Facebook-u, Instagram-i dhe WhatsApp-i dolën jashtë funksionit në të gjithë globin, njoftoi gjiganti i këtyre mediave sociale të hënën, duke shtuar se po punonte për rivendosjen e shërbimeve.

Agjencia “Reuters” bëri të ditur se nuk ka arritur të konfirmojë deri tani se çfarë e ka shkaktuar këtë ndërprerje të shërbimeve, por në një mesazh të publikuar në faqen e internetit të Facebook-ut flitej për një problem me serverin qendror Domain Name System (DNS).

Një problem i ngjashëm me kompaninë Akamai Technologies Inc nxori jashtë funksionit shumë faqe internet në muajin korrik, shkruan VOA. Ekspertët e sigurisë që po monitorojnë situatën thanë se ndërprerja mund të jetë shkaktuar nga një gabim në konfigurim, që mund të jetë rezultat i një gabimi të brendshëm. Po kështu po shihen si teorikisht i mundshëm edhe një sabotazh nga një person i brendshëm (i kompanisë).

Ekspertët i shohin si më pak të mundshme mundësitë e hakerimit nga jashtë. Një sulm masiv sipas tyre do të kërkonte koordinim mes grupeve të fuqishme kriminale ose një teknikë shumë novatore.

Facebook-u pranoi se përdoruesit kishin probleme me qasjen në aplikacionet e tij, por nuk dha informacione specifikë në lidhje me natyrën e problemit ose sa përdorues ishin prekur nga ndërprerja.

“Ne po punojmë për t’i kthyer gjërat në normalitet sa më shpejt të jetë e mundur dhe kërkojmë falje për çdo shqetësim“, shkruante Facebook-u.

Të hënën aksionet e Facebook-ut, një kompani në rreth 2 miliardë përdorues aktivë në ditë, ranë me 5.5% në tregtinë e pasdites, dita më e më të keqe në gati një vit.

50 mijë përdorues të FB dhe Instagramit njoftuan probleme me aplikacionet. Ndërkohë, platforma e mesazheve e gjigantit të medias sociale, WhatsApp-i u njoftua se kishte probleme me mbi 35,000 përdorues, ndërsa Messenger-i për rreth 9,800 përdorues.

Facebook-u ka përjetuar ndërprerje të ngjashme edhe në muajt mars e korrik të këtij viti.

The post WhatsApp, Instagram dhe Facebook, rikthehen pas 6 orësh “Blackout” appeared first on Albeu.com.

Përdorues në të gjithë botën kanë raportuar problemet që hasën në ato pak minuta  duke sjellë anomali të madha tek ndjekësit që e përdorin këtë rrjet social edhe për puna.

Mediat e huaja shkruaja se problemet kanë nisur nga ora 10:12 të ditës së sotme deri në rënien e plotë të pak minutave më parë.  /albeu.com/

The post Çfarë ndodhi? Bie rrjeti më i madh social, Facebook (FOTO LAJM) appeared first on Albeu.com.