Bëhet me dije, se i Igli Madani ka qenë duke drejtuar mjetin tip Audi A8 me shpejtësi 160 km/orë, 50 km më shumë se sa shpejtësia e lejuar, pasi në atë aks, maksimumi i shpejtësisë është 110 km/orë.

Viktimat e aksidentit janë dy prindërit, Eduart dhe Silvana Gushi si dhe dy vajzat e tyre, Anastasia dhe Eva Gushi.

Familja që u shua më 25 qershor ishin nga Patosi dhe po shkonin me pushime në Vlorë. Ata sapo ishin kthyer ng Greqia.

Kujtojmë se drejtuesi i mjetit tip “Audi” që shkaktoi aksidentin, Igli Madani, është arrestuar. Ai së bashku me dy shokët që ndodheshin në makinë, Faboi Lamaj dhe Glori Selimi, kanë mbetur të lënuar nga aksidenti.

The post Aksidenti tragjik që i mori jetën familjes Gushi, del ekspertiza: Audi ishte me 160 km në orë appeared first on Albeu.com.

Ai tregoi në një studio televizive detaje të reja nga aksidenti, pasi tha se në ngjarje ishte e përfshirë edhe një makinë e tretë, tip AUDI Q7, e cila ishte duke ecur me shpejtësi shumë të madhe, por u parakalua nga Igli Madani, me këtë të fundit që goditi nga mbrapa mjetin që po udhëtonte familja Gushi.

Ismaili tha se shpejtësia mesatare me të cilën po udhëtonte Igli Madani ishte 165 kilometër në orë, ndërsa gjurmët e frenimit të mjetit që shkaktoi aksidentin janë 63 metër.

The post Aksidenti me 4 viktima në Vlorë, shefi i sigurisë rrugore: U përfshi një makinë e tretë appeared first on Albeu.com.

Pjesë nga ditari, lexuar në protestën e sotme:

Sapo filloi behari, dhe për një muaj do të shkojmë në Shqipëri. Jam shumë e lumtur që do të takoj nënën, gjyshin, tezen. Dua kur të vete në Shqipëri, të dalë dhe të blej shumë gjera. Dua të vete në shumë vende që nuk kam vajtur dhe të blejë shumë gjëra. Po nuk vajtën se di. Babi do na blejë shumë gjëra, tabletë të dyjave. Bëj shaka. Dua shumë të vete, por dua dhe të marr tabletin, se s’bëj mësimet. Sot vajtëm nga parku dhe lozëm. U kënaqëm. Por jam e mërzitur dhe nuk e di pse. Tani po rrimë dhe babi do iki në punë”, thuhet në një pjesë të rrëfimit në ditarin e Anastasias.

Më tej vajza shkruan: ‘Junakuk, kanë mbetur edhe 15 ditë për të vajtur në Shqipëri, jam shumë e lumtur të vemi në Shqipëri. Atje do kënaqemi. Do jem e lumtur. Jam e lumtur. Ti ke thënë që të jem e lumtur dhe do jem shumë e lumtur.

‘Junakuk’ dua të them se e nxora mesataren këtë vit 16, por vitin tjetër të premtoj se do ta nxjerr më shumë. Të jap llafin… është ora 23:06 minuta mami iku në spital, babit i kishte rënë të fikët. Kunakuk erdhi babi, bëri një gjilpër, por i dhemb mesit, pas 3 ditësh do shkojmë në Shqipëri, jam shumë e lumtur që babi është mirë.”, thuhej në ditarin e saj./albeu.com

The post Humbi jetën së bashku me familjen në aksident, çfarë shkruante në ditar Anastasia Gushi appeared first on Albeu.com.

Ishte makina e 22-vjeçarit Igli Madani, dhe si pasojë humbën jetën: Eduart Gushi, 44 vjeç, gruaja e tij, Silvana Gushi, 33 vjeçe, dhe dy vajzat të tyre të mitura, Anastasia dhe Eva, 12 dhe 9 vjeçe.

Nëna e Silvanës nga protesta ka kërkuar drejtësi, për vajzën, dhëndrin dhe dy mbesat dhe u ka bërë thirrje prindërve të mos u blenë fëmijëve makina të shtrenjta, por t’i edukojnë.

“Oh çfarë më bëre! Oh Zot. Preke atë fëmijë, ça më bere. 3 vajza dhe një djalë, ça më bere?! Ku janë vajzat e mia, ku është djali im. Jam vrarë shumë shpirtërisht. Bëj thirrje të gjithë popullit ngado që janë, nënave, baballarëve, ju lutem shumë për këta çuna që i lënë të bredhin vend e pa vend, që të marrim jetën e fëmijëve që i kemi rritur me halle. I lutem shumë qeverisë që të marrin masa, se 4 fëmijët sot po hanë dhe. Nëna ka 5 ditë që është helmuar dhe tërë jetën e helmuar. Më mbyllën derën e vajzës. Vajza ime erdhi tek prindërit me pushime, si gjithë emigrantët dhe i la kockat nga një fëmijë, i cili nuk është djalë i edukuar. Sepse ai djalë nuk e meriton që të jetë djalë nënë dhe babai pasi nëse është me norma, të vëri dorën në zemër dhe t’i thoshte kësaj nënë një llaf. Ka 5 ditë që më kanë vdekur fëmijët dhe nuk më kanë thënë një llaf. Çfarë prindi është ky?

Çfarë nënë është kjo? Po t’i kishin vdekur asaj 4 fëmijë çfarë do të bënte kjo nënë? Ju lutem shumë kryeministrit, presidentit, avokatit, doktorit, dhe të gjithë botës, që të ngrihen në revoltë dhe të ngrihet drejtësia në vend. Sot e pësova unë, nesër do ta pësojnë nënat e tjera. Siç e kanë pësuar. Kjo do të vazhdojë, pasi këtu nuk ka drejtësi. Këtu është paraja, nuk është drejtësia. Prandaj vajza ime ishte e thjeshtë, burrin e kishte të thjeshtë, kishte dy vajza të edukuara dhe kishte shkuar në emigrim për t’u ushqyer. I morën jetën këta rrugerçërisht, maskarenj, Nënat të gjitha të më dëgjojnë t’ju flasin fëmijëve. Mos t’ju japin makina të shtrenjta 100-200 mijë euro, por t’i edukojnë, t’i japin shkollë e t’i bëjnë me edukatë.

Po t’i kishte ndodhur asaj nënë ça do bënte ajo?! Më është helmuar kocka, shpirti. Po prisja vajzën të më bënte pushimet. Vetë e di si i kam rritur, me halle plotë. Herë pa ngrënë. I bëj thirrje rrethit të Fierit, Tiranës e Durrësit, gjithë Shqipërisë dhe botës. Jam e vrarë. Nuk e di. Ju lutem shumë nëse flas ndonjë fjalë, por jam nënë. Unë nuk dua më t’i pres. Për ça i dua, sot është vonë. Të më vinte në derë ai babai dhe sikur plumbin të më nxirrte, unë nuk do e vrisja. Unë nuk jam hakmarrëse. Nuk ia prisja kokën, dua drejtësi. Siç po hanë dhe 4 fëmijët e mi, dhe ai të shkojë atje ku e meriton. S’jam për hakmarrja, dua ligjin. Siç e meriton. Edhe djali im të kishte bërë atë gjë, atje të kalbej siç e meriton (në burg) se mori 4 jetë. Mori në dhëndër 44 vjeç, më mori vajzën 34 vjeçe, më mori mbesën 14 vjeçe, më mori mbesën 9 vjeçe. Mezi i kam rritur. Ju lutem shumë!”, tha nëna./albeu.com

The post Protesta në Fier, nëna e Silvanës: Më është helmuar shpirti, sot 4 fëmijët e mi po hanë dhe appeared first on Albeu.com.

Qytetarët kanë dalë në rrugët e Fierit me pankarta në duar  duke kërkuar drejtësi për Eduart Gushin, 44 vjeç, gruan e tij, Silvana Gushin, 33 vjeçe, dhe dy vajzave të tyre të mitura, Anastasia dhe Eva, 12 dhe 9 vjeçe.

Edhe familjarë dhe të afërm të familjes Gushi ndodhen në protestë, të cilët thonë se e vetmja gjë që duan është drejtësia.

“Me inkurajimin dhe mundësinë që na japin neve për të vazhduar për t’u bërë thirrje të gjithëve se kjo që na ndodhi ne mund t’i ndodhë çdo familje., Ne jemi njerëz të thjeshtë,. Kërkojmë drejtësi, nuk kërkojmë hakmarrje. Ai babai i atij djalit duhet të na dilte ballë përballë., Duhet të na trokiste në derë sepse ne jemi njerëz”, shprehet një prej tyre në protestë.

Kujtojmë se familja Gushi u shua në aksidentin e ndodhur disa ditë më parë, ku 22-vjeçari Igli Madani, me një Audi i përplasi nga mbrapa. Shpejtësia e Audit ka qenë aq e madhe sa për pasojë humbën jetën e gjithë familja që po udhëtonte me mjetin Toyota.

The post Qytetarët e Fierit në protestë, kërkojnë drejtësi për familjen Gushi që vdiqën në aksident appeared first on Albeu.com.

Fatbardha rrëfeu telefonatën e fundit me të bijën, ndërsa i priste pas një viti, të ktheheshin për të kaluar pushimet.

“Ku ka ngushëllim për nënën, se i kanë ikur 4 lule. Ah, ç’më ka bërë i ligu, më prishi jetën e vajzës, më mbylli derën e vajzës, ju jeni nëna vetë. Ç’po bëhet me këtë popull, u vra rinia, i vrau i ligu i vrau rrugaçi, i vrau ai që ka para, unë nuk kam para.

Vajza vajti në Greqi për t’u ushqyer, për një jetë më të mirë, do vinte te nëna, të kalonte pushimet. Nëna i kishte bërë për të ngrënë, fola me vajzën i thashë “çfarë do të bëjë nëna për të ngrënë”, ajo më tha “mami më bëj një pulë me pilaf” dhe unë ia bëra gati, po e prisja të hante mëngjesin me dhëndrin e mbesat. Më iku vajza në moshë të rinisë. Dhëndrin e kisha si djalë. Të vihet drejtësia në vend, ku është shteti. Unë nuk kam lekë, ai që ma ka bërë këtë do jetë biznesmen. Vetë e di si i kam rritur, ia mbushja çantat me ushqime ia coja në Greqi.

Shteti të marrë masa, i bëj apel të gjitha nënave: Këtë që përjetova unë mos e përjetojë asnjë nënë në botë. Të jenë nëna të gëzuara, ai baba e ajo nënë që ka rritur atë djalë, të më vinte të më thoshte një fjalë te dera. Të më ngushëllonte, janë njerëz pa shpirt, nuk janë njerëz. Më helmuan kockën, më mbyllën derën e vajzës.

Shteti të marrë masa. Nuk ia pata borxh, kishin hallin e tyre. Rrugaçi i ra më qafë. Shteti të vërë dorën në zemër, sot u helmova unë. M’u shkatërrua jeta, më plasi zemra, vajza ime po ha dhe, katër varre”, tha nëna e Silvanës me lot në sy.

The post “U kisha bërë për të ngrënë, por sot po hanë dhe”, nëna e 33-vjeçares me lot: I vrau i ligu, i vrau rrugaçi appeared first on Albeu.com.

Një familje e tërë, prej katër anëtarësh, 2 prej të cilëve të mitur, humbën jetën tragjikisht në autostradën Fier-Vlorë.

Viktimë mbetën, Eduard dhe Silvana Gushi, 44 dhe 33 vjeçe, si dhe dy vajzat e saj të mitura, Eva dhe Anastasia.

Të katërt, kishin mbi 2 vite që nuk kishin takuar të afërmit, pasi prej pandemisë ishin izoluar në Greqi, shtet dhe ku jetonin. Ndërsa ditën e ngjarjes së rëndë, ato kishin ardhur për t’u takuar me të dashurit e tyre që ndodheshin në Shqipëri.

Lajmi i kobshëm ka tronditur mbarë opinionin publik, ndërsa së fundmi, ka reaguar dhe babai i Silvanës, i quajtur Sotiraq. Në një lidhje direkte për emisionin “Zemër të hapur”, e vetmja gjë që kërkonte ishte drejtësia.

“Jam i helmuari i atyre të katërtave. Jam babai i Silvanës. Kërkoj me gjithë forcën dhe sa të jetë fryma, edhe nëse nuk përgjigjet drejtësia shqiptare, do e shkrij jetën dhe të më kthehet gjaku që humba 4 persona. I bëj apel Gjykatës, avokatëve, ata që kanë shpirtin human dhe kanë pak njërzillëk, të venë dorë dhe të japin atë që kërkoj sot. Faleminderit të gjithëve atyre, që janë sensibilizuar. Me keqardhje më jepnin ngushëllimet e përzemërta. Këta fëmijë, për ata që kanë shpirtin e mirë, të pastër, dashurinë e fëmijës.

Ata janë pa nder e pa kriter. Ai lloj babai, nuk e di ku mund të jetë ai. Po ta dija që është rrugëve. Ai jo të ketë milionat, të ketë miliardat, por ka shpirtin e zi. Ta dëgjojë nga goja ime, nuk jemi hakmarrës. S’jemi kriminela. Kemi logjikën, jemi qytetarë të këtij vendi. Por ai qysh e mban vendi atë baba, atë burrë. Ai le t’i marrë masat ngado, sa të jenë organet që ne shpresojmë se do të bëjnë diçka, ai të gjej vrimë ku të futet, se ky shtet nuk i lë. Neve shpirtin do e kemi atje, ai të shikojë këta që kam këtu.

Ashtu siç po qaj unë sot dhe një popull i tërë, po si nuk i erdhi turp atij prindërit. Nuk e di se kush janë këta. Ai të vinte e të kërkonte falje, unë s’e vras! Kam shpresë! Pse u largua nga Vlora ai, sa të jetë jeta, frymë dhe gjaku i fëmijëve të mi, nuk do të humbë. Nesër të gjithë dashamirësit e mi, ai që ka shpirt, aty në qendër të Fierit do ta kini. Turp i kohës.

Morën jetë njerëzish. Nuk dua gjakmarrje, nuk dua ta di bie brenda apo jo, s’e kanë problem. I lutem zotit ta nxjerrin atë”, tha zoti Sotiraq.

The post “Jam i helmuari i atyre të katërtave”, babai i Silvanës i mbytur në lot: Të gjejë vrimë miu e të futet appeared first on Albeu.com.

Ata ishin duke kaluar rastësisht në rrugë dhe menduan për këtë gjest. Gjithashtu u bënë apel shoferëve të ecin me kujdes.

“Jemi thjeshtë rastësisht, kaluam, e menduam si gjest. Mbesa i pa fëmijët, po tregonim dje ngjarjen dhe ajo e kuptoi dhe filloi duke qarë dhe tha se shoferët duhet të ecin avash. Edhe unë kam ecur ndonjëherë shpejt, për ndonjë urgjencë, po tani e mbrapa duhet të ecim super super avash, sepse ja çfarë ndodh. Nuk duhet të ndodhte kështu”, tha daja i vogëlushes./albeu.com

The post Vogëlushja 3-vjeçare vendos lule në vendin ku u shua familja Gushi ( FOTO LAJM) appeared first on Albeu.com.

Në Patos 4 makina funerali, njëra pas tjetrës, janë nisur drejt varrezave.

Eduart Gushit, 44 vjeç, gruas së tij, Silvana Gushi, 33 vjeçe, dhe dy vajzave të tyre të mitura, Anastasia dhe Eva iu dha lamtumira e fundit nga familjarët mes dhimbjeve dhe lotëve./albeu.com

The post Dhimbje dhe lot! 4 makina funerali përcjellin në banesën e fundit familjen Gushi appeared first on Albeu.com.

Viktimat e aksidentit janë dy prindërit, Eduart dhe Silvana Gushi si dhe dy vajzat e tyre, Anastasia dhe Eva Gushi.

Familja që u shua dje ishin nga Patosi dhe po shkonin me pushime në Vlorë. Ata sapo ishin kthyer ng Greqia.

Sot, ata do të përcillen në banesën e fundit. Ceremonia mortore do të zhvillohet në Patos, në orën 10:00, ndërsa shpenzimet janë marrë përsipër nga Bashkia.

Ndërkohë, kujtojmë se drejtuesi i mjetit tip “Audi” që shkaktoi aksidentin, Igli Madani, është arrestuar. Ai së bashku me dy shokët që ndodheshin në makinë, Faboi Lamaj dhe Glori Selimi, kanë mbetur të lënuar nga aksidenti./albeu.com

The post Humbën jetën në aksident, përcillen sot në banesën e fundit 4 anëtarët e familjes Gushi appeared first on Albeu.com.