53-vjeçarja u arrestua të mërkurën në periferi të Sidneit, Dover Heights, së bashku me vajzën e saj 25-vjeçare, e cila u paraqit si mësuese e feng-shui.

Ajo dyshohet se i bindi viktimat e saj, kryesisht gra vietnameze të cenueshme të merrnin kredi, duke mbajtur një pjesë për vete dhe duke u thënë atyre se parashikonte një “miliarder” në të ardhmen e tyre.

Mbi 53-vjeçaren rëndojnë 39 akuza, duke përfshirë drejtimin e një organizate kriminale dhe marrjen e përfitimeve financiare me anë të mashtrimit.

Ndaj vajzës së saj rëndojnë shtatë akuza, duke përfshirë administrimin e të ardhurave nga krimi dhe pjesëmarrjen në një organizatë kriminale.

A mother claiming to be a “fortune teller” and her daughter have been arrested in Sydney for their alleged involvement in a multi-million-dollar fraud and money laundering syndication targeting Vietnamese Australians.https://t.co/1WFeViMJh7

— Sky News Australia (@SkyNewsAust) November 13, 2025

Gjatë arrestimit në rezidencën multi-milion dollarëshe, policia sekuestroi dokumente, telefona celularë, çanta luksoze, një shufër ari 40 gramëshe me vlerë 10,000 dollarë australianë dhe 6,600 dollarë australianë në çipa kazinoje.

Autoritetet thanë se 53-vjeçarja u paraqit si një anëtare e shquar e komunitetit të saj dhe si një “fallxhore”, u jepte këshilla klientëve, disa prej të cilëve i thanë se po përballeshin me vështirësi financiare.

Australia police arrest ‘fortune teller’ accused of running $46m scam

A mother-and-daughter duo – one claiming to be a fortune teller and a feng shui master – have been charged over allegedly scamming almost A$70m ($46m; £35m) from “vulnerable” Vietnamese targets in Australia.… pic.twitter.com/lf7gvwid9c

— Ashin HARILAL (@ashindevz0) November 13, 2025

Sipas një hetimi nga Sydney Morning Herald, nëna dhe vajza janë të lidhura me të ashtuquajturën “Penthouse Syndicate”, një organizatë kriminale që mashtroi bankat kryesore australiane me 250 milionë dollarë australianë, me ndihmën e punonjësve të bankave që miratuan kredi për të ndihmuar në blerjen e pronave të shumta në Sydney.

The post Kishte përfituar 40 milionë euro duke mashtruar klientet se do gjenin burrë të pasur, arrestohet fallxhorja (VIDEO) appeared first on Albeu.com.

Për ta vërtetuar këtë Piranjat vendosin ta takojë nga afër, Florën e famshme të Kavajës, e cila ka pafund njerëz që i drejtohen derës së saj për të kërkuar ndihmë. Kjo zonjë e ka kthyer shtëpinë e saj në një vend të mirë ‘shëronjës’ për njerëzimin, ku pret vizitorë nga e gjithë Shqipëria.

Siç ndodh me të gjithë shëruesit e magjive, syrit të keq e njëmijë e një përrallave me xhinde, të sëmurët që kërkojnë dëshpërimisht zgjidhje, pengohen që t’i drejtohen një mjeku specialist dhe të marrin kurat e nevojshme për t`u shëruar dhe sapo mbërrijnë në dyert e këtyre sharlatanëve, përballen me fjalinë e zakonshme: “Ti nuk je për mjek”!

Zonja Flora e cila prej 13 vitesh ushtron këtë “profesion”, është e “aftë” të shërojë njerëzit dhe të dalloj hallet e tyre vetëm duke i parë në sy. Njejtë si ky rast, ku në takimin e organizuar, Flora tregohet mjaft e gatshme për të na ndihmuar dhe përpiqet ta gjejë vetë problemin tonë.

Por pas kësaj bamirësie nga ana e saj, fshihet një tjetër detaj të cilën na e vendos në dispozicion denoncuesja jonë. Sipas saj, Flora e Kavajës këtë punë nuk e bën për të ndihmuar sepse në të vertetë aftësitë e saj lënë për të dëshiruar. Pas saj fshihen shuma të mëdha parash që i merr nga njerëzit në nevojë, duke abuzuar edhe me besimin e tyre.

Pasi realizojmë takimin dhe ritualet sipas rregullave të saj, Flora vendos të bëjë një ligjerate e cila është e gjitha në stilin e fallxhoreve, edhe pse ajo ende nuk është njohur me problemin tonë.

Dhe e habitur pasi u njoh me hallin tonë, kjo zonjë na sugjeron një seancë tjetër yshtje por pas 8 ditësh.

Në seancën e dytë ndiqet po e njëjta praktikë, ku zonja Flora me një Kuran në duar fillon të lexojë dhe lutet. Praktika të zakonshme të sharlatanëve të cilët nën emrin e Kuranit, mundohen të manipulojnë personat me probleme që kërkojnë ndihmë.

Por në këtë gjithë këtë histori, kemi harruar pa thënë dhe një detaj shumë të rëndësishëm. Kjo zonjë, e cila ka krijuar një sekt të sajin në emër të bamirësisë, ka një mënyrë aspak të ndershme për të bindur hallexhinjtë që i trokasin çdo ditë në derë.

Duke përdorur vajzën e saj që është ndarë nga jeta vite më parë.

E kuptojmë dhimbjen e një nëne për vajzën e saj të ndarë nga jeta, por të përdorë këtë të fundit, është një tjetër strategji manipulimi e kësaj zonje, që kërkon të përfitojë financiarisht nga fatkeqësia që i ka ndodhur.

Dhe pasi dëgjuam mirë e mirë seç kjo zonjë ishte e aftë të bëntë, vendosëm të tregojmë se cilët jemi në të vertëtë.

Pas ballafaqimit me ne, Zonja Flora është e bindur për fuqinë dhe aftësinë e saj të mbinatyrshme për të shëruar njerëz, por sërish pavarësisht kësaj dhuntinë e mbajti brenda, të fshehur nga sytë kureshtarë dhe dashakeqës që mundohen t’i prishin veprat e mira që bën çdo ditë.

The post Magjistarja e Kavajës që bën mrekulli dhe zgjidh hallet e njerëzve vetëm duke i parë në sy (VIDEO) appeared first on Albeu.com.

65-vjeçarja, e cila është invalidë denoncoi vjedhjen e 13 milionë lekëve të vjetra në mes të ditës.

Sipas denoncimit të saj, autorja është një femër dhe dyshohet se i ka hedhur substancë për ta vënë në gjumë pronaren e shtëpisë dhe më pas ka kryer vjedhjen.

“Në Komisariatin e Policisë Lushnjë ka bërë kallëzim shtetasi A. I., 60 vjeç, banues në fshatin Zhamë, se në banesën e tyre, një shtetase ka mashtruar bashkëshorten e tij dhe i marrë një shumë parash, me pretendimin se do t’i parashikonte fatin. Po punohet për identifikimin dhe për kapjen e kësaj shtetaseje. Materialet procedurale i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme”, sqaroi policia.

Çfarë tha 65-vjeçarja

“Hyri te porta, thashë mikeshë jo se nuk e njihja. Më tha vij nga Tetova, du içik ujë. I thashë nga Tetova vjen për ujë ti, nuk kam mundësi unë. A nuk sheh si jam? Pa depozitën që ishte aty, mbushi ujë. Më tha dalim çik në diell, më tha të paskan bërë magji. Ime më më tha është 80 vjeçe, më tha duan që të vrasin çunin, i thashë si di unë këto llafe. E s’mbaj mend më asnjë gjë. Nuk e di ça më bëri. Më duket sikur ia kam dhënë me duart e mia. Kur mori kthesën poshtë, u mendova ça më bëri kjo grua, e shkova drejt e te lekët. I kam pas te një kasetë e vogël, se dinte asnjë vendin e tyre. Mund të ishte 40 ose 30, nuk ishte moshë e thyer.”

“Eh mor Zot qysh më erdhi e zeza, që isha gjys robi! O Zot i madh! Këtu te koka e krevatit poshtë i ka marrë lekët.”

“Më është fiksuar sikur ja kam dhënë me duart e mia. (paratë) Offf oj nanë!”

Kur e pyesin se si dukej autorja e grabitjes, Jalldizja përgjigjet: Ishte e gjatë, e dobët, e zezë në fytyrë edhe veshjen me kostum sportiv, me tuta. E mbaj mend shumë mirë, e kam parasysh. E kam fiksu, siç më ka thënë mua i ka thënë dhe një gruaje tjetër, ajo ishte e zgjuar, me këmbë e jo si unë. Ishte ul aty se ça më ka bërë nuk e di se shih si jam.”

Në kohën e vjedhjes ka qenë vetëm gruaja invalide në shtëpi, ndërsa burri i saj në punë, sipas Klan tv.

Nga ora 12:00  kur ndodhi ngjarja deri në orën 20:00 të mbrëmjes 65 vjeçarja ka qenë pa ndjenja. Arif Ibraliu tregon se kur ka mbërritur në shtëpi ka parë që kutia ku ndodheshin paratë ishte bosh./albeu.com

The post Të moshuarës iu grabitën 13 milionë lekë, reagon policia: Jemi në kërkim të fallxhores appeared first on Albeu.com.

“Ajo volli dhe shikimin e kishte të mjegulluar, e kishte trupin e butë … pas disa orësh vdiq,” tregonte kushërira e shtangur Bianca Cristina, për rrjetin vendas “Globo 1” mbi vdekjen e parakohshme.

Tragjedia raportohet se ndodhi më 3 gusht kur 27-vjeçarja Fernanda Silva Valoz da Cruz Pinto, ishte duke ecur në qendër të qyteti brazilian Maceió, i cili njihet për parashikueset e shumta të fatit.

Nëna e një fëmije besohet se ishte ndaluar nga një grua e moshuar që ofroi t’i lexonte pëllëmbën e dorës.

Pinto kishte pranuar dhe atëherë lexuesja e fatit i kishte thënë të resë se “nuk i kishte mbajtur shumë për të jetuar”.

Fallxhorja më pas i kishte dhënë Pinto një copë çokollatë si dhuratë. “Ëmbëlsira ishte e paketuar, dhe ajo nuk mendonte se mund të ishte e rrezikshme”, thotë kushërira e saj Cristina për mediat. “Ajo kishte qenë e uritur dhe vendosi ta hante.”

Disa orë pasi e hëngri, raportohet se Pinto kishte nisur të ndjehej keq, me simptoma si të vjella, errësim shikimi.

E ndjera kishte përshkruar gjendjen e saj në mesazhe teksti të dërguara familjarëve pasi kishte konsumuar ëmbëlsirën.

“Më rreh zemra shpejt, volla, kam një shije të çuditshme në gojë, shumë e hidhur. Jam shumë e dobët”, shkruante Pinto.

Prej problemeve të mëparshme të gastritit të vajzës, familjarët fillimisht nuk dyshuan, por më pas nisën të mendonin për takimin e saj me fallxhoren.

“Më dhanë një çokollatë në qendër. E hëngra dhe më pas nisa të ndjehem keq. Nuk më shkoi mendja për keq, ishte një grua e vjetër”, kishte shkruar e ndjera mes të tjerash në mesazhe.

Dhe në fakt raportet e toksikologjisë një muaj më vonë tregonin se në trupin e të ndjerës kishte sasi të konsiderueshme pesticidi ‘sulfotep’ dhe ‘terbufos’.

“Këto substanca gjenden shpesh në rastet e helmimit në Brazil pasi gjenden relativisht lehtë, megjithëse duhet të jenë të kontrolluara nga ministria e bujqësisë”, tha Thalmanny Goulart, drejtor i laboratorit të toksikologjisë.

The post I parashikoi vdekjen e parakohshme, gruaja humb jetën nga çokollata që i dha fallxhorja appeared first on Albeu.com.

43-vjeçarja nga Fushë-Kruja ishte shpallur në kërkim pasi ka përfituar para dhe sende me vlerë nga shtetas të ndryshëm, duke i mashtruar se mund t’i parashikonte të ardhmen.

Shërbimet e Komisariatit të Policisë Krujë, në vijim të punës për lokalizimin, kapjen dhe vënien përpara përgjegjësisë penale të shtetasve të shpallur në kërkim, bazuar dhe në informacionet e siguruara në rrugë operative, për vendndodhjen e një shtetaseje të shpallur në kërkim, organizuan dhe finalizuan operacionin policor të koduar “Streha”.

“Si rezultat i këtij operacioni, në Fushë Krujë, u bë kapja dhe ndalimi i shtetases në kërkim Elena Muhaxhiri, 43 vjeçe, banuese në Fushë Krujë”, thuhet në njoftimin zyrtar.

Gjykata e Apelit e Juridiksionit të Përgjithshëm Tiranë e ka dënuar këtë shtetase, me 2 vjet burgim, për veprën penale “Mashtrimi”, pasi ka përfituar para dhe sende me vlerë nga shtetas të ndryshëm, duke i premtuar se mund t’i parashikonte të ardhmen.

Materialet i kaluan Prokurorisë, për veprime të mëtejshme./Albeu.com. 

The post “Do t’ju parashikoj të ardhmen”, mashtronte njerëzit dhe u merrte para, arrestohet 43-vjeçarja në Fushë-Krujë (EMRI) appeared first on Albeu.com.

Në studio u ftua një fallxhore që supozohet të shihte filxhanin e kafes së Irinit. Pasi i “fitoi besimin” me disa të vërteta që gjeti ajo e futi në “kurthin” e përgatitur nga stafi. Fallxhorja aludoi se bashkëshorti e tradhëton Irinin. Ajo tha se e sheh atë shumë të mërzitur dhe se po tenton të hapë një biznes dhe për këtë po e ndihmon një vajzë.

Në fakt Irini ra dakord me këtë dhe tha se bëhet fjalë për vajzën e tezes së burrit të saj. Por, fallxhorja insistoi që nuk bëhet fjalë për një të afërm, por për dikë tjetër që i qëndron shumë parë. “Epo, unë jam se s’ka kush të jetë tjetër!”- tha Irini, që përtej disa dyshimeve dhe paqartësive që iu krijuan e përballoi shumë mirë situatën. Reagimin e plotë të këngëtares e gjeni në videon e mëposhtme:

The post Tradhti bashkëshortore? Fallxhorja “lë pa fjalë” Irini Qirjakon LIVE në emision (VIDEO) appeared first on Albeu.com.