Shkak u bë një rrjedhje masive gazi nga fabrika e tregtim ambalazhimit të gazit që ndodhet në këtë zonë të banuar.

Çlirimi i gazit shkaktoi ndotje të ajrit në një rreze të gjerë, si dhe probleme shëndetësore te mjaft banorë dhe nxënës të shkollës.

Dalja jashtë funksionit e një valvule sigurie të presionit të lartë gjatë kohës kur po ngarkohej gaz nga depozita në një autobot të kompanisë e ka nxjerrë situatën jashtë kontrollit të stafit të fabrikës.

Shërbimet e policisë, zjarrfikësve dhe autoambulanca kanë qenë në gatishmëri për orë të tëra, ndërsa është vendosur perimetri i sigurisë për orë të tëra, pasi ndërhyrja ka qenë e vështirë.

Drejtues të policisë dhe shërbimit zjarrfikës kanë qenë në vendngjarje për të qetësuar banorët e paktë që kanë mbetur në zonë dhe protestuar duke kërkuar mbylljen e fabrikës.

Kjo është një ngjarje e përsëritur, që ka rënduar më tej bashkëjetesën e vështirë mes banorëve dhe fabrikës. Disa muaj më parë, më 18 qershor, në fabrikë ra një zjarr, që ccoi në evakuimin e zonës përreth nga banorët, të cilët më pas nisën protestat në mbrojtje të jetës e shëndetit, por pa marrë një përgjigje nga autoritetet dhe fabrika./tch

The post Prag tragjedie në Porto Romano! Rrjedhje gazi në një fabrikë, evakuohen të gjithë banorët e zonës appeared first on Albeu.com.

Tajfuni Nanmadol ka sjellë erëra prej të paktën 180 km/h (112 mph) dhe në disa zona mund të ketë 500 mm (20 inç) reshje gjatë të dielës dhe të hënës.

Të paktën katër milionë njerëzve u është thënë të evakuojnë shtëpitë e tyre pasi priten përmbytje të mëdha dhe rrëshqitje dheu, ndërsa shërbimet e trenave me plumb, tragetet dhe qindra fluturime janë anuluar.

Kyushu është më jugori nga katër ishujt që përbëjnë pjesën kryesore të Japonisë dhe ka një popullsi prej më shumë se 13 milionë njerëz.

Agjencia Meteorologjike e Japonisë tha se Nanmadol do të sillte shira të rrëmbyeshëm, stuhi përgjatë bregdetit dhe erëra aq të fuqishme sa që ekzistonte rreziku që shtëpitë mund të shemben.

Ai pritet të shkojë lart përmes Japonisë qendrore drejt Tokios gjatë ditëve në vijim dhe të ruajë pjesën më të madhe të fuqisë së tij ndërsa lëviz./albeu.com

The post Tajfuni shkatërrimtar godet Japoninë, miliona banorë po evakuohen (VIDEO) appeared first on Albeu.com.

Nelson, që gjendet në brigjet e Ishullit të Jugut, është goditur më së rëndi nga moti i keq dhe mbi 400 persona janë evakuuar, pasi kjo hapësirë është shpallur e pabanueshme për shkak të kushteve atmosferike.

“Shkatërrimet që pash në Nelson ishin të tmerrshme dhe mendoj se do të duhen vite që kjo pjesë të rimëkëmbet”, tha Alec Louverdis, koordinator i ekipit për Mbrojtje Civile në Nelson.

Ai tha se në këtë zonë ka rrëshqitje të mëdha të dheut.

Meteorologët thanë se Nelson është përballur me 172 milimetra shi që prej të martës, që është dyfishi i mesatares së reshjeve të shiut që rëndom bien në gusht. Po ashtu, edhe të shtunën, më 20 gusht, Nelson pritet të përballet me stuhi shiu.

Banorët e Nelsonit janë udhëzuar që të kursejnë ujin për shkak të problemeve që janë shfaqur në sistemin e ujësjellësit të qytetit.

Shërbimet e mbrojtjes civile kanë paralajmëruar qytetarët që të qëndrojnë larg bregdetit, për shkak se në disa plazhe valët e detit po arrijnë në lartësi deri në 3 metra.

Forcat e Mbrojtjes së Zelandës së Re po ndihmojnë në evakuime dhe në parandalimin e vërshimeve.

Zelanda e Re për javë të tëra është përballur me mot të paqëndrueshëm. Ekspertët thonë se stuhitë e shiut janë shkaktuar nga një rrymë atmosferike që ka goditur vendin.

Shirat e rrëmbyeshëm po ashtu kanë goditur Ishullin Verior të Zelandës së Re gjatë 24 orëve të fundit, duke bërë që disa qytete të mbesin pa energji elektrike dhe duke përmbytur disa shtëpi. Edhe nga ky ishull po evakuohen banorët.

Mot me shi në Zelandën e Re parashikohet që të mbretërojë deri në orët e vona të së premtes./REL/

The post Shira të rrëmbyeshëm në Zelandën e Re, evakuohen banorët appeared first on Albeu.com.

Zjarri i dhunshëm, i cili shpërtheu jo shumë larg parkut Yosemite ka detyruar evakuimin e mijëra njerëzve dhe po i mban zjarrfikësit ditë e natë në përpjekje për ta frenuar atë.

Falë temperaturave të larta dhe lagështisë së ulët, flakët u shtuan në mënyrë dramatike në 24 orë, duke kaluar nga një sipërfaqe prej 647 hektarësh në një nga 4815.

“Zjarri po lëviz me shpejtësi dhe është rritur ndjeshëm”, raportojnë zjarrfikësit në përditësimin e fundit, duke pranuar vështirësitë në shuarjen e tij. Më shumë se 400 zjarrfikës, 40 helikopterë dhe 45 kamionë janë vendosur aktualisht në këtë zonë./albeu.com

The post Zjarre masive në Kaliforni, evakuohen mijëra banorë (FOTO LAJM) appeared first on Albeu.com.

Sipas Portothema, në vendngjarje kanë shkuar forcat zjarrëfikëse, ndërkohë që kryetari i Bashkisë ka bërë thirrje për evakuimin e një pjese të banorëve, për të ulur sa më shumë rrezikun.

“Kryetari dhe Këshilli i Komunës së Soronit kërkojnë nga banorët që të evakuojnë menjëherë fshatin e vjetër për shkak të një zjarri që po i afrohet vendbanimit. Posaçërisht duhet të ndihmohen edhe të moshuarit, nga ata që mund të ndihmojnë”.-thuhet njoftim.

The post Zjarr i madh në Rodos të Greqisë, flakët favorizohen nga era, nis evakuimi i banorëve appeared first on Albeu.com.