Gazetari i Ora News, Edison Vatnikaj, ka siguruar një shkresë me datë 18 shtator 2025, përmes së cilës Republika e Libanit ka njoftuar Ministrinë për Evropën dhe Punët e Jashtme se ka refuzuar kërkesën e Shqipërisë për ekstradimin e Fadi Alwan drejt vendit tonë.

Në të njëjtën shkresë, autoritetet libaneze i kërkojnë Shqipërisë dërgimin e të gjitha veprimeve hetimore dhe provave të mbledhura për ngjarjen e rëndë të ndodhur në shkurt të vitit 2025.

Rezulton se 49-vjeçari u ndalua rreth dy muaj pas krimit, më 23 prill të vitit të kaluar.

Pavarësisht akuzës për “vrasje për shkak të marrëdhënieve familjare”, hetuesit ende nuk e kanë të qartë motivin që çoi në kryerjen e krimit.

Sipas të dhënave, Rayyan Alwan, kishte ardhur në Tiranë së bashku me babanë e saj përmes aeroportit të Rinasit. Pasi dolën nga terminali, ata morën një apartament me qira përmes Airbnb, në afërsi të rrugës së Kavajës.

Dyshohet se pikërisht në këtë ambient ndodhi krimi, ku Fadi Alwan e goditi disa herë me thikë vajzën e tij, duke e lënë të vdekur në vend, mbi krevatin në dhomën e gjumit.

Pas ngjarjes, ai u largua nga Shqipëria më 22 shkurt 2025, sërish përmes aeroportit të Rinasit, drejt Gjermanisë.

Trupi i pajetë i vajzës u zbulua nga pronarja e apartamentit, e cila pasi trokiti në derë dhe nuk mori përgjigje, hyri brenda dhe konstatoi ngjarjen e rëndë.

Më pas u njoftua policia, e cila përmes kamerave të sigurisë arriti të provojë se autor i vrasjes ishte babai i saj, Fadi Alwan.

The post Republika e Libanit refuzon ekstradimin e Fadi Awlan ne Shqipëri, 49-vjeçari vrau vajzën e tij në Tiranë appeared first on Albeu.com.

Ai akuzohet për vrasjen e së bijës dy muaj më parë në kryeqytet. Tashmë, pritet që 49-vjeçari palestinez të ekstradohet drejt Shqipërisë.

Njoftimi i policisë:

Policia e Shtetit

Akuzohet se vrau me mjet prerës, vajzën e tij, rreth 2 muaj më parë, në një apartament në rrugën “Gjon Muzaka”, arrestohet në Liban, me qëllim ekstradimin në Shqipëri, 49-vjeçari palestinez.

Në vijim të hetimeve të thelluara të kryera nga strukturat e Drejtorisë Vendore të Policisë Tiranë, dhe si rezultat i komunikimit të vazhdueshëm me strukturat homologe në Liban, nëpërmjet Interpol Tiranës dhe Interpol Beirutit, u kap në Liban, me qëllim ekstradimin në Shqipëri, shtetasi palestinez, F. A., 49 vjeç.

Gjykata e Shkallës së Parë e Juridiksionit të Përgjithshëm Tiranë, i ka caktuar këtij shtetasi, masën e sigurisë “Arrest në burg”, për veprën penale “Vrasja për shkak të marrëdhënieve familjare”. Nga hetimet e deritanishme, dyshohet se shtetasi F. A., në shkurt 2025, në një apartament në rrugën “Gjon Muzaka”, Tiranë, ka vrarë me mjet prerës, vajzën e tij, shtetasen R. A..

Vijon bashkëpunimi ndërmjet strukturave të Interpolit, për të finalizuar procedurën për ekstradimin e këtij shtetasi, në Shqipëri.

The post Vrau të bijën në Tiranë, arrestohet në Liban babai i 24-vjeçares appeared first on Albeu.com.