Kujtojmë se Rusia ka rifilluar sulmin e saj në kompleksin industrial Azovstal pas një armëpushimi që lejoi largimin e qindra civilëve.

Sipas agjencisë së lajmeve RIA, Ministria ruse e Mbrojtjes tha të martën se trupat ruse filluan të bombardojnë fabrikën e çelikut në Mariupol pasi ushtarët ukrainas u zhvendosën në pozicionet e qitjes.

Me shpalljen e armëpushimit, “përfituan ushtarakët e Azov dhe ukrainas, të vendosur në uzinë. Ata dolën nga bodrumi, zunë pozicione zjarri në territor dhe në ndërtesat e fabrikës. Tani njësitë e ushtrisë ruse dhe Republikës Popullore të Donetskut, duke përdorur artileri dhe aviacion, kanë filluar të shkatërrojnë këto pozicione zjarri”, tha ministria për agjencinë e lajmeve RIA.

The post Rusia: Azovstal po sulmohet në shenjë hakmarrjeje appeared first on Albeu.com.

Civilët dhe forcat ukrainase të strehuar në fabrikën e çelikut Azovstal në Mariupol po përballen me bombardime “të pandërprera”, ndërkohë që furnizimet e tyre ushqimore janë duke mbaruar. Kështu deklaron një kapiten në uzinë.

“Sulmet vazhdojnë pa ndalesë. Ka pasur artileri tankesh, dhe çdo 3-5 minuta, bombardime ajrore,” tha Svyatoslav Palamar, zëvendëskomandant i Regjimentit Azov ukrainas. “Ka ende civilë të strehuar në uzinë, dhe megjithatë armiku vazhdon bombardimin.”. Rreth 100 civilë u evakuuan nga centrali të dielën, por një evakuim i mëtejshëm i planifikuar për të hënën nuk u bë. Ndërkohë, që furnizimi me ushqime është i pakët, raporton CNN.

“Nuk mund t’ju them me siguri se sa ka mbetur për sa ditë, por mund t’ju siguroj se po kursejmë. Jemi të frikësuar për ujin, ushqimin, veçanërisht për municione”, -tha Palamar. “Nëse më e keqja vjen dhe na mbaron ushqimi, do të kapim zogj dhe do të bëjmë gjithçka vetëm për të qëndruar të patundur. Për momentin, i gjithë territori i uzinës është nën kontrollin tonë dhe mbrojtja jonë është përgjatë perimetrit të fabrikës së çelikut Azov, ne po e mbajmë mbrojtjen”, tha ai./albeu.com/

The post “Nëse na mbaron ushqimi, do të kapim zogj”, komandanti ukrainas i bllokuar mes civilëve në fabrikën e çelikut tregon strategjinë appeared first on Albeu.com.