Gjyqi është zhvilluar me dyer të mbyllura në një gjykatë në Jekaterinburg, në qytetin Ural. Mediat, miqtë, anëtarët e familjes, e as pjesëtarë të Ambasadës amerikane nuk u lejuan të marrin pjesë në seancat gjyqësore.

Gershkovich u arrestua më 29 mars 2023 gjatë një vizite për një reportazh që po kryente për Wall Street Journal dhe u akuza se tentoi të siguronte të dhëna të fshehta ushtarake.

Redaksia e lajmeve dhe Qeveria amerikane i hedhin poshtë këto akuza si të motivuara politikisht. Të dyja institucionet kanë deklaruar disa herë që Gershkovich, 32-vjeçar, ka qenë duke e bërë punën e tij.

Gazetari ka lindur në Amerikë nga prindër emigrantë nga ish-Bashkimi Sovjetik dhe është gazetari i parë amerikanë që arrestohet për akuzat për spiunazh në Rusi që prej Luftës së Ftohtë.

Ai rrezikon të dënohet me burgim deri në 20 vjet, nëse shpallet fajtor, gjë që është pothuajse e sigurt, shkruajnë mediat ndërkombëtare.

Autoritetet ruse nuk kanë dhënë asnjë dëshmi për t’i mbështetur akuzat ndaj tij për spiunazh. Një tjetër shtetase amerikane që aktualisht po mbahen prej autoriteteve ruse është edhe Alsu Kurmasheva, gazetare e Radio Evropa e Lirë.

Ajo u arrestua në tetor të vitit 2023 dhe akuzohet për shpërndarje të të pavërtetave për ushtrinë ruse.

Nëse dënohet, ajo do përballet me 10 vjet burgim. Autoritetet amerikane kanë thënë se Kurmasheva është arrestuar në shenjë hakmarrjeje për punën që ka bërë.

The post Gazetari amerikan Evan Gershkovich rrezikon 20 vjet burg, Rusia: Është spiun appeared first on Albeu.com.

Lavrov tha se SHBA-ja nuk duhet ta politizojë arrestimin.

Gazetari amerikan, Evan Gershkovich, u arrestua të premten me akuzën për spiunazh. Wall Street Journal i ka mohuar këto akuza.

Ministria e Jashtme e ruse konfirmoi të dielën se Blinkeni dhe Lavrovi diskutuan arrestimin e gazetarit amerikan, në një telefonatë që u iniciua nga SHBA-ja.

Departamenti amerikan i Shtetit tha se Blinkeni përcolli “shqetësim të madh për ndalimin e papranueshëm të një gazetari amerikan nga Rusia”.

Lavrov u përgjigj duke përsëritur pretendimet e Rusisë se Gershkovich u kap “në flagrancë duke u përpjekur të merrte informacion të klasifikuar” dhe se çështja e tij do të trajtohet nga gjykatat ruse, thuhet në një deklaratë të MPJ-së ruse.

Gjatë telefonatës, Blinkeni kërkoi gjithashtu lirimin e shtetasve të tjerë amerikanë të arrestuar në Rusi, duke përfshirë ish-marinsin amerikan, Paul Whelan, i cili gjithashtu mbahet nën akuzat për spiunazh për më shumë se pesë vjet.

Gershkovich, 31 vjeç, është korrespondent i njohur në Moskë i Wall Street Journal. Gazeta humbi çdo kontakt me të të mërkurën pasdite, pas së cilës u zbulua se ai u arrestua nga Shërbimi Federal i Sigurisë (FSB) – agjencia ruse për siguri dhe kundërzbulim që e ka pasuar agjencinë KGB të kohës sovjetike.

FSB pretendoi se kishte ndaluar “aktivitetet e paligjshme” dhe se gazetari ishte arrestuar “duke vepruar sipas udhëzimeve të SHBA-së”.

Spiunazhi në Rusi mund të dënohet deri në 20 vjetë burgim.

Arrestimi i Gershkovich është dënuar nga gazetarët në mbarë botën.

Në një letër drejtuar ambasadorit rus në SHBA, Anatoli Antenov, Komiteti për Mbrojtjen e Gazetarëve e quajti arrestimin e Gershkovich “të pajustifikuar dhe të padrejtë”.

Gershkovich është gazetari i parë i një mediumi amerikan që arrestohet me akuza për spiunazh në Rusi që nga Lufta e Ftohtë. Arrestimi i tij vjen mes tensioneve të shtuara midis Moskës dhe Uashingtonit shkaku i luftës në Ukrainë./REL/

The post Blinken telefonon Lavrovin, i kërkon lirimin e gazetarit amerikan appeared first on Albeu.com.

Shërbimi rus i sigurisë hapi dje një hetim spiunazhi ndaj gazetarit të Wall Street Journal, Evan Gershkovich, 31 vjeç – një krim që mbart një dënim deri në 20 vjet burg në Rusi – dhe një gjykatë vendosi shpejt se ai do të mbahej pas hekurave në pritje të rezultateve të tij.

WSJ i mohoi me forcë akuzat, të cilat sekretarja e shtypit e Shtëpisë së Bardhë i quajti “qesharake” dhe “të papranueshme”.

Karine Jean-Pierre tha në një konferencë shtypi: “Këto akuza për spiunazh janë qesharake. Trajtimi i qytetarëve amerikanë nga qeveria ruse është i papranueshëm. Ne dënojmë ndalimin e z. Gershkovich.”

Antony Blinken, Sekretari i Shtetit, shtoi: “Me termat më të fortë të mundshëm, ne dënojmë përpjekjet e vazhdueshme të Kremlinit për të frikësuar, shtypur dhe ndëshkuar gazetarët dhe zërat e shoqërisë civile.”

Kjo është hera e parë që një korrespondent i SHBA-së është arrestuar me akuza për spiunazh që nga Lufta e Ftohtë.

Analistët politikë perëndimorë spekuluan se Moska mund të kërkojë të shkëmbejë zotin Gershkovich në një shkëmbim të burgosurish me Uashingtonin ose ta përdorë atë si levë diplomatike.

Shërbimi rus i sigurisë pretendoi se ai “po vepronte sipas udhëzimeve nga pala amerikane për të mbledhur informacion në lidhje me aktivitetet e një prej ndërmarrjeve të kompleksit ushtarak-industrial rus që përbën një sekret shtetëror”.

“WSJ mohon me forcë akuzat nga FSB dhe kërkon lirimin e menjëhershëm të reporterit tonë të besuar dhe të përkushtuar, Evan Gershkovich”, tha gazeta. /albeu.com

The post Arrestimi i gazetarit amerikan në Moskë, reagon Shtëpia e Bardhë: E papranueshme! appeared first on Albeu.com.

Gershkovich i tha gjykatës se ai nuk ishte fajtor për spiunazh, raporton agjencia shtetërore e lajmeve Tass.

Gjykata ka urdhëruar që Gershkoviç të mbahet në paraburgim për gati dy muaj deri më 29 maj, sipas një dokumenti gjyqësor.

Një avokat që përfaqësonte Gershkovich nuk u lejua të marrë pjesë në seancë, sipas Tass.

“Ata më thanë se tashmë kanë një avokat të caktuar”, tha avokati, sipas Natasha Bertrand të CNN. /albeu.com

The post U arrestua për spiunazh, gjykata ruse lë në burg gazetarin e Wall Street Journal appeared first on Albeu.com.

Gershkovich, i cili ishte në Rusi për të mbuluar luftën e vazhdueshme në Ukrainë, “dyshohet për spiunazh në interes të qeverisë amerikane”, tha në një deklaratë shërbimi i sigurisë i njohur si FSB, raportoi Interfax.

FSB tha se kishte “ndaluar aktivitetet e paligjshme të shtetasit amerikan Gershkovich Evan, i lindur në vitin 1991, korrespondent i zyrës së Moskës të gazetës amerikane The Wall Street Journal, i akredituar në Ministrinë e Jashtme ruse, i cili dyshohet se ka spiunuar për interesa të qeverisë amerikane”.

Ata shtuan se reporteri amerikan “mblodhi informacion që përbën një sekret shtetëror në lidhje me aktivitetet e një prej ndërmarrjeve të kompleksit ushtarak-industrial rus”.

Sipas Moscow Times, eksperti i PR Yaroslav Shirshikov tha në aplikacionin e mesazheve Telegram se ai mori një telefonatë gjatë natës nga një punonjës i WSJ, i cili nuk kishte mundur të kontaktonte zotin Gershkovich.

“Ai (Gershkovich) ishte online dje rreth orës 15:00 për herë të fundit. Ai organizoi të bënte një intervistë me mua”, citohet të ketë thënë Shirshikov. /albeu.com

The post Arrestohet gazetari i “Wall Street Journal” në Rusi: Spiunonte për qeverinë amerikane appeared first on Albeu.com.