Partia opozitare maqedonase VMRO-DPMNE e Hritjan Mickoskit ishte dukshëm kundër zgjedhjes së Talat Xhaferit si Kryeministër Teknik i Maqedonisë së Veriut, ashtu siç ishte kundër edhe kur Talat Xhaferi i u bë Kryetar i Parlamentit të Maqedonisë.

E Majta, e njohur si “Levica”, partia ekstreme nacionaliste maqedonase me kryetar Dimitar Apasievin gjithashtu nuk e ka votuar për Kryetar Parlamenti nuk votoi as sot për Kryeministër, Talat Xhaferin.

Arsyet e mosvotimit nga opozita shqiptare janë të ndryshme, megjithatë, edhe pse po votohej kryeministri i parë shqiptar, këta deputetë nuk arriten të tejkalojnë mosmarrëveshjet politike të ditës, duke kaluar në histori si deputetët të cilët nuk votuan një shqiptar për kryeministër.

Deputetët shqiptar të opozitës në parlament, që nuk votuan Talat Xhaferin për kryeministër janë:

Fadil Zendeli, Izet Mexhiti, Merita Koxhaxhiku, Kastriot Rexhepi, Afrim Gashi dhe Safije Sadiku Shahini. /AlbEu.com/

The post Kush janë deputetët shqiptarë që nuk votuan Kryeministrin e parë shqiptar në Maqedoni? appeared first on Albeu.com.

Nga VMRO-DPMNE thonë se Xhaferi i ka njoftuar se do t’i refuzojë të gjitha sepse nuk kanë respektuar procedurën gjatë dorëzimit, por opozita pret shkresë nga kryetari me arsyetim pse janë refuzuar.

“Xhaferi gojarisht na njoftoi se amendimet nuk janë dorëzuar siç duhet. Presim arsyetim me shkrim pse do i refuzojë, e pastaj do t’i përgjigjemi. Do të shohim si do të veprojmë, pushteti e polarizon Kuvendin dhe me forcë po tenton të vazhdojë punën me shkarkimin e Zendelit. VMRO-DPMNE nuk do të lëshojë Kuvendin, nuk do ti lejojmë pushtetit hapësirë për sjelljen e ligjeve, por në koordinimet me Xhaferin më nuk shkoj. Nuk ka nevojë të mar pjesë në koordinime që të legjitimoj ahengun privat të pushtetit”, thotë Micevski nga VMRO-DPMNE.

Zendeli është shprehur se Besa ka dorëzuar dhjetëra amendime. Ai thotë se nëse Kuvendi e shkarkon atë, Besa më nuk do të jetë një opozitë konstruktive, gjegjësisht pushteti nuk do të ketë mbështetje për ligjet për të cilat ka nevojë edhe për votat e opozitës.//Zhurnal.mk

The post VMRO-DPMNE dorëzon mbi 400 amendime kundër shkarkimit të Fadil Zendelit appeared first on Albeu.com.

“S’ka asnjë shans. Unë jam deputet opozitar i Lëvizjes Besa”, tha deputeti Fadil Zendeli.

“Unë respektoj vendimet e partisë që përfaqësoj. Aspak nuk është e vërtetë se unë mund të veproj jashtë qëndrimeve të Lëvizjes BESA”, theksoi deputeti Basri Bajrami.

Shqetësimi i Besës për ikje të mundshme të deputetëve mund të lexohet edhe në një pjesë e komunikatës së mbrëmshme të lëshuar nga Lëvizja Besa pas mbajtjes së Kryesisë Qendrore.

“I bëjmë apel pushtetit aktual LSDM-BDI që urgjentisht të ndërpresin presionin me të gjitha format e mundshme që po ushtrojnë ndaj deputetëve të Lëvizjes BESA. Për këtë çështje kemi njoftuar edhe faktorin ndërkombëtar në vend”, thonë nga Lëvizja Besa.

E pyetëm Sekretarin Gjeneral të Besës, Arjanit Hoxhën, nëse këtë shqetësim po e ngrenë nën dyshimin se njëri nga deputetët mund të kthehet tek shumica parlamentare?

“Jo s’kemi asnjë dyshim se deputetët janë deklaruar hapur se mbështesin qëndrimet e partisë. Po presioni në forma të ndryshme që po zhvillohet ndaj deputetëve tanë ka alarmuar edhe faktorin ndërkombëtar”, tha Arjanit Hoxha, sekretar Gjeneral i Lëvizjes Besa.

Zëvendëskryeministri Artan Grubi duke folur për akuzat e Besës, thotë se përkundrazi, deputetët opozitarë kanë presion nga partitë e tyre.

“Absolutisht jo. I ashtuquajturi “Koalicioni Levica” në fakt është ajo që bënte presion ndaj deputetëve që të mos e shprehin vullnetin dhe bindjet e tyre siç u përshtatet. Ngjarja e Kastriot Rexhepin ishte eklatant, ku vetë deklaroi se ka presione nga partia amë dhe nga bashkëpartiakët e deridjeshëm që të mos votojë sipas bindjeve të tij. Unë nuk besoj se në ato parti politike nuk ka deputetë që nuk duan Maqedonia të anëtarësohet në BE dhe të nisin bisedimet”, tha Artan Grubi nga BDI.

Grubi shprehet i bindur se ditëve në vijim shumicës parlamentare do t’i bashkohen deputetë opozitarë. Aktualisht shumica ka 59 deputetë. Ndonëse ende nuk e ka konfirmuar, pritet që deputeti Kastriot Rexhepi t’i bashkohet maxhorancës. Për këto dhe të tjera ai do të flasë nesër. Mosardhja e Kastriot Rexhepit të premten në Kuvend, e shpëtoi Qeverinë “Zaev 2” nga mocioni i mosbesimit të ngritur nga opozita, e cila mbeti vetëm me 60 vota deputetësh. Pasi u kuptua se opozita nuk e ka shumicën, tash gjithnjë e më tepër përflitet se edhe Alternativa me 4 deputetët e saj mund të bëhet pjesë e pushtetit, por zyrtarisht nuk ka asnjë ofertë apo hap konkret publik./tv21

The post Deputetët Zendeli dhe Bajrami mohojnë se do t’i rikthehen shumicës aktuale appeared first on Albeu.com.