Ajo ka ndjekur nga afër përballjen e rëndësishme, duke publikuar edhe një fotografi në rrjetet sociale, ku shihet e veshur me fanellën e kaltër të Kombëtares së Kosovës dhe një fund të shkurtër, duke treguar mbështetjen e saj të zjarrtë për Dardanët.

“Le të ëndërrojmë së bashku, le të fluturojmë së bashku. Forca Kosova, forca shqipe. Fitoni për të gjithë shqiptarët”, shkroi Hygerta në mbishkrimin e fotografisë, duke u shfaqur e entuziazmuar dhe duke brohoritur për ekipin kombëtar.

View this post on Instagram

A post shared by Hygerta Sako (@hygerta_sako)

Lidhja e saj me Kosovën po bëhet gjithnjë e më e fortë, sidomos pas pjesëmarrjes në spektaklin shumë të ndjekur Big Brother VIP Kosova 4, ku arriti deri në finale dhe përfundoi në vendin e pestë, duke fituar simpatinë e publikut kosovar.

Ky moment tregon pasionin e Sakos për sportin dhe identitetin kombëtar, ndërsa Kosova kërkon një fitore historike që mund ta çojë për herë të parë në Kampionatin Botëror 2026.

The post Hygerta nuk mungon në tribunat e “Fadil Vokrri”, shpreh mbështetjen për Kosovën krah Dardanëve appeared first on Albeu.com.

Skuadra e drejtuar nga trajneri Franko Foda ka treguar një formë më të mirë dhe pavarësisht mungesave që ka sot, ku veçohet ajo e kapitenit Amir Rrahmani, ka shanse reale për të shkuar në finalen e Play-off-it.

Kosova ka një avantazh. Ndryshe nga Shqipëria, nëse kalon Sllovakinë, ndeshjen finale do ta luajë në stadiumin “Fadil Vokrri”, në Prishtinë, ku do të presë fituesin e çiftit Turqi-Rumani. Do të ishte vërtet diçka e jashtëzakonshme.

Trajneri gjerman pritet që sot të hedhë në fushë një formacion me rreshtimin 3-5-2. Në portë luan portieri i Sasuolos, Arijanet Muriç, ndërsa në mbrojtje mund të aktivizohen Lumbardh Dellova, Kreshnik Hajrizi dhe Albian Hajdari.

Në krahët e mesfushës pritet të luajnë Mërgim Vojvoda dhe Dion Gallapeni, kurse në qendër Elvis Rexhbecaj, Florent Muslija dhe Veldin Hoxha. Në sulm nuk ka dyshime, luajnë Fisnik Asllani dhe Vedat Muriqi.

The post Play-off-i i Botërorit/ Kosova luan shanset e saj në Sllovaki, kërkon finalen e “Fadil Vokrrit” appeared first on Albeu.com.

Gjatë ditës së sotme (e enjte), punëtorë kanë qenë në stadium, ku kanë punuar në vënien e tapetit të ri, për të cilin Ministria e Kulturës, Rinisë dhe Sportit ndau 1.3 milionë euro për ndërrimin e plotë të fushës.

Në prill është hequr në tërësi bari i shumëkritikuar i fushës në “Fadil Vokrri”, pasi në muajt e fundit të vitit të shkuar, ishte kritikuar për shkak të gjendjes shumë të keqe.

The installation of the final layer of the new hybrid pitch at "Fadil Vokrri" has begun today! 😍 pic.twitter.com/cTjRwwNXcT

— Kosovan Football 🇽🇰 (@kosovanfooty_EN) June 6, 2024

Fusha ishte dëmtuar për shkak të ngarkesës së madhe, ndërsa një lojtar i Izraelit e kishte krahasuar me stallë derrash, pas humbjes 1-0 nga Kosova.

Në fotot e publikuara sot nga faqja, Kosovan Footy, shihet se tapeti është shtruar plotësisht, por duhet ende punë që të kompletohet fusha.

Në fund të nëntorit UEFA nuk e kishte lejuar Ballkanin që të luante në Prishtinë, në kuadër të Ligës së Konferencës, ku përballjen ndaj Victoria Plzen e zhvilluan në Tiranë.

Pos ekipeve të Kosovës, stadiumi shfrytëzohet për ndeshje edhe nga klubi Prishtina, por edhe nga klubet kosovar në garat evropiane. /Telegrafi/

The post Ka nisur vendosja e tapetit të ri në stadiumin “Fadil Vokrri” appeared first on Albeu.com.

Përmes një postimi në rrjetin social Facebook, Çeku ka bërë të ditur se do të investohen 1.3 milionë euro, teksa punimet do të nisin së shpejti.

“Sot kemi në nënshkruar memorandum me Federatën e Futbollit të Kosovës. Bashkë do të investojmë 1.3 milion euro për rindërtimin e tërësishëm të fushës së stadiumit Fadil Vokrri. Punimet do të nisin së shpejti dhe stadiumi do të jetë i gatshëm për ndeshje vendore dhe ndërkombëtare”, shkroi ai.

Kujtojmë se tash e pak muaj ka pushuar aktiviteti sportiv në stadiumin ‘Fadil Vokrri’, i cili mbetet i mbyllur deri në renovimin e plotë.

The post 1.3 milionë euro për rindërtimin e fushës në stadiumin ‘Fadil Vokrri’, së shpejti nisin punimet appeared first on Albeu.com.

Në fund të muajit nëntor, Federata e Futbollit të Kosovës doli me njoftim që ky stadium do të mbyllet për të gjitha aktivitete sportive pasi është dëmtuar në masë të madhe bari i saj për shkak të numrit të madh të ndeshjeve ndërkombëtare të zhvilluara në të.

FFK gjithashtu bëri të ditur se është arritur një marrëveshje me MKRS-në për ndërrimin e barit në këtë stadium, marrëveshje të cilën e ka konfirmuar tashmë edhe Osmani në një prononcim për Kosova Press.

Sipas saj, komunikimi ndërmjet MKRS-së dhe FFK-së për këtë çështje ka qenë që nga muajt e verës, por kalendari i ngjeshur i ndeshjeve nuk lejonte hapësirë për ndërhyrje të tilla.

“Ne kemi qenë në komunikim me Federatën e Futbollit për sa i përket stadiumit ‘Fadil Vokrri’ që nga muajt maj dhe qershor kur ishin ndeshjet e më hershme që kishin probleme pikërisht për shkak të shiut të madh. Mirëpo, duke marrë parasysh agjendën shumë të ngarkuar të garave dhe ndeshjeve ndërkombëtare që janë zhvilluar në Kosovë, ishte e pamundur të bëhej intervenimi i ndërrimit të barit të fushës për shkak se si procedurë në bazë të ekspertëve të UEFA-së më të cilët konsultohet FFK-ja, minimumi do të duhen 60 ditë që të bëhet ndërrimi barit aktual në barë të ri”.

“Periudha kur filluan ndeshjet, përsëri ishte koha shumë e ftohët, nuk është një intervenim që kryhet brenda javës sepse po të ishte, padyshim se do ta ndërmerrnim. Andaj, jemi dakorduar që në përfundim të vitit të agjendës së garave sportive, të kalendarit sportiv të Federatës së Futbollit, të nis vlerësimi i gjendjes ekzistuese si dhe hartimi i projektit për ndryshim të barit, gjë të cilën kjo është marrëveshja që e kemi arritur”.

“Tani duhet ta ndjekim pak a shumë edhe motin edhe kohën, e dimë që bari nuk mund të rritet në stinën e dimrit, mirëpo po synojmë që në periudhën e marsit, në një afat 60 ditor të përmirësohet dhe të rregullohet edhe stadiumit “Fadil Vokrri”, ka thënë Osmani.

Ajo shtoi se një grup ekspertësh po vazhdon të bëjë një analizë të thellë për të kuptuar nëse stadiumi “Fadil Vokrri” mund të rinovohet e zgjerohet, por që rezultate e para nga kjo analizë bëjnë të ditur se ky intervenim nuk do të mund të bëhet për shkak të vjetërsisë së strukturës së stadiumit.

Ndryshe, stadiumi “Fadil Vokrri” është i vetmi në Kosovë që posedon licencë të UEFA-së për zhvillimin e ndeshjeve ndërkombëtare dhe kjo ka bërë që ai të stërngarkohet dhe të mos e përballojë një kalendar të tillë. /KP/

The post MKRS njofton se stadiumi “Fadil Vokrri” do të shkojë në rinovim në muajin mars appeared first on Albeu.com.

Dy skuadrat e kishin të vështirë të krijonin ndonjë rast serioz në fillim të takimit, pasi moti me shi ua vështirësonte punën lojtarëve.

Nga ky mot i ligë e pësoi Edvin Kuç i Ballkanit, që pësoi lëndim në minutën e 25-të dhe u detyrua ta lëshonte fushën.

Por, klubi nga Suhareka nuk u demoralizua nga kjo situatë dhe ia doli të shënonte golin e vetëm të takimit në minutën e 45+2-të.

Ishte Albion Rrahmani që përfitoi nga një asistim nga Armend Thaqi, duke realizuar me kokë në këndin e djathtë të portës së Prishtinës.

Ballkani vazhdoi me dominim edhe në 45 minutat e dytë, duke e shfaqur një Prishtinë të paorganizuar.

Ishte minuta e 53-ë e takimit, kur Ermal Krasniqi lëshoi një goditje të mirë, por aty ishte portieri Ardit Nika.

Një mundësi të artë mysafirët e patën dhjetë minuta më vonë, por Krasniqi nuk pasoi te Rrahmani që ishte i vetmuar.

Në minutën e 70-të, Nika ishte sërish heroi i Prishtinës, pasi ia doli të priste goditjen e Armend Thaqit nga gjuajtja e lirë.

Pesë minuta më vonë, gardiani i vendasve sërish ishte në nivelin e lartë të detyrës, pasi e priti edhe gjuajtjen e Albin Berishës.

Deri në fund, dy skuadrat tentuan të shënonin, mirëpo në fund ishte Ballkani që i mori tre pikë.

Pas javës së pestë, Ballkani është ngjitur në vendin e dytë me nëntë pikë, ndërsa Prishtina është në të katërt.

The post Ballkani dominues ndaj Prishtinës largohet me tri pikë nga “Fadil Vokrri” appeared first on Albeu.com.

Dardanët kanë mposhtur 3-2 Irlandën e Veriut në ndeshjen e raundit të 3-të të Grupit C të Ligës së Kombeve.

Sa i përket golave, Kosova realizoi dy herë me Muriqin në minutat  9′ 52′, ndërsa Bytyqi realizoi në minutën e 19′.

Ndërkohë, golat për miqtë u realizuan nga Lavery 45′ dhe Ballard 83′.

Pas 3 deshjve Kosova mban vendin e dytë me 6 pikë, 3 më pas se Greqia që mban kreun. /albeu.com/

The post Kosova dhe Muriqi dhurojnë spektakël në Fadil Vokrri (VIDEO) appeared first on Albeu.com.

“Pas ditës së shpalljes së pavarësisë, ai ka qenë momenti më i rëndësishëm për vendin tonë të ri. Babai im punoi shumë për këtë. Futbolli ishte jeta e tij dhe ai donte të promovonte vendin përmes ndeshjeve, të bënte një projekt për të rinjtë në mënyrë që ata të shpëtonin familjet e tyre”, thotë djali i tij, Gramoz Vokrri, nëpërmjet telefonit.

Babai i tij është një simbol kombëtar, akoma protagonist i përditshëm i bisedave familjare, në të cilat brezat që e panë atë të luante me numrin nëntë të Prishtinës u thonë më të vegjëlve se çdo të diel ai i bëri ata të harrojnë vështirësitë që kanë kaluar, përfshirë urinë.

“Për një ekip si Spanja, me të gjithë yjet e saj, të luash në stadiumin tonë është një ëndërr që i bën të gjithë kosovarët të lumtur”, vazhdon Gramozi.

Si futbollist, ndër të bëmat që Vokrri bëri ishte udhëheqja e Prishtinës drejt fitores në stadiumin e Beogradit kundër Cërvena Zvezdës. Ishte një arritje shumë e madhe në atë kohë për futbollin kosovar. “Mendoj se njerëzit e adhuronin babanë tim, sepse në stadium ishte i vetmi vend ku ata mund të ndiheshin shqiptarë. Ishte diçka më shumë se futbolli që e bëri atë të donte njerëzit”, thotë djali i tij. Para dhe gjatë konfliktit me Serbinë, futbolli ishte simbol i rezistencës për popullatën kosovare. Autoritetet serbe po bënin çmos për të parandaluar që kosovarët ta praktikonin atë. Një lojë në rrugë ose në një stadium klandestin ishte një mënyrë për të rebeluar dhe përforcuar ndjenjat kombëtare.

Pranë derës kryesore të hyrjes në stadium ka një statujë që nderon figurën e idhullit kosovar. Ajo u përurua më 23 korrik, data e ditëlindjes së Vokrrit, me nderime shtetërore. Kryeministri Albin Kurti, në fjalën e tij shpjegoi pozën që zgjodhi skulptori për të përshkruar futbollin e Vokrrit, trungun e përkulur, kokën e ngritur lart dhe topin të ngjitur në këmbën e djathtë.

“Ai ishte krenaria e të gjithë Kosovës dhe kur gjërat ishin shumë të vështira në aspekte të tjera, Fadili u shpall futbollisti më i mirë në ish-Jugosllavi. Kjo statujë përfaqëson momentin kur Fadil Vokrri merr topin para se të hyjë në zonë duke shikuar këmbët e lojtarëve kundërshtarë që do t’i driblojë, dhe ka shumë të ngjarë, sa herë që ai hynte në zonë ose shënonte gol, ose fitonte penallti”, tha Kurti.

I rekrutuar nga Partizani i Beogradit, ekip me të cilin fitoi një titull në ligë, Vokrri i pati edhe 12 paraqitje me Përfaqësuesen e ish-Jugosllavisë. Ai ishte pjesë e ekipit që përbëhej nga lojtarët si Haxhibegiq, pastaj Sreçko Katanec e vëllezërit Vujoviq, të brezit para atij të Prosineçkit, Bobanit dhe Saviçeviqit.

“Kur u zgjodh ai tregoi se futbolli është më i fuqishëm se politika ose çështjet etnike”, thotë biri i tij. Besimi në Kosovën ka bërë që Vokrri më të mos ftohej nga ish-Jugosllavia për shkak se ishte kosovar.

Fama e Vokrrit kaloi kufijtë dhe e çoi atë fillimisht në Fenerbahçe, dhe më pas në Nimes.

“Babai im ishte i impresionuar nga tifozët turq, por edhe nuk kishte probleme për të luajtur futbollistët e të gjitha kombësive dhe kulturave”, vazhdon Gramoz Vokrri.

Juventusi i Torinos gjithashtu e vuri re atë, por transferimi nuk mund të finalizohej. I pensionuar në Francë, pas luftës mes Kosovës dhe Serbisë, Vokrri u kthye në Prishtinë.

“Ai u kthye për të punuar për të rinjtë, ai është krenar për atë që bëri, por tani ne duhet të krijojmë më shumë idhuj. E ardhmja është shumë e rëndësishme për ne. Mendoj se kur rezultatet nuk janë të mira, lojtarët tanë më të rinj preferojnë të luajnë për Zvicrën ose Gjermaninë ”, përfundon djali i një futbollisti, i cili sonte do të kishte realizuar ëndrrën e tij të madhe, për të parë Kosovën të luante kundër njërës prej skuadrave më të mëdha të Evropës – Spanjës.

The post El Pais: Ëndrra e Fadil Vokrrit appeared first on Albeu.com.

Kjo pasi nuk mund të shpjegohet ndryshe përfshirja e legjendës së futbollit Fadil Vokrri që ka ndërruar jetë. Në një nga qendra e Tiranës figuron edhe Vokrrit, duke përbërë një skandal më vete.

The post SKANDAL/ Legjenda e futbollit që ka ndërruar jetë, emri i Fadil Vokrrit në listën e votuesve në Shqipëri (VIDEO+FOTO) appeared first on Albeu.com.

Yjet si, Ibrahimovic, Lindelof, Lustig e të tjera po kryejnë stëvitjen.

Kujtojmë se Suedia do të jetë pa portierin Olsen, Albin Ekdal në ndeshjen e nesërme, ndërsa Ibra pritet ta nisë ndeshjen nga minuta e parë.

Pas seancës stërvitore, Kosova do të mbajë konferencën për shtyp në orën 18:00 pastaj Suedia do të mbajë konferencën e saj në orën 18:40./

The post Ndeshja me Kosovën, Suedia nis seancës stërvitore në “Fadil Vokrri” appeared first on Albeu.com.