ndjesi pas Big Brother-it ka qenë më e bukur. Gjithçka është bërë më publike, jemi në syrin e vëmendjes së njerëzve dhe kjo e bën edhe më emocionale e dinamike”, u shpreh Miri.

Ai tregoi se tashmë vëmendja e publikut nuk është drejtuar vetëm ndaj tij, por edhe ndaj bashkëshortes dhe vajzës.

Sipas tij, shpesh njerëzit u kërkojnë fotografi së bashku, gjë që e bën të ndihet mirë dhe i vlerësuar.
Miri i “West Side Family” këtë edicion ka qenë tejet i komentuar edhe për raportet që krijoi brenda me Selin Bollatin.

I njëjti u rendit si finalisti i dytë, ku çmimin e madh prej 100 mijë eurosh e rrëmbeu Selin.

The post Miri rrëfen si ka ndryshuar jeta e familjes së tij pas daljes nga Big Brother appeared first on Albeu.com.

Frrok Arapi, babai 63-vjeçar i viktimës, tregon mes lotësh vështirësitë e përditshme, ndërsa përpiqet të gjejë forcë për të mbështetur familjen. Sipas tij, nusja e djalit dhe dy fëmijët ndodhen në gjendje të rëndë ekonomike dhe nuk arrijnë të paguajnë as qiranë mujore të banesës.

Përveç dhimbjes së humbjes së të birit, Frrok Arapi përballet edhe me një sëmundje që po ia përkeqëson shëndetin dita-ditës. Ai kërkon më shumë ndihmë nga shteti, pasi nëna dhe fëmijët e saj, 13 dhe 6 vjeç, sigurojnë jetesën vetëm me 7800 lekë ndihmë sociale në muaj.

Dy fëmijët e 32-vjeçarit janë kthyer në burim force për nënën dhe gjyshërit, ndërsa çdo ditë jetojnë me kujtimin e babait që humbi jetën tragjikisht 2 vite më parë.

The post Apeli i familjes Arapi në Mamurras: Pas humbjes së djalit të vetëm, jetojnë në varfëri me dy fëmijët e tij appeared first on Albeu.com.

Familja e veprimtarit Haki Imeri ka dalë me një reagim publik, ku akuzon drejtimin aktual të LDK-së se është larguar nga interesat e qytetarëve dhe të elektoratit të vet.

Sipas këtij reagimi, drejtuesit e partisë po ndikohen nga grupe të lidhura me PDK-në, ndërsa po lihet në harresë kujtesa dhe sakrifica e veprimtarëve të LDK-së.

Në deklaratë thuhet gjithashtu se e vërteta nuk mund të mbahet e fshehur përgjithmonë dhe se drejtësia, edhe nëse vonon, në fund do të triumfojë.

Familja nënvizon se kujtesa për viktimat dhe veprimtarët e LDK-së nuk do të shuhet dhe se, sipas tyre, e vërteta do të dalë në dritë.

Shkrimi i plotë:

-Miq,

-LDK-ja e tanishme, sipas tyre, nuk e dëgjon më zërin e qytetarit.

-Sipas deklaratës, udhëheqësit e saj nuk mbrojnë interesin e popullit dhe nuk përfaqësojnë as besimin e votuesve të saj më besnikë.

-Ata, thuhet më tej, janë kthyer në mjete të grupeve kriminale të PDK-së.

-Kjo, sipas reagimit, është diçka që e dinë të gjithë.

-Disa prej tyre, vijon deklarata, i shërbejnë një klani paramilitar, ndërsa disa të tjerëve.

-Sipas familjes, një pjesë janë afër Hashim Thaçit dhe një pjesë tjetër pranë Sami Lushtakut.

-Por, theksohet aty, asnjëri nuk është afër qytetarit dhe votuesit të LDK-së.

-Ata burra dhe gra që dikur ishin cak i SHIK-ut, sipas deklaratës, prej tri dekadash po shtyhen drejt harresës.

-Emrat e tyre, thuhet më tej, nuk mund të mbulohen me heshtje dhe sakrifica e tyre nuk zbehet kurrë.

-Sipas reagimit, po tentohet që historia të rishkruhet me gënjeshtra, ndërsa e vërteta të varroset.

-Një peshë të madhe në këtë proces, sipas familjes, e kanë pikërisht ata që nuk ishin kurrë LDK, por që sot e drejtojnë partinë sipas “udhëzimeve” të atyre që vranë figurat e LDK-së dhe organizuan atentat ndaj Presidentit Ibrahim Rugova.

-Në deklaratë thuhet se bashkërendimi i veprimeve të disa parashutistëve të LDK-së me Sami Lushtakun nuk është rastësi.

-Sipas saj, synimi është që Kosova të goditet aty ku dhemb më shumë: te ligji, te e vërteta dhe te kujtesa.

-Sepse, theksohet në reagim, aty ku ligji hesht, sundon krimi.

-Aty ku mbytet e vërteta, shtohet më tej, gënjeshtra shndërrohet në pushtet.

-Ndërsa aty ku fshihet kujtesa, sipas deklaratës, kriminelët shpëtojnë dhe viktimat vriten për herë të dytë.

-Megjithatë, familja shprehet se kjo lojë nuk do të triumfojë.

-Sipas saj, nuk do t’i shpëtojnë as pazaret politike, as manovrat e çastit, e as skenarët e errët të atyre që veprojnë nga prapaskena.

-Sepse drejtësia, thuhet në deklaratë, mund të vonohet, por nuk dorëzohet.

-E vërteta mund të sulmohet, por nuk mundet, vijon reagimi.

-Edhe kujtesa, sipas familjes, mund të sfidohet, por nuk zhduket.

-Nuk ka forcë në këtë botë, thuhet më tej, që mund ta mbajë përgjithmonë të fshehur, të izoluar dhe të frikësuar të vërtetën.

-Ajo, sipas deklaratës, gjithmonë gjen rrugën për të dalë në dritë.

-Drejtësia është vonuar, por drejtësia nuk fal. Ajo do të vijë.

-Dhe sot, më shumë se kurrë, thuhet në reagim, e vërteta po ngrihet mbi heshtjen.

-Po triumfon mbi frikën dhe po fiton mbi gënjeshtrën.

-Sepse e vërteta nuk mund të vritet; mund të vonohet, por kurrë të mposhtet.

The post Familja e Haki Imerit akuza ndaj LDK-së: Udhëheqja aktuale u shërben klaneve paramilitare, jo qytetarëve appeared first on Albeu.com.

Në këtë artikull, portali Sputnik shtrembëron ngjarjet e Prekazit dhe, përmes një përzgjedhjeje selektive të informacionit si edhe pretendimeve të pakonfirmuara, përpiqet të vërë në pikëpyetje aktakuzën e paralajmëruar të Prokurorisë Speciale të Kosovës për ngjarjet në Prekazin e Poshtëm në mars të vitit 1998.

Gjatë luftës së fundit në Kosovë, në lagjen e Jasharëve në Prekaz u vranë 55 persona. Prej tyre, 22 ishin familjarë të ngushtë të komandantit legjendar Adem Jashari, i cili prej kohësh ishte në shënjestër të shtetit serb. Megjithatë, Sputnik e vendos fjalën “vrasje” në thonjëza, në përpjekje për të deformuar faktet.

Pretendimi 1: “Vazhdon gjuetia ndaj serbëve: Prishtina ngre aktakuzë për ‘vrasjen’ e Adem Jasharit“

Analiza dhe demanti:

Sputnik e paraqet aktakuzën e paralajmëruar si vazhdim të një “gjuetie ndaj serbëve”, duke e portretizuar procesin gjyqësor si një ndjekje me motive etnike kundër popullit serb.

Megjithatë, nuk ka asnjë provë që Prokuroria Speciale e Kosovës zhvillon “gjueti” ndaj ndonjë populli. Hetimet kanë të bëjnë me krime lufte dhe me përgjegjësi individuale penale.

Edhe vetë formulimi “Vazhdon gjuetia ndaj serbëve” ka karakter emocional dhe akuzues. Ai nuk përbën fakt të verifikueshëm, por një interpretim politik që sugjeron ekzistencën e një fushate sistematike kundër serbëve. Në këtë mënyrë, lexuesi drejtohet që në titull drejt një përfundimi të caktuar.

Pretendimi 2: Fjala “vrasje” e Adem Jasharit e vendosur në thonjëza

Analiza dhe demanti: Vendosja e fjalës “vrasje” në thonjëza nuk është neutrale. Duke u fokusuar te njoftimi procedural për aktakuzën, artikulli përdoret për të shtrembëruar ngjarjet në Prekaz dhe për të minimizuar peshën e akuzave që lidhen me vdekjen e dhjetëra anëtarëve të familjes Jashari.

Kjo është një teknikë e njohur propagandistike, e përdorur shpesh për të hedhur dyshime mbi një ngjarje të dokumentuar ose për të relativizuar përgjegjësinë për të.

Operacioni i forcave serbe në Prekazin e Poshtëm më 5-7 mars 1998 përfundoi me vrasjen e dhjetëra pjesëtarëve të familjes Jashari, përfshirë gra, fëmijë dhe të moshuar. Human Rights Watch ka dokumentuar se mes viktimave ishin 13 gra dhe 8 fëmijë, fakt i pasqyruar edhe në raportet e organizatave ndërkombëtare.

Edhe dokumentime të mëvonshme ndërkombëtare, si dhe materiale të përdorura në proceset e Tribunalit të Hagës, e trajtojnë sulmin në Prekaz si një prej ngjarjeve kyçe të konfliktit në Kosovë, ku u vranë pothuajse 60 anëtarë të familjes Jashari.

Gjatë operacionit në Prekazin e Poshtëm në vitin 1998 u vranë dhjetëra anëtarë të familjes Jashari.

Pretendimi 3: “Ai pa mëshirë i detyronte të afërmit e tij të luftonin…” si dhe pretendimi se gjoja “krijoi mburojë njerëzore me gra dhe fëmijë për të fituar kohë…“

Analiza dhe demanti: Në standardet e gazetarisë profesionale, një pretendim i tillë nuk mund të paraqitet si fakt në mungesë të dokumenteve, dëshmive të verifikuara apo vendimeve gjyqësore që e mbështesin.

Në raportet e Human Rights Watch, Amnesty International dhe në dokumentacionin e përdorur nga Tribunali Penal Ndërkombëtar për ish-Jugosllavinë (ICTY), nuk figuron asnjë konstatim i verifikuar se Adem Jashari ka përdorur civilë si mburojë njerëzore.

Po ashtu, ky pretendim nuk është konfirmuar nga asnjë aktgjykim ndërkombëtar dhe nga asnjë raport i njohur i organizatave ndërkombëtare për të drejtat e njeriut.

Në vend të provave të verifikuara, kjo akuzë zakonisht shfaqet në narrativat zyrtare serbe dhe në media që mbështeten në to. Pikërisht mungesa e dëshmive të pavarura e lë këtë pretendim të pakonfirmuar.

Kosovo conflict | Summary & Facts | Britannica

Pretendimi 4: “e vrau nipin e tij për shkak të frikës“

Analiza dhe demanti:

Pretendimi se Adem Jashari vrau një nip të tij “për shkak të frikës” përbën një nga akuzat më të rënda që qarkullojnë në disa narrativa propagandistike serbe.

Kjo akuzë është shfaqur në disa narrativa të periudhës së luftës dhe në disa media, por nuk është vërtetuar nga burime të pavarura ndërkombëtare apo nga procese gjyqësore në tribunale ndërkombëtare.

Pra, nuk ekziston asnjë raport i Human Rights Watch, Amnesty International, OSBE-së apo i ndonjë organizate tjetër të njohur ndërkombëtare që ta konfirmojë këtë pretendim.

Po kështu, nuk ka asnjë aktgjykim të Tribunalit të Hagës apo të ndonjë gjykate tjetër ndërkombëtare që të ketë konstatuar se një ngjarje e tillë ka ndodhur.

Për sa kohë mungojnë dokumente gjyqësore, dëshmi të verifikuara dhe hetime të pavarura që do ta mbështesnin këtë akuzë, paraqitja e saj si fakt përbën dezinformim ose, së paku, trajtim të një pretendimi të pakonfirmuar si të vërtetë.

Analiza e tekstit të publikuar nga portali Sputnik tregon qartë se ky medium nuk raporton në mënyrë objektive për proceset gjyqësore, por përdor metoda të dezinformimit hibrid dhe kornizim politik.

Shkrimi përmban disa tipare karakteristike të propagandës dhe dezinformimit, pasi ngjarjet paraqiten në mënyrë selektive, me gjuhë emocionale dhe pa kontekstin e domosdoshëm.

Në të njëjtin artikull, Sputnik sjell vetëm versionin e institucioneve serbe për ngjarjet e marsit 1998.

Aty mungojnë faktet thelbësore: se operacioni në Prekaz përfundoi me vrasjen e dhjetëra anëtarëve të familjes Jashari; se mes të vrarëve kishte gra, fëmijë dhe të moshuar; se ngjarja konsiderohet masakër; dhe se ajo ka qenë objekt analizash dhe raportesh ndërkombëtare.

Në përfundim, kur paraqitet vetëm njëra anë e historisë, kemi të bëjmë me manipulim përmes përzgjedhjes së informacionit.

Kjo rikujton edhe një herë se Sputnik funksionon si platformë për rishkrimin e ngjarjeve historike dhe shpërndarjen e propagandës, ku proceset ligjore shfrytëzohen për ndërtimin e narrativave politike, duke anashkaluar dokumentet dhe raportet zyrtare të institucioneve ndërkombëtare.

The post Media ruse përpiqen të deformojnë të vërtetën mbi krimet kundër familjes Jashari appeared first on Albeu.com.

Në një deklaratë për Top Channel, ata u kanë kërkuar falje familjarëve të dy viktimave dhe opinionit publik për dhimbjen që ka shkaktuar i afërmi i tyre, ndërsa shprehen se janë të shokuar nga aksidenti tragjik që u mori jetën dy fëmijëve.

Familjarët e 57-vjeçarit theksojnë gjithashtu se po përballen edhe vetë me pasoja të rënda, ndërkohë që bëjnë thirrje që ai të marrë dënimin e merituar. Po ashtu, ata bëjnë me dije se janë larguar nga banesa e tyre për arsye sigurie, pasi jeta e tyre nuk është më e sigurt.

“Mesazhi ynë për ta është: Nga zemra kërkojmë falje. E dimë që asnjë fjalë nuk mund ta zbusë dhimbjen që po kalojnë, por ne ndajmë me ta këtë dhimbje. Jemi njerëz dhe, mbi të gjitha, jemi fëmijë… dhe e kuptojmë sa e rëndë është kjo humbje”, theksojnë ata, duke i kërkuar falje familjarëve të viktimave.

Gjithashtu, ata pranojnë se Nikoll Radaçi është një person i alkoolizuar, duke shtuar se e kanë paralajmëruar të tregohej i kujdesshëm, por nuk mund t’i rrinin gjatë gjithë kohës pas.

Deklarata e plotë e familjarëve të Nikoll Radaçit:

Në radhë të parë, duam t’u japim ngushëllime familjeve të viktimave. Në emrin tim dhe të familjes sime, dua të kërkoj falje publike për tragjedinë e rëndë që ka ndodhur. Aksidenti i shkaktuar nga babai ynë ka marrë jetën e dy fëmijëve të pafajshëm dhe nuk ka fjalë që mund ta përshkruajnë dhimbjen që kjo ngjarje ka shkaktuar te familjet e tyre dhe te të gjithë ne si shoqëri.

Ngjarjen e morëm vesh nga media. U shokuam, sepse bëhej fjalë për jetë njerëzish dhe, mbi të gjitha, për fëmijë të mitur.

I kemi ndjekur detajet dhe prononcimet në media. Ato janë diçka për të cilat çdo njeri ka mendim të ndryshëm. I kuptojmë njerëzit që janë kaq të irrituar, por kjo po ndikon shumë keq edhe te ne si fëmijë, sepse ishte një gabim individual dhe mediat, duke folur më shumë, po na godasin edhe ne si fëmijë.

Ne nuk po mbrojmë aktin, babai ynë do të marrë dënimin e merituar për këtë gabim që ka bërë. Ju lutem na kuptoni, jemi të shkatërruar.

Me babin nuk kemi pasur kontakt tani që është arrestuar.

Po, është e vërtetë që jemi larguar nga shtëpia për arsye sigurie, sepse është një rast i rëndë dhe nuk ishte e sigurt jeta jonë që pas asaj tragjedie që ndodhi, ne të rrinim aty, pasi i kemi shumë afër njerëzit e viktimave.

Mesazhi ynë për ta është: Nga zemra kërkojmë falje. E dimë që asnjë fjalë nuk mund ta zbusë dhimbjen që po kalojnë, por ne ndajmë me ta këtë dhimbje. Jemi njerëz dhe, mbi të gjitha, jemi fëmijë… dhe e kuptojmë sa e rëndë është kjo humbje.

Po, ka pasur raste që ai konsumonte alkool.

Për sa i përket pjesës së shpejtësisë, e kemi marrë si informacion nga policia që i është hequr patenta, por dua të shtoj edhe diçka që është folur shumë: pse ne nuk e kemi ndaluar. Ne i kemi thënë që të ketë kujdes kur të jetë me makinë. Nuk mund të na fajësoni ne si fëmijë, pasi edhe ne punojmë dhe nuk mund të jemi gjatë gjithë kohës në prani të babit për të parë nëse është i alkoolizuar. Në shumë raste jemi munduar t’ia shpjegojmë dhe ta ndalojmë, por nuk mund të ndalojmë dot veprimet e tij, pasi nuk jemi gjithmonë të pranishëm

The post “Jemi të shkatërruar”, familjarët e Nikoll Radaçit reagojnë sërish, pranojnë se 57-vjeçari është i alkoolizuar: Jeta jonë nuk është më e sigurt! Babai të marrë dënimin e merituar appeared first on Albeu.com.

Në qendër të këtij skandali të fundit është Rogerti, i cili në kulmin e debateve me Mateon, e ka kërcënuar atë në mënyrë të drejtpërdrejtë.

Ashtu siç dëgjohet në video dhe reflektohet në pamjet që po qarkullojnë me shpejtësi, Rogerti ka përdorur një gjuhë mjaft agresive, duke i përmendur Mateos vendin e tij të punës dhe rrethin shoqëror:

“Për këtë kryq, kam me ardh me rracën teme te palestra, i bëj thirrje shokëve tu të jenë gati kur të vij unë,” – shprehet ai, një deklaratë që ka shokuar opinionin publik.

Pas këtij presioni dhe fjalori të paprecedentë në këtë fazë finale të lojës, ka ardhur reagimi i menjëhershëm nga familja e Mateos.

Përmes një deklarate të fortë të publikuar në rrjetet e tij sociale, ata e kanë cilësuar sjelljen e Rogertit si një tregues të qartë dobësie dhe pasigurie.

Në reagimin e tyre thuhet se kalimi nga fjalët në tentativa presioni tregon nivelin e ulët ku ka rënë situata, duke shtuar se përmendja e palestrës nuk është më thjesht një lojë:

“Kur dikush ka nevojë të vijë ‘me fis’ apo të të thotë ‘mblidhi shokët’, në fakt po pranon që vetëm nuk vlen mjaftueshëm. Kjo është pasiguri që përpiqet të duket si forcë… Mateo nuk ka nevojë të mbledhë askënd, sepse shokët janë për situata dhe njerëz më të rëndësishëm se ti. Sepse kur je i qetë, i sigurt dhe me karakter, nuk kërkon turmë për të bërë zhurmë.”

Reagimi nga të afërmit e Mateos mbyllet me një ironi “therëse” që i vë pikën gjithë këtij debati, duke lënë të kuptohet se Rogerti as që do të ketë mundësi t’i afrohet atij pas mbarimit të “Big Brother”:

“Nga autostrada mund të shikosh palestrën, shokët edhe Mateon pas të shtunës.”

Kjo përplasje e rëndë pritet të jetë kryefjala e këtyre ditëve të fundit, ndërkohë që publiku është gjithnjë e më i indinjuar nga gjuha e përdorur pak ditë para se të shpallet fituesi i madh.

The post “Dhëmbë për dhëmbë”/ Familja e Mateos i reagon k*rcënimit të Rogertit: Pas të shtunës… appeared first on Albeu.com.

Familja Cani në një letër publike, ka theksuar se djali i tyre nuk u vra nga TikTok që të kërkohet mbyllja e tij, veprim të cilin familja e Martinit e cilëson si një censurë dhe pretekst.

“Mbyllja e një aplikacioni nuk e kthen mbrapsht realitetin dhe as nuk shpëton jetë. Martini, Eraldi ne Maliq dhe Erjoni në Durrës nuk u vranë nga rrjetet sociale; ata u vranë nga mungesa e sigurisë, nga papërgjegjshmëria institucionale dhe nga dështimi total i shtetit që duhet t’i mbronte.”, theksohet në letër.

Po ashtu familja Cani deklarojnë se nuk do të heshtin duke kërkuar drejtësi për Martinin dhe për çdo fëmijë tjetër që ra viktimë e këtij sistemi.

Deklarata e plotë:

Familja e Martin Canit mirëpret vendimin e Gjykatës Kushtetuese që shpalli sot antikushtetues mbylljen e rrjetit social TikTok, duke konfirmuar zyrtarisht atë që ne kemi bërtitur me dhimbje që nga dita e parë: Martini nuk u vra nga TikTok!

Ky vendim demaskon hipokrizinë e një qeverie që, në vend që të mbante përgjegjësi për dështimet e saj, zgjodhi të përdorte gjakun e djalit tonë si pretekst për censurë dhe manovra politike. Ndërsa shteti merrej me mbylljen e aplikacioneve, dështimi i tij sistematik vazhdoi të prodhonte viktima: fillimisht një i mitur në Maliq dhe së fundmi një tjetër jetë e këputur në Durrës.

Të vërtetat ulëritëse që po vrasin fëmijët tanë janë:

Sistemi Arsimor i Falimentuar: Martini u vra nga një thikë e një bashkëmoshatari në një mjedis ku siguria në shkolla nuk ekziston dhe institucionet nuk marrin asnjë masë parandaluese.

Papërgjegjshmëria e Shkollës: Djali ynë u vra sepse shkolla nuk njoftoi prindërit për incidentet e mëparshme, duke na hequr mundësinë për të parandaluar tragjedinë.

Krimet e Sistemit Shëndetësor: Martini u vra nga protokolle absurde që e dërguan në spitalin më të largët kur QSUT ishte vetëm 3 minuta larg. Ai u vra sepse në Spitalin e Traumës mungonin kardiokirurgët dhe pajisjet bazë si zemër-mushkëri për të riparuar zemrën e tij.

Propaganda në vend të Sigurisë: Qeveria u mjaftua me “reforma kozmetike” për opinionin publik, ndërkohë që siguria në shkolla mbetet në zero dhe bashkëpunimi me familjet është inekzistent.

Mjaft me manipulime! Mbyllja e një aplikacioni nuk e kthen mbrapsht realitetin dhe as nuk shpëton jetë. Martini, Eraldi ne Maliq dhe Erjoni në Durrës nuk u vranë nga rrjetet sociale; ata u vranë nga mungesa e sigurisë, nga papërgjegjshmëria institucionale dhe nga dështimi total i shtetit që duhet t’i mbronte.

Ne nuk do të heshtim!

Kërkojmë DREJTËSI PËR MARTININ dhe për çdo fëmijë tjetër që ra viktimë e këtij sistemi të kalbur. Nuk do të lejojmë që emri i djalit tonë, një futbollist me ëndrra dhe një shpirt i pastër, të përdoret më si mburojë për dështimet tuaja.

Zëri ynë bashkohet me çdo familje që sot derdh lot. Kërkojmë veprime, jo fjalë! Kërkojmë siguri, jo censurë!

The post Gjykata Kushtetuese shpalli antikushtetues mbylljen e TikTok, reagon familja e Martin Canit: Djali ynë nuk u vra nga rrjetet sociale, por nga mungesa e sigurisë appeared first on Albeu.com.

Familjarët e Stenaldos, të cilët menaxhojnë edhe llogarinë e tij zyrtare në Instagram, kanë reaguar publikisht duke dënuar ashpër gjuhën e përdorur. Në një postim të shpërndarë në rrjetet sociale, ku shfaqet edhe videoja e momentit të ofendimit, ata e cilësojnë deklaratën si thellësisht çnjerëzore dhe të papranueshme.

Sipas familjarëve, përdorimi i Zotit për të justifikuar fjalë urrejtjeje ndaj një personi me aftësi të kufizuara përbën mungesë totale empatie dhe është një nga nivelet më të ulëta të mendimit njerëzor. Ata theksojnë se askush nuk duhet të përdorë besimin për të justifikuar ofendimin, diskriminimin apo dhunën verbale.

Reagimi përfundon me një thirrje publike drejtuar produksionit të “Big Brother VIP” dhe Top Channel, duke kërkuar që raste të tilla të mos normalizohen dhe që të ketë përgjegjësi për gjuhën e përdorur brenda formatit.

Ngjarja ka hapur një debat të gjerë edhe në rrjetet sociale, ku një pjesë e madhe e publikut shpreh shqetësim për kufijtë e etikës dhe mesazhet që transmetohen në prime-time.

The post Reagim i fortë nga familjarët e Stenaldos pas deklaratës së Rogertit në Big Brother VIP appeared first on Albeu.com.