Në disa fotografi të publikuara në rrjetet sociale është parë ishulli i përfshirë nga flakët.

Urdhri në këtë ishull vjen pasi rreth 19.000 persona janë evakuuar nga ishulli tjetër grek Rodos, që është përfshirë, po ashtu, nga zjarret.

Shumë persona janë detyruar të ikin nga hotelet, pasi zjarret kanë vazhduar të përhapen nga qendra e ishullit grek.

Greqia ka regjistruar ditëve të fundit temperaturë mbi 40 gradë Celsius dhe për pasojë në disa zona janë përhapur zjarret.

Presidenca greke ka thënë se plani që e hëna të shpallet festë kombëtare, tani është anuluar, si pasojë e “kushteve të jashtëzakonshme në shtet, për shkak të zjarreve”.

Korfuzi – që gjendet në Detin Jon, në veriperëndim të Greqisë – është destinacion i vizituar shumë nga turistët, kryesisht ata britanikë.

The post Korfuzi, tjetër ishull grek që lëshon urdhër për evakuim appeared first on Albeu.com.

Zgjatja, për 72 orë të tjera, pason përpjekjet intensive diplomatike nga vendet fqinje, si dhe SHBA, Mbretëria e Bashkuar dhe OKB.

Por ka raporte të vazhdueshme për luftime të ashpra në kryeqytetin Khartoum.

Luftimet janë raportuar gjithashtu në rajonin perëndimor të Darfurit dhe provinca të tjera.

Të paktën 512 njerëz janë vrarë në luftime dhe pothuajse 4200 janë plagosur, megjithëse numri real i vdekjeve mund të jetë shumë më i lartë.

Organizata Botërore e Shëndetësisë tha se priste të kishte “shumë më shumë” vdekje për shkak të shpërthimeve të sëmundjeve dhe mungesës së shërbimeve.

Zyrtarët shëndetësorë thonë se shumica e spitaleve në zonat e konfliktit nuk funksionojnë dhe më shumë se 60% e objekteve shëndetësore në Khartoum janë joaktive.

Kujtojmë se luftimet shpërthyen më 15 prill si rezultat i një lufte të ashpër për pushtet midis ushtrisë së rregullt dhe RSF.

Komandanti i ushtrisë, gjenerali Abdel Fattah al-Burhan dhe shefi i RSF-së, gjenerali Mohamed Hamdan Dagalo, i njohur si Hemedti, nuk pajtohen rreth lëvizjes së propozuar të vendit drejt sundimit civil, dhe në veçanti rreth kornizës kohore të përfshirjes së 100,000 RSF-ve në ushtri.

Të dy fraksionet kanë frikë nga humbja e pushtetit në Sudan, sepse në të dyja palët ka burra që mund të përfundojnë në Gjykatën Penale Ndërkombëtare për krimet e luftës të kryera në Darfur pothuajse 20 vjet më parë./albeu.com

The post Zgjatet armëpushimi në Sudan, por luftimet vazhdojnë appeared first on Albeu.com.

Në Sudan ka filluar një armëpushim 72 orësh. Ndërkohë që shtetet perëndimore shpresojnë respektimin e tij vazhdon me ritëm të shpejtë evakuimi i qytetarëve europianë nga Sudani. Bundeswehr koordinon tanimë fluturimet.

Natën e së martës ka filluar një armëpushim 72 orësh mes palëve në konflikt në Sudan. Nuk janë bërë të ditur shkëmbime të mëdha zjarri, por për shkak se armpëushimet e fundit nuk janë respektuar ka dyshime nëse ai do të jetë i qëndrueshëm.

Sekretari i Departamentit Amerikan të Shtetit, Antony Blinken e bëri të ditur armëpushimin. Të hënën Blinken ishte shprehur, se forcat e armatosura sudaneze dhe forcat paramilitare rivalizuese, Rapid Support Forces, RSF kishin rënë në ujdi për një armëpushim 72 orësh në të gjithë vendin. RSF e konfirmoi armëpushimin dhe bëri të ditur krijimin e korridoreve humanitare për t’u mundësuar civilëve qasjen në kujdesin shëndetësor dhe zonat e mbrojtura si edhe evakuimin e diplomatëve të huaj. Edhe më parë ka pasur njoftime për armpushim, por ato nuk janë respektuar. Luftimet ndërprenë edhe një armëpushim gjatë festimeve të Ditës së Fiter Bajramit.

Bundeswehri drejton fluturimet ndërkombëtare të evakuimit

Në një kohë që të hënën vazhdonin luftime të ashpra mes palëve në konflikt, evakuimet kanë vazhduar. Gjermania ka marrë aktualisht nga Franca përgjegjësinë për koordinimin e fluturimeve të evakuimit. Bundeswehr është tani përgjegjës për lëvizjet e fluturimit, tha një zëdhënës i komandos së drejtimit të misionit. Bëhet fjalë për rregullimin e kohës së fluturimit dhe funksionimin në aeroportin ushtarak të Khartumit. Ministri gjerman i Mbrojtjes, Boris Pistorius bëri fjalë për “një sukses vërtet të madh në një kohë të shkurtër” dhe shikon të konfirmuar besimin e tij tek trupa gjermane. Aviacioni luftarak gjerman ka evakuuar rreth 500 vetë, përfshirë edhe evakuimin e 100 personave të tjerë të martën.

Disa shtete perëndimore filluan në fundjavë me evakuiimin e qytetarëve të tyre dhe të huajve të tjerë nga Sudani. Franca praktikisht e ka përmbyllur misionin e evakuiimit. Sipas të dhënave të të ngarkuarit të BE për politikën e jashtme, Josep Borrell deri të hënën pasdite ishin evakuuar 1000 qytetarë, priten ende të tjerë. Sipas Ministrisë së Jashtme gjermane ende ka qytetarë gjermanë në Sudan. Numri i tyre nuk dihet saktë, “për shkak se disa nuk mund t’i arrijmë përmes telefonit në këtë moment”, tha një zëdhënës i ministrisë.

SHBA angazhohen për fundin e luftimeve

Drejtori i komunikimit të Këshillit Kombëtar të Sigurisë, John Kirby tha për televizionin, CNN, se që nga fillimi i luftimeve ka pasur një kontakt të ngushtë me drejtuesit e të dy palëve në konflikt për të arritur një armëpushim të qëndrueshëm. Tani duhet që armëpushimi aktual të respektohet. Kurse Sekretari Amerikan i Shtetit, Blinken tha se për të arritur një paqe të qëndrueshme, SHBA duan të koordinojnë qëndrimet me partnerët rajonalë dhe ndërkombëtarë si edhe palët në Sudan- Pritet krijimi i një komisioni që do të merret me negociatat për fundin e luftimeve dhe mbikqyrjen e tyre. Edhe Këshilli i Sigurimit të OKB-së në një seancë urgjente do të konsultohet për gjendjen në Sudan të martën në mbrëmje./dw

The post Armëpushim në Sudan: Vazhdojnë intensivisht evakuimet appeared first on Albeu.com.

SHBA dhe Britania e Madhe njoftuan të dielën se kishin larguar diplomatët jashtë vendit.

Franca, Gjermania, Italia dhe Spanja janë ndër vendet e tjera që gjithashtu kryen evakuime.

Një luftë e egër për pushtet midis ushtrisë së rregullt dhe një force të fuqishme paraushtarake ka çuar në dhunë në të gjithë vendin.

Autoritetet amerikane thanë se kishin transportuar më pak se 100 persona me tre helikopterë Chinook të dielën në mëngjes në një operacion “të shpejtë dhe të pastër”.

Ambasada e SHBA në Khartoum tani është e mbyllur dhe një postim në Twitter në burimin e saj zyrtar thotë se nuk është mjaft e sigurt që qeveria të evakuojë qytetarët amerikanë.

Qeveria e Mbretërisë së Bashkuar arriti të largonte diplomatët britanikë dhe familjet e tyre jashtë vendit në atë që u përshkrua si një operacion “kompleks dhe i shpejtë”. Ministri i Jashtëm James Cleverly tha se opsionet për të evakuuar shtetasit e mbetur britanikë në Sudan ishin “shumë të kufizuara”.

Disa vende të tjera po kryenin operacione evakuimi të dielën:

-Presidenti francez Emmanuel Macron konfirmoi se një aeroplan kishte mbërritur në Xhibuti me shtetas francezë dhe të tjerë të dielën.

-Një pjesë e vogël e qytetarëve holandezë u larguan nga Khartoum me aeroplanin francez dhe Holanda shpresonte të transportonte më shumë qytetarë jashtë të dielën në mbrëmje.

-Ushtria gjermane tha se i pari nga tre avionët ishte nisur nga Sudani, me destinacion Jordaninë, me 101 persona në bord.

-Italia dhe Spanja kanë evakuuar qytetarët – misioni spanjoll përfshinte shtetas nga Argjentina, Kolumbia, Irlanda, Portugalia, Polonia, Meksika, Venezuela dhe Sudani

-Kryeministri kanadez Justin Trudeau tha se qeveria e tij kishte evakuuar stafin diplomatik

Vende të tjera evakuuan me sukses njerëzit të shtunën. Më shumë se 150 persona, kryesisht qytetarë të vendeve të Gjirit, si dhe Egjiptit, Pakistanit dhe Kanadasë u evakuuan nga deti në portin e Arabisë Saudite të Jeddah.

Ka pasur thirrje të dëshpëruara për ndihmë nga shumë studentë të huaj, nga Afrika, Azia dhe Lindja e Mesme,  të cilët janë gjithashtu të bllokuar në Khartoum, një qytet me rreth gjashtë milionë banorë.

Ndërkohë, ka raporte se lidhja e internetit ka rënë pothuajse totalisht në Sudan, gjë që mund të pengojë seriozisht koordinimin e ndihmës për të bllokuarit në Khartoum dhe qytete të tjera.

Lufta për pushtet ka parë bombardime të rënda në kryeqytet, me qindra të vrarë dhe mijëra të tjerë të plagosur./albeu.com

The post Lufta për pushtet në Sudan: Evakuohen diplomatët dhe shtetasit e huaj appeared first on Albeu.com.

Autoritetet kanë ngritur nivelin e paralajmërimit nga vullkani në nivelin më të lartë, që do të thotë se aktiviteti vullkanik është përshkallëzuar.

Deri më tani nuk është raportuar për të lënduar, por pothuajse 2.000 persona janë evakuuar nga zona afër vullkanit.

Banorëve u është bërë thirrje që të qëndrojnë të paktën 8 kilometra larg vullkanit, pasi “valë të nxehta” të llavës po vazhdojnë të derdhen nga Semeru.

Ngritja në nivelin katër të rrezikut nënkupton se shtëpitë e banorëve janë në rrezik, tha një zëdhënës i Qendrës së Vullkanologjisë dhe Gjeologjisë së Indonezisë.

Për shkak të shiut dhe hirit vullkanik, nga fshatrat përreth janë evakuuar 1.969 persona, tha Agjencia Kombëtare për Fatkeqësi e Indonezisë. Kjo agjenci tha se të paktën gjashtë fshatra janë prekur.

Pas shpërthimit të vullkanit, Japonia lëshoi paralajmërim për cunami në ishujt e saj në jug.

Vullkani Semeru nisi shpërthimin në orën 02:46, sipas kohës lokale.

Indonezia gjendet në “Unazën e Zjarrit”, ku ndeshen dy pllaka tektonike dhe vendi shpesh përballet me tërmete dhe ka aktivitet të lartë vullkanik.

Semeru – i njohur edhe si Mali i Madh – është vullkani më i lartë në Java, pasi gjendet në 3.676 metra lartësi dhe është një prej vullkaneve më aktiv. Vitin e kaluar ky vullkan shpërtheu, duke lënë të vdekur të paktën 50 persona./REL

The post Evakuime pas shpërthimit të vullkanit në Indonezi appeared first on Albeu.com.

Por, si paraqitet situata sot në të gjithë vendin?

Qarku Lezhë

Sot situata është rënduar, ka sipërfaqe të mëdha të mbuluar me ujë, në  fshatrat Mabe, Piraj, Gjadër te NJA Dajç dhe Torovicë e NJA Blldren .

Sipas të dhënave nga strukturat e MC të bashkive Lezhë, Kurbin dhe Mirditë  sasia e reshjeve të rëna  për 2 ditët e fundit ka qenë 212 mm.

Vetëm për 24 orët e fundit nga dje në mëngjes  deri tani ka rënë 82 mm  shi .

Lumi Gjadër dhe Drin janë  mbushur dhe tërheqja e ujit bëhet shume ngadalë  por nuk kane dale nga shtrati .

Kuota e lumit Drin është +1m nga +2 që është kuota kritike.

Lumi Mat ka rritur prurjet por pa krijuar problem.

Sipërfaqe të përmbytura kemi në njësinë administrative Dajç dhe Blinisht rreth 700ha, ndërsa në njësinë administrative Balldre rreth 500ha.

Në njësinë administrative Dajç bashkia Lezhë, në fshatin Gajdër kemi 15 banesë në ujë dhe ura e Zojsit është e pakalueshme. Në fshatin Zojs kemi 5 banesa në ujë.

Në njësinë administrative Balldre, fshati Kakarriq kemi 3 banesa në ujë.

Qarku Dibër

Situata në Qarkun e Dibrës është e qetë, ka pasur reshje të shumta shiu dhe stuhi gjatë natës. Sipas stacioneve lokale të instaluar në HEC-et e vogla gjatë 24 orëve kanë rënë mbi 190 mm shi. Nuk ka patur probleme në Rrugën e Arbrit.

Gjatë natës ka pasur rënie gurësh në aksin Milot-Burrel në afërsi të tunelit të Shkopetit, ku është bllokuar rruga.

Ndërhyrja e kompanisë mirëmbajtëse Alko Impex ka qenë me vonesë, dhe rruga është bërë e kalueshme në një sens vetëm pas mesnatës. Deri tani nuk raportohen problematika. Emergjencat Civile janë në terren dhe po marrin kontakte me banorët e zonave të thella. Probleme me energjinë elektrike ka pasur në disa zona.

Qarku Vlorë

Situata në Vlorë gjatë mëngjesit të kësaj të hëne relativisht e qetë. Probleme ka me energjinë elektrike në disa zona si Babice, Rradhime, Dukat e Llogara Ku ka patur ndërprerje të shpeshta. Ndërkohe vijon i pezulluar lundrimi detar ndërsa ka patur edhe pemë të rrezuara në pyllin e Sodës por pa krijuar probleme në qarkullim.

Qarku Kukës

I gjithë territori i Qarkut Kukës vazhdon të jetë i përfshirë nga reshje shiu me intensitet mesatar.

Nga informacioni i marrë nga terreni rezulton se

Rrugët nacionale janë të qarkullueshme normalisht.

Ka patur rënie inertesh dhe gurësh si dhe bllokime tumbinosh nga sbjektet kontraktore është punuar gjatë gjithë kohës për pastrimin dhe mbajtjen funksionale të tyre.

Rrugët bashkia janë të qarkullueshme, përveç rrugës që lidh fshatin Shipshan me rrugën nacionale bashkia Tropojë si rezultat i rrëshqitjes së dherave .

Në rrugën që lidh lagjen Balshaj të fshatit Tropojë e Vjetër   si rezultat i prurjeve të mëdha të përroit rrezikohet një urë.

Është një urë në fshatin Kepenek dhe një  në fshatin Zogaj të Nj.Ad Bytyq bashkia Tropojë të cilat paraqesin problematika.

Rezervuaret janë në monitorim në të gjithë Qarkun, përveç rezervuarit në fshatin Zherkë Nj.Ad Bytyq bashkia Tropojë i cili ka shembje dige dhe mbushje në ekstrem si rezultat i prurjeve të medha.

Nga bashkia Tropojë janë marrë masat për evakuimin e familjeve të rrezikuara.

Furnizimi me energji elektrike është normal përveç fshatrave Pistë, Mgull, Qam dhe Gëdheshtë bashkia Kukës,  fshati Vranisht Nj.Ad Fajza bashkia Has,  fshatrat Dragobi,  Valbonë Nj.Ad Margegaj , fshati Llugaj Nj.Ad Llugaj, fshati Berishë Nj.Ad Bytyq dhe Nj.Ad Lekbibaj bashkia Tropojë.

Furnizimi me ujë të pijshëm është normal.

Qarku Durrës

Reshjet e shiut kanë shkaktuar përmbytje në Durrës. 10 familje ne zonën e ish kënetës janë izoluar nga uji. Ndërkohë parashikohet që nga momenti në moment, të dali nga shtrati lumi Erzen.

Qarku Shkodër

Nga bilaci i ditës së sotme, në Shkodër, siperfaqe totale e përmbytur 1855Ha. Janë 30 familje të evakuara, gjithsej 130 persona. Të akomoduar në konvikt 2 familje ( 7 persona), ndërsa pjesa tjetër tek të afërmit . Shtëpi me prezencë uji në oborre dhe ne brendësi të banesave gjithsej 482 banesa./albeu.com

The post Si paraqitet situata në të gjithë vendin pas reshjeve të shiut; Dhjetëra banesa të përmbytura dhe qindra banorë të evakuuar appeared first on Albeu.com.

Kësaj thirrjeje i është bashkuar më vonë zëvendëskryeministri rus, Marat Khusnullin, përmes një mesazhi në televizionin shtetëror.

Ukraina hedh poshtë akuzat se shënjestron civilët e saj. Trupat e saj ushtarake kanë çliruar së fundi disa zona në veriperëndim të Hersonit, dhe i janë afruar qendrës. “Qeveria ka marrë vendim për të organizuar ndihmë për largimin e banorëve nga rajoni i Hersonit për në rajonet tjera të shtetit”, ka thënë Khusnullin.

“Ne do t’i ofrojmë secilit akomodim të lirë dhe gjithçka që është e nevojshme”. Në mesin e armëve tjera, Kievi ka përdorur sistemet raketore amerikane, HIMARS, duke goditur me to shënjestrat ushtarake ruse. Hersoni është kryeqyteti i vetëm rajonal që ka rënë nën kontrollin e forcave ruse prej nisjes së luftës në Ukrainë më 24 shkurt. Më herët gjatë këtij muaji, presidenti rus, Vladimir Putin ka shpallur aneksimin e katër rajoneve ukrainase: Herson, Zaporizhja, Donjeck dhe Luhansk.

Ukraina dhe Perëndimi e kanë dënuar këtë hap, duke thënë se është në kundërshtim me ligjin ndërkombëtar. Për më shumë, Rusia nuk kontrollon në tërësi këto rajone. Presidenti Putin e quan luftën si “operacion special ushtarak” për të çmilitarizuar Ukrainën. Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra. Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL

The post Avancimeve ukrainase, Rusia pritet të evakuojë civilët nga Hersoni appeared first on Albeu.com.

“U bëjmë thirrje banorëve që janë pranë vatrave të zjarrit të evakuohen në rast se kjo u kërkohet nga autoritetet”, shkuan ndër të tjera ministri.

Postimi i Niko Peleshit:

Kushtet atmosferike, era e fortë në disa raste po vështirësojnë punën e forcave operacioneve në terren, në përballje me zjarret. Problematike është situata në fshatin Dushkarak në bashkinë Selenicë, ku po ndërhyn nga ajri helikopteri i Forcës Ajrore. U bëjmë thirrje banorëve që janë pranë vatrave të zjarrit të evakuohen në rast se kjo u kërkohet nga autoritetet.

Nga toka dhe nga ajri po punohet edhe në fshatin Mal Bardhë, në Kurbin. Efektivë të FA janë angazhuar për shuarjen e flakëve në fshatin Vilzë e Bërdicë të Shkodrës, apo edhe në Lam i madh, Bashkia Mat.

The post Zjarret, Niko Peleshi gjen justifikime për situatën e dalë nga kontrolli: Era po na e vështirëson punën, evakuohuni nëse ju kërkohet appeared first on Albeu.com.

Ata thanë se shumica e të evakuuarve ishin në Zaporizhzhia, ku po marrin ndihmë humanitare.

“Falë operacionit, 101 gra, burra, fëmijë dhe persona të moshuar më në fund mund të largoheshin nga bunkerët poshtë Azovstalsteelworks dhe të shihnin dritën e ditës pas dy muajsh,” tha OsnatLubrani, koordinatori humanitar i OKB-së për Ukrainën.

Komiteti Ndërkombëtar i Kryqit të Kuq, i përfshirë gjithashtu në operacionin e kalimit të sigurt, konfirmoi gjithashtu se njerëzit nga zona e uzinës Mariupol kishin arritur në Zaporizhzhia të martën.

Midis tyre ka edhe disa të plagosur, thuhet në një deklaratë./albeu.com

The post OKB konfirmon evakuimin e 100 personave nga fabrika e çelikut appeared first on Albeu.com.

Ukraina “gati”: Gjatë një fjalimi të dielën mbrëma drejtuar kombit, presidenti ukrainas Volodymyr Zelensky paralajmëroi se Rusia do të nisë veprime luftarake në shkallë të plotë në lindje, por ai tha se “ne jemi gati”. Zelensky gjithashtu akuzoi udhëheqjen ruse për “mashtrim” në një përpjekje për të zhvendosur përgjegjësinë për luftën. “Ata kanë shkatërruar jetët e miliona njerëzve. Ata filluan një luftë në shkallë të gjerë dhe sillen sikur ne jemi fajtorë për këtë”, tha ai.

Sulmi në stacionin e trenit: Numri i të vdekurve është rritur në 57 nga një sulm me raketa ruse të premten në një stacion hekurudhor në Kramatorsk që po përdorej nga civilët që përpiqeshin të largoheshin nga luftimet. Operacionet e pastrimit në vend kanë filluar, me punëtorët që mbledhin mbeturina, dokumente të shpërndara dhe mbetje njerëzore.

Bisedimet Rusi-Ukrainë: Ministri i Jashtëm i Ukrainës Dmytro Kuleba tha të dielën se do të ishte “jashtëzakonisht e vështirë” të mendohej edhe për negociatat pas mizorive ruse, duke përmendur Kramatorsk dhe qytetin e Bucha, ku kryebashkiaku vlerëson se rreth 300 njerëz vdiqën nën pushtimin rus. Megjithatë, tha Kuleba, nëse bisedimet mund të ndihmojnë në parandalimin e masakrave, duhet të shfrytëzohen si mundësi.

Korridoret e evakuimit: Nëntë rrugë evakuimi u ranë dakord për të dielën, duke përfshirë rajonet e Donetsk, Luhansk dhe Zaporizhzhia.

Gjenerali i ri: Presidenti rus Vladimir Putin ka emëruar një gjeneral të ri për të drejtuar luftën pasi trupat nuk arritën të merrnin Kievin, sipas zyrtarëve amerikanë dhe evropianë. Gjenerali i ri ishte komandanti i parë i operacioneve ushtarake të Rusisë në Siri, pasi Putin dërgoi trupa atje në shtator 2015 për të mbështetur regjimin sirian. Nën komandën e gjeneralit, avionët rusë rrethuan Alepon lindore të kontrolluar nga rebelët, duke shkaktuar viktima të mëdha civile.

Ndryshimi i centralit bërthamor: Stafi në termocentralin bërthamor të Çernobilit ka kryer vetëm rotacionin e dytë që nga fillimi i pushtimit. Forcat ruse u tërhoqën nga uzina më 31 mars dhe tani është nën kontrollin e Ukrainës, por rusët lanë laboratorët dhe pajisjet e shkatërruara dhe të plaçkitura, thonë autoritetet./albeu.com

The post Lufta në Ukrainë, këto janë zhvillimet e orëve të fundit appeared first on Albeu.com.