36-vjeçari që u arrestua pasi u kap me me pistoletë me fishek gati për qitje,  në Kamëz ka qenë i dënuar për vrasjen e këngëtarit Fabian Nikaj në vitin 2010

Nikaj u ekzekutua  në lagjen “Besëlidhja” në Lezhë vetëm pak metra larg komisariatit të policisë.

Të rinjtë kishin qenë duke diskutuar me tone të larta në një nga lokalet e Shëngjinit ndërsa molla e sherrit dyshohet se ka qenë një vajzë.

Më pas Erind Mrruku i cili dyshohet të ketë qenë i shoqëruar edhe nga disa djem të tjerë, ka ndjekur Nikajn me makinë deri në qytetin e Lezhës ku dhe e ka qëlluar me armë zjarri.

Kush ishte këngëtari, Fabian Nikaj:

Reperi i lindur dhe rritur në Milot të Shqipërisë, Fabian Nikaj, u bë i njohur për publikun në vitin 2007.

Ishte pikërisht festivali “Top Fest” edicioni i katërt, kur ai u prezantua me këngën “Të dua” në bashkëpunim me Samanta Karavellën.

Në atë kohë, kjo këngë ishte nga më të dëgjuarat për shkak të muzikës dhe ritmeve që për atë kohë ishte diçka e re.

Edhe pse nuk arritën të futeshin në finale, Fabiani dhe Samanta fituan zemrat e publikut.

The post U arrestua sot, kush është Erind Mrruku që vrau këngëtarin në vitin 2010, “mollë sherri’ një vajzë appeared first on Albeu.com.

36-vjeçari, banues në Kamëz, po lëvizte i armatosur në rrugën “Nënë Tereza”, në Kamëz.

Në kuadër të operacionit “Cancelled”, policia kreu kontroll ndaj Erind Mrrukut të cilit i gjeti një armë zjarri pistoletë me fishek në fole gati për qitje, krehër dhe municion luftarak.

Pas kontrollit në banesën e tij, forcat blu i gjetën një këllëf për mbajtjen e pistoletës, një palë dylbi, tre mjete prerëse, tre aparate celulare dhe një peshore për metale të çmuara, të cilat u sekuestruan në cilësinë e provës materiale, së bashku me armën e zjarrit dhe municionin luftarak.

Erind Mrruku, rezulton i dënuar më parë për vrasje, pasi ka vrarë në korrik 2010 Fabian Nikaj. 24 vjeçari ishte djalë i një biznesmeni nga Lezha dhe i kishte hyrë botës së muzikës si reper.  I riu njihej nga policia për precedentë penalë.

Në atë kohë, Mrruku 23 vjeç u vetëdorëzua në polici disa orë pasi kishte kryer krimin në plazhin e Shëngjinit, pas një konflikti të çastit. Viktima Nika në atë kohë ishte i dashuri i një këngëtareje të njohur.

Burime nga policia thonë se Erind Mrruku dyshohet si anëtarë i një grupi kriminal që vepron në Tiranë. Pasi u mor në pyetje, ai nuk ka pranuar të japë deklarime. Për shkak se arma ishte me fishek gati për qitje, policia dyshon se mund ta përdorte në ndonjë ngjarje.

The post Arma gati për qitje, arrestohet 36-vjeçari në Kamëz, 13 vite më parë vrau këngëtarin për një vajzë appeared first on Albeu.com.