Shqipëria U-17 dhe Mali i Zi u ndanë në barazim 2-2 në ndeshjen miqësore, ku një nga protagonistët kryesorë të kuqezinjve ishte Fabio Hyseni.

Sulmuesi i Partizanit ndikoi drejtpërdrejt në të dy golat e ekipit shqiptar. Në minutën e 18-të, anësori i majtë vuri në vështirësi kundërshtarin, i cili përfundoi duke shënuar autogol.

Pa kaluar ende 30 minuta nga nisja e takimit, Hyseni gjeti edhe rrjetën vetë. Ai realizoi një gol spektakolar pas një asistimi nga shoku i skuadrës.

Megjithatë, avantazhi i krijuar nga skuadra e drejtuar prej Armand Damës nuk zgjati deri në fund. Mali i Zi shënoi dy herë dhe sfida miqësore përfundoi me rezultatin 2-2.

The post VIDEO/ Fabio Hyseni shkëlqen me Shqipërinë U-17, protagonist në të dy golat ndaj Malit të Zi appeared first on Albeu.com.