Muajin e fundit ish-sulmuesi pati një periudhë të turbullt. Në dhjetor për herë të parë përfundoi në spital. Ish-futbollisti u soll në spital në mes të dhjetorit me një plagë me thikë në bark dhe një klavikulë të thyer.

Radioja uruguaiane FM Gente pretendon se Lavezzi është therur me thikë nga vëllai i tij.

Tre javë pas kësaj, ai e teproi me mbidozë dhe përfundoi në terapi intensive, ndërsa tani përfundoi në psikiatri.

“Ai po kalon një problem të ashpër dhe është pranuar në psikiatri, një institucion i shëndetit mendor, për herë të dytë në tre javë”, ka shkruar gazetari Fabrizio Romano.

Megjithatë, tani është vet Lavezzi, i cili ka folur shkurtimisht për situatën e tij.

“Është e vështirë. Por duhet ta bëj, duhet të rregulloj jetën dhe zakonet e mia. Duhet ta bëj për djalin tim”, ka thënë Lavezzi për L’Equipe.

Lavezzi ishte futbollisti më i paguar në botë. Ai fitoi mbi 20 milionë euro në Hebei të Kinës.

Në karrierën e tij, ai luajti për Estudiantes, San Lorenzo, Napoli dhe PSG, dhe ai bëri 51 paraqitje për Argjentinën dhe fitoi një medalje argjendi në Kupën e Botës 2014 në Brazil. /Telegrafi/

The post “Duhet të rregulloj jetën time”, dikur futbollisti më i paguar në botë flet pasi përfundoi në psikiatri appeared first on Albeu.com.

Pasi u shtrua dje në spitalin e Buenos Aires për shkak të mbidozës dhe ndodhet në terapi intensive, zbardhen detajet e situatës së tij të pabesueshme dhe gati tragjike.

Ish-lojtari i kombëtares së Argjentinës u dërgua në spital me një plagë thike në stomak dhe një klavikulë të thyer. Mediat e Amerikës së Jugut raportuan se Lavezzi u godit me thikë nga vëllai i tij. Gazetarja Estefi Berardi tani tregon se kjo nuk është e vërtetë. Më saktë, Lavezzi ka goditur veten me thikë.

“Lavezzi ishte në një festë, ku u bë shumë nervoz dhe filloi të sillej çuditërisht. Ai tha se dëgjoi zëra në kokën e tij, tha se po vinin për të dhe se po e godisnin. Ai ishte aq i frikësuar sa i kapi një palë gërshërë dhe filloi të godiste veten me thikë, më pas vëllai i tij reagoi dhe e shpëtoi, ka thënë Berardi.

Duke qenë se Ezequiel ishte plotësisht i çmendur dhe mund të kontrollohej vetëm duke ushtruar forcë të madhe fizike, ai përfundoi me një klavikulë të thyer. Gazetarja tregon gjithashtu se Lavezzi ishte i bindur se ish-bashkëshortja e tij Natali, donte të vriste atë.

Në fund të vitit 2016, Lavezzi ishte futbollisti më i paguar në botë. Ai fitonte mbi 20 milionë euro në vit në Hebei të Kinës. Në karrierën e tij, ai luajti për Estudiantes, San Lorenzo, Napoli dhe PSG, dhe për Argjentinën luajti 51 herë dhe fitoi një medalje argjendi në Kupën e Botës 2014. /Telegrafi/

The post U raportua se ishte therur me thikë nga i vëllai, zbulohet skandali që ka bërë Lavezzi appeared first on Albeu.com.

Në një raport të policisë thuhet se 38-vjeçari është plagosur në orën 5 të mëngjesit pasi ishte në një festë familjare. Ai u dërgua në spital së bashku me të dashurën e tij, Natalia Borges.

“Nuk dihet se si ka ardhur kjo plagosje”, thuhej në raportin e policisë. Por disa prova të tjera thonë që është i vëllait i Ezequiel që e ka goditur këtë të fundit me thikë.

Gjithçka ka ndodhur pas një zënke, e cila ka ardhur pasi të dy ishin nën efektin e alkoolit. /Newsport.al/

The post Ezequiel Lavezzi goditet me thikë nga vëllai i tij appeared first on Albeu.com.