Burri, 79-vjeç qëlloi me automatik mbi gruan e tij, 83-vjeçare duke i marrë jetën. Pas vrasjes së gruas, autori i dha fund edhe jetës së tij në të njëjtën mënyrë.

Viktimat janë Sanije Bandulla dhe Fadil Bandulla.

Burimet bëjnë me dije çifti në fjalë njihej për dhunën e ushtruar nga ana e autorit, madje viktima kishte përfunduar disa herë në spital e lënduar.

Mësohet se hera e fundit ka qënë fundjava e kaluar ku 83-vjeçarja ka shkuar e gjakosur në spitalin e Shkodrës.

Aty ajo ka rrëfyer gjithçka para patrullës së policisë, por uniformat blu nuk e ndaluan dhunuesin.

Ky krim i rëndë mund të ishte parandaluar në kohë pasi 83-vjeçarja e denoncoi dhunën ndaj saj, por neglizhenca e policisë së Shtetit, kjo tashmë një traditë, shkaktoi një tjetër viktimë.

Personi që ishte shqetësuar fillimisht për ta kishte qenë vajza. Ajo ka marrë në telefon një nga fqinjët dhe i ka kërkuar të kontrollojë banesën pasi e ëma nuk i përgjigjej në telefon.

Dyshohet se Fadil Bandulla vrau Sanijen tre ditë më parë, e më pas qëlloi edhe veten.  /albeu.com/

The post Tronditëse! Shkoi e “larë në gjak” në spital, si krimi në Shkodër u paralajmërua pak ditë më parë dhe u neglizhua appeared first on Albeu.com.

Burimet zyrtare bënë me dije se viktimat Fadil dhe Sanije Bandulla, të moshuar, kishin prej ditësh të vdekur në banesë por u zbuluan vetëm sot.

Dyshohet se 79-vjeçari ka qëlluar fillimisht gruan e tij me armë zjarri, tip automatik dhe më pas i ka dhënë fund edhe jetës së tij.

Mësohet se çifti i bashkëshortëve, Fadil dhe Sanije Bandulla kishin tre fëmijë të cilët jetonin jashtë shtetit.

Burimet bëjnë me dije se 79-vjeçari vuante nga depresioni dhe kurohej me ilaçe, një gjendje shëndetësore që mund të ketë ndikuar dhe në krimin e rëndë.

Ngjarja e rëndë ka ndodhur pasditen e së dielës (15 gusht) ku edhe fqinjët kanë dëgjuar të shtënat me armë zjarri.

Por policia ka mundur të gjejë trupat vetëm ditën e sotme. Fillimisht, Fadil Bandulla ka qëlluar me armë tip automatik ndaj bashkëshortes Sanijes dhe më pas ka vrarë veten.

NJOFTIMI ZYRTAR I POLICISË SË SHKODRËS:

Sot me datë 18.08.2021 në lagjen “Ahmet Haxhia”, Shkodër, dyshohet se shtetasi F. B., 79 vjeç në banesë ka vrarë me armë zjarri bashkëshorten e tij shtetasen S. B., 83 vjeçe dhe më pas ka vrarë veten.

Në vendngjarje është gjetur dhe sekuestruar në cilësinë e provës materiale arma e zjarrit automatik me të cilën dyshohet se shtetasi F.B ka varrë bashkëshorten dhe më pas veten .

Nga veprimet e para hetimore dyshohet se ngjarja ka ndodhur para disa ditësh .

Grupi hetimor nën drejtimin e Prokurorisë Shkodër, vijon punën për sqarimin e plotë të rrethanave të kësaj ngjarjeje. /albeu.com/

The post Zbardhen detajet e reja! Prindër të 3 fëmijëve, kjo mund të jetë “motivi” i krimit makabër në Shkodër appeared first on Albeu.com.