Një person që dyshohet se mori 38 mijë euro hua, përfundimisht u detyrua të paguante 123 mijë euro, sipas pretendimeve të Prokurorisë. Dosja e siguruar nga media përmban edhe prova të mbledhura lidhur me rastin.

Tre persona, B.M, Sh.B dhe M.B, u arrestuan nga Policia e Kosovës të mërkurën, më 23 shtator, nën dyshimin për veprat penale “Fajde” dhe “Kanosje”. Tëvë1 ka siguruar dosjen e Prokurorisë Themelore të Prishtinës, e cila ka kërkuar caktimin e paraburgimit për të dyshuarit.

Sipas Prokurorisë, të arrestuarit i kanë dhënë A.Y.-së gjithsej 38 mijë euro, duke përfituar nga vështirësitë e tij financiare. Marrëveshja, pretendohet, parashihte kamatë mujore prej 10 për qind dhe kishte nisur në vitin 2021.

Prokuroria thotë se A.Y. nuk kishte mundësi t’i kthente paratë me kamatë dhe se B.M e telefononte vazhdimisht, duke i thënë se ishte nën presionin e Sh.B. Deri në maj të vitit 2026, i dëmtuari dyshohet se ishte detyruar të paguante 123 mijë euro. Më 11.09.2026, në një takim mes B.M dhe M.B, atij iu kërkuan edhe 27 mijë euro të tjera.

M.B dyshohet gjithashtu se e ka kërcënuar në mënyra të ndryshme një nga viktimat. Sipas dosjes, në maj të vitit 2026 ai komunikoi edhe me djalin e A.Y.-së, duke i shkaktuar ankth dhe shqetësim. Përmes SMS-ve, pretendon Prokuroria, M.B ushtronte presion të vazhdueshëm për kthimin e parave dhe e paralajmëroi se, nëse borxhi nuk paguhej, “do të bëhet shumë keq”.

Organi i akuzës e konsideron të domosdoshëm paraburgimin, pasi të dyshuarit në liri mund të ndikojnë te dëshmitarët. Gjykata Themelore e Prishtinës vendosi gjatë ditës që ndaj të treve të caktohet kjo masë.

Televizioni ka siguruar edhe deklaratën që M.B dha në Policinë e Kosovës. Ai pranoi se i kishte dhënë para A.Y.-së, por mohoi se këtë e kishte bërë për fajde.

M.B deklaroi se nga viti 2021 deri në vitin 2023, aq sa i kujtohej, i kishte dhënë A.Y.-së gjithsej 52 mijë euro, në shuma dhe kohë të ndryshme. Ai tha se paratë nuk ishin të tijat, por i kishte marrë nga daja që jeton në Austri, si dhe kishte marrë kredi dy herë nga 2 mijë euro dhe një herë 5 mijë euro.

I pyetur nëse i kishte dhënë A.Y.-së para me interes fajde, M.B u përgjigj: “Jo, kurrë në jetë”.

Ai tregoi se për këtë borxh kishte marrë para edhe nga familjarët e A.Y.-së, përfshirë bashkëshorten, djalin dhe vajzën. Sipas deklaratës së tij, në vitin 2023 ata i dhanë afërsisht 52 mijë euro në shuma dhe kohë të ndryshme. M.B tha se bashkëshortja nuk e dinte që A.Y. kishte borxh ndaj tre personave nga Shqipëria dhe se këtë e dinte vetëm A.Y. Ky i fundit, sipas tij, i kishte kërkuar t’i thoshte bashkëshortes se paratë ishin për disa persona nga Peja.

Gjatë kontrolleve në banesat e të dyshuarve, policia sekuestroi telefona, 20 dosje të ndryshme për shitblerje, një fletore me shënime, para në euro dhe franga, si dhe një veturë Audi A6.

The post Nga 38 mijë euro të dhëna në 123 mijë të paguara: çfarë thuhet në dosjen për tre të dyshuarit për fajde appeared first on Albeu.com.

Egzon Reshani është arrestuar nga Policia e Kosovës në një përpjekje për t’u larguar drejt Serbisë.

Ngjarja u regjistrua më 3 gusht, pak pas orës 22:00, në zonën e fshatit Karaqevë e Poshtme. Gjatë patrullimit dhe vëzhgimit të vijës kufitare, zyrtarët e Policisë Kufitare identifikuan një automjet të dyshimtë që po lëvizte nga fshati Breznicë në drejtim të territorit të Republikës së Kosovës.

Automjeti u ndalua nga policia në fshatin Novosellë. Gjatë kontrollit, pasagjeri Egzon Reshani doli nga automjeti dhe tentoi t’u shmangej zyrtarëve duke vrapuar drejt vijës kufitare, në drejtim të Serbisë.

Forcat policore e ndaluan të dyshuarin pranë kufirit, duke e penguar kalimin e tij jashtë territorit të Kosovës.

Sipas Policisë së Kosovës, ndaj Reshanit ishte aktiv një urdhërarrest, pasi ai kërkohej nga organet e drejtësisë për disa vepra të rënda penale: “Vrasje në tentativë”, “Fajde”, “Privim i kundërligjshëm i lirisë” dhe “Detyrim”.

Gjatë kontrollit fizik, zyrtarët i gjetën dhe i sekuestruan një thikë. Pas konsultimit me prokurorin kompetent, për rastin u nis procedurë për veprën penale “Armëmbajtje pa leje”.

Pas përmbylljes së veprimeve nga Policia Kufitare, i dyshuari iu dorëzua njësive përkatëse të Drejtorisë Rajonale të Policisë në Prizren, të cilat do të vijojnë procedurat lidhur me urdhërarrestin dhe rastet për të cilat ai kërkohej.

The post Kapet Egzon Reshani teksa tentonte të kalonte kufirin drejt Serbisë appeared first on Albeu.com.

Kjo indicie ka ardhur pasi nga dy aparatet telefonike të sekuestruar shtetasit Hashim Xhixha rezultuan me  numra te huaj te shtetit anglez.

Në një nga telefonat e konkretisht ne telefonin e markës “IPHONE 11”, gjenden biseda ne aplikacionin “SIGNAL”, me numra te huaj ku bisedon për para me fajde si dhe biseda për dhënien e një sasie fishekësh një shtetasi ende te pa identifikuar i cili flet gjuhen shqipe, e pasqyruar ne procesverbalin e aparatit telefonik sekuestruar shtetasit Hashim Xhixha.

Tashmë nga këto të dhëna të dala nga hetimet pozita penale e punonjësit të shqiponjave pritet të rëndohet, shkruan ora news.

Nën hetim janë edhe punonjës të tjerë të repartit Shqiponja në DVP Tiranë por edhe sektorëve të tjera në të cilën janë gjetur në komunikimet e Xhixhës në dy telefona.

The post “Para me fajde dhe plumba”, çfarë bisedash u gjetën në telefonin e policit të arrestuar (EMRI) appeared first on Albeu.com.

Në këtë lloj përfundimi kanë arritur disa ekspertë, pas hulumtimeve të kryera.

Shqipëria është një vend me pagat mesatare rreth 5 herë më të ulëta se vendet e Europës, por për sa i përket normave të interesit në Banka për huadhënie, ato janë 3.8 % më të larta nga vendet e tjera, raportoi Top Channel.

Probleme më të mëdha sjellin institucionet financiare që ofrojnë lehtësira proceduriale në huamarrje, tek të cilat mund të paraqitesh vetëm me kartë identiteti për të marrë hua sasi të vogla parash.

Sipas raporteve të ekpertëve ekonomikë, këto institucione financiare janë kthyer si “firma piramidale” pasi për një sasi të vogël parash, kërkojnë mbrapsht një normë shumë të lartë interesi, që nuk shkon në proporcion as me shumën e marrë edhe as me pagat e shqiptarëve.

“Referuar të dhënave zyrtare në shtetin italian, paga mesatare bruto e një shtetasi italian është 2200 euro në muaj. Ndërkohë në Shqipëri është 468 Euro në muaj. Sipas Bankës Botërore për vitin 2020 interesi huadhënieve për shtetin italian është diku tek 2.3%, ndërsa për shtetin shqiptar është 6.1%.

Që do të thotë edhe pse shqiptarët paguhen pesë herë më pak se shtetasit italianë, ata kanë një kosto më të lartë kredie. Problematika thellohet akoma më tepër nëse i referohemi sektorit të mikrofinancave ku interesat e kredisë shkojnë edhe mbi 40%. Ky është një interes i papërballueshëm për shqiptarët, pasi kështu kalojnë në kushtet e mbijetesës”, tha ekspertja e ekonomisë, Romina Radonshiqi.

Të marrësh një kredi tek sektori i mikrofinanacave, interesi që duhet të paguajë konsumatori është i njëjtë me ato me fajdeve. Kur interesi është tepër i lartë automatikisht krijohet dhe një barrë e madhe borxhi, për pasojë shqiptarët varfërohen.“Shqiptarët janë kredimarrës të këqinj sidomos për kreditë konsumatore, të cilat nuk kanë një kolateral ndaj dhe për këtë arsye interesat e kredive në kreditë konsumatore kanë nivel më të lartë interesi se sa kreditë hipotekore”, shtoi Radonshiqi./albeu.com

The post Kreditë si fajdet, u “mblidhen në fyt” shqiptarëve! Interesi i huave në vendin tonë, shumë herë më i lartë se në Europë appeared first on Albeu.com.