“Vdekja e papritur e Alexei Navalny më ka bërë gjithnjë e më të vetëdijshëm për atë që po ndodh në vendin tonë”, shkroi Trump, dhe sipas Reuters, vdekjen e Navalny e paralelizon me problemet e tij politike.

Nuk është e qartë se çfarë ngjashmërish po përpiqej të bënte Trump me liderin më të shquar të opozitës ruse. Navalny luftoi për vite me radhë kundër asaj që ai e quajti korrupsion të madh në Rusinë e Putinit, të sunduar nga “mashtrues dhe hajdutë”.

Presidenti Joe Biden të premten fajësoi drejtpërdrejt Putinin për vdekjen e Navalny-t, ndërsa Kremlini ka mohuar përfshirjen në vdekjen e tij dhe tha se pretendimet perëndimore se Putin ishte përgjegjës ishin të papranueshme. Që kur u raportua vdekja e Navalny të premten, ish-presidentët e SHBA dhe anëtarët më të lartë të Kongresit nga të dyja partitë fajësuan gjithashtu Putinin.

Por Trump, kandidati kryesor për nominimin republikan për të sfiduar Biden në zgjedhjet e nëntorit , qëndroi i heshtur deri të hënën.

Gjatë mandatit të tij në Shtëpinë e Bardhë 2017-2021, Trump shprehu admirim për Putinin. Në vitin 2018, ai refuzoi të fajësonte liderin rus për ndërhyrjen në zgjedhjet e vitit 2016 në SHBA.

The post Trump thyen heshtjen për vdekjen e Navalnyt, nuk i hedh asnjë faj Putinit appeared first on Albeu.com.

Një 52-vjeçar në Britaninë e Madhe është dënuar me 13 vjet burg pasi u deklarua fajtor për drejtimin e një rrjeti të abuzimit seksual të fëmijëve të mitur në mbarë botën.

Matthew Bower, nga Swanley, u identifikua nga oficerët e Agjencisë Kombëtare të Krimit pas informacionit të marrë nga FBI se një burrë nga Britania e Madhe kishte paguar për imazhet e një vajze të re që abuzohej seksualisht.

Viktima, një vajzë 15-vjeçare, foli me oficerët e policisë në SHBA në fillim të gushtit 2017 dhe u tha atyre se ishte abuzuar seksualisht nga një familjare për disa muaj. Ajo deklaroi se abuzimi ishte fotografuar dhe pamjet po i dërgoheshin një burri në Britaninë e Madhe për shuma të ndryshme parash.

Oficerët e FBI-së arrestuan gruan dhe ajo u dha atyre një adresë emaili, emrin e përdoruesit dhe detajet e Paypal të burrit për të cilin kishte bërë fotografitë.

Ky informacion iu dërgua oficerëve në NCA, të cilët ishin në gjendje të identifikonin Bower. Ai u arrestua më 22 gusht 2017 me dyshimin për posedim të imazheve të pahijshme të fëmijëve dhe organizimin dhe lehtësimin e kryerjes së një vepre penale seksuale të fëmijëve. Oficerët kontrolluan shtëpinë e tij dhe u sekuestruan një numër pajisjesh.

Pas ekzaminimit të pajisjeve, u gjetën regjistrat e bisedave të cilat tregonin Bower duke përdorur emrin e përdoruesit ‘evo5_mat’, ndërsa instruktonte gruan se çfarë donte që ajo t’i bënte viktimës.

Hetuesit e NCA identifikuan se ajo i kishte dërguar Bower 308 imazhe të saj me viktimën, si dhe dy video ‘të transmetuara drejtpërdrejt’ midis 2016 dhe 2017. Të dhënat financiare treguan se gjatë një periudhe 6-vjeçare, Bower i kishte dërguar asaj rreth 6,000 £, shumicë në këmbim të materialit të abuzimit.

Oficerët e NCA gjetën gjithashtu regjistrat shtesë të bisedave dhe bisedat në internet ku Bower po inkurajonte aktivisht të tjerët të abuzonin seksualisht me fëmijët e vegjël. Ata identifikuan gjithashtu një grua në Rumani, e cila kishte abuzuar me një fëmijë nën moshën dy-vjeç, nën instruksionet e Bower.

Informacioni u nda me partnerët ndërkombëtarë të zbatimit të ligjit dhe gruaja u arrestua në gusht 2018. Ajo u dënua në dhjetor 2019 për vepra penale të përdhunimit dhe abuzimit të fëmijëve dhe aktualisht po vuan më shumë se 8 vjet burg. Bower kishte kontaktuar gjithashtu një numër fëmijësh në internet përmes Skype, duke i inkurajuar ata t’i dërgonin foto lakuriq dhe të kryenin akte seksuale në kamera. Dy vajza, 8 dhe 15 vjeç, nga Shtetet e Bashkuara u identifikuan se ishin detyruar nga Bower për të dërguar imazhe të pahijshme. Që atëherë të dyja janë mbrojtur nga autoritetet amerikane.

Ai fillimisht u tha oficerëve se kishte qenë viktimë e hakerimit, por në tetor 2023, u deklarua fajtor për 15 vepra, duke përfshirë shkaktimin ose nxitjen e një fëmije për t’u përfshirë në aktivitet seksual dhe bërjen e mbi 1,700 imazheve të pahijshme të fëmijëve, duke përfshirë imazhet e kategorisë A.

“Bower është padyshim një individ i rrezikshëm që ka një interes seksual të shthurur për fëmijët. Për një periudhë të konsiderueshme kohe ai kërkonte në mënyrë aktive njerëz në internet, si të rritur ashtu edhe fëmijë, të cilët mund t’i detyronte t’i dërgonin materiale abuzimi për kënaqësinë e tij seksuale.

Dëshiroj t’u bëj homazhe viktimave që me guxim folën për abuzimin që kishin pësuar. Raporti fillestar i viktimës ishte katalizatori për këtë hetim dhe përfundimisht na bëri që të ishim në gjendje të identifikonim Bower dhe të sigurojmë që viktimat e tjera të mbroheshin.

NCA është e përkushtuar për të mbrojtur fëmijët dhe për të penguar shkelësit e dëmeve më të mëdha kudo që të jenë në botë. Bashkëpunimi me kolegët tanë ndërkombëtarë është i domosdoshëm për ta arritur këtë”- tha Jen Cruickshank, Zyrtare e Lartë Hetuese në NCA.

Duke e dënuar atë në Gjykatën Croydon Crown sot HHJ Lowe i dha Bower një dënim të zgjatur, duke thënë se ai “nuk kishte hezitim në përfundimin se ju jeni i rrezikshëm”.

Veprat për të cilat Bower u deklarua fajtor u kryen midis 2008 dhe 2017.

The post “Koka” e një rrjeti të abuzimit seksual të fëmijëve në mbarë botën! Dënohet 52-vjeçari në Mbretërinë e Bashkuar appeared first on Albeu.com.

Basha theksoi se ai ëhstë përgjegjës për vonesën në rinovimin e partisë, por në të ardhem me mençurinë që e karakterizon do ta zgjidhë këtë problem.

Postimi i Bashës:

Partia Demokratike është partia e parë opozitare, partia e shpresës shqiptare dhe pa asnjë diskutim i takon të rikthehet në vendin që i ka dhënë historia dhe shqiptarët, sigurisht në një aleancë të fortë me SHBA, Britaninë e Madhe dhe BE.

Ne do të bëjmë ndarjen në mënyrë të qartë dhe përfundimtare të së ardhmes nga e shkuara. Për ne nuk ka bashkëfajtorë dhe bashkëvuajtës!

Jemi shumë të vonuar në procesin e rinovimit të partisë. E për këtë unë e pranoj përgjegjësinë time. Do të vendosim energjinë e rinisë përpara dhe pjekurinë e mençurinë e përvojës si mbështetje ndaj saj.

Ne ndahemi nga mentaliteti i turmës, ku fajet bëhen kolektive për t’i ikur përgjegjësisë. Ata që shkelin ligjin dhe abuzojnë me pushtetin janë thjesht fajtorë. Vetting-u i politikanëve është kontributi më i rëndësishëm që gjithkush që e konsideron veten të pastër mund të japë për një politikë të pakorruptuar dhe inkriminuar, që i jep fund politikës së përbaltjes.

Kjo përballje nuk është aspak e lehtë. Ata kanë kaluar 32 vjet me pushtet dhe janë bashkë për të ruajtuar status quo-në.  Por, siç e dëshmon historia, atëherë kur duken më të fortë, perandoria e tyre shembet më shpejt.

Me besimin tuaj do të jem kryetari i Partisë Demokratike dhe politikani që jep një model ndryshe nga ai konfluktual, me të cilin qytetarët janë mbingopur gjatë tranzicionit. Do të jem politikani që problemet personale të pushtetit, nuk i kthen në problemin e partisë, aq më pak të Shqipërisë.

Modelin e kam dhënë edhe gjatë kësaj kohe, tekas shumëkush nuk ka qenë dakord, unë nuk i jam përgjigjur baltës me baltë. Në fund të fundit, ky është modeli që refuzojnë shqiptarët dhe nga i cili përfiton kundërshtari ynë.

Ky është misioni i ri i Partisë tonë. Një parti moderne, që reflekton kohën, shoqërinë dhe nevojat e saj, që respekton kontributet, garanton karrierën, forcon meritokracinë, e hapur ndaj të rinjve dhe mendimeve të reja. Ky është modeli që duhet t’u japim shqiptarëve, si shembull i ndryshimit që po ndërmarrim për Shqipërinë.

The post Basha merr përgjegjësitë për situatën në PD: Jam fajtor për krizën, me mençurinë time do t’i zgjidh problemet appeared first on Albeu.com.

The post Shpallet fajtori për vdekjen e Emiliano Sala appeared first on Albeu.com.