Ky institucion nuk ka bërë publike hollësi të shumta për rastin, por ka theksuar se çështja po trajtohet me prioritet dhe se do të përmbyllet së afërmi me ngritjen e aktakuzës.

“Prokuroria Speciale e Republikës së Kosovës ju njofton se rasti është duke u trajtuar me prioritet dhe se shumë shpejt, do të finalizohet me ngritjen e aktakuzës.”

Në këtë ngjarje mbetën të vrarë 55 persona, ndërsa 22 prej tyre ishin familjarë të afërt të komandantit legjendar Adem Jashari, i cili prej kohësh ishte vënë në shënjestër të shtetit serb.

Avokati Visar Rrecaj ka deklaruar se PSRK-ja tashmë i ka marrë dëshmitë nga dëshmitarët që janë ende gjallë, ndërsa ka nënvizuar se përmbajtja e aktakuzës do të ketë rëndësi të veçantë.

“Rëndësia e një aktakuze të paralajmëruar nga Prokuroria Speciale është tejet e veçantë si në aspektin juridik po ashtu edhe kombëtar dhe në aspektin shtetëror që me i dhënë epilog ngjarjes së familjes Jashari të ndodhur më 1998, a është e vonuar për atë pjesë mund të diskutohet por për drejtësinë dhe sistemin e drejtësisë e rëndësishme është që të jetë e kompletuar në detaje që të mos i mungojë asgjë sepse epilogu përfundimtar do të proklamohet edhe në skenën ndërkombëtare”, ka thënë avokati, Visar Rrecaj për Dukagjinin.

Njoftimi për ngritjen e aktakuzës për sulmin ndaj familjes Jashari është mirëpritur edhe nga organizata e veteranëve të UÇK-së, ndonëse aty vlerësohet se një veprim i tillë është dashur të ndodhte vite më herët.

“Është vonuar ky rast shumë jo vetëm ky rasti te lagjia Jashari dhe familja Jashari por në tërë Kosovën, janë vonuar gjykatat tona dhe supreme e Kosovës, por sido kudo unë e përshëndes dhe e mirëpres jemi mirënjohës shumë për drejtësinë që të hetohet rasti masakra në Prekaz në familjen Jasashri, që prokurorët tonë të marrin në dorë dhe të hetojnë”, ka thënë kreu i UÇK-së, Hysni Gucati.

Hetimet për krimet e luftës më herët janë zhvilluar nga UNMIK-u dhe më pas nga EULEX-i, ndërsa që nga viti 2018 këto kompetenca i ka marrë Prokuroria Speciale e Kosovës, e cila ka një departament të posaçëm për trajtimin e tyre.

The post Prokuroria Speciale sinjalizon aktakuzë të afërt për sulmin mbi familjen Jashari appeared first on Albeu.com.

“A janë terroristë këta fëmijë shqiptarë? Shikojeni mirë këtë foto, sepse këta janë fëmijët e vrarë të familjes Jashari. Ata u vranë me urdhër të kriminelit të luftës Sllobodan Millosheviq. Në mesin e këtyre fëmijëve ishte edhe vajza shtatëvjeçare Blerina Jashari, e cila u vra nga një plumb në pjesën e pasme të kokës”, ka shkruar ai.

Tutje ai ka përmendur edhe rastin e tij, teksa ishte torturuar nga policia serbe vetëm pse vendosi lule mbi varrin e saj dhe kërkoi falje në emër të serbëve.

“Kryetari i Partisë Republikane në Serbi, Nikola Sanduloviq, vendosi lule në varrin e saj, kërkoi falje në emër të serbëve që nuk e bënë këtë krim dhe kërkoi falje në emër të paqes dhe të ardhmes së popullit serb dhe shqiptar në Kosova. Prandaj ai u rrëmbye, u torturua, u poshtërua dhe u rrah për vdekje nga policia sekrete serbe BIA me urdhër të spiunit të dekoruar rus Aleksandar Vulin dhe presidentit serb Aleksandar Vuçiq. Kur Nikola Sandulović mbeti gjallë pas 9 orësh torturash, departamenti i antiterrorizmit hyri në prokurori dhe gjykatës nga Nishi dhe e akuzoi atë për SHPËRNDARJE URREJTJE FETARE DHE KOMBËTARE për vendosjen e luleve mbi varrin e një vajze shqiptare 7-vjeçare të vrarë. A është tashmë e qartë për të gjithë se çfarë është qeveria aktuale në Serbi dhe cilat do të jenë pasojat?”, ka shkruar tutje ai.

The post A ishin terroristë këta fëmijë shqiptarë? appeared first on Albeu.com.