Mesazhi i Ramës:

“Mirëmëngjes,” shkruan Rama në rrjetet sociale, “dhe me falenderimin me respekt për çdo efektiv të Forcave të Armatosura e të Policisë së Shtetit. Po ashtu, me një veçim plot admirim për shefin e policisë së Delvinës, Agim Troci, që shpëtoi jetë duke rrezikuar të tijën”.

Kryeministri ka vlerësuar gjithashtu zjarrfikësit, forcat e Urgjencës Kombëtare dhe Emergjencave Civile, që ndodhen në gatishmëri të plotë përballë rrezikut të përhapur të flakëve në gjithë Europën Jugore.

Në përfundim të mesazhit, ai uroi qytetarët për një të diel të qetë, duke i kujtuar kontributin e atyre që punojnë për sigurinë e të gjithëve.

The post Situata e zjarreve në vend/ Kryeministri Rama falenderon efektivët në terren: Mirënjohje për ata që rrezikojnë jetën për të shpëtuar të tjerët appeared first on Albeu.com.

Në mesazhin që qarkullon në media, Rama e cilëson këtë betejë politike si një eksperiencë të paharrueshme dhe falenderon të gjithë anëtarët e PS-së për angazhimin e tyre.

“Dua t’ju falenderoj të gjithëve për eksperiencën e një beteje politike të paharrueshme, ku secili e secila beri sa mundi dhe ku rezultati i përbashkët do mbetet në historinë politike të Shqipërisë, e natyrisht edhe në historinë e Partisë Socialiste, si një sukses krejt i veçantë. Faleminderit”, u ka shkruar Rama.

Disa fjalë ua dedikon edhe kandidatëve të listës së hapur dhe atyre që ia dolën që të hyjnë në Kuvend.

“Dua t’i përgëzoj shumë përzemërsisht të gjithë ata dhe ato që në fushën e hapur të betejës, u përpoqën me të gjitha forcat e tyre dhe u bënë fuqi e shtuar e Partisë Socialiste në çdo territor. Urime me gjithë zemër për ata e ato që ia dolën të hyjnë në ekipin e legjislaturës së ardhshme”, thuhet më tej në mesazh.

Më tej, Rama thotë se ata që nuk mundën të bëhen pjesë e legjislaturës së re, duhet të ndihen krenarë për fitoren e PS. Ai thotë se kontributi i tyre do të jetë i nevojshëm në sfidën për anëtarësimin e vendit në BE.

“Të gjithë atyre qe s’ia dolën u them shumë sinqerisht se duhet të jenë jo vetëm krenarë, për pjesën e tyre të çmuar në fitoren e Partisë Socialiste, po edhe të bindur se në rrugën që vazhdon, me supersfidën historike të anëtarësimit të Shqipërisë në BE, kontributi i tyre do të jetë shumë i nevojshëm. Prandaj kokën lart të gjithë bashkë motra e vëllezër, këtu nuk ka humbës por vetëm fitues!”, shton ai.

Në fund e përmbyll me fjalët:

“Duke uruar që të gjeni pak ditë qetësi pranë familjeve e fëmijëve tuaj – Zoti i bekoftë për të gjithë barrën që mbajnë – ju përqafoj të gjithëve me premtimin se nuk do rrimë pa u mbledhur edhe live, jo për ndonjë festë të madhe, po për shijen e një gëzimi të merituar familjar si ky që vetëm ne e dimë se sa kemi punuar e jemi munduar për ta arritur”.

The post Mbyllja e procesit zgjedhor/ Edi Rama mesazh kandidatëve të PS: S’ka humbës, por fitues, rezultati do të mbetet në historinë politike të vendit appeared first on Albeu.com.

Në një reagim në rrjete sociale, Alimehmeti thotë se është mirënjohës, ndërsa shton se fushata nuk ishte thjesht një sfidë elektorale, por edhe një thirrje për ndërgjegje dhe bashkim rreth vlerave.

“Kjo fushatë nuk ishte thjesht një sfidë elektorale – ishte një thirrje për ndërgjegje, për bashkim rreth vlerave që na bëjnë njerëz: ndershmëria, puna, dinjiteti”, shkruan Alimehmeti.

Më tej, ai shkruan se ky rezultat nuk është fundi, por fillimi i një rrugëtimi të gjatë e të ndershëm.

“Rezultati nuk është fundi – është fillimi i një rrugëtimi të gjatë dhe të ndershëm, që do të vazhdojë me të njëjtin përkushtim, pa u ndalur”, shton ai.

Një ditë më parë,  Alimehmeti, drejtoi gishtin te sistemi zgjedhor, teksa tha se “maestrot” kanë bërë që të zbehin rëndësinë e votës.

Ai tha se edhe opozita duhet të reflektojë ndërsa kritikoi indirekt edhe mbështetësit e Berishës, teksa tha se kanë qenë thuajse inekzistent në fushatë, pasi ishin të sigurtë në lista të mbyllura.

Reagimi i plotë:

Të dashur qytetarë, miq e bashkëluftëtarë të ndershmërisë,

18.125 herë ju i thatë “po” shpresës, ndryshimit dhe të vërtetës.

18.125 zemra besuan se politika mund të jetë ndryshe – më njerëzore, më e drejtë, më pranë qytetarit. Për këtë, ju jam thellësisht mirënjohës.

Kjo fushatë nuk ishte thjesht një sfidë elektorale – ishte një thirrje për ndërgjegje, për bashkim rreth vlerave që na bëjnë njerëz: ndershmëria, puna, dinjiteti.

Çdo votë që hodhët nuk ishte vetëm për një emër, por për një mënyrë të re të të bërit politikë.

Ju faleminderit që qëndruat krah meje, që më dhatë forcë me fjalët, buzëqeshjet dhe besimin tuaj. Faleminderit që më lejuat të jem zëri juaj.

Rezultati nuk është fundi – është fillimi i një rrugëtimi të gjatë dhe të ndershëm, që do të vazhdojë me të njëjtin përkushtim, pa u ndalur.

Me gjithë shpirtin,

Ilir Alimehmeti

The post Mbeti jashtë parlamentit, Ilir Alimehmeti falenderon mbështetësit: Ky rezultat nuk është fundi, por fillimi i një rrugëtimi të gjatë e të ndershëm appeared first on Albeu.com.

Rama thekson kjo fitore mbart një mesazh të fuqishëm, për objektivin kombëtar të anëtarësimit të vendit në BE brenda vitit 2030.

“Një falenderim krejt të posaçëm për shqiptarët që nga Greqia, Italia, Amerika e çdo anë e Europës dhe botës, që iu bashkuan trenit të fitores, duke e bërë atë edhe më domethënëse – jo thjesht për nga numrat, por në radhë të parë për nga mesazhi i fuqishëm i shumicës së tyre dërrmuese”.

Gjithashtu, kryeministri theksoi se ky besim i ripërtërirë do të shërbejë si një shtysë e mëtejshme për angazhimin drejt objektivit kombëtar: anëtarësimin e Shqipërisë në Bashkimin Europian deri në vitin 2030.

“Ky mesazh do të na bëjë edhe më të përkushtuar për Shqipërinë 2030 në BE”, – nënvizoi Rama në përmbyllje të mesazhit të tij, duke uruar një ditë të mbarë për të gjithë qytetarët.

The post Zgjedhjet e 11 majit/ Rama falenderon diasporën: Mesazhi juaj na bën më të përkushtuar për Shqipërinë 2030 në BE appeared first on Albeu.com.